အလွမ်းပြေ
(ကိုသာနိုးဖတ်ဖို့)
“သတိရတယ် အင်းဝလာခဲ့မယ်”
အင်း… ဝမ်းသာပါတယ်။
သံသပိတ်ရိုက်သံ
ချွမ်…ချွမ်၊ ချွမ်…ချွမ်
နားခံနိုင်ပါ့မလား။
ကပ်ခုတ် ထရံပေါက်
တောက်…တောက်
တောက်…တောက်
ညဉ့်နက်ထိ မပျောက်ဘူး။
မန်ကျည်းရွက်သုပ်ကတော့
ထင်းလုပ်တဲ့ထဲ ပါသွားပေါ့။
ကြောင်ဝံပိုင့်သား
ကံကောင်ူ စားရမယ်
လူနိုင်လွန်းတော့ ရှားသွားပြီ။
ဆူးပုပ်ရွက် ကင်ပွန်းဉ
ရာသီနဲ့နုတော့
လုပီး ခူးတတ်ကြတဲ့ ကလေးတွေကို
နာမည်ပေးထားတာက
ရှာဖွေရေး အမှတ် ၁ ၂ ၃ ၄ ၅…။
ထီးတော်မည်း စေတီ
ညောင်တွေ ဝေဝေစီစီနဲ့
ကြည်ညိုတတ်အောင်ကြည်ညိုပါ။
ယဉ်ကျေးမှုအမွေ
လွမ်းမနေနဲ့
မြေဆေးတံတောင် အနိုင်နိုင်။
ပန်းလောင်ကြောမှာ
ပိန်းကောမရှိ၊
မြစ်ငယ်ကြောင်းမှာ
လှေလောင်းမရှိ၊
ငါးပိဆားပျား
ဖောက်ကားမရှိ။
လျှာမရှည်နဲံ
စာတွေဖတ်ပြီးအလွမ်းဖျောက်။
ကိုလေး(အင်းဝဂုဏ်ရည်)
၁၅_၄_၁၉၇၉
