❝ တစ်ဘဝ တစ်ခါ ❞
တစ်သက်မှာတစ်ခါပဲရတဲ့အခွင့်အရေးနဲ့
မင်းကို ငါချစ်တယ် …
ဒါဟာဝဋ်ကြွေးတစ်ခုဆိုရင်
အဲ့ဒီဝဋ်ကြွေးကို ငါကျေနပ်တယ်။
ဘယ်နတ်ဘုရားကပဲ စေခိုင်းပါစေ …
ဘဝမှာတစ်ခါပဲရွေးချယ်ခွင့်ရှိရင်တောင်
မင်းရှိရာအရပ်ကို ငါရွေးမယ်။
ငါ့ရဲ့ရွေးချယ်မှု လွဲမှားခဲ့ရင် …
ကမ္ဘာကြီးက ပြောင်းလဲခဲ့ရင် …
မေတ္တာတရားက ကျောသား၊ ရင်သားခွဲခြားခဲ့ရင် …
ငါတို့ဟာ မဆုံနိုင်တဲ့မျဉ်းဖြောင့်နှစ်ကြောင်းဖြစ်ခဲ့ရင် …
နောင်တမရှိဘဲ ငါရှင်သန်နိုင်တယ်။
မင်းရဲ့ အမည်နာမက
ငါ့ရဲ့နေ့စဉ်သုံးဘာသာစကား …
မျှော်လင့်မထားဘဲ သတိရတတ်သွားတာ
ငါ့ရဲ့ အမူအကျင့် …
နတ်ပြည်နဲ့ ငရဲ
ဘယ်အရာကိုရွေးမလဲလို့မေးခဲ့ရင် …
မင်းဘယ်မှာရှိမလဲလို့ ငါအရင်မေးမယ်။
ဘဝမှာတစ်ခါပဲ ချစ်ခွင့်ရမယ်ဆို …
တစ်သက်မှာတစ်ယောက်ပဲ ချစ်ခဲ့ရမယ်ဆို …
ကမ္ဘာကြီးက ပြောင်းလဲခဲ့မယ်ဆို …
မင်းကိုချစ်တဲ့စိတ်က
ဘယ်အခါမှ မပြောင်းလဲပါဘူး။
#အကြည်တော်
#အလွမ်း
#phwaybookshop
