MySPACE

38 w - Translate

Law of attraction နဲ့ပတ်သက်တဲ့ post အဟောင်းလေးတွေ ပြန်လည်မျှဝေလိုက်ပါတယ်ရှင်။

Law of attraction အကြောင်း မရေးတာကြာပြီမို့ 2023 နှစ်ဦးဆောင်းပါးလေးအနေနဲ့ ရေးသားဖော်ပြပေးလိုက်ပါတယ်ရှင်။
ပထမဆုံးတော့ Happy New Year 2023 နှစ်သစ်မှစတင်ပြီး အောင်မြင်မှုအပေါင်းနှင့်ပြည့်စုံပါစေလို့ ဆုတောင်းမေတ္တာ ပို့သအပ်ပါတယ်ရှင်။

Law of Attraction လို့ပြောရင် the secret ဆိုတဲ့စာအုပ်ကို သတိရကြမှာပါ။ The secret စာအုပ်ထဲမှာ ဒီ Law of Attraction ( မြန်မာလို တိုက်ရိုက်အဓိပ္ပါယ်ပြန်ရင်- ဆွဲငင်ခြင်းဥပဒေသ) အကြောင်းကို သေချာပြောပြရှင်းပြထားပါတယ်။ Law of Attraction လို့ပြောရင် အောင်မြင်အောင် ၊ ချမ်းသာအောင် လုပ်ပေးနိုင်တဲ့ ဥပဒေသတစ်ခုလို့ထင်ကြပေမယ့် တကယ်တမ်းတော့ သူက ဓားသွား၂ ဘက်ရှိတဲ့ ဓားလိုပါပဲ။ ခုတ်ထစ်ရာ၊ လိုရာ မှာ အသုံးပြုနိုင်သလို ကိုယ့်ကိုလည်း ထိုး မိတတ်ပါတယ်။ကိုယ်ကိုတိုင်ကိုက ဓားသွားကို ဘယ်နေရာမှာထားမှာလဲ လို့ဆုံးဖြတ်ရပါတယ်။ ကိုယ်တိုင် ဓားထိတယ်ဆိုတာကလည်း ကိုယ်ကိုတိုင်ကိုက အဲ့ဒီဓားသွားကို ကိုယ့်ဘက်ကို လှည့်ထားလို့ပါ။

Law of Attraction ရဲ့ အဓိက သော့ချက်ကိုပြောရမယ် ဆိုရင်တော့ “Thought “ ဆိုတဲ့ “ အတွေး” ဖြစ်ပါတယ်။ Universe ရဲ့ secret လို့ပြောကြတဲ့ စင်္ကြာဝဠာရဲ့ လျှို့ဝှက်ချက်ဆိုတာကလည်း Thought ဆိုတဲ့အတွေးပါပဲ။ သူဌေးကြီးဖြစ်အောင်လည်း အတွေးက စ ရပါတယ်။ လူမိုက်ဖြစ်အောင်လည်း အတွေး က စတာပါပဲ။

လူတိုင်းက အတွေးဆိုတာကို တချိန်လုံးတွေးနေကြပါတယ်။ တနေကုန်တွေးတဲ့ အတွေးအများစုထဲမှာ ကောင်းတာလေးတွေပဲတွေးတယ်ဆိုရင်..စိတ်ထဲမှာ သက်သာမယ် ၊ နေလို့ထိုင်လို့ကောင်းမယ်.. လာမယ့် response ( တုန့်ပြန်မှု) တွေကလည်း ကောင်းတာလေးတွေ လုပ်ဖြစ်နေမယ်။ အဲ့ဒီလိုပါပဲ- မကောင်းတာတွေ တွေးနေတယ် … ဥပမာ ဒေါသတွေထွက်တာ၊ စိတ်ပူပန်တာ၊ မနာလိုဝန်တို နေတာတွေပဲ တနေကုန်တွေးနေရင် စိတ်ထဲ နေလို့ထိုင်လို့မကောင်းဘူး၊ ပူလောင်သောကရောက်နေမယ်၊ တဘက်သားအပေါ်စိတ်မရှည်တော့ဘူး … လာမယ့် response ကလည်း အော်ဟစ် ဆူပူခြင်း စတဲ့ မကောင်းတဲ့ တုန့်ပြန်မှုတွေ လာနေမယ်ပေါ့နော်။ မကောင်းတဲ့ အပြုအမူတွေကနေပြီး စိတ်ချမ်းသာစရာ၊ ကျက်သရေမင်္ဂလာ၊ လူချစ်လူခင် ပေါများတာတွေ ဖြစ်လာနိုင်မလား…..

အောက်ကပုံလေးကိုကြည့်ကြည့်ပါ။ လူတွေက အလယ်က Low emotion No attraction ဆိုတဲ့နေရာမှာ မနေကြပါဘဲ… အဖြူရဲ့အထက်ပိုင်း အစိမ်းနဲ့အဖြူ စပ်ကြား နားလေးမှာ နေနေကြတဲ့ သူများရှိသလို အများစုက အနီထဲမှာ နေနေကြပါတယ်။ အစိမ်းဘက်ခြမ်းက High vibration ဖြစ်ပြီး အနီဘက်အခြမ်းက Low vibration ဖြစ်ပါတယ်။

Hight vibration တွေမြင့်လာတဲ့အခါ manifestation တွေကို attract လုပ်မှုမြင့်တယ် ပေါ့နော်။ အဲ့လိုပဲ Low vibrations တွေမြင့်လာတဲ့အခါ မှာလည်း attraction တွေ ဖြစ်ပါတယ်။ အောက်ပဲသွားသွား၊ အပေါ်ကိုပဲတက်တက် အရှိန်တစ်ခုရလာရင် attraction လို့ခေါ်တဲ့ ဆွဲငင်အားကလည်း မြန်လာတယ်။ အဟုန်မြင့်လာတယ်ပေါ့။ ဒါကြောင့်မလို့ မကောင်းတဲ့ အဖြစ်အပျက်တွေဖြစ်လာပြီဆိုရင် ဆက်တိုက်ဆက်တိုက် ဖြစ်လာတတ်တာမျိုးပါ။ “ ကံဆိုးမ သွားလေရာ ၊ မိုးလိုက်လို့ရွာ “ ဆိုတဲ့ သဘောမျိုးပါပဲ။

မိမိက မကောင်းတဲ့ အတွေးတွေ ( thought) မွေးမြူနေရင် မကောင်းတဲ့ ခံစားချက်( feeling )တွေရမယ်၊ အဲ့ဒီမကောင်းတဲ့ ခံစားချက်တွေများလာရင် မကောင်းတဲ့အပြုအမူ(Action) တွေ လုပ်မိမှာပဲ။ မကောင်းတဲ့အပြုအမူ လုပ်ရင် မကောင်းတဲ့ ရလာဒ် ( Result) ထွက်မှာပါပဲ။ အဲ့ဒီတော့ မိတ်ဆွေတို့ က မကောင်းတဲ့ ရလာဒ် result ရချင်နေတယ် ဆိုရင် မကောင်းတာ ထိုင်တွေးနေကြပါ။ မတားပါဘူးရှင်။ ကိုယ့်သဘောကိုပါပဲ။

ကျွန်မရဲ့ မိတ်ဆွေတွေများကတော့ မူလကတည်းက High Vibration/ Good alignment တွေထဲ နေနေကြသူများကတော့ ကောင်းတာတွေ ဖြစ်ချင်တယ်၊ ကောင်းတဲ့ ရလာဒ်တွေ ရချင်ကြတာပါ။ ဒါကို ဘယ်က စရမလဲ ဆိုရင်တော့… ကောင်းတာတွေကို တွေးတောခြင်း ( thought) ကနေ စရမှာပါပဲ။ မိတ်ဆွေတို့က ကောင်းတာတွေ ဖြစ်ချင်ကြပါရဲ့လား လို့ နောက်တခေါက် ထပ်မေးချင်ပါတယ်။

မိမိတို့ရဲ့ ရည်ရွယ်ချက် ရည်မှန်းချက်တွေ ဖြစ်ချင်ကြပါရဲ့လား။ ဖြစ်ချင်တယ်ဆိုရင် ဘယ်က စ ရမလဲ။ comment မှာ ချရေးလိုက်နော်။ ဘယ်သူတွေ သေသေချာချာဖတ်လိုက်သလဲဆိုတာ သိလိုပါတယ်😊

အဲ့ဒီတော့ မကောင်းတဲ့အတွေးတွေကို ဘယ်လိုဖယ်ရှားကြရမလဲ ဆိုရင် အလွယ်ကူဆုံးနည်းကတော့ gratitude ဆိုတဲ့ ကျေးဇူးအောင့်မေ့သိတတ်ခြင်းသဘောတရား ကို အသုံးပြုကြည့်ပါ။ ကိုယ့်အပေါ် မကောင်းတာလာလုပ်ရင်တောင် သူ့အကြောင်း သိခွင့်ရလို့ ကျေးဇူးတင်လိုက်တာမျိုး။ နောက်တနည်းကတော့ ပေါ်လာတဲ့ မကောင်းတဲ့အတွေးတွေကို ချရေးကြည့်လိုက်ပါ။ ပြီးရင် အဲ့ဒီချရေးထားတာရဲ့ဘေးမှာ ကိုယ့်ဟာကို ပြောရမယ့် ဆုံးမစကားကို ဘေးမှာရေးလိုက်ပါ။ မကောင်းနေတဲ့ negative thought ကို ကောင်းစေတဲ့ positive thought အဖြစ်ပြောင်းပစ်လိုက်ပါ။

ခုချိန်အထိ ပြောင်းရင်ကောင်းမလား၊ မပြောင်းရင် ကောင်းမလား စဉ်းစားနေကြသေးလား။ မပြောင်းချင်တဲ့သူကလည်း မပြောင်းနဲ့နော်- သူနဲ့တူတဲ့ ရလာဒ်ရမှာပါပဲ။ ကိုယ့်စိတ်နဲ့ကိုယ်- ကိုယ့်သဘောကို ဆောင်မှာပါပဲ။

လူဆိုတာကလည်း ကိုယ့်ဟာကိုဆုံးမတာကိုပဲ လက်ခံကြတာပါ။

ခြုံပြီးပြောရမယ်ဆိုရင် Law of Attraction ဆိုတာ စိတ်ကတွေးလိုက်တဲ့အရာကို တွေးလိုက်တဲ့အတိုင်း manifestလုပ်တာပါပဲ။

ကောင်းတာချည်းပဲ တွေးရင် အလုပ်ဖြစ်လာမှာလား ဆိုတော့ သူ့ထက်နက်နဲတဲ့အပိုင်းလေးတွေ၊ စိတ်အတွေးအကြောင်းလေးတွေဆက်ပြီးနားလည်အောင် လုပ်ဖို့လိုပါမယ်။ သေချာတာတစ်ခုကတော့ မကောင်းတာတွေတွေးနေရင်တော့ အဲ့ဒီနွံထဲက ထွက်လာမှာ မဟုတ်ဘူး ဆိုတာလေး သတိပေးချင်ပါတယ်ရှင်။

ဒီစာလေးဆီက အတွေးတစ်ခုခုဖြစ်ဖြစ်၊ သတိပေးချက်တစ်ခုဖြစ်ဖြစ်၊ formula တစ်ခုဖြစ်ဖြစ် ရသွားတယ်ဆိုရင် တခြားသော မိတ်ဆွေတွေလည်း ဖတ်ဖြစ်သွားပါစေ ဆိုတဲ့စေတနာနဲ့ share ပေးပါအုံးနော်။

ချစ်ခြင်းစေတနာများစွာဖြင့်
မခိုင်
#crd