မီးဖိုချောင်စိတ်ကူးလေးတွေ ✨

မီးဖိုချောင်စိတ်ကူးလေးတွေ ✨

မီးဖိုချောင်စိတ်ကူးလေးတွေ ✨

မီးဖိုချောင်စိတ်ကူးလေးတွေ ✨

မီးဖိုချောင်စိတ်ကူးလေးတွေ ✨

မီးဖိုချောင်စိတ်ကူးလေးတွေ ✨

မီးဖိုချောင်စိတ်ကူးလေးတွေ ✨

ဇလွန်ပြည်တော်ပြန်ဘုရားတွင် (၅၃) ကြိမ်မြောက် မသိုးသင်္ကန်းတော်မြတ် ရက်လုပ်ကပ်လှူပွဲနှင့် တန်ဆောင်တိုင်မီးထွန်းပွဲကို ကျင်းပမည်

ဧရာဝတီတိုင်းဒေသကြီး၊ ဇလွန်မြို့ရှိ မာရ်အောင်မြင် ပြည်တော်ပြန်မြတ်စွာဘုရား၏ (၅၃)ကြိမ်မြောက် မသိုးသင်္ကန်းတော်မြတ် ရက်လုပ်ကပ်လှူပွဲနှင့် တန်ဆောင်တိုင်မီးထွန်းပွဲကို နိုဝင်ဘာလ (၁၄) ရက်မှ (၁၇) ရက်အထိ စည်ကားသိုက်မြိုက်စွာ ကျင်းပသွားမည်ဖြစ်ကြောင်း သိရသည်။

မာရ်အောင်မြင် ပြည်တော်ပြန်မြတ်စွာဘုရား၏ မသိုးသင်္ကန်းရက်လုပ်ပူဇော်ပွဲကို နိုဝင်ဘာလ (၁၄) ရက်တွင် စတင်ရက်လုပ်ပူဇော်သွားမည်ဖြစ်ပြီး ကိန္နရီစင်တော်၊ သမ္ဘူလစင်တော်၊ မယ်မဒ္ဒီစင်တော်နှင့် အမရာစင်တော်များက ရက်လုပ်ကြမည်ဖြစ်သည်။

တန်ဆောင်မုန်းလပြည့်နေ့ နံနက် (၄) နာရီတွင် မာရ်အောင်မြင်ပြည်တော်ပြန် မြတ်စွာဘုရားနှင့် ဂန္ဓကုဋိတိုက်အတွင်းရှိ ဗုဒ္ဓရုပ်ပွားဆင်းတုတော် သုံးဆူတို့ကို မသိုးသင်္ကန်းပူဇော်မည်ဖြစ်ပြီး တန်ဆောင်တိုင်မီးထွန်းပွဲအဖြစ် မာရ်အောင်မြင်ပြည်တော်ပြန် မြတ်စွာဘုရားကြီး၏ ကိန်းဝပ်စံပယ်ရာ ဂန္ဓ ကုဋိတိုက်တော်ကြီးနှင့် ဝန်းကျင်နေရာများတွင် လျှပ်စစ်ရောင်စုံမီးများ၊ ဆီမီးများဖြင့် ဆီမီးပူဇော်ပွဲလည်း ကျင်းပသွားမည်ဖြစ်ကြောင်း သိရသည်။

ဆောင်းသီးနှံအတွက် ချေးငွေများ ထုတ်ချေးပေးနေ

၂၀၂၄ ခုနှစ် ဆောင်းသီးနှံအတွက် ချေးငွေများကို စတင်ထုတ်ချေးပေးလျက်ရှိကြောင်း မြန်မာ့လယ်ယာဖွံ့ဖြိုးရေးဘဏ်ရုံးချုပ်မှ သိရသည်။

၂၀၂၄ ခုနှစ်၊ အောက်တိုဘာလမှ ၂၀၂၅ ခုနှစ်၊ ဇန်နဝါရီလကုန်အထိ ငွေကျပ်(၁၄၀ ဒသမ ၀၅)ဘီလီယံ ထုတ်ချေးပေးသွားမည်ဖြစ်ပြီး မိုးစပါးသီနှံအတွက် တိုင်းဒေသကြီးနှင့်ပြည်နယ် (၁၄) ခုရှိ ဘဏ်ခွဲ (၄၀) မှငွေကျပ် (၃၁၂၁) သန်းထုတ်ချေးပေးခဲ့ပြီးဖြစ်ကြောင်း သိရသည်။

ဆောင်းသီးနှံတွင် နွေစပါး၊ ဆီထွက်သီးနှံ၊ ချည်မျှင်၊ ပဲမျိုးစုံ၊အစေ့ထုတ်ပြောင်းနှင့် ကြက်သွန်တို့ပါဝင်ပြီး စပါးတစ်ဧကလျှင် ကျပ် (၁)သိန်းခွဲ၊ အခြားသီးနှံတစ်ဧကလျှင် ကျပ် (၁)သိန်းဖြင့် ထုတ်ချေးပေးသွားမည်ဖြစ်ကြောင်း သိရသည်။

ဆောင်းသီးနှံ ချေးငွေကာလမှာ ၂၀၂၅ ခုနှစ် မေလမှ အောက်တိုဘာလအထိ သတ်မှတ်ထားကြောင်း သိရသည်။

ချန်းကျိုမြို့ရှိ ကျောက်မီးသွေးမှ ဓာတ်မြေဩ ဇာထုတ်လုပ်သည့်စက်ရုံကို ဝန်ကြီးဦးကိုကိုလွင် သွားရောက်လေ့လာ

ချန်းကျိုမြို့ရှိ ကျောက်မီးသွေးမှ ဓာတ်မြေဩ ဇာထုတ်လုပ်သည့်စက်ရုံ Lu An Chemical Plant ကို စွမ်းအင်ဝန်ကြီးဌာန ပြည်ထောင်စုဝန်ကြီးဦးကိုကိုလွင်မှ ပြီးခဲ့သည့် နိုဝင်ဘာ ၉ ရက်က သွားရောက်လေ့လာခဲ့သည်။

စက်ရုံအတွင်း၌ ထုတ်လုပ်မှုလုပ်ငန်းစဥ်အဆင့် ဆင့်ဆောင်ရွက်မှုများကို ပြည်ထောင်စုဝန်ကြီးအား စက်ရုံတာဝန်ရှိသူများက ရှင်းလင်းတင်ပြခဲ့ကြသည်။

ထို့ပြင် ဝန်ကြီးဦးကိုကိုလွင်သည် နိုဝင်ဘာ ၁၀ ရက်ကလည်း ပေကျင်းမြို့ရှိ Aerospace Museum နှင့် CETEC (Changzheng Engineering Technology Co., Ltd.)၏ Research and Development Center တို့ကိုလေ့လာခဲ့ပြီး CETEC ရုံးချုပ်၌တာဝန်ရှိသူများနှင့်တွေ့ဆုံခဲ့သည်။

ထိုသို့ တွေ့ဆုံပြီးနောက် ကျောက်မီးသွေးမှ ဓာတ်မြေဩဇာထုတ်လုပ်ရာတွင် အဓိကကုန်ကြမ်းဖြစ်သောကျောက်မီးသွေးကို အရည်အသွေးပြည့်မီစွာ စဉ်ဆက်မပြတ်ရရှိရန် အကြိုလေ့လာဆန်းစစ်မှုများအား တိကျသေချာစွာစိစစ်ဆောင်ရွက်ရေး၊ Clean Coal Technology (CCT)ကဲ့သို့ အဆင့်မြင့်နည်းပညာများအသုံးပြုခြင်းဖြင့် ပတ်ဝန်းကျင်ထိခိုက်ညစ်ညမ်းမှုဖြစ်ပေါ် စေမှုအားလျှော့ချနိုင်ရေးဆွေးနွေးခဲ့သည်။

ထို့အတူ သဘာဝပတ်ဝန်းကျင်ထိခိုက်မှုမရှိစေရန် နိုင်ငံတကာစံချိန်စံနှုန်းနှင့်အညီ ဆောင်ရွက်နိုင်ရေး၊ စီမံကိန်းအကောင်အထည်ဖော်ရာတွင် အသုံးပြုမည့်အဆင့်မြင့်နည်းပညာများအား စနစ်တကျလွှဲပြောင်းရရှိရေး၊ Human Resourses (HR)မြင့်မားစေရေးအတွက် စာတွေ့၊ လက်တွေ့သင်တန်းများဖွင့်လှစ်၍ လေ့ကျင့်သင်ကြားပေးနိုင်ရေးတို့ကိုလည်း ဆွေးနွေးခဲ့ကြသည်။

ထို့ပြင် ဝန်ကြီးဦးကိုကိုလွင်အား ပေကျင်းမြို့ရှိ WISDRI Engineering & Research Incorporation Limited အစည်းအဝေးခန်းမ၌ ကျောက်မီးသွေးမှ ဓာတ်မြေဩဇာထုတ်လုပ်မှုနည်းစဉ်များတွင် အဓိကအသုံးပြုမည့် အအေးလွန်နည်းပညာအသုံးပြုကာ အောက်ဆီဂျင်နှင့် နိုက်ထရိုဂျင်ကိုထုတ်ယူသည့်နည်းပညာဆိုင်ရာများ၊ လိုအပ်သည့်လျှပ်စစ်ဓာတ်အားကို ကျောက်မီးသွေးမှတစ်ဆင့်ထုတ်လုပ်ခြင်းဆိုင်ရာ နည်းပညာများကို သက်ဆိုင်ရာပညာရှင်များက ရှင်းလင်းတင်ပြခဲ့ကြသည်။