အုတ်ဖိုတွင် လူငယ်များကို စစ်မှုထမ်းခိုင်းရန် ပေါ်တာဆွဲဖမ်းဆီးရာတွင် ပါဝင်နေသူ ရာအိမ်မှူး ပျူ စောထီး ခေါင်းဆောင် ဖိုးဖြူ ပစ်ခတ်ခံရပြီးသေဆုံး
ရန်ကုန်၊ ဧပြီ ၉
ပဲခူးတိုင်း၊ သာယာဝတီခရိုင်၊ အုတ်ဖိုမြို့နယ်တွင် လူငယ်များကို စစ်မှုထမ်းခိုင်းရန် ပေါ်တာဆွဲဖမ်းဆီးရာတွင် ပါဝင်နေသူ ရာအိမ်မှူး ပျူ စောထီး ခေါင်းဆောင် ဖိုးဖြူ ပစ်ခတ်ခံရပြီး သေဆုံးသွားကြောင်း မြေအောက်ပြောက်ကျားတပ်ဖွဲ့ -အုတ်ဖိုမှ တာဝန်ရှိသူ တစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။
ယမန်နေ့ ဧပြီလ ၈ ရက်နေ့ မွန်းလွဲ ၁ နာရီ ၂၄ မိနစ်အချိန် အုတ်ဖိုမြို့နယ်၊ သရက်နှစ်ဖျားလိမ်အုပ်စု၊ ပေါင်း တည်စုရွာနေ ပျူခေါင်းဆောင် ရာအိမ်မှူး ဖိုးဖြူ သည် ခမရ ၆ တိမ်မြုပ်တပ်မှ ဆိုင်ကယ်ဖြင့် တစ်ဦး တည်းပြန်လာစဉ် ပေါင်းတည်စုကျေးရွာအနီးလမ်းမပေါ်အရောက် သာယာဝတီခရိုင် တပ်ရင်း ၃၈၀၂ တပ်ခွဲ ၄ မြေအောက်ပြောက်ကျား တပ်ဖွဲ-အုတ်ဖို ၏ ရဲဘော်များက ပစ်ခတ်ရှင်းလင်းခဲ့ရာ ဦးခေါင်း ကျည်တစ်ချက်ထိမှန်ကာ သေဆုံးသွားကြောင်း သိရသည်။
“ဖိုးဖြူက စကစတွေကို သူ့အိမ်မှာ ဝိုင်းထိုင်ဧည့်ခံကာ အပြင်ကနေ ကင်းတွေချထားပြီးတော့ ရွာကို မီးရှို့မယ် ခြိမ်းခြောက်လို့ ရွာဘုန်းကြီးရော၊ ပြည်သူတွေရော ရှောင်နေကြရတာ၊ အဲဒီအချိန်မှာ သူက အိမ်တွေထဲက တွေ့တဲ့ပစ္စည်းတွေကိုလည်း အကုန်ယူတယ်။ အုပ်ကြီး မရှိတော့ သူက စကစနဲ့ ပေါင်း ပြီး အကုန်လုပ်နေတာ၊ ရာအိမ်မှူးလည်း သူပဲ၊ ပျူခေါင်းဆောင်ဆိုလည်း သူပဲ၊ သူပဲအကုန် လက်ညှိုး ထိုးပြနေတာပါ၊” ဟု မြေအောက်ပြောက် ကျားတပ်ဖွဲ့ -အုတ်ဖိုမှ တာဝန်ရှိသူ တစ်ဦးက ရန်ကုန်ခေတ် သစ်သတင်းဌာနထံသို့ ပြောကြားသည်။
သေဆုံးသွားသော ပျူခေါင်းဆောင် ဖိုးဖြူထံမှ လက်ပစ်ဗုံး ၁ လုံး၊ ဆိုင်ကယ် ၁ စီး၊ စစ်ကောင်စီ တပ် သားများနှင့် ဆက်သွယ်ပြောဆိုထားသည့် မိုလ်ဘိုင်းဖုန်း ၂ လုံး နှင့် ငွေသား ၆၇၀၀၀ ကျပ်တို့ ကို သိမ်းဆည်းရရှိခဲ့ကြောင်း သိရသည်။
သေဆုံးသွားသော ပျူခေါင်းဆောင် ဖိုးဖြူသည် တော်လှန်ရေးရဲဘော်များ၏ အချက်အလက်များကို စုံစမ်းထောက်လှမ်း၍ စစ်ကောင်စီတပ်သားများထံ သတင်းပို့ခြင်း၊ လူငယ်များအား ပေါ်တာဆွဲ ဖမ်း ဆီးနေသော စစ်သား၊ ရဲ များကို ၄င်း၏ နေအိမ်၌ ဧည့်ခံကျွေးမွေးကာ ပြည်သူများ၏ နေအိမ် များ မှ ပစ္စည်းများ ခိုးယူခိုင်းခြင်း၊ မီးရှိရန် ခြိမ်းခြောက်ခိုင်းခြင်းများ လုပ်ဆောင်နေသောကြောင့် ယခုလို အရေးယူရခြင်းဖြစ်ကြောင်း အသိပေးထားသည်။
မြေအောက်ပြောက်ကျားတပ်ဖွဲအနေဖြင့် ပြည်သူများနှင့် တော်လှန်ရေးတပ်ဖွဲ့များကို ဒုက္ခပေး နေ ကြသည့် စစ်ကောင်စီနှင့် စစ်ကောင်စီထောက်တိုင်များကို အရှိန်မြှင့် တိုက်ခိုက်သွားမည်ဖြစ်၍ ပြည် သူများ အနေဖြင့် ၄င်းတို့အနီး သွားလာနေထိုင်ခြင်းများ လုံးဝ (လုံးဝ) မပြုလုပ်ကြရန် အသိပေး ထားသည်။
