ယူကရိန်းကို တာလတ်ပစ်ဟိုက်ပါဆောနစ်ဒုံးကျည်နဲ့ တိုက်ခိုက်ခဲ့တာဟာ အနောက်အုပ်စုကို သတိပေးလိုက် တာဖြစ်ကြောင်း ရုရှားပြော
နိုဝင်ဘာ ၂၃
အသစ်တီထွင်ထုတ်လုပ်ထားတဲ့ ဟိုက်ပါဆောနစ်ပဲ့ထိန်းဒုံးကျည်ကိုအသုံးပြုပြီး ယူကရိန်းကို တိုက်ခိုက်လိုက် တာဟာ ယူကရိန်းကို ထောက်ပံ့ရာမှာ အနောက်နိုင်ငံတွေရဲ့ မဆင်မခြင်လုပ်ရပ်တွေအတွက် ရုရှားက ပြင်းပြင်း ထန်ထန် တုံ့ပြန်သွားမယ်ဆိုတာ အနောက်အုပ်စုကို သတိပေးလိုက်တာဖြစ်ကြောင်း ရုရှားအစိုးရက နိုဝင်ဘာ ၂၂ ရက်နေ့ (သောကြာနေ့) က ပြောကြားလိုက်ပါတယ်။
ယူကရိန်းက အမေရိကန်ခွင့်ပြုချက်နဲ့ အမေရိကန်ထုတ်ဒုံးကျည်တွေ၊ ဗြိတိန်ထုတ်ဒုံးကျည်တွေနဲ့ ရုရှားနိုင်ငံကို ပစ်ခတ်ခဲ့တာကို တုံ့ပြန်တဲ့အနေနဲ့ ယူကရိန်းစစ်ဘက်ပစ်မှတ်တစ်ခုကို ရုရှားနိုင်ငံက အော်ရီရှနစ် ဒါမှမဟုတ် ဟေဇယ်ထရီးလို့ ခေါ်တဲ့ ဒုံးကျည်သစ်နဲ့ ပစ်ခတ်ခဲ့ကြောင်း သမ္မတဗလာဒီမာပူတင်က ပြောကြားလိုက်ပြီး တစ် ရက်အကြာမှာ ကရင်မလင်ပြောခွင့်ရပုဂ္ဂိုလ် ဒီမီထရီပက်စ်ကော့ဗ်က အခုလိုပြောကြားလိုက်တာဖြစ်ပါတယ်။
“အဓိကပြောချင်တဲ့အကြောင်းက ဒုံးကျည်တွေထုတ်လုပ်၊ ယူကရိန်းကိုထောက်ပံ့ပြီး ရုရှားနယ်မြေထဲအထိ တိုက်ခိုက်ရာမှာ နောက်ဆက်တွဲပါဝင်ခဲ့တဲ့ အနောက်နိုင်ငံတွေရဲ့ အဆင်အခြင်မဲ့တဲ့ ဆုံးဖြတ်ချက်နဲ့ဆောင်ရွက် ချက်တွေအတွက် ရုရှားနိုင်ငံဘက်က ဘာမှမလုပ်ဘဲ ဒီအတိုင်းကြည့်နေမှာ မဟုတ်ဘူးဆိုတာကို ပြောချင်တာ ဖြစ်ပါတယ်။” လို့ ပက်စ်ကော့ဗ်က သတင်းထောက်တွေကို ပြောပါတယ်။
ယူကရိန်းနိုင်ငံက အမေရိကန်ထုတ် ATACMS ဒုံးကျည်တွေနဲ့ ဗြိတိန်ထုတ် Storm Shadow ဒုံးကျည်တွေကိုအ သုံးပြုပစ်ခတ်ခဲ့ရာမှာ အမေရိကန်နဲ့ ဗြိတိန်တို့ စစ်ပွဲမှာ တိုက်ရိုက်ပါဝင်ပတ်သက်တယ်လို့ မှတ်ယူကြောင်း ရုရှား အစိုးရက ပြောပါတယ်။
ဂြိုဟ်တုပစ်မှတ်ရှာဖွေရေးသတင်းအချက်အလက်တွေနဲ့ ဒုံးကျည်ပျံသန်းမှုလမ်းကြောင်း ပရိုဂရမ်းသွင်းတဲ့အလုပ် တွေကို ယူကရိန်းအစိုးရကိုယ်တိုင် လုပ်နိုင်စွမ်းမရှိတဲ့အတွက် နေတိုးအဖွဲ့က တပ်ဖွဲ့ဝင်တွေ ဆောင်ရွက်ခဲ့တာ ဖြစ်ကြောင်း ရုရှားက ပြောပါတယ်။
ယူကရိန်း ဒုံးကျည်နဲ့ ရော့ကက် ကုမ္ပဏီ Pivdenmash အခြေစိုက်ထားတဲ့ ဒီနီပရိုမြို့က စစ်ဘက်ဆိုင်ရာ အ ဆောက်အဦတစ်ခုကို ရုရှားက ဒုံးကျည်တစ်စင်းနဲ့ ပစ်ခတ်ခဲ့ကြောင်း ပူတင်က ပြောပါတယ်။
ဒုံးကျည်ထိပ်ဖူးအားလုံးဟာ ၎င်းတို့ပစ်မှတ်တွေကို ထိမှန်ခဲ့ပြီး ဒီပစ်ခတ်မှုဟာ တာလတ်ပစ်ဟိုက်ပါဆောနစ် ပဲ့ ထိန်းဒုံးကျည်ကို စစ်ဆင်ရေးမှာ သမရိုးကျဒုံးကျည်ထိပ်ဖူးတွေနဲ့ ပထမဦးဆုံးအကြိမ်အသုံးပြုပစ်ခတ်ခဲ့တာဖြစ် ကြောင်း ရုရှားကာကွယ်ရေးဝန်ကြီးဌာနက သောကြာနေ့က ပြောပါတယ်။
ရုရှားနိုင်ငံက အခုလို ဒုံးကျည်သစ်ကို အသုံးပြုလာတာဟာ စစ်ပွဲအရှိန်မြှင့်တင်လာတာဖြစ်ပြီး ကမ္ဘာတစ်ဝန်းက ဝိုင်းဝန်းပြစ်တင်ရှုတ်ချကြဖို့ ယူကရိန်းသမ္မတဗလာဒီမာဇီလန်စကီးက ပြောပါတယ်။
မိမိတို့အသုံးပြုခဲ့တဲ့ဒုံးကျည်ဟာ တိုက်ချင်းပစ်ဒုံးကျည်မဟုတ်ဘဲ တာလတ်ပစ်ဒုံးကျည်သာဖြစ်တဲ့အတွက် ရုရှား အနေနဲ့ နည်းပညာအရ အမေရိကန်ပြည်ထောင်စုကို သတိပေးဖို့ တာဝန်မရှိပေမဲ့ ရုရှားအစိုးရဟာ ဒုံးကျည်မပစ် ခင် မိနစ် ၃၀ မှာ အမေရိကန်ကို အသိပေးခဲ့ကြောင်း ပက်စ်ကော့ဗ်က ပြောပါတယ်။
Ref: Russia says hypersonic missile strike on Ukraine was a warning to 'reckless' West
Credit - NV News Agency
#သတင်းဟင်းလေးအိုးကြီး
