ငါးနီတူအစပ်ကြော်
(1) ငါးနီတူကိုရေဆေးပြီး ရေစစ်ထားပါ။ ( ယင်မနားစေရန် ပိုးသတ်ဆေးများသုံးတတ်၍ရေဆေးခိုင်းခြင်းဖြစ်ပါသည် )
(2) ကြက်သွန်အဖြူအနီပါးပါးလှီးထားပေးပါ။ မြေပဲအားလှော်ပြီး အခွံချွတ်ထားပေးပါ။
(3) ပါးပါးလှီးထားသောကြက်သွန်ကို ဆနွင်းအနည်းငယ်ထည့်ထားသော ဆီပူပူမှာ ရဲရုံသာကြော်ပြီးဆယ်ကာဆီစစ်ထားပေးပါ။
(4) ပါးပါးလှီးထားသောကြက်သွန်ဖြူကိုလည်းအပေါ်မှနည်းအတိုင်းဆီစစ်ယူထားပေးပါ။
(5) နောက်ဆုံးမှ ငါးနီတူခြောက်ကိုကြွပ်နေအောင်ကြော်ပြီးဆီစစ်ထားပေးပါ။
(6) ထို့နောက် သူတို့ ၃မျိုးကိုရောပြီး မီးအေးအေးဖြင့် အိုးထဲထည့်ပြီးနောက် မြေပဲလှော် ဆားအနည်းငယ် သကြားအနည်းငယ် အချိုမှုန့်အနည်းငယ်ထည့်ကာ ၅မိနစ်ခန့်မွှေပေးပါ။ ဒါတွေအကုန်လုပ်ပြီးရင် ငါးနီတူအချိုကြော်ရပါပြီ။
အစပ်စားလိုသူများ ငါးနီတူကြော်ပြီးနောက် ငရုတ်အကြမ်းဖက်အမှုန့်ကိုမီးအေးအေးဖြင့်ဆီသတ်ပြီးနောက်မှ ၃မျိုးအရောကိုထည့်ပြီးမွှေပေးပါ။ ဒါဆို ငါးနီတူအစပ်ကြော်ဖြစ်သွားပါပြီနော်။
