MySPACE

2 yrs - Translate

မကွေးတွင် ဆောင်းမြေပဲ(၁၈၀၀)တန် စုပေါင်းရောင်းချခဲ့
-------------------------------
မကွေးတိုင်းဒေသကြီး တောင်သူဖွံ့ဖြိုးတိုးတက်ရေးအဖွဲ့က ဆောင်းမြေပဲတန်ချိန်(၁၈၀၀)ခန့်ကို စုပေါင်းရောင်းချ နိုင်ခဲ့တယ်လို့ တိုင်းတောင်သူဖွံ့ဖြိုးတိုးတက်ရေးအဖွဲ့ဥက္ကဋ္ဌရဲ့ ပြောကြားချက်အရ သိရပါတယ်။ တိုင်း တောင်သူ ဖွံ့ဖြိုးတိုးတက်ရေးအဖွဲ့အနေနဲ့ ရေသွင်းနှမ်း၊ မိုးနှမ်း၊ မိုးမြေပဲ၊ ဆောင်းမြေပဲ၊ ပဲစင်းငုံ စတဲ့ ရာသီအလိုက် သီးနှံတွေ ကို ဓာတုဓာတ်ကြွင်းလျှော့ချပြီး အော်ဂဲနစ်နည်းလမ်းနဲ့စိုက်ပျိုးကာ ထွက်ရှိလာတဲ့သီးနှံတွေကို စုပေါင်းရောင်းချပွဲ စနစ်နဲ့ ရောင်းချကြတာဖြစ်တယ်လို့ ဆိုပါတယ်။

ဆောင်းမြေပဲစုပေါင်းရောင်းချပွဲကို နိုဝင်ဘာ(၁၈)ရက်ကစတင်ခဲ့တာဖြစ်ပြီး ဒီဇင်ဘာ(၁၈)ရက်အထိ တန်ချိန် (၁၈၀၀)ခန့် အရောင်းအဝယ်ပြုလုပ်နိုင်ခဲ့တယ်လို့ တိုင်းတောင်သူဖွံ့ဖြိုးတိုးတက်ရေးအဖွဲ့ဥက္ကဋ္ဌ ဦးဟန်ညွန့် ကပြောပါတယ်။

ဒီနှစ်ဆောင်းမြေပဲဈေးကွက်မှာ အရည်အသွေးမြင့်တဲ့ ဆောင်းမြေပဲတောင့်တစ်တင်းကို ကျပ်(၃၈၀၀၀) အထိ ဈေးရရှိပြီး အရင်နှစ်ကထက် တစ်တင်းကို ကျပ်(၅၀၀၀)ကျော် ဈေးပိုရရှိတယ်လို့ ဆိုပါတယ်။ ဆောင်းမြေပဲ အထွက်နှုန်းကတော့ ရာသီဥတုအခြေအနေအရ ပြီးခဲ့တဲ့နှစ်ကထက် အထွက်နှုန်းနည်းခဲ့တယ်လို့ သိရပါတယ်။