ပိုက်ဆံပါရှိမနေသောမိမိ

Part-1
*ကိုယ်စားလှယ်က ပိုကောင်းသလား

ပြည်သူ့ကိုယ်စားလှယ်တို့ အုပ်စိုးသောစနစ်သည် လူထုတစ်ရပ်လုံးထံမှ သဘောထား များကို အမြဲ ရယူအုပ်စိုးသောစနစ်ထက် ပိုကောင်းသည်ဟု ခံယူသူ အများအပြားရှိသည်။
လူထုကြီးထဲက အများနှစ်သက်၍ ရွေးချယ်ခဲ့သော ကိုယ်စားလှယ် များသည် အများသူငါထက် နိုင်ငံရေးရာ စဉ်းစားဝေဖန်ရာ၌ ခေါင်းတစ်လုံး သာသည်၊ ထို့ကြောင့် တိုင်းပြည်အတွက် ဥပဒေများ သတ်မှတ်ပြဋ္ဌာန်းရာ၊ မူဝါဒများ ချမှတ်ရာတို့၌ ၎င်းတို့အနေနှင့် အများသူငါတို့ အထွေထွေ အပြားပြား စဉ်းစားထားသည်များထက် ပို၍ သင့်တော်မှန်ကန်စွာ စဉ်းစား ဆုံးဖြတ်နိုင်ကြလိမ့်မည်ဟု ၎င်းတို့က ရှုမြင်သည်။
အမေရိကန် ပြည်ထောင်စု ဖွဲ့စည်းပုံအခြေခံဥပဒေ ရေးဆွဲရာတွင် အဓိက ပါဝင်သူ တစ်ဦးဖြစ်၍၊ နောင်တွင် အမေရိကန်ပြည်၏ စတုတ္ထမြောက် သမ္မတဖြစ်လာသူ ဂျိမ်း(စ)မေဒီဆင် (James Madison) က ပြည်သူ့ ကိုယ်စားလှယ်များထံမှ ထွက်လာသည့် ပြည်သူ့အသံသည် လူထုကြီး ကိုယ်တိုင်ထံက ထွက်လာသော အသံများထက် ပြည်သူ့ အကျိုးစီပွားကို ပိုမို ထင်ဟပ်လိမ့်မည်ဟု ဆိုခဲ့သည်။
ဗြိတိသျှ နိုင်ငံရေး သုခမိန်တစ်ဦးဖြစ်သူ အက်ဒမန်ဘာ့ခ် (Edmund Burke) ကလည်း ပြည်သူ့ကိုယ်စားလှယ်၏ တာဝန်သည် နိုင်ငံ့အရေး ကိစ္စများနှင့် စပ်လျဉ်း၍ ဘယ်အရာသည် အကောင်းဆုံးဟု မိမိ ရှုမြင်သည့် အတိုင်း ဆုံးဖြတ်ရန် ဖြစ်သည်ဟု သဘောရသည်။ သူက မဲဆန္ဒရှင်များအား “ခင်ဗျားတို့ ကိုယ်စားလှယ်ဟာ ခင်ဗျားတို့အတွက် ဝိရိယချည်းသာ မဟုတ်၊ သူ့ဦးနှောက် ဉာဏ်အမြော်အမြင်ပါ စိုက်ထုတ်ပေးဖို့ တာဝန်ရှိတယ်၊ သူ့ဦးနှောက်နဲ့ မစဉ်းစားဘဲ ခင်ဗျားတို့ ပြောသမျှ လိုက်လုပ်မယ်ဆိုရင် ခင်ဗျားတို့ အကျိုးရှိဖို့ မဟုတ်၊ အကျိုးပျက်ရာပျက်ကြောင်း လုပ်ရာသာ ရောက်လိမ့်မယ်”ဟု ဆိုခဲ့သည်။

#ဆက်ရန်ရှိ

အင်းစိန်မှာ တွဲကားက ယာဥ်လေးစီးဆင့်တိုက်၊ ဆယ်တန်းကျောင်းသူသေဆုံး

ဖေဖော်ဝါရီ ၁၄

ရန်ကုန်၊အင်းစိန်မြို့နယ်၊ဖော့ကန်စျေးအနီးမှာ ဒီကနေ့ ဖေဖော်ဝါရီ ၁၃ ရက်တေ့ ညနေပိုင်းက တွဲကားမှ ကားလေးစီးဆင့်တိုက်မှုဖြစ်ပြီး ဆယ်တန်းစာမေးပွဲဖြေဆိုတော့မယ့်ကျောင်းသူသေဆုံးမှုဖြစ်ပွားခဲ့တယ်လို့သိရပါတယ်။

" ၃နာရီ ၁၀မိနစ်လောက်မှာ သံချောင်းတွေတင်လာတဲ့ တွဲကားကဘရိတ်ပေါက်ပြီးတော့ လမ်းဘေးမှာလမ်းလျှောက်နေတဲ့ ကျောင်းသူကလေးမလေးကို ဝင်တိုက်မိတယ် ။ကောင်းဆေးရုံရှေ့က လူနာတင်ယာဥ်ကားတွေရောရပ်ထားတဲ့ ကားလေးစီး ထပ်ဆင့်တိုက်တယ်။ ကောင်မလေးက ကားဘီးအောက်ထဲရောက်သွားပြီ။ ခန္ဓာကိုယ်လည်းတစစီပဲ။ဦးနှောက်တွေလည်းထွက်နေတယ်။" လို့ မြေပြင်ကူညီရေးလမ်းကြောင်းသွားခဲ့တဲ့ လူမှုကူညီရေးအဖွဲ့ ဝင်ကပြောပါတယ်။

အတိုက်ခံရတဲ့ ကျောင်းသူကောင်မလေးဟာ အမေဖြစ်သူနဲ့လမ်းလျှောက်လာစဥ် တွဲကားတိုက်ခံခဲ့ရတာဖြစ်ကြောင်း ၊ လက်ရှိမှာ သေဆုံးရုပ်အလောင်းကို ဆေးရုံပို့ထားတယ်လို့သိရပါတယ်။

လူသေဆုံးသည်အထိ ယာဥ်တိုက်မှုဖြစ်ခဲ့တဲ့ တွဲကား ယာဥ်မောင်းကိုတော့ ယာဥ်တိုက်မှုဖြစ်ပွားရာနေရာမှာ မတွေ့ရှိရဘူးသိရပါတယ်။

" ကျွန်တော်တို့ရောက်တော့ ယာဥ်မောင်းမရှိတော့ဘူး။ ပတ်ဝန်းကျင်ကလူတွေပဲဝိုင်းထိန်းသိမ်းပြီးရဲလက်အပ်သလား ။ဘယ်လိုဖြစ်သွားလဲမသိရဘူး။ကောင်မလေးကတော့ ဖော့ကန်ကပါပဲ။ အဲဒီနေရာမှာမကြာခဏယာဥ်တိုက်မှုတွေဖြစ်တယ်။" လို့ သူကထပ်မံပြောပါတယ်။

ပြီးခဲ့တဲ့ ဇန်နဝါရီ လကုန်လောက်တုန်းကလည်း အဆိုပါဖော့ကန်စျေးအနီးမှာပဲ ယာဥ်တိုက်မှုဖြစ်ပြီး အမျိုးသမီတယောက် သေဆုံးမှုဖြစ်ပွားခဲ့တယ်လို့သိရပါတယ်။

ဖေဖောဝါရီ ၆ ရက်နေ့ညကလည်း
မြောက်ဒဂုံမြို့နယ်၊ ဗထူးလမ်းမပေါ်မှာ ယာဉ်တိုက်မှု နှစ်ကြိမ်ဖြစ်ပွားခဲ့ ပြီး လူသုံးယောက် သေဆုံးကာ နှစ်ယောက်ထိခိုက်ဒဏ်ရာရရှိ ခဲ့တယ်လို့ သိရပါတယ်။

ရန်ကုန်တိုင်းမှာ ၂၀၂၄ ခုနှစ်အတွင်း ယာဥ်တိုက်မှုကြောင့် လူပေါင်း ၄၄၆ ယောက်သေဆုံးမှုရှိခဲ့တယ်လို့ ကုန်းလမ်းပို့ဆောင်ရေးညွှန်ကြားမှုဦးစီးဌာနစာရင်းအရသိရပါတယ်။

Photo - လူမှုကူညီရေးအဖွဲ့

#centralnewsnaypyitaw

Part-1
*သောကြာပိုင်းအစ ဒို့ကျောင်းသားက

“သောကြာဝိုင်း” ကို လွန်ခဲ့တဲ့ နှစ်ပေါင်း (၅၀) လောက်ကတည်းက အမတေ တည်ခဲ့တယ်လို့ ဆိုရမှာပါ။
၁၉၇၂-၇၃ ခုနှစ်လောက်မှာ ဆရာမိုး(ဆရာ ဦးတင်မိုး) ဦးဆောင်ပြီး “ ကျောင်းသား”ဟူသော ကျူရှင် စတင်ဖွင့်လှစ်ခဲ့တယ်။ အဓိကအကြောင်းကတော့ မန္တလေးကဆင်းလာတဲ့ ဆရာမျိုး (ဆရာ ဦးမျိုးမြတ်၊ ကလေးစာပေ ပထမဆုရခဲ့သူ အကြောင်းပြုပြီး ဆရာမိုးက ကူညီဖွင့်လှစ်ပေးခဲ့တာပါ။ ဆရာမျိုးက အဲဒီအချိန်မှာ ဘွဲ့ရ၊ အလုပ်မဲ့၊ အိမ်ထောင်ရှိပြီး ကလေးနှစ်ယောက်နဲ့ ့ပါ။ ကျွန်တော်တို့ သုံး ယောက်ပေါင်းပြီး ဝိုင်းလုပ်ကြတဲ့သဘောပါ။ ဆရာတွေက အနီးအနား (ဋ္ဌ)ရပ်ကွက် က အလယ်တန်းပြဆရာ ဦးကြည်ဝင်းနဲ့ အပေါင်းပါများ။ နောက်ပိုင်းတော့ ဆရာမို၊ အကြောင်းပြုပြီး တက္ကသိုလ်ဘာသာပြန်ဌာနက ဆရာမင်းကျော် (ကွယ်လွန်)၊ ပညာရေးသုတေသနဌာနက ဆရာဦးဇော်ဝင်း (ကွယ်လွန်)၊ ဆရာ ဦးမြင့်ဟန် စသည် တို့ ပါလာကြပါတယ်။ ဆရာမိုး၊ ဆရာ မင်းကျော်တို့က စနေ၊ တနင်္ဂနွေနေ့များမှာ မြန်မာစာ သင်ကြားကြပါတယ်။
စနေ၊ တနင်္ဂနွေ ညနေစာသင်ပြီးတယ်ဆိုရင် ည(၇)နာရီ (၈)နာရီလောက်မှာ အမောပြေ အပန်းဖြေ စားဝိုင်း၊ စကားဝိုင်းလေး စီစဉ်ကြပါတယ်။ ဒီအချိန်မှာ ကျူရှင်ကလည်း သိပ်မဖွံ့ဖြိုးသေးတော့ ဘီအီးဒီစီနဲ့ ဝက်ခြေထောက်စွပ်ပြုတ်၊ ပဲလှော်နဲ့ စကားပြောရင်း အပန်းဖြေကြတာပါပဲ။
ဆရာမိုးရှိတယ်ဆိုတော့ ဆရာနိုးကလည်း မြို့ထဲကနေ ရောက်လာပါတယ်၊ ကျူရှင်က မြောက်ဥက္ကလာပ (ည)ရပ်ကွက်မှာပါ။ ဆရာနိုးဟာ တော်တော်ကြိုးစား ပြီး လာရပါတယ်။ မြို့ထဲက လာရတဲ့ခရီးဟာ မနီးလှ။ အမှတ်(၆)ကားကို ဂိတ်ဆုံးအောင်စီးရပါတယ်။ ခရီးက မနီးလှပေမဲ့ ဒီရောက်တော့ ကိုယ်နဲ့စိတ်တူ သဘောတူ လူတွေနဲ့ စကားပြောလိုက်ရတော့ အမောပြေသွားပါတယ်။ ဒီလိုနဲ့ အပတ်စဉ်လာဖြစ် ပြောဖြစ်၊ စာပေအကြောင်း၊ တောအကြောင်း၊ တောင်အကြောင်း ဆွေးနွေးကြ ပြောဖြစ်ကြပါတယ်။ ဒီအချိန်မှာ မလေးနွယ်(ဒေါ်ခင်လေးနွယ်) မပါသေးပါဘူး။ သူက ဆရာနိုးဆီမှာ အင်္ဂလိပ်ကျူရှင်ယူတုန်း ဆရာ့တပည့်မပါ။

#ဆက်ရန်ရှိ

ထိုင်းနိုင်ငံကို မြန်မာလုပ်သားစေလွှတ်မှုယာယီရပ်ဆိုင်းထား
.
ဖေဖော်ဝါရီ၁၄

မြန်မာလုပ်သားအရေအတွက်အများဆုံးသွားရောက်အလုပ်လုပ်ကြတဲ့ ထိုင်းနိုင်ငံကို လုပ်သားစေလွှတ်မှုယာယီရပ်ဆိုင်းလိုက်ကြောင်း မြန်မာပြည်ပအလုပ်အကိုင်ဝန်ဆောင်မှုလုပ်ငန်းရှင်များအသင်း(MOEAA)ကနေသိရပါတယ်။

အလုပ်သမားဝန်ကြီးဌာနအ‌နေနဲ့ထိုင်းနိုင်ငံကို ပြည်ပလုပ်သားစေလွှတ်မှုကိုဖေဖော်ဝါရီလ၁၄ရက်မှစပြီးယာယီရပ်ဆိုင်းလိုက်ပြီလို့ကြေငြာတဲ့အကြောင်းကို မြန်မာပြည်ပအလုပ်အကိုင်ဝန်ဆောင်မှုလုပ်ငန်းရှင်များအသင်း(MOEAA)က ပြည်ပအလုပ်အကိုင်အေဂျင်စီတွေထံလတ်တလောအကြောင်းကြားထားပြီလို့ဆိုပါတယ်။

"မနေ့ကပြည်ထောင်စုနေ့က ထိုင်းဘက်ပို့တဲ့အေဂျင်စီတွေနဲ့ အလုပ်သမားဝန်ကြီးဌာနကိစ္စလေးတွေဖြစ်သွားတယ်လို့ကြားတယ်။ဘာပြသနာဘာကိစ္စလဲတော့မပြောကြဘူး။အဲ့ဒါပြီးတဲ့နောက်မှာ ပြည်ပလုပ်သားစေလွှတ်တာရပ်မယ်လို့သတင်းထွက်တာပဲ။ပထမတော့ အခြားနိုင်ငံတွေပါစေလွှတ်ခွင့်ရပ်တယ်ဆိုပြီးထင်ကြသေးတာ နောက်တော့ထိုင်းတစ်ခုထဲလို့သိရတယ်။လက်ရှိသွားခွင့်ကြထားသူတွေရောပါလားဆိုတာတော့ သေသေချာချာမသိကြသေးဘူး။လေယာဉ်လက်မှတ်ဝယ်ပြီးလို့ သွားဖို့ရက်သေချာတဲသူတွေလည်းစိုးရိမ်ပြီးမေးနေကြတာတွေရှိပါတယ်"လို့ ပြည်ပအလုပ်အကိုင်အေဂျင်စီတခုက တာဝန်ရှိသူတယောက်ကပြောပါတယ်။

အလုပ်သမားဝန်ကြီးဌာနအနေနဲ့ မြန်မာလုပ်သားတွေထိုင်းနိုင်ငံကိုစေလွှတ်ခွင့် လက်ရှိမှာယာယီရပ်ဆိုင်းကြောင်းအသိပေးထားပြီး ဖေဖော်ဝါရီလ၁၅ရက်မှာပြုလုပ်မယ့် ဝန်ကြီးဌာနနဲ့အေဂျင်စီတွေ တွေ့ဆုံမယ့် ဌာနရဲ့အစည်းအဝေးမှာတော့ ပြည်ပစေလွှတ်ခွင့်ကိစ္စကို တိတိကျကျအသိပေးနိုင်ကြောင်း ပြည်ပအလုပ်အကိုင်အေဂျင်စီတွေထံကသိရပါတယ်။

မြန်မာနိုင်ငံကနေ ပြည်ပထွက်ခွာ အလုပ်လုပ်ကိုင်နေကြသူတွေအနေနဲ့ တရားဝင် MOUစနစ်နဲ့အပြင်တရားမဝင် နည်းလမ်းတွေနဲ့ပါ ထိုင်းနိုင်ငံမှာသွားရောက်အလုပ်လုပ်ကိုင်နေကြတာဖြစ်ပြီး မြန်မာလုပ်သားအရေအတွက် အနေနဲ့ ထိုင်းနိုင်ငံတွင်းမှာ၂သန်းကျော်ရှိနေကြောင်း‌ ဒေသတွင်းသတင်းဖော်ပြမှုတွေအရသိရပါတယ်။

Photo:CJ

#သတင်းဟင်းလေးအိုးကြီး

- မသိဘူးလေဗျာ ကလပ် ခေါ်မယ်ထင်တာပေါ့😒

သိန်းရင်အာချောင်တာမဟုတ်ပါဘူး
စောစောစီးစီး မိုတီလေးပေးတာပါ😞

#ယနေ့ထုတ်သတင်းစာ_သတင်း
◾️ရေထွက်ကုန်ပစ္စည်းသွင်းကုန်အတွက် မြိတ်၊ ကော့သောင်းနယ်စပ်တွင် MACCS စနစ် အသုံးပြုနိုင်ရန် ဆောင်ရွက်နေ
ရေထွက်ကုန် ပစ္စည်းများအတွက် မြန်မာ့ကုန်ပစ္စည်း အလိုအလျောက်ရှင်းလင်းရေးစနစ် ( MACCS ) ဖြင့် သွင်းကုန်လိုင်စင် လျှောက်ထားခြင်းကိုမြိတ်နှင့် ကော့သောင်းနယ်စပ်ကုန်သွယ်ရေးစခန်းတို့တွင်ဆက်လက်အသုံးပြုနိုင်ရန် လုပ်ဆောင်နေကြောင်း ငါးလုပ်ငန်းဦးစီးဌာနမှ သိရသည်။
ရေထွက်ကုန် ပစ္စည်းများကို ဗြဃဃှ စနစ်ဖြင့် လိုင်စင်လျှောက်ထားရာတွင် လိုအပ်မည့်အချက်အလက်များအား အသိပေးထားပြီးဖြစ်ကာ မြိတ် နှင့် ကော့သောင်း နယ်စပ်ကုန်သွယ်ရေးစခန်းတို့တွင် ဆက်လက် အသုံးပြုနိုင်ရန် လုပ်ဆောင်နေခြင်းဖြစ်ကြောင်း သိရသည်။
ရေထွက်ပစ္စည်းတင်သွင်းသည့်ကုမ္ပဏီများအနေဖြင့် နေပြည်တော်ရုံးချုပ်မှ ခွင့်ပြုချက်ရရှိထားသည့်ကုမ္ပဏီဖြစ်ရမည်ဖြစ်ကာ MACCS စနစ်တွင် အခွန်ပေးဆောင်ခြင်းလုပ်ငန်းစဉ်များကိုပါ တစ်ပါတည်းလုပ်ဆောင်နိုင်ကြောင်း သိရသည်။
#realnews

#ယနေ့ထုတ်သတင်းစာ_နိုင်ငံတကာသတင်း
◾️ ဂါဇာစစ်ပွဲ ပြန်ဖြစ်ပွားနိုင်မှုကြောင့် အရန်တပ်များ အစ္စရေးစစ်ဘက် ဆင့်ခေါ်ထား
အပစ်အခတ်ရပ်စဲရေးသဘောတူညီချက် ပျက်ပြားခဲ့ပါက ဂါဇာစစ်ပွဲ ပြန်လည်ဖြစ်ပွားမည့်အရေးအတွက် အစ္စရေးနိုင်ငံက အရန်တပ်များ ဆင့်ခေါ်ထားကြောင်း ဖေဖော်ဝါရီ ၁၂ ရက်သတင်းများတွင်ရေးသားဖော်ပြထားသည်။
အစ္စရေး၏ အပစ်ရပ်သဘောတူညီချက်ချိုးဖောက်မှုများကြောင့် ဖေဖော်ဝါရီ ၁၅ ရက်တွင် ဓားစာခံများ ထပ်မံလွှတ်ပေးမည့်အစီအစဉ်ကို ဆိုင်းငံ့ထားမည်ဖြစ်ကြောင်း ဟားမားစ်အုပ်စုက ကြေညာခဲ့ပြီးနောက် တစ်လနီးပါးကြာဂါဇာစစ်ပွဲအပစ်အခတ်ရပ်စဲရေးသဘောတူညီချက် ရှေ့ရေးမညီမညာဖြစ်လာခဲ့ရသည်။
အလားတူ စီစဉ်ထားသည့်အတိုင်း ဖေဖော်ဝါရီ ၁၅ ရက်တွင် ဟားမားစ်အုပ်စုက ဓားစာခံများ ပြန်လွှတ်ပေးခြင်းမရှိခဲ့ပါက အပစ်ရပ်သဘောတူညီချက်ကို ဖျက်သိမ်း၍ ဂါဇာစစ်ဆင်ရေးများ ပြန်စမည်ဖြစ်ကြောင်း အစ္စရေးဝန်ကြီးချုပ်နေတန်ယာဟုကလည်း သတိပေးထားသည်။
လက်ရှိအချိန်တွင် ဂါဇာအပစ်ရပ်သဘောတူညီချက် ပျက်ပြားနိုင်မည့်အရေးအတွက် ကြိုတင်ပြင်ဆင်သည့်အနေဖြင့် အစ္စရေးစစ်ဘက်က အရန်တပ်များ ထပ်မံဆင့်ခေါ်ထားကြောင်း အစ္စရေးကာကွယ်ရေးဝန်ကြီး အစ္စရေးလ်ကတ်ဇ်က ဖေဖော်ဝါရီ ၁၂ ရက်တွင် ပြောကြားထားသည်။
အလားတူ အစ္စရေးစစ်ဘက်အနေဖြင့် အစ္စရေးတောင်ပိုင်းသို့ အင်အားဖြည့်တပ်များ ထပ်မံစေလွှတ်ဖြန့်ကြက်နေကြောင်းလည်း သိရသည်။
ဇန်နဝါရီ ၁၉ ရက်တွင် စတင်အာဏာသက်ဝင်ခဲ့သော ဂါဇာကမ်းမြောင်စစ်ပွဲ အပစ်အခတ်ရပ်စဲရေးသဘောတူညီချက်အရ သဘောတူညီချက်ပထမအဆင့် သီတင်းခြောက်ပတ်အတွင်း ဟားမားစ်အုပ်စုက ဓားစာခံ ၃၃ ဦး ပြန်လွှတ်ပေးရမည်ဖြစ်ပြီး အစ္စရေးနိုင်ငံက ပါလက်စတိုင်းအကျဉ်းသား ၂၀၀၀ နီးပါးပြန်လွှတ်ပေးရမည်ဖြစ်သည်။

#ယနေ့ထုတ်သတင်းစာ_သတင်း
◾️ရန်ကုန်(အကယ်ဒမီ)ရွှေသန့်စင်ခန်းမှအသစ်ပြောင်းလဲလိုက်သည့် ရွှေအလေးချိန်ဂရမ်နှင့် တူညီသည့် ရွှေပြားများဖေဖော်ဝါရီ ၁၂ ရက်မှ စတင်ကာ ထွက်ရှိလာပြီ ဖြစ်ကြောင်းသိရသည်။
အသစ်ပြောင်းလဲလိုက်သည့်ရွှေအလေးချိန်ဂရမ်နှင့် တူညီသည့် ရွှေပြားများအကယ်ဒမီရွှေသန့်စင်လုပ်ငန်းမှ စတင်ထုတ်လုပ်လျက်ရှိကြောင်းရန်ကုန်တိုင်းဒေသကြီး ရွှေလုပ်ငန်းရှင်များအသင်းက ထုတ်ပြန်ခဲ့ခြင်းဖြစ်သည်။
ဓာတ်သတ္တု(ရွှေ) ရည်ညွှန်းဈေး သတ်မှတ်ရေးကော်မတီကတစ်ကျပ်သားလျှင်၁၆ဒသမ၃၂၉၃၂၅ဂရမ်ရှိရမည်ဟု သတ်မှတ်ထားရာယင်းစံချိန်အတိုင်း ရွှေပြားများကိုထုတ်လုပ်ထားပြီး ဈေးကွက်အတွင်းထွက်ရှိလာခြင်းဖြစ်သည်။
ယခင်က တစ်ကျပ်သားလျှင်၁၆ ဒသမ ၆၀၆ ဂရမ်ရှိရာမှ အသစ်သတ်မှတ်လိုက်သည့် ဂရမ်နှုန်းကြောင့် ရွှေတစ်ကျပ်သားလျှင်နှစ်ရွေးကျော် ပိုလာမည်ဖြစ်ကြောင်းသိရသည်။