MySPACE

45 w - Translate

ရေဘေးသင့် အင်းလေးဒေသတွင် လေပြင်းကြောင့် နေအိမ်များ ပျက်စီးရပြန်

ရေကြီးနစ်မြုပ်မှုများကြောင့် ပြန်လည်ထူထောင်ရေးပြုလုပ်နေရသည့် အင်းလေးဒေသတွင် လေပြင်းတိုက်ခတ်မှုကြောင့် နေအိမ် (၄၀)ကျော် ပျက်စီးခဲ့ရကြောင်း သိရသည်။

မိုးသည်းစွာရွာသွန်းပြီး လေပြင်းတိုက်သောကြောင့် ကံရွာနှင့် ကုနုရွာအပါအဝင် အင်းအတွင်းရှိသည့် ရွာတချို့က နေအိမ်များ အမိုးလန်ပျက်စီးခြင်းများအပြင် လုံး၀ပြိုကျသွားသည့် အိမ်များလည်း ရှိနေကြောင်း ဒေသခံများကလည်း ပြောသည်။

" အမိုးလန်သွားတဲ့ အိမ်တွေက တော့ ကိုယ်ထူကိုယ်ထ ပြန်ပြင်နေကြတယ်" ဟု ဒေသခံတစ်ဦးက ဆိုသည်။

ပြီးခဲ့သည့် စက်တင်ဘာလကစ၍ အင်းလေးဒေသတွင် ယာဂီမုန်တိုင်းအရှိန်ကြောင့် ရွာပေါင်း (၁၇၀) ခန့် ရေဝင်နစ်မြုပ်ခဲ့ပြီး နေအိမ်များစွာ ရေကြီးနစ်မြုပ်မှုဒဏ်ကို ခံစားခဲ့ရခြင်း ဖြစ်သည်။

Comment

45 w - Translate

Comment

45 w - Translate

ဆောင်းဦးပန်းတွေပွင့်ပြီဆိုတာနဲ့
မောင့်ကို လွမ်းမိတဲ့စိတ်က လွှင့်ရပြီလေ

ဒီညနေမှ ခလုတ်ခဏခဏတိုက်တယ်
မောင်လဲ ကျွှန်မကိုသတိရနေတယ်ထင်ပါရဲ့

မေတ္တာရေတိမ်ဝသူတွေကြားမှာ
ကျွှန်မတစ်ယောက်ထဲ လှော်ခက်တိုင်း
မောင့်ကို လွမ်းမိပါတယ်

မောင်ဆိုတာ နာမ်စားလေးတစ်ခုဆိုပေမယ့်
ခမ်းနားထည်ဝါမှုမရှိရင်တောင်
နွေးထွေးလုံခြုံမှုအပြည့် ပေးခဲ့ဖူးတာအမှန်ပါ

တိုက်ဆိုင်တာမဟုတ်ပေမယ့်
ဒီလိုအချိန်ရောက်တိုင်း လွမ်းစိတ်နဲ့တမ်းတမိသူမို့

မေ့မသွားသော်လည်း မေ့ထားရခြင်းရဲ့
နောက်ကွယ်မှာ

မျက်ရည်ဝနေတဲ့ ဂွမ်းစလေးလို
ပူလောင်မှုတွေရှိပေမယ့် အခုထိ မီးမကျွမ်းသေးပဲ

သတိရတိုင်း လွမ်းနေဆဲပါမောင်,,,

နေခ/စာတိုက်ပုံး

Comment

45 w - Translate

ဘရာဇီးနိုင်ငံသားဖိုက်တာဖြင့် ယှဉ်ပြိုင်ထိုးသ-တ်မည့် ထွန်းမင်းအောင် ထိုင်းနိုင်ငံ Looksuan Muay Tai Club တွင် လေ့ကျင့်ရန် ထွက်ခွာ

ဘရာဇီးနိုင်ငံသားဖိုက်တာဖြင့် ယှဉ်ပြိုင်ထိုးသ-တ်မည့် ထွန်းမင်းအောင်သည် နိုဝင်ဘာ ၄ရက် ညနေပိုင်းအချိန်၌ ထိုင်းနိုင်ငံရှိ Looksuan Muay Tai Club ၌ လေ့ကျင့်ရန် ထွက်ခွာသွားပြီဖြစ်သည်။

အဆိုပါ မွေထိုင်းကလပ်တွင် အကိုဖြစ်သူ ထွန်းမင်းနိုင်(ခ)စူလမန် နှင့်အတူလေ့ကျင့်ရန် သွားရောက်ခြင်းဖြစ်ကြောင်း သိရသည်။

ထွန်းမင်းအောင်သည် ONE ပွဲစဉ်တွင်
သုံးကြိမ်‌မြောက် ယှဉ်ပြိုင် ထိုးသ-တ်ထားပြီး တစ်ပွဲရှုံး၊ တစ်ပွဲနိုင် ရလဒ်ကို ပိုင်ဆိုင်ထားကာ နောက်ဆုံးထိုးသ-တ်ခဲ့သည့်ပွဲစဉ်အတွင်း ပြိုင်ဘက်ဖြစ်သူကို အလဲထိုးကာ ချက်ထရီက ချီးမြှင့်သည့် ဘတ်သုံးသိန်းခွဲကို ရရှိထားသူတစ်ဦးဖြစ်သည်။

ရိုးရာဖိုက်တာများအနက် အသက်အငယ်ဆုံးဖြစ်ကြသည့် ထွန်းမင်းအောင်နှင့်သန့်ဇင်တို့မှာ ONE ၏ စောင့်ကြည့်ခြင်းကို ခံ‌နေရသည့် မြန်မာကစားသမားများစာရင်းတွင် ပါဝင်နေသူများဖြစ်သည်။

Comment

45 w - Translate

Comment

45 w - Translate

Comment

45 w - Translate

ရန်ကုန်တွင် တစ်ရက် ၈ နာရီ လျှပ်စစ်ဓာတ်အား ပြတ်တောက်မည်

နိုဝင်ဘာ ၅၊ ရန်ကုန်။

ရန်ကုန်တိုင်းဒေသကြီး မြို့နယ်အားလုံး တစ်ရက် ၈ နာရီ လျှပ်စစ်ဓာတ်အား ဖြတ်တောက်တော့မည် ဖြစ်ကြောင်း မြို့နယ်လျှပ်စစ်ရုံးများတွင် အသိပေးကြေညာထားကြောင်း သိရသည်။

မြို့နယ်အလိုက် A နှင့် B အုပ်စုခွဲပြီး နံနက် ၅ နာရီမှ ၉ နာရီ၊ နံနက် ၉ နာရီမှ ၁၃ နာရီ၊ ၁၃ နာရီမှ ၁၇ နာရီ၊ ၁၇ နာရီမှ ၂၁ နာရီ ဖြန့်ဖြူးပေးမည်ဖြစ်ပြီး တစ်ရက် ၈ နာရီ ဓာတ်အားဖြတ်တောက်မည်ဖြစ်ကြောင်း သိရသည်။

စက်မှုဇုန်များအား ပြီးခဲ့သည့်ရက်ပိုင်းတွင် တစ်ရက်လျှင် လျှပ်စစ်ဓာတ်အား ၄ နာရီဖြန့်ဖြူးမည်ဟု အကြောင်းကြားခဲ့သေးကြောင်း သိရသည်။

#centralnewsnaypyitaw

Comment

45 w - Translate

ဘဝကို သုညက စတော့မှာမို့လို့ လက်ထဲရှိတာ အကုန်သုံးလိုက်ပြီ

Comment

45 w - Translate

ဘန်ကောက်တွင် ထိုင်းအမျိုးသားရေးလှုပ်ရှားသူများ ဆန္ဒပြ

နိုဝင်ဘာ ၅၊ နိုင်ငံတကာ။

အကျိုးစီးပွား ပဋိပက္ခမဖြစ်ဘဲ နယ်စပ်ကိုကာကွယ်ရန်ဟုဆိုတာ ထိုင်းအမျိုးသားရေးလှုပ်ရှားသည့်အဖွဲ့ပေါင်းစုံက ထိုင်းနိုင်ငံ၊ ဘန်ကောက်မြို့၊ ထိုင်းအစိုးရအဖွဲ့အိမ်တော်ရှေ့၌ ယနေ့ ချီတက်ဆန္ဒပြခဲ့ကြောင်း ထိုင်းသတင်းဌာနများတွင် ဖော်ပြသည်။

ထိုင်းနိုင်ငံတွင် နှစ်ရှည်လုပ်ကိုင်နေသည့် ရွှေ့ပြောင်းအလုပ်သမားများ အပါအဝင် လူပေါင်း ၄၈၃,၀၀၀ ခန့်ကို ထိုင်းနိုင်ငံသားဖြစ်ခွင့်ပြုမည်ဟု အောက်တိုဘာ ၂၉ ရက်က ပြုလုပ်သော အစိုးရအဖွဲ့အစည်းအဝေး၌ အတည်ပြုခဲ့မှုအပေါ် မလိုလားကြောင်း တောင်းဆိုခဲ့သည်ဟုလည်း သိရသည်။

ထို့ပြင် ထိုင်းနိုင်ငံသည် ထိုင်းလူမျိုးများဖြင့် အုပ်ချုပ်ရှေ့ဆက်ရမည်၊ ထိုင်းနိုင်ငံကို ကယ်တင်ရန် အတူတကွ ပူးပေါင်းပါဟူ၍လည်း ဆန္ဒပြသူများက ကြွေးကြော်တောင်းဆိုခဲ့သည်။

ထိုင်းနိုင်ငံရှိ အလုပ်သမားရေးဆောင်ရွက်သူတဦးက “ထိုင်းအာဏာပိုင်တွေကလည်း သတင်းထုတ်ပြန်ထားတာရှိတယ်။ ထိုင်းမှာအနေကြာတဲ့လူတွေအတွက် နိုင်ငံသားဖြစ်ခွင့်ပြုမယ်ဆိုတာ၊ အဲဒါတွေက ဒီအဖွဲ့တွေအတွက် အတိုက်အခံ ဖြစ်နေတယ်။ လူမျိုးရေးဝါဒနဲ့ လိုက်လုပ်နေတယ်လို့ မြင်ပါတယ်။ ဒီလို နိုင်ငံသားမပေးတာတောင် မြန်မာပြည်သားတွေက ကိုယ်ပိုင်လုပ်ငန်းတွေ လုပ်ကိုင်နေတယ်ဆိုတဲ့ ပြစ်တင်မှုတွေနဲ့ ဝေဖန်ပြီးတော့ သက်သက် လူမျိုးရေးခွဲခြားရေးဆက်ဆံမှု တွေ လုပ်နေတယ်လို့ ကျနော်တို့မြင်တယ်” ဟု ပြောသည်။

ထိုင်းနိုင်ငံတွင်း နှစ်ရှည်ရွှေ့ပြောင်းနေထိုင်လုပ်ကိုင်သူများနှင့် နှစ်ရှည်အခြေချနေထိုင်ပြီး ၁၉၈၄ ခုနှစ်မှစ၍ နိုင်ငံသားဖြစ်ခွင့် မရသေးသည့် လူနည်းစုမိဘများမှ မွေးဖွားလာသော ကလေးငယ်များကို ထိုင်းနိုင်ငံသားဖြစ်ခွင့် ပေးမည်ဖြစ်ကြောင်း မကြာသေးမီ၌ ထိုင်းအစိုးရက အတည်ပြုထားသည်။

ဓာတ်ပုံ - Thairath - ไทยรัฐออนไลน์

Credit - ဧရာဝတီသတင်းဌာန

#သတင်းဟင်းလေးအိုးကြီး