သရုပ်ဆောင် ဒေါ်မြင့်မြင့်ခိုင်ရဲ့ KBZ ဘဏ်အကောင့်ဟက်ခံရပြီး ငွေကျပ် သိန်း ၁၂၀ ခိုးယူခံရ
ဒီဖြစ်စဉ်ကိုတော့ သူမရဲ့ သမီးဖြစ်သူက ပြောပြလာတာပါ။ မိခင်ဖြစ်သူဟာ လူကြီးဖြစ်တာကြောင့် ဒီကိစ္စတွေနဲ့ အကျွမ်းတဝင်မရှိပေမယ့် လွန်ခဲ့တဲ့ ၁ လလောက်ကမှ လုပ်ငန်းသုံးကိစ္စလေးရှိလို့ Kbz special account ကိုစဖွင့်ခဲ့တာလို့ဆိုပါတယ်။ ဖွင့်ပြီးချင်း ၁ လမပြည့်ခင်မှာပဲ ယခုလို ခိုးယူခံလိုက်ရတာပါ။ OTP ကုဒ်တောင်းချိန်မှာတော့ မိခင်ဖြစ်သူက ဆေးခန်းရောက်နေချိန်မို့ သတိမထားမိခဲ့ပဲ အိမ်ပြန်ရောက်လို့ တွေ့ချိန်မှာတော့ ငွေကျပ်သိန်း ၁၂၀ ကျော်ဟာ သူတို့မသိရှိတဲ့ အကောင့်တစ်ခုထဲကို လွှဲပြောင်းပြီးဖြစ်နေခဲ့ပါတယ်။ ဒါကြောင့် မြင့်မြင့်ခိုင်ရဲ့ သမီးဖြစ်သူက သိသိချင်းမှာပဲ လက်ကျန်ငွေ အကုန်လုံးကို သူမအကောင့်ထဲသို့ လွှဲခဲ့တာပါ။ သက်ဆိုင်ရာ အားလုံးကိုအကြောင်းကြားခဲ့ပေမယ့် အမှုဖွင့်ရမယ့် ဖြစ်စဉ်ဖြစ်တာရယ် အမှုဖွင့်ပါက ဖုန်းကို စခန်းသို့အပ်နှံရမည်ဖြစ်တာကြောင့် အလုပ်ကိစ္စများရှိသေးသဖြင့် ငွေကျပ် သိန်း ၁၂၀ အား အဆုံးဟု သတ်မှတ်ခဲ့ရတယ်လို့ သူမကပြောပြလာပါတယ်။
