ဆီမီးအလှူ = ဒီပဒါန
ဘုရားကျောင်းကန်၊စေတီပုထိုးတွေနဲ့အတူ မိမိနေအိမ်ရှိ မြတ်စွာဘုရားကို ဆီမီးအလှူကပ်လှုပူဇော်လေ့ရှိကြတာဟာ ကျွန်တော်တို့ မြန်မာလူမျိုးတွေရဲ့ ဓလေ့ထုံးတမ်းတစ်ခုလို ဖြစ်လို့နေတာ သိရှိပြီးဖြစ်ကြပါတယ်။
အခုလိုသီတင်းကျွတ်ရာသီနဲ့ တန်ဆောင်တိုင်လို အခါသမယကို ရောက်ရှိကြပြီဆိုရင်လဲ ထိုနည်းတူစွာ မိမိတို့ အိမ်၊လမ်းနဲ့ ဘုရားစင်မှာ မီးတိုင်များစွာပူဇော်ကြတာကိုလဲ တွေ့မြင်ကြရမှာပါ။
ဆီမီးအလှူကို ပါဠိလို ဒီပဒါနလို့ ခေါ်ဆိုပြီး ဒီပဆိုတာဆီမီး ဖြစ်ကာ ဒါနဆိုတာကို အလှူရယ်လို့ မှတ်သားရပါတယ်။
ဒါကြောင့် မြတ်စွာဘုရားကို ဆီမီးကပ်လှူတဲ့ အခါ ဖြစ်ပေါ်တဲ့ သဒ္ဒါစိတ်နဲ့ အတူ ရရှိလာရမယ့် အကျိုးကျေးဇူးတွေကိုလဲ သိရှိဖို့အတွက်ပြောပြပေးချင်ပါတယ် ခင်ဗျ။
သိတ္တောကုတံ - မိမိနေတဲ့နေရာက အမြဲရှင်းလင်းသန့်စင်နေမယ်။
အမှောင်ထဲမှာဘယ်တော့မှမနေရဘူး။လောက အမိုက်မှောင်မကျရောက်စေဘူး။
သိတ္တောသေလံ- တောင်နံရံကြီးခြားနေလဲ တခြားတစ်ဖက်မှာ ဘာရှိတယ်ဆိုတာမြင်နိုင်တဲ့စွမ်းအားရရှိစေနိုင်ပါတယ်။
ဝိသုတတရားနာဟောမိ-ရောဂါကင်းစင်နေတဲ့ မျက်လုံးမျက်ဖန်ရှိမယ်။မျက်စိမှုန်တာမရှိ အရှင်းတောက်ပနေမယ်။
ရသ သစ္စဇာတမဟာ- ဂုဏ်သတင်းတောက်ပကျော်ဇောစေမယ်။
သဒ္ဓါပညာဝတီဆေးဝ-ဖြစ်လေရာဘဝသဒ္ဓါတရားကောင်းမယ်၊အသိပညာထက်မြက်နေမယ်ရယ်လို့ မြတ်စွာဘုရားရဲ့ တရားတော်လာများအရ သိရှိရပါတယ်။
စာဖတ်သူတို့အနေနဲ့လဲ ဗုဒ္ဓမြတ်စွာဘုရားရှင်ရဲ့ တရားတော်များကိုလဲ သိရှိနားလည် နှလုံးသွင်းနိုင်တဲ့ ပုဂ္ဂိုလ်ထူး၊ပုဂ္ဂိုလ်မြတ်များဖြစ်ကြကာ နိဗ္ဗာန်မင်္ဂဖိုလ်ကို အရောက်လှမ်းနိုင်ကြပါစေကြောင်း ...
#ဓမ္မဒါန
#frankiestories
