ရိုးမရိပ်သာ တန်ဖိုးနည်းအိမ်ရာ လျှောက်ထားသူ ၄ သိန်းကျော်ရှိ

ရန်ကုန်၊ဖေဖော်ဝါရီ ၂၅

ဒဂုံမြို့သစ်ဆိပ်ကမ်းမြို့နယ်ရှိ ရိုးမရိပ်သာ တန်ဖိုးနည်းအိမ်ရာစီမံကိန်းမှ အခန်းများကို ဝယ်ယူရန်လျှောက်ထားသူ လေးသိန်းကျော်ရှိကြောင်း ရန်ကုန်တိုင်းဒေသကြီးအစိုးရအဖွဲ့မှ သိရသည်။

အဆိုပါ တန်ဖိုးနည်းအိမ်ရာစီမံကိန်းမှ ရောင်းချမည့် တိုက်ခန်းပေါင်း ၁၅၀ ရှိပြီး ဌာနဆိုင်ရာဝန်ထမ်းများကို အခန်း ၅၀၊ အငြိမ်းစားဝန်ထမ်းများကို အခန်း ၅၀၊ အရပ်သားပြည်သူများကို အခန်း ၅၀ ဖြင့် ခွဲတမ်းကျ မဲနှိုက်၍ ရောင်းချမည်ဖြစ်ကြောင်း သိရသည်။

" လျှောက်တယ့်သူတွေက ဒီလောက်များလိမ့်မယ်လို့ မထင်ထားဘူး။ အဲဒီထဲကနေမှ အခန်းပေါင်း ၁၅၀ အတွက် ပြန်ရွေးချယ်ရမှာ။ အကုန်လုံးကိုတော့ နေစေချင်တာပေါ့။ ဒီနေ့လျှောက်လွှာတွေကို အပြီးသတ်စိစစ်မယ်" ဟု ရန်ကုန်တိုင်းဒေသကြီးအစိုးရအဖွဲ့မှ တာဝန်ရှိသူတစ်ဦးကပြောသည်။

ဖေဖော်ဝါရီ ၁၃ ရက်မှစတင်ကာ ၂၁ရက်အထိလျှောက်လွှာများကိုရောင်းချပေးခဲ့ခြင်းဖြစ်ပြီး နေရေးအခက်အခဲရှိသည့် ဝင်ငွေနည်း ပြည်သူများကို အဓိကထား ရောင်းချပေးခြင်းဖြစ်ကြောင်း သိရသည်။

လက်ရှိတွင် ဒဂုံမြို့သစ်တောင်ပိုင်းရှိ သုခဒဂုံပြည်သူ့အငှားအိမ်ရာစီမံကိန်းတွင် နေရေးအခက်အခဲရှိသည့်ပြည်သူများကို ၅ နှစ်သက်တမ်းဖြင့် ငှားရမ်းနေထိုင်ခွင့်ပြုထားပြီးအဆောက်အအုံ ၁၇၁ လုံး တည်ဆောက်ပြီးစီးပြီးဖြစ်ကာ အိမ်ထောင်စု ၂၇၃၆ စုအထိ နေထိုင်နေပြီဖြစ်ကြောင်း သိရသည်။

#သတင်းဟင်းလေးအိုးကြီး

သကြားနဲ့ ကျန်းမာရေး
တစ်ခုခုစားရင် ချိုမှကြိုက်တယ်ဆိုပြီး အချိုတွေချည်းလှိမ့်စားမနေပါနဲ့။ သကြားဓါတ်က လိုအပ်တယ်ဆိုပေမယ့် များလာရင်တော့ ခန္ဓာ ကိုယ်ကို ထိခိုက်မှုအကျိုးဆက်ကတော်တော်လေးများပါတယ်။ဘေဘီလေးတွေကိုကျ အချိုအများကြီးမစားနဲ့ပြောပြီး ကိုယ်တိုင်ကျစားနေမိသေးတဲ့ လူကြီးတွေကတော့ ဒီဆောင်းပါးလေးဖတ်ကြည့်သင့်ပါတယ်။

သကြားဆိုတာ ဘာလဲ

သကြားဆိုတာက များသောအားဖြင့် အစား အစာတွေ နဲ့သောက်စရာတွေထဲမှာ ပါလေ့ရှိတဲ့ ကာဗိုဟိုက်ဒရိတ် တစ်မျိုးပါ။ကော်ဖီနဲ့ အခြားသောမြန်မာမုန့်တွေစားတဲ့အခါမှာလည်း သကြားကိုတွဲဖက်ပြီး စားတတ်ကြပါသေးတယ်။ ဟင်းချက်တဲ့အခါ ထည့်သုံးတတ်ကြသလို သစ်သီးဖျော်ရည်တွေထဲကိုလည်း ထည့်ကြပါတယ်။ အချိုပွဲတော်တော်များများမှာလည်း သကြားက မပါမဖြစ် ပါရသေးတယ်။

သကြားကစွဲလမ်းစေတတ်လား

သကြားက စွဲလမ်းစေတတ်တဲ့ သဘောရှိပါတယ်။ အချိုရည်တွေ၊ ဒိုးနတ်စ်လိုမျိုး မုန့်ချိုချိုလေးတွေကို တစ်ခါလောက်စားပြီးရင်နောက်ထပ်စားချင်လာတယ်ဆိုတာက သကြားကြောင့်ဖြစ်လာတဲ့ စွဲလမ်းမှုပါ။

သကြားအများကြီး မစားပါနဲ့လို့ပြောရတဲ့ အကြောင်းအရင်း

သကြားက အချိုဓါတ်ကို ပေးစွမ်းတယ်။ ခန္ဓာ ကိုယ်မှာ အင်အားပြည့်စေဖို့ သကြားဓါတ်ကို လိုအပ်တယ်ဆိုပေမယ့် အများကြီးစားမိရင်တော့ ဆိုးကျိုးက မသေးပါဘူး။

အဝလွန်လာမယ်

သကြားအများကြီးစားမိတဲ့အခါ ခန္ဓာကိုယ်ကမလိုအပ်ဘဲ ဝိတ်တက်လာမှာ အသေအချာပါ။ စားလိုက်တဲ့ အစားအသောက်ချင်းတူတူပဲဆိုရင်တောင်မှ အချိုပါဝင်မှုများနေတဲ့ အစား အသောက်တွေက ဝိတ်တက်တာကို ပိုဖြစ်စေနိုင်ပါတယ်။ သကြားများများစားမိလေလေ ကိုယ်တွင်းမျာ ကယ်လ်လိုရီ စုပုံမှုက များလာလေလေပါ။နောက်တစ်ချက်က သကြားက ဆာလောင်မှုကိုဖြစ်စေနိုင်ပါသေးတယ်။ ဒါကြောင့် အချိုများများစားတာက ခန္ဓာကိုယ်ကို ဝလာစေဖို့ တွန်းအားပေးနေတာပါပဲ။

နှလုံးရောဂါဖြစ်နိုင်ခြေကို တိုးစေမယ်

အချိုများတဲ့ အစားအစာတွေကို စားတာက နှလုံး ရောဂါအပါအဝင် များစွာသောရောဂါတွေကိုဖြစ်စေနိုင်ပါတယ်။ သကြားစားသုံးမှုများတာက အဝလွန်စေတာ၊ ခန္ဓာကိုယ် အစိတ်အပိုင်းတွေရောင်ရမ်းတာ၊သွေးတွင်း အဆီဓါတ်များတာ၊သွေးတွင်း သကြားဓါတ်များတာ၊သွေးတိုးတာတွေကိုလည်းဖြစ်စေနိုင်ပါတယ်။ အသည်းအဆီဖုံးတာ၊သွေးကြောပိတ်တာကိုဖြစ်စေနိုင်ပါတယ်

သင့်စိတ်ခံစားမှုကို ပုံမမှန်ဖြစ်စေတယ်

နည်းပါးတဲ့ ပမာဏလောက်ဆိုရင် သကြားဓါတ်ဟာ စိတ်ကိုတက်ကြွစေတဲ့ ဆီရိုတိုနင်ဟော်မုန်းကို မြင့်တက်စေပေမယ့် သိပ်များသွားရင်တော့ စိတ်ဓါတ်ကျခြင်း၊ စိုးရိမ်ပူပန်ခြင်းတို့ကို ဖြစ်စေတတ်ပါတယ်။ သွေးထဲမှာ သကြားဓါတ် အပြောင်းအလဲ ရုတ်တရက်ဖြစ်သွားမယ်ဆိုရင် ဒေါသထွက်တာ၊ စိတ်တိုတာမျိုးတွေ ခံစားရနိုင်ပါတယ်။

အိုမင်းရင့်ရော်စေတယ်

သကြားဓါတ်ဟာ သင့်အရေပြားကို ထိခိုက်စေပါတယ်။ အရေပြားရှိတဲ့ အမျှင်တွေရဲ့ အစွမ်း သတ္တိကို နည်းစေတဲ့အပြင် ဆဲလ်တွေ အသစ်ပြန်ဖြစ်မှုကို နှေးစေတယ်။ ရလဒ်အနေနဲ့ အရေးအကြောင်းတွေ ပေါ်လာတယ်။ အသက်စာရင် အိုမင်းရင့်ရော်မှုကို ဖြစ်စေပါတယ်။

ကိုယ်ခံအားစနစ်ကို ထိခိုက်စေတယ်

သကြားအားများခြင်းက သင့်ရဲ့ ရောဂါကာကွယ်နိုင်စွမ်းကို လျော့ကျစေတယ်။ သကြားအစားများခြင်းအားဖြင့် ခုခံအားစနစ်ရဲ့ ၄၀ ရာခိုင်နှုန်း လျော့ကျသွားပါတယ်။ ခုခံအားစနစ်အတွက် အရေးကြီးတဲ့ ခန္ဓာ ကိုယ်တွင်း ဗီတာမင် စီ သိုလှောင်ထားမှုကို ဖျက်စီးပစ်ပြီး သွေးဖြူဥတွေရဲ့ ရောဂါကာကွယ်နိုင်စွမ်းကို နည်းစေပါတယ်။ ရောင်ရမ်းမှုများကို အလွယ်တကူ ဖြစ်စေနိုင်ပြီး အင်မတန်မှကို သေးငယ်တဲ့ ရောင်ရမ်းမှုကတစ်ဆင့် များပြားလှတဲ့ ရောဂါတွေ ဆက်ဖြစ်လာနိုင်ပါတယ်။

အယ်ဇိုင်းမားရောဂါကို ဖြစ်စေနိုင်တယ်

သုတေသန တွေ့ရှိချက်တွေအရ ခန္ဓာကိုယ်ထဲမှာ များပြားလှတဲ့ သကြားဓါတ်တွေကြောင့် သတိမေ့တတ်တဲ့ အယ်ဇိုင်းမားရောဂါ ဖြစ်လာနိုင်ပါတယ်။ ၂၀၁၃ မှာ လုပ်ထားတဲ့ တွေ့ရှိချက်အရ သွေးထဲသကြားဓါတ်များတဲ့ အခြေအနေနဲ့ အာရုံကြောစနစ် ပျက်စီးပြီး အယ်ဇိုင်းမားဖြစ်နိုင်ချေဟာ ဆက်စပ်နေတာကို တွေ့ရပါမယ်။

မှတ်ဉာဏ်ကိုလည်း နည်းစေတယ်

သကြားအလွန်အကျွံစားခြင်းဟာ သင့်ရဲ့ မှတ် ဉာဏ်ကို ထိခိုက်စေပါတယ်။ မှတ်ဉာဏ်ဖွံ့ဖြိုးမှုအတွက် အရေးကြီးတဲ့၊ ဦးနှောက်မှာ ရှိတဲ့ Hippocampus လို့ ခေါ်တဲ့နေရာဟာ သကြားအစားများတဲ့သူတွေမှာ သေးသွားတတ်တယ်လို့ တွေ့ရှိချက်တစ်ခုကလည်း ဆိုထားပါတယ်။

အာဟာရချို့တဲ့ စေမယ်

သကြားက အာဟာရပါဝင်မှုမရှိပါဘူး။ ခန္ဓာ ကိုယ်မှာ အကျိုးမပြုတဲ့ အဆီတွေတက်စေရုံကလွဲလို့ လိုအပ်တဲ့ အာဟာရကို လုံးဝမဖြည့်ပေးနိုင်တာ အသေအချာပါ။ ဒါကြောင့် အချိုစာတွေပဲစားနေမယ်၊ ထမင်းမစားဘူး၊ အခြားအားဖြစ်စေတဲ့ အစားအစာတွေကို မစားဘူးဆိုရင် ကြာရင် အာဟာရချို့တဲ့လာမှာ အသေအချာပါ။

ဆီးချိုဖြစ်နိုင်ခြေကို တိုးစေမယ်

ကမ္ဘာတလွှားမှာပြီးခဲ့တဲ့နှစ် ၃၀ အတွင်း ဆီးချိုဖြစ်တဲ့ ဦးရေဟာ နှစ်ဆကျော်လောက် တိုးလာခဲ့ပါတယ်။ ဒီလိုဖြစ်ရတဲ့ အကြောင်းရင်းခံကပြောင်းလဲလာတဲ့နေထိုင်စားသောက်မှုအရ အချိုကဲတဲ့အစားအစာတွေကို နှစ်ခြိုက်စွာ စားသုံးလို့ရပါတယ်။ သကြားတာရှည်စွာ စားသုံးမှုက အင်ဆူလင်ထွက်ရှိမှုကို အနှောင့် အယှက်ဖြစ်စေပြီးသွေးတွင်းသကြားဓါတ်ကို ထိန်း ချုပ်နိုင်စွမ်းကျလာရာကနေတဆင့်သွေးချို ဆီးချို ရောဂါ ဖြစ်လာစေနိုင်ပါတယ်။

ကင်ဆာဖြစ်နိုင်ခြေ တိုးလာစေမယ်

သကြားစားသုံးမှုများတာက ကင်ဆာဖြစ်နိုင် ခြေကို တိုးစေနိုင်ပါတယ်။ သကြားစားသုံးမှုများတာက အစပိုင်းမှာတော့ အဝလွန်တာလောက်စဖြစ်လာမှာပါ။ ဒီကနေတဆင့် အစာရေမျိုကင်ဆာ၊ အဆုတ်ကင်ဆာ၊ အူသိမ်ကင်ဆာတွေဖြစ်လာနိုင်ပါတယ်။

အခြားသောဆိုးကျိုးများ

ဒါတွေအပြင် သကြားစားသုံးမှုများတာက အသည်းအဆီဖုံးတာ၊ ဝက်ခြံဖြစ်တာ၊ အရွယ်မတိုင်ခင်အိုမင်းရင့်ရော်တာ၊ဂေါက်ရောဂါ၊ သွားနဲ့ခံတွင်းရောဂါ၊ ကျောက်ကပ်ရောဂါ နဲ့ သိမြင်မှုစွမ်းရည် ကျဆင်းတာမျိုးတွေခံစားရနိုင်ပါတယ်။ ဒါကြောင့် အချိုအရမ်းကြိုက်တတ်ရင်တောင်ရောဂါတွေကိုဝင်လာနိုင်တဲ့အန္တရာယ်ကို သတိပြုလို့ သကြားစားသုံးမှုကိုလျှော့ပါလို့ အကြံပြုပါရစေ။

ကံကောင်းနေတယ်ဆိုတာ စိတ်ထားကောင်းလို့ပါ။
ပျော်ရွှင်နေတယ်ဆိုတာ အတွေးတွေ မှန်ကန်နေလို့ပါ ။
လောကမှာ အပြစ်ကင်းစင်ပြီး
လုံးဝ စိတ်ထားကောင်းတဲ့သူဆိုတာ မရှိပါဘူး ။
စိတ်ထားကောင်းအောင် ကြိုးစားနေထိုင်တဲ့သူပဲ ရှိတယ် ။
အမြဲတမ်း ပျော်ရွှင်နေတဲ့သူဆိုတာ မရှိပါဘူး ။
ပျော်အောင် ကြိုးစားနေထိုင်တဲ့သူပဲ ရှိပါတယ် ။
အမြဲတမ်း အဆင်ပြေတဲ့သူဆိုတာလည်း မရှိပါဘူး ။
ရောက်တဲ့နေရာမှာ အဆင်ပြေအောင်
ကြိုးစားနေထိုင်တဲ့ သူပဲ ရှိပါတယ် ။
ဘဝမှာ
ပြည့်စုံတဲ့သူရယ်လို့ မရှိပါဘူး ။
လူတိုင်းမှာ ပြည့်စုံအောင် ကြိုးစားနေတဲ့သူတွေကြီးပါ ။
မွေးဖွားကြတယ် ။
ရှင်သန်ကြတယ် ။
ပြီးတော့ မဖြစ်မနေ သေဆုံးသွားကြတယ် ။
တကယ်တမ်း တွေးကြည့်ရင် ဘဝဆိုတာ တိုတိုလေးပါ ။
ဒါကြောင့်
စိတ်ညစ်လည်း တစ်နေ့ ။ ပျော်လည်း တစ်နေ့ ။
အချိန်တွေ ကုန်ဆုံးသွားမည့်အတူတူ
နေ့ရက်တိုင်းမှာ ပျော်ရွှင်စွာ ဖြတ်သန်းပါ ။

နင်တို့ပြောတော့ ဂျပန်တွေက နှိပ်စက် တာဆို

ရှိုးပွဲတွေမဆို ၅ နှစ်လောက်ရှိပေမယ့် အဆိုတော် မနောရဲ့ ပထမဆုံးပွဲအဖြစ် ဂုဏ်၊ ငွေတွေမပါဘဲ ကောက်စိုက်သမလေးတွေကို ဖျော်ဖြေပေးခဲ့ပါတယ်
သူ့ရဲ့ ဖြူစင်သန့်ရှင်းလွန်းလှတဲ့ စိတ်ဓာတ်လေးကို လေစားမိပါတယ်။ တောင်သူလယ်သမားတွေဆိုတာ အားလုံးရဲ့ ကျေးဇူးရှင်တွေပါ။ တစ်ချို့သောလူတွေက တောသားတွေကို နှိမ်နေကြတဲ့အချိန် ကိုမနောရဲ့ တောသူတောင်သားတွေအပေါ် အလေးထား တန်ဖိုးထားမှု့ကို လေးစားရပါတယ်။
ဂုဏ်ငွေတွေမပါတဲ့ အညတရ SHOW ပွဲလေး ကို လယ်ကွင်းပြင်ကြီးထဲက ကောက်စိုက်သမလေးတွေကို ဖျော်ဖြေပေးခဲ့လို့ ဝမ်းသာပီတိဖြစ်မိပါတယ်။
စိတ်ထားဖြူစင်တဲ့ အဆိုတော် မနောရဲ့ တေးသီချင်းတွေဟာ မြန်မာပရိသတ် လူကြီးလူငယ်မရွေးကြားမှာ ရေပန်းစား အောင်မြင်ခဲ့တဲ့သီချင်းတွေဖြစ်ခဲ့ပါတယ်။
ထာဝရအောင်မြင်မှု့တွေရပါစေ ကိုမနောရေ....
#celebrity #manaw #မနော #သီချင်း #musica #တောင်သူ #လေးစား #တန်ဖိုးထား
#celenews

ရှိုးပွဲတွေမဆို ၅ နှစ်လောက်ရှိပေမယ့် အဆိုတော် မနောရဲ့ ပထမဆုံးပွဲအဖြစ် ဂုဏ်၊ ငွေတွေမပါဘဲ ကောက်စိုက်သမလေးတွေကို ဖျော်ဖြေပေးခဲ့ပါတယ်
သူ့ရဲ့ ဖြူစင်သန့်ရှင်းလွန်းလှတဲ့ စိတ်ဓာတ်လေးကို လေစားမိပါတယ်။ တောင်သူလယ်သမားတွေဆိုတာ အားလုံးရဲ့ ကျေးဇူးရှင်တွေပါ။ တစ်ချို့သောလူတွေက တောသားတွေကို နှိမ်နေကြတဲ့အချိန် ကိုမနောရဲ့ တောသူတောင်သားတွေအပေါ် အလေးထား တန်ဖိုးထားမှု့ကို လေးစားရပါတယ်။
ဂုဏ်ငွေတွေမပါတဲ့ အညတရ SHOW ပွဲလေး ကို လယ်ကွင်းပြင်ကြီးထဲက ကောက်စိုက်သမလေးတွေကို ဖျော်ဖြေပေးခဲ့လို့ ဝမ်းသာပီတိဖြစ်မိပါတယ်။
စိတ်ထားဖြူစင်တဲ့ အဆိုတော် မနောရဲ့ တေးသီချင်းတွေဟာ မြန်မာပရိသတ် လူကြီးလူငယ်မရွေးကြားမှာ ရေပန်းစား အောင်မြင်ခဲ့တဲ့သီချင်းတွေဖြစ်ခဲ့ပါတယ်။
ထာဝရအောင်မြင်မှု့တွေရပါစေ ကိုမနောရေ....
#celebrity #manaw #မနော #သီချင်း #musica #တောင်သူ #လေးစား #တန်ဖိုးထား
#celenews

ရှိုးပွဲတွေမဆို ၅ နှစ်လောက်ရှိပေမယ့် အဆိုတော် မနောရဲ့ ပထမဆုံးပွဲအဖြစ် ဂုဏ်၊ ငွေတွေမပါဘဲ ကောက်စိုက်သမလေးတွေကို ဖျော်ဖြေပေးခဲ့ပါတယ်
သူ့ရဲ့ ဖြူစင်သန့်ရှင်းလွန်းလှတဲ့ စိတ်ဓာတ်လေးကို လေစားမိပါတယ်။ တောင်သူလယ်သမားတွေဆိုတာ အားလုံးရဲ့ ကျေးဇူးရှင်တွေပါ။ တစ်ချို့သောလူတွေက တောသားတွေကို နှိမ်နေကြတဲ့အချိန် ကိုမနောရဲ့ တောသူတောင်သားတွေအပေါ် အလေးထား တန်ဖိုးထားမှု့ကို လေးစားရပါတယ်။
ဂုဏ်ငွေတွေမပါတဲ့ အညတရ SHOW ပွဲလေး ကို လယ်ကွင်းပြင်ကြီးထဲက ကောက်စိုက်သမလေးတွေကို ဖျော်ဖြေပေးခဲ့လို့ ဝမ်းသာပီတိဖြစ်မိပါတယ်။
စိတ်ထားဖြူစင်တဲ့ အဆိုတော် မနောရဲ့ တေးသီချင်းတွေဟာ မြန်မာပရိသတ် လူကြီးလူငယ်မရွေးကြားမှာ ရေပန်းစား အောင်မြင်ခဲ့တဲ့သီချင်းတွေဖြစ်ခဲ့ပါတယ်။
ထာဝရအောင်မြင်မှု့တွေရပါစေ ကိုမနောရေ....
#celebrity #manaw #မနော #သီချင်း #musica #တောင်သူ #လေးစား #တန်ဖိုးထား
#celenews

လူမျိုးရေးခွဲခြားတဲ့ မှတ်ချက်ပြောခဲ့တယ်လို့ မော်ရင်ဟို စွပ်စွဲခံရ

ဖေဖော်ဝါရီ ၂၅

ပေါ်တူဂီလူမျိုးနည်းပြ မော်ရင်ဟိုဟာ ဂါလာတာစာရေးနဲ့ ဖီနာဘာချီအသင်းတို့ ဂိုးမရှိ သရေကျခဲ့တဲ့ တူရကီ စူပါလိဂ်ပွဲစဉ်မှာ လူမျိုးရေးခွဲခြားတဲ့ မှတ်ချက်ပြောခဲ့တယ်လို့ ဂါလာတာစာရေးအသင်းက စွပ်စွဲခဲ့ပါတယ်။

အစ္စတန်ဘူလ်ဒါဘီဟာ ကမ္ဘာပေါ်မှာ အပြင်းထန်ဆုံး ဒါဘီပွဲစဉ်တွေထဲက တစ်ပွဲဖြစ်တဲ့အတွက် တင်းကြပ်တဲ့ လုံခြုံရေး အစီအမံတွေ ချထားခဲ့ပေမယ့် ပွဲကြည့်စင်ပေါ်ကနေ မီးရူးမီးပန်းတွေ ပစ်ချခဲ့တဲ့အတွက် ပွဲကို မိနစ် အနည်းငယ်ကြာ ရပ်နားခဲ့ရသေးတာပါ။

ဒီပွဲကို ကွင်းလယ်ဒိုင်လူကြီးအဖြစ် တာဝန်ယူခဲ့ရတဲ့ ဆလိုဗေးနီးယားလူမျိုး ဗင်ဆင့်ဟာ အဝါကတ် အများအပြား ပြသပြီး ပွဲကိုထိန်းခဲ့ရတာ ဖြစ်ပါတယ်။

ဒီပွဲမစတင်ခင်မှာ နှစ်သင်းစလုံး ကစားသမားတွေဟာ လက်ဆွဲနှုတ်ဆက်ဖို့ ငြင်းဆန်ခဲ့ကြတာပါ။

ဖီနာဘာချီအသင်းကို တာဝန်ယူပြီးကတည်းက တူရကီဒိုင်လူကြီးတွေကို ပုံမှန်ဝေဖန်နေတဲ့ မော်ရင်ဟိုဟာ ဒီပွဲအတွက် နိုင်ငံခြားသား ဒိုင်လူကြီးတစ်ဦးကို ခန့်အပ်ခဲ့တဲ့ တူရကီဘောလုံးအဖွဲ့ချုပ်ရဲ့ ဆုံးဖြတ်ချက်ကို ကြိုဆိုခဲ့ပါတယ်။

ပွဲအပြီးမှာ မော်ရင်ဟိုဟာ ဂါလာတာစာရေးနဲ့ ဖီနာဘာချီအသင်းတို့ ပွဲစဉ်ကို ကိုင်တွယ်ခဲ့တဲ့ ကွင်းလယ်ဒိုင်လူကြီးရဲ့ စွမ်းဆောင်ရည်ကို ချီးကျူးခဲ့ပြီး တူရကီဒိုင်တွေနဲ့ ကွဲပြားခြားနားတယ်လို့ ပြောခဲ့တာပါ။

ဒါအပြင် မော်ရင်ဟိုက အိမ်ရှင် ဂါလာတာစာရေးအသင်းရဲ့ အရန်ခုံတန်းဟာ မျောက်တွေလို ခုန်ပေါက်နေတယ်လို့ ပြောခဲ့ပါတယ်။

ဂါလာတာစာရေးအသင်းဟာ မော်ရင်ဟိုရဲ့ ဒီမှတ်ချက်ကို တုန့်ပြန်တဲ့အနေနဲ့ SayNoToRacism နဲ့အတူ ကြေညာချက် ထုတ်ပြန်ခဲ့တာပါ။

ဂါလာတာစာရေးအသင်းဟာ မော်ရင်ဟိုရဲ့ လူမျိုးရေးခွဲခြားတဲ့ ပြောဆိုမှုနဲ့ ပတ်သက်ပြီး ရာဇဝတ်မှုဆိုင်ရာ စွဲချက် တင်ဖို့ပါ ရည်ရွယ်ထားပြီး ဥရောပဘောလုံးအဖွဲ့ချုပ်(UEFA)နဲ့ ကမ္ဘာ့ဘောလုံးအဖွဲ့ချုပ်(FIFA) ထံ တရားဝင် တိုင်ကြားမှုတွေ ပြုလုပ်သွားဖို့ရှိတယ်လို့ ကြေညာချက်ထဲမှာ ဖော်ပြထားပါတယ်။

ဂါလာတာစာရေးနဲ့ ဖီနာဘာချီအသင်းတို့ရဲ့ ဂိုးမရှိ သရေရလဒ်ကြောင့် ဂါလာတာစာရေးအသင်းဟာ ဖီနာဘာချီ အသင်းကို ၆ မှတ်ဖြတ်ပြီး တူရကီစူပါလိဂ် အမှတ်ပေးဇယား ထိပ်ဆုံးနေရာမှာ ရပ်တည်နေတာဖြစ်ပါတယ်။

Source: Dailymail

ပုံ - မော်ရင်ဟိုကို တွေ့ရစဉ်

#ဘောလုံးသတင်းစုံ

တရုတ်ခရီးသွားများ ထိုင်းထက် ဂျပန်သွားရန် ဦးစားပေးရွေးချယ်လာ

ဘန်ကောက် ၊ ဖေဖော်ဝါရီ ၂၅

ထိုင်းနိုင်ငံတွင် ယခုနှစ်အစောပိုင်းက တရုတ်နိုင်ငံသား သရုပ်ဆောင်တစ်ဦး ပြန်ပေးဆွဲခံခဲ့ရသည့် ဖြစ်စဉ်ကြောင့် တရုတ်ခရီးသွားများသည် ထိုင်းနိုင်ငံထက် ဂျပန်၊ စင်္ကာပူ အစရှိသည့် နိုင်ငံများကို သွားရောက်လည်ပတ်ရန် ဦးစားပေး ရွေးချယ်လာကြသည်ဟု ဘန်ကောက်ပို့စ်မှ ဖော်ပြခဲ့သည်။

ထို့ကြောင့် ယခုနှစ်အတွင်း တရုတ်ခရီးသွား ၉ သန်းခန့်ကို လာရောက်ရန် ဆွဲဆောင်မည့် ထိုင်း၏ ရည်မှန်းချက် သည် အောင်မြင်နိုင်ခြေ ရှိ/မရှိ မေးခွန်းထုတ်နေကြသည်။

ပြီးခဲ့သည့်လအတွင်း ထိုင်းနိုင်ငံသို့ လာရောက်ရန် စီစဉ်ထားသည့် လေကြောင်းခရီးစဉ်များကို ခရီးသွားများဘက်မှ ပြန်လည် ပယ်ဖျက်မှုသည် ၉၄ ရာခိုင်နှုန်း မြင့်တက်ခဲ့ကြောင်း Bloomberg Intelligence သုတေသနတွင် ဖော်ပြထားသည်။

ထို့ပြင် ယခုနှစ် တရုတ်နှစ်သစ်ကူး ကာလအတွင်း တရုတ်ခရီးသွားများသည် ဂျပန်နိုင်ငံ၏ ရေပူစမ်းများ၊ နှင်းလျှောစီး ကွင်းများကိုသာ ပိုမိုသွားရောက်ခဲ့ကြသည်။

ဖေဖော်ဝါရီလ၏ ပထမသီတင်းနှစ်ပတ်တွင် ထိုင်းသို့ ခရီးသွားများ လာရောက်မှုနှုန်းသည် ပြီးခဲ့သည့်နှစ် ကာလတူကထက် ပိုမိုနည်းပါးနေဆဲဖြစ်သည်။

တရုတ်ရုပ်ရှင်သရုပ်ဆောင် ဝမ်ရှင်း (Wang Xing) သည် ယခုနှစ် အစောပိုင်းက ထိုင်းနိုင်ငံမှတဆင့် မြန်မာနိုင်ငံ အတွင်းသို့ ပြန်ပေးဆွဲခံခဲ့ရပြီးနောက် ပြန်လည်ကယ်တင်ခဲ့ရသည့် ဖြစ်ရပ်ကြောင့် တရုတ်ပြည်မကြီးမှ ခရီးသွား အများစုက တရုတ်နှစ်ကူးကာလတွင် ထိုင်းသို့ သွားရောက်မည့် ခရီးစဉ်များကို ဖျက်သိမ်းခဲ့ခြင်းဖြစ်သည်။

ထို့ကြောင့် ခရီးသွားကဏ္ဍအပေါ် မှီခိုနေရသည့် ထိုင်းသည် ထိုင်း-မြန်မာနယ်စပ်ရှိ ကျားဖြန့်ဂိုဏ်းများကို ဖိဖိစီးစီး တိုက်ဖျက်နေသော်လည်း ခရီးသွားများ၏ စိုးရိမ်မှုများကို အနည်းငယ်သာ ဖြေဖျောက်နိုင်ခဲ့သည်။

“လုံခြုံရေးကို စိုးရိမ်နေကြတာကြောင့် ထိုင်းခရီးသွားတွေဟာ ထိုင်းကို သွားလည်မယ့် ခရီးစဉ်တွေကို စဉ်းစားနေ ကြပါတယ်။ ထိုင်းရဲ့ လုံခြုံရေးကို မြှင့်တင်နေတဲ့ သတင်းတွေထက် ကျားဖြန့် သတင်းဆိုးတွေက ပိုပြီးများပြား ပျံ့နှံ့ နေပါတယ်” ဟု Bloomberg Intelligence ၏ လေ့လာသူ အဲရစ်ကျူး (Eric Zhu) က ပြောကြားခဲ့သည်။

ပြီးခဲ့သည့်လအတွင်းက ဂျပန်သို့ တရုတ်ခရီးသွား ၉၈၀,၀၀၀ ခန့် စံချိန်တင် သွားရောက်ခဲ့ကြပြီး ထိုအရေအတွက် သည် ပြီးခဲ့သည့်နှစ် ကာလတူကထက် တရုတ်ခရီးသွား အရေအတွက် ၂ ဆကျော် မြင့်တက်ခဲ့ကြောင်း ဂျပန် အမျိုးသား ခရီးသွားလာရေးအဖွဲ့က ပြောကြားခဲ့သည်။

ထိုင်းနိုင်ငံတွင် ဇန်နဝါရီ ၁ ရက်မှ ဖေဖော်ဝါရီ ၂ ရက်အထိ တရုတ်ခရီးသွား ၇၁၁,၀၀၀ ဦးသာ လာရောက်ခဲ့သည်။

Source: ဘန်ကောက်ပို့စ်

ပုံ - ခရီးသွားများကို ဘန်ကောက်မှာတွေ့ရစဉ်

#သတင်းဟင်းလေးအိုးကြီး

ထရမ့်အစိုးရက USAID ဝန်ထမ်း ၁၆၀၀ ကို ရာထူးမှ ထုတ်ပယ်

ဝါရှင်တန်၊ ဖေဖော်ဝါရီ ၂၅

အမေရိကန်သမ္မတ ဒေါ်နယ်ထရမ့် (Donald Trump) ၏ အစိုးရအဖွဲ့သည် အမေရိကန်နိုင်ငံအတွင်း တာဝန် ထမ်းဆောင်နေသည့် USAID ၏ ဝန်ထမ်း ၁၆၀၀ ကို ရာထူးမှ ထုတ်ပယ်ခဲ့သည်ဟု ရိုက်တာမှ ဖော်ပြခဲ့သည်။

ထို့နောက် ခေါင်းဆောင်များနှင့် အရေးကြီး တာဝန်ကို ယူထားရသည့် ဝန်ထမ်းအချို့မှလွဲပြီး ကျန်ဝန်ထမ်း အားလုံးကို လစာခံစားခွင့်ပေး၍ ခွင့်ယူရန် ဖေဖော်ဝါရီ ၂၃ ရက်က ပြောကြားခဲ့သည်။

ဘီလျံနာသူဋ္ဌေး အီလွန်မာ့စ် ၏ အစိုးရအကျိုးဆောင်ဌာန (DOGE) သည် USAID ကို တင်းကြပ်စွာ စိစစ် လုပ်ဆောင်နေခြင်းကြောင့် ပြည်ပနိုင်ငံများအပေါ် အာဏာအပျော့ဖြင့် ဩဇာလွှမ်းမိုးရန် အသုံးချခဲ့သည့် USAID ၏ အနာဂတ်ကို မရေမရာဖြစ်စေခဲ့သည်။

“ယခုကဲ့သို့ ဝန်ထမ်းအင်အား လျှော့ချမှုကြောင့် သင့်အတွက် ထိခိုက်မှု ရှိသွားသည့်အတွက် ဝမ်းနည်းစွာ အကြောင်းကြားအပ်ပါသည်”ဟု ရေးသားထားသည့် အီးမေးလ်များကို ထရမ့်အစိုးရအဖွဲ့က အလုပ်မှ ထုတ်ပယ်ခံ ရသည့် USAID ဝန်ထမ်းများကို ပေးပို့ခဲ့သည်ဟု ဆိုသည်။

ထိုအီးမေးလ်ကို ရိုက်တာသတင်းဌာနကလည်း ကြည့်ရှုခဲ့ပြီး အလုပ်မှ ထုတ်ပယ်ခံရသူများသည် ဧပြီ ၂၄ ရက်မှ စပြီး USAID ကနေ ထွက်ခွာရမည်ဖြစ်ကြောင်း အီးမေးလ်ထဲတွင် ရေးသာထားသည်။

USAID ၏ ဝက်ဘ်ဆိုက်တွင်လည်း ဖေဖော်ဝါရီ ၂၄ ရက် အမေရိကန် အရှေ့ပိုင်းစံတော်ချိန် ညသန်းခေါင် အချိန် မတိုင်မီ အရေးကြီးသည့် ဝန်ထမ်းများမှလွဲပြီး ကျန်ဝန်ထမ်းအားလုံးကို ခွင့်ပေးသည့်စာရင်းတွင် သတ်မှတ် လိုက်ကြောင်းနှင့် နိုင်ငံအတွင်းရှိ USAID ဝန်ထမ်း ၁၆၀၀ ကို အလုပ်မှ ထုတ်ပယ်မည်ဖြစ်ကြောင်း ရေးသားခဲ့ သည်။

အစောပိုင်းက USAID ဝန်ထမ်းများကို ပေးပို့သည့် အကြောင်းကြားစာတွင်မူ ဝန်ထမ်းအင်အား ၂၀၀၀ ကို ဖယ်ရှားမည်ဟု ဖော်ပြထားပြီး ထိုအကြောင်းကြားစာကိုလည်း ရိုက်တာသတင်းဌာနက မြင်တွေ့ခဲ့သည်။
အိမ်ဖြူတော်ကမူ ထိုလုပ်ဆောင်မှုနှင့်ပတ်သက်ပြီး မှတ်ချက်ပေးခဲ့ခြင်းမရှိပေ။

USAID အရာရှိဟောင်း ၂ ဦးကမူ အမေရိကန်တွင် တာဝန်ထမ်းဆောင်နေသည့် USAID ဝန်ထမ်း ၄၆၀၀ အနက် အများစုသည် လစာခံစားခွင့်ဖြင့် ခွင့်ပေးပြီး အနားယူရလိမ့်မည်ဟု ပြောကြားခဲ့သည်။

ယခုကဲ့သို့ USAID ဝန်ထမ်းများကို လျှော့ချမှုသည် အမေရိကန်အစိုးရအဖွဲ့၏ အမြင်ကျဉ်းမြောင်းမှု ဖြစ်သည်ဟု လည်း USAID ဝန်ထမ်းဟောင်း တစ်ဦးဖြစ်သည့် မာစီယာ ဝေါင် (Marcia Wong) က ပြောကြားခဲ့သည်။

Source: ရိုက်တာ

ပုံ - USAID နဲ့ အမေရိကန်အလံကိုတွေ့ရစဉ်

#centralnewsnaypyitaw