‘A Minecraft Movie’ ကတော့ အဖွင့်ပြသမှုမှာ မျှော်မှန်းထားတာထက် ဒေါ်လာ ၁၆၃ သန်းနီးပါးနဲ့ ရုံတင်ဝင်ငွေကို ချိုးဖျက်လိုက်ပါတယ်။
၂၀၁၁ ခုနှစ် ဗီဒီယိုဂိမ်းမှ ပြန်လည်ရိုက်ကူးထားတဲ့ ဒီဇာတ်ကားကတော့ မျှောလင့်ထားတဲ့ ရုံတင်ဝင်ငွေကို ချိုးဖျက်ကာ ပြည်တွင်းမှာ ဒေါ်လာ ၁၆၂.၇၅ သန်း ရရှိခဲ့ပြီး၊ ယခုနှစ်ရဲ့ အကြီးမားဆုံး အဖွင့်ပြသမှုအဖြစ် မှတ်တမ်းတင်ခဲ့ပါတယ်။
သုံးသပ်သူတွေက Warner Bros. ရဲ့ “A Minecraft Movie” ဟာ ဒေါ်လာ ၆၀ သန်းခန့် ဝင်ငွေရရှိမယ်လို့ ကနဦးတွက်ချက်ခဲ့ကြပါတယ်။ Comscore ရဲ့ တနင်္ဂနွေနေ့မှာ တွက်ချက်မှုအရ ဒီဇာတ်ကားဟာ ပြည်တွင်းဝင်ငွေ ဒေါ်လာ ၁၅၇ သန်းခန့် ရရှိမယ်လို့ ခန့်မှန်းခဲ့ကြပါတယ်။
“ဒါဟာ ပထမဆုံး လုပ်ပြနိုင်တဲ့ အကောင်းဆုံး ရုပ်ရှင်ပဲ” လို့ Comscore ရဲ့ အကြီးတန်းမီဒီယာသုံးသပ်သူ Paul Dergarabedian က CNN ကို ပြောကြားခဲ့ပါတယ်။
“A Minecraft Movie” ကတော့ Disney ကထုတ်တဲ့ “Captain America: Brave New World” ရဲ့ အဖွင့်ပြသမှုကို ကျော်ဖြတ်ခဲ့ပါတယ်။ ဒီဇာတ်ကားဟာ ဒီနှစ်ရဲ့ အကောင်းဆုံးအဖွင့်ပြသမှု အကောင်းဆုံးဇာတ်ကားလို့လည်း စံချိန်တင်ထားပါသေးတယ်။
“ကြိုတင်ရောင်းချမှုနဲ့ စိတ်ဝင်စားမှုတွေဟာ အဖွင့်ညမတိုင်မီ ကာလအတွင်း ထူးထူးခြားခြား အရှိန်မြှင့်တက်လာခဲ့တယ်” လို့ Fandango ရဲ့ ရုပ်ရှင်ခွဲခြမ်းစိတ်ဖြာမှုဒါရိုက်တာနဲ့ Box Office Theory ရဲ့ တည်ထောင်သူ ရှောင် Shawn Robbins CNN စီကို အီးမေးလ်တစ်စောင်ပို့ပြီး ပြောကြားခဲ့ပါတယ်။
Shawn Robin ကတော့ ကောလိပ်ကျောင်းသားများနဲ့ ဆယ်ကျော်သက်များစွာက ဒီဇာတ်ကားရဲ့ အဖွင့်အချိန်မှာ နွေဦးအားလပ်ရက်ဖြစ်နေခဲ့တာကြောင့် ဒီဇာတ်ကားဟာ စျေးကွက်မှာ အများကြီး အထောက်အကူဖြစ်သွားတယ်လို့ မှတ်ချက်ပြုသွားခဲ့ပါတယ်။
ဗီဒီယိုဂိမ်းဇာတ်ကားတွေကတော့ တဖြည်းဖြည်း လူကြိုက်များလာနေတဲ့ ရုပ်ရှင်အမျိုးအစားတစ်ခု ဖြစ်လာနေပြီး၊ Universal Pictures ရဲ့ “The Super Mario Bros. Movie” ကလည်း ၂၀၂၃ ခုနှစ် ဧပြီလမှာ ဒေါ်လာ ၁၄၆ သန်းနဲ့ စတင်ခဲ့ပြီး၊ ၂၀၂၃ ခုနှစ် အောက်တိုဘာမှာတော့ “Five Nights at Freddy’s” ($80 သန်း) နဲ့ Paramount Pictures ရဲ့ “Sonic the Hedgehog 2” ($72 သန်း) တို့က အသီးသီး အောင်မြင်မှုတွေများစွာရရှိခဲ့ကြပါတယ်။ “A Minecraft Movie” ကလည်း Comscore ရဲ့ အဆိုအရ ဗီဒီယိုဂိမ်းအခြေခံ ဇာတ်ကားတစ်ကားအတွက် ပြည်တွင်းအဖွင့်ပြသမှု အကြီးမားဆုံး ဖြစ်လာခဲ့တယ်လို့ပြောလာခဲ့ပါတယ်။
‘A Minecraft Movie’ ကတော့ လက်ရှိမှာ ရုံတင်ပြသနေပြီး တစ်ကမ္ဘာလုံးအနေနဲ့ ရုံဝင်ငွေ $313.7M နဲ့ ဦးဆောင်နေတုန်းဖြစ်ပါတယ်။
