သဲကန္တာရအလယ်က စိမ်းစိုနေတဲ့အိုအေဆစ် (သို့) မင်းသားဥယျာဉ်
ခြောက်သွေ့လွန်းတဲ့ သဲကန္တာရလယ်မှာ စိမ်းလန်းစိုပြေတဲ့ အိုအေဆစ်လေးလို ဖြစ်နေတာကြောင့် အီရန်နိုင်ငံရဲ့ ရှာဒါဥယျာဉ်က ကျော်ကြားပါတယ်။ ရှာဒါဥယျာဉ်ကို မင်းသားလေးရဲ့ဥယျာဉ်လို့လည်း လူသိများပါတယ်။ ကာမန်ပြည်နယ်၊ မာဟန်မြို့ကနေ ၆ ကီလိုမီတာ ကွာဝေးတဲ့နေရာမှာ တည်ရှိပြီး ၁၉ ရာစုနှောင်းပိုင်း၊ ကာဂျာမင်းဆက်လက်ထက်မှာ တည်ဆောက်ခဲ့တဲ့ သမိုင်းဝင်ပါရှန်းဥယျာဉ် ဖြစ်ပါတယ်။
လေးထောင့်စပ်စပ် ပုံသဏ္ဍာန်ရှိပြီး ကျောက်သားနံရံတွေက အိုအေဆစ်လေးကို သဲကန္တာရနဲ့ ပိုင်းခြားပေးထားသလိုပါပဲ။ ဝေဟင်ကနေ ရိုက်ထားတဲ့ဓာတ်ပုံတွေမှာ ရှာဒါဥယျာဉ်က ပိုပြီးစိတ်ဝင်စားစရာကောင်းပါတယ်။ အပြောကျယ်တဲ့ သဲကန္တာရအလယ်မှာ သူ့တစ်နေရာလေးပဲ စိမ်းစိုနေတာပါ။ ၅.၅ ဟက်တာကျယ်ဝန်းပြီး စိမ်းလန်းနေတဲ့ သစ်ပင်တွေ၊ ရေပန်းတွေ၊ ရေကန်တွေ၊ ဗိသုကာလက်ရာတွေကြောင့် ကမ္ဘာတစ်ဝန်းက ဧည့်သည်တွေ လာရောက်လေ့ရှိတဲ့ နေရာတစ်ခုလည်း ဖြစ်ပါတယ်။
ရေပန်း ၅ ခုရှိပြီး မြေအောက်ရေသွယ်ပြွန်တွေကတစ်ဆင့် ရေတွင်းထဲက ရေကို သွယ်ယူထားတာပါ။ ၂၀၁၁ ခုနှစ်ကစပြီး ယူနက်စကိုရဲ့ ကမ္ဘာ့ယဉ်ကျေးမှု အမွေအနှစ်စာရင်းဝင်ခဲ့တာပါ။
Ref:Iran’s Shazdeh Garden – A Stunning Green Oasis in the Middle of a Desert
