ရှာဖွေပါ။ ပို့စ်များExplore captivating content and diverse perspectives on our Discover page. Uncover fresh ideas and engage in meaningful conversations
#နိုင်ငံတကာသတင်း
◼ အမေရိကန်အခွန်များကြောင့် ဘိုးရင်းလေယာဉ်များ လက်ခံမှုရပ်တန့်ရခြင်း ဖြစ်ကြောင်း တရုတ်ပြော
ဘိုးရင်းကုမ္ပဏီ မှ လေယာဉ်အသစ်များ လက်ခံခြင်းကို ရပ်တန့်ရန် ပေကျင်း၏ ဆုံးဖြတ်ချက်အတွက် တရုတ်အစိုးရက အမေရိကန်အခွန်အကောက်များကို အပြစ်တင်လိုက်ပြီး အမေရိကန်အခွန်စည်းကြပ်မှုများက နိုင်ငံတကာ လေ ကြောင်း သယ်ယူပို့ဆောင်ရေးဈေးကွက်ကို ထိခိုက်ခဲ့ကြောင်း ပြောကြားသည်။
အမေရိကန်၏ အခွန်စည်းကြပ်မှုများသည် ကမ္ဘာလုံးဆိုင်ရာ စက်မှုလုပ်ငန်းကွင်းဆက်များနှင့် ထောက်ပံ့ပေးကွင်းဆက်များကို ပြင်းထန်စွာ ရိုက်ခတ်ခဲ့ကြောင်း တရုတ်စီးပွားကူးသန်းဝန်ကြီးဌာနက ထုတ်ပြန်ချက်တစ်ရပ်တွင် ပြောကြားသည်။
ယင်းနှင့်အတူ သက်ဆိုင်ရာ တရုတ်လေကြောင်းလိုင်းများနှင့် အမေရိကန်နိုင်ငံမှ ဘိုးရင်းကုမ္ပဏီကိုလည်း ကြီးမားသော အခက်အခဲများ ရင်ဆိုင်ခဲ့ရကြောင်း ဝန်ကြီးဌာန ပြောခွင့်ရသူတစ်ဦးက ပြောသည်။
တရုတ်ကုန်ပစ္စည်းအများအပြားအပေါ် အမေရိကန်နိုင်ငံက စည်းကြပ်ထားသော အခွန်အကောက်သစ်များသည် ၁၄၅ ရာခိုင်နှုန်းအထိ ရောက်ရှိခဲ့ပြီး အပြန်အလှန်အားဖြင့် တရုတ် က အမေရိကန်မှ လာသောကုန်ပစ္စည်းများအပေါ် အခွန် ၁၂၅ ရာခိုင်နှုန်း ချမှတ်ထားသည်။
ကုန်သွယ်ရေးစစ်ပွဲကြောင့် တရုတ်နိုင်ငံက ၎င်းတို့၏ လေယာဉ်အသစ်များ လက်ခံခြင်းကို ရပ်တန့်လိုက်ပြီဖြစ်ကြောင်း ဘိုးရင်းအမှုဆောင်အရာရှိချုပ်က ပြီးခဲ့သည့် သီတင်းပတ်အတွင်း အတည်ပြုခဲ့သည်။
အခွန်စည်းကြပ်မှုဝန်းကျင်ကြောင့် ၎င်းတို့၏ တရုတ်ဖောက်သည်များက လေယာဉ်များ လက်သင့်ခံခြင်းကို ရပ်တန့်ထားကြကြောင်း၊ ယင်းသို့ ဆက်လက်ရပ်တန့်ထားပါက အဆိုပါလေယာဉ်များကို အခြားလေကြောင်းလိုင်းများထံ ရောင်းချသွားမည်ဖြစ်ကြောင်း ဘိုးရင်းအမှုဆောင်အရာရှိချုပ် ကယ်လီအော့ဘတ် က CNBC ရုပ်သံ နှင့် တွေ့ဆုံမေးမြန်းမှုတွင်ပြောကြားသည်။
၂၀၂၅ ခုနှစ်တွင် ဘိုးရင်းလေယာဉ် အစင် ၅၀ ခန့်ကို တရုတ်သို့ ပို့ဆောင်ရန် စီစဉ်ထားခဲ့သော်လည်း ယင်းလေယာဉ်များကို အခြားဖောက်သည်များထံ ပေးပို့ရန် ဘိုးရင်းက အချိန်အကြာစောင့်ဆိုင်းနေမည် မဟုတ်ကြောင်း အော့ဘတ် က ဆိုသည်။
ဘိုးရင်းနှင့်သဘောတူညီချက်မှ နောက်ဆုတ်သွားခဲ့ခြင်းအတွက် အမေရိကန်သမ္မတ ဒေါ်နယ်ထရန့်က ပေကျင်းကို ဝေဖန်ခဲ့ပြီး လေယာဉ်များကို လက်မခံသော တရုတ်ကို ပျက်ကွက်သူအဖြစ် သတ်မှတ်သင့်ကြောင်း ဘိုးရင်းက ပြောကြားသည်။
ယင်းအပေါ် တရုတ် စီးပွားကူးသန်း ဝန်ကြီးဌာနက ယနေ့တွင်ပြန်လည်ထိုးနှက်ခဲ့ပြီး ထရန့်၏ အခွန်များကြောင့် ကုမ္ပဏီအများအပြားက ပုံမှန်ကုန်သွယ်ရေးနှင့်ရင်းနှီးမြုပ်နှံမှုလုပ်ငန်းများ မလုပ်နိုင်ကြောင်း ၊ နှစ်နိုင်ငံကြားစီးပွားရေးလုပ်ငန်းများ ပုံမှန်ပူးပေါင်းဆောင်ရွက်မှုလုပ်ဆောင်နိုင်ရေး ထောက်ခံအားပေးမှု ဆက်လုပ်ရန် တရုတ်က စိတ်အားထက်သန်ကြောင်း ပြောရေးဆိုခွင့်ရှိသူ က ဆိုသည်။
သတင်း-ရဲမင်း
ကိုးကား-AFP
ကြိုက်တယ်။
မှတ်ချက်
မျှဝေပါ။
#ယနေ့ထုတ်သတင်းစာ_သတင်း
◼ တာချီလိတ်နှင့် မယ်ဆိုင်အကြား မိုးရွာသွန်းမှုများပြား၊ တောင်ကျရေကြောင့် မယ်ဆိုင်ချောင်းရေ မြင့်တက်
မြန်မာ - ထိုင်းနယ်စပ်ဒေသ တာချီလိတ်နှင့်မယ်ဆိုင်အကြား မယ်ဆိုင်ချောင်းအတွင်း တောင်ကျရေကြောင့် ရေများပြန်လည်တက်လာကြောင်း ဧပြီ ၂၉ ရက်တွင် ဒေသတွင်းသတင်းများအရ သိရသည်။
ဧပြီ၂၇ ရက်ညပိုင်းတွင် တာချီလိတ်အထက်ပိုင်း မိုင်းဆတ်ခရိုင် အတွင်း မိုးရွာသွန်းမှုနှင့် ဧပြီ ၂၈ ရက်ညပိုင်း တာချီလိတ်နှင့် မိုင်းဆတ်ခရိုင်အတွင်း မိုးရွာသွန်းမှုကြောင့်တောင်ကျရေမှာ မယ်ဆိုင်ချောင်းအတွင်းသို့ ဝင်ရောက်လာခြင်းကြောင့် ချောင်းရေမှာ မြင့်တက်လာခြင်းဖြစ်ကြောင်း သိရသည်။
အဆိုပါ တောင်ကျချောင်း ရေသည်တာချီလိတ်မြို့တွင်း၌လည်း ရေများအလွယ်တကူ မစီးဆင်းနိုင်ခြင်းကြောင့် အနိမ့်ပိုင်းနေရာများတွင် ရေများလျင်မြန်စွာတက်လျက်ရှိသောကြောင့် ဧပြီ ၂၉ ရက် နေ့လယ်ပိုင်းတွင် မကာဟိုခမ်းရပ်ကွက်အတွင်း မေဖလားဝါးကွင်း အဝင်ဝန်းကျင်နှင့်ပုန်ထွန်းရပ်ကွက်အတွင်း၌လည်း ရေများတက်နေကြောင်း သိရသည်။
ဓာတ်ပုံ - Khaosod
ကြိုက်တယ်။
မှတ်ချက်
မျှဝေပါ။
#ယနေ့ထုတ်သတင်းစာ_နိုင်ငံတကာသတင်း
◼ ယူအက်စ်အက်စ် ဟာရီထရူးမင်း သင်္ဘောပေါ်မှ တိုက်လေယာဉ်တစ်စင်း ပင်လယ်ထဲ ပြုတ်ကျနစ်မြုပ်
ပင်လယ်နီဒေသ၌ လှုပ်ရှားနေသော အမေရိကန်ရေတပ်မှ ယူအက်စ်အက်စ် ဟာရီထရူးမင်းလေယာဉ်တင်သင်္ဘောသည် ဧပြီ ၂၈ ရက်က ဟူသီသူပုန်အုပ်စု၏ တိုက်ခိုက်မှုကို ရှောင်ရှားရေးအတွက်လမ်းကြောင်းချိုးကွေ့မောင်းနှင်မှုပြုလုပ်စဉ်အက်ဖ်-၁၈ အီးတိုက်လေယာဉ်တစ်စင်း ပင်လယ်ထဲ ပြုတ်ကျခဲ့ရကြောင်း သိရသည်။
အဆိုပါ တိုက်လေယာဉ်ကို လေယာဉ်ရုံသို့ ဆွဲယူနေသော မော်တော် ယာဉ်တစ်စင်းပါလေယာဉ်နှင့်အတူ ပင်လယ်နီရေပြင်အတွင်း ပြုတ်ကျ နစ်မြုပ်ခဲ့ရကြောင်း အမေရိကန်ရေတပ်က သတင်းထုတ်ပြန်ထားသည်။
ယူအက်စ်အက်စ် ဟာရီထရူးမင်းအနေဖြင့် ယီမင်အခြေစိုက် ဟူသီ သူပုန်အုပ်စု၏ တိုက်ခိုက်မှုတစ်ရပ်ကို ရှောင်ရှားရေးအတွက် လမ်းကြောင်းချိုးကွေ့လိုက်စဉ် အမေရိကန်သန်း ၆ဝ တန်ဖိုးရှိ အက်ဖ် - ၁၈ အီး တိုက်လေယာဉ်နှင့် ဆွဲယာဉ်တို့ ရေပြင်အတွင်း ပြုတ်ကျခဲ့ခြင်းဖြစ်ကြောင်း အမေရိကန်ရေတပ်တာဝန်ရှိသူများက ပြောကြားထားသည်။
အမေရိကန်ပြည်ထောင်စုသည် ယီမင်နိုင်ငံတွင်းရှိ ဟူသီသူပုန်အုပ်စုပစ်မှတ်များကို သီတင်းပတ်နှင့်ချီ၍ အဆက်မပြတ် တိုက်ခိုက်လျက်ရှိရာ ယင်းတိုက်ခိုက်မှုများအတွက် အက်ဖ် ၁၈ အီး တိုက်လေယာဉ်များဖြင့် အဓိကထားအသုံးပြုလျက်ရှိသည်။
အမေရိကန်သမ္မတရာထူးကို ဒေါ်နယ်ထရန့် ဒုတိယအကြိမ်ရယူခဲ့ပြီးနောက်ပိုင်း အမေရိကန်ပြည်ထောင်စုသည် ဟူသီအုပ်စုပစ်မှတ်များကို လေကြောင်းတိုက်ခိုက်မှုများမြန်မြန်ဆန်ဆန် ပြုလုပ်လျက်ရှိသည်။
အမေရိကန်ပြည်ထောင်စုအနေဖြင့် ဟူသီအုပ်စုလေကြောင်း စစ်ဆင် ရေးများအတွင်း အမေရိကန်ဒေါ်လာ သန်း ၂ဝဝ တန်ဖိုးရှိ အမ်ကျူ -၉ အမျိုးအစား မောင်းသူမဲ့လေယာဉ် ခုနစ်စင်း ဆုံးရှုံးခဲ့ရပြီးဖြစ်သည်။
စီအင်န်အင်န်
ကြိုက်တယ်။
မှတ်ချက်
မျှဝေပါ။
Showing 4107 out of 9845