ပြုံးလိုက်စမ်းပါ သူငယ်ချင်း
🌠🌠🌠🌠🌠🌠🌠🌠🌠
နာကျင်မူတွေမရှိလို့ ပြုံးပျော်နေတာ မဟုတ်ဘူး။
နာကျင်စရာတွေကို မပေါ်အောင် အပြုံးလေးနဲ့
ဖုံးကွယ်လိုက်တာပါ။
စိတ်ညစ်စရာတွေ မရှိလို့တော့ မဟုတ်ဘူး။
ကိုယ့်စိတ်ညစ်မှုတွေကို တခြားသူတွေကို
မကူးစက်ချင်လို့ အပြုံးလေးနဲ့ ဖုံးကွယ်လိုက်တာပါ။
စိတ်ချမ်းသာမှုတွေ ပြည့်နေလို့
ပြုံးနေတတ်တာတော့ မဟုတ်ဘူး။
ကိုယ့်အပြုံးကြောင့် တစ်ခြားသူတွေ
စိတ်ချမ်းသာပါစေဆိုတဲ့ ကုသိုလ်စိတ်နဲ့
ပြုံးနေတတ်တာပါ။
ပျော်ရွှင်စရာတွေနဲ့ အမြဲကြုံတွေ့နေရလို့
ပြုံးပျော်နေတာတော့မဟုတ်ဘူး။
ကိုယ့်ရဲ့ပျော်ရွှင်မှုကို ကြည့်ပြီး တစ်ခြားသူတွေ
စိတ်ချမ်းသာပါစေဆိုတဲ့ အတွေးနဲ့
ဟန်ဆောင်ပြီးတော့လည်း ပြုံးနေတတ်တာပါ။
တစ်ခါတလေ အပြုံးဆိုတာ
အောင်မြင်ခြင်းရဲ့လမ်းစဖြစ်သလို
ချစ်ခင်ကြင်နာမှုရဲ့ မာန်တိုင်သဖွယ်လည်း
ဖြစ်နေတတ်တယ်။
နာကျင်ရချိန်မှာ ပြုံးနေတတ်ရင်တော့
ရင့်ကျက်မှုရဲ့သဏ္ဍာန်ပေါ့။
ဒါကြောင့် ပြုံးလိုက်စမ်း သူငယ်ချင်း
အပြုံးတိုင်းဟာ မင်းအတွက်
စိတ်မချမ်းသာမှုမရှိရင်တောင်
တခြားသူတွေက မင်းကိုကြည့်ပြီး
စိတ်ချမ်းသာသွားရင်
မင်းအတွက် ကုသိုလ်တစ်မျိုးပါပဲ။
ပြုံးလိုက်စမ်းပါ နာကျင်လို့ပဲပြုံးပြုံး၊
ဟန်ဆောင်ပြီးတော့ပဲ ပြုံးပြုံး
မုန်းတီးလို့ပဲ ပြုးပြုံး
ငေးငေးမှိုင်မှိုင် မရွှင်လန်းတဲ့
မျက်နှာထားနဲ့ နေ နေမယ့်အစား
ပြုံးလိုက်တာဟာ မင်းအတွက်
အကျိုးသက်ရောက်မူ ရှိလိမ့်မယ် သူငယ်ချင်း။

ကိုယ့်အတွက်ကြိုးစားနေတဲ့လူတစ်ယောက်ကို
စောင့်ရတာ မပင်ပန်းဘူး။

နည်းတူ ကိုယ့်ကို စောင့်နေတဲ့
လူတစ်ယောက်အတွက်
ကြိုးစားရတာလည်း မပင်ပန်းဘူး။

တစ်ယောက်က တစ်ယောက်အတွက်ဆိုပြီး
သေချာနေတာမျိုးလေ ကြည်နူးရတယ်။

အခု ကြိုးစားနေတာတွေက
နောက် (၂)နှစ်မှာ နေရာတစ်ခု ရဖိုပါပဲ ။

ဘယ်သူ့ကိုမှ မပြိုင်သလို
ဘယ်သူ့အကြောင်းမှလဲ စိတ်မဝင်စားတတ်ဘူး
ကိုယ့်အလုပ်ကိုယ်လုပ်တယ် ။

မနှစ်က “ငါ” ထက် ဒီနှစ် “ငါ” က
ပိုကျန်းမာလာရမယ် ပိုချမ်းသာလာရမယ်
ပိုလှလာရမယ် ဒီလောက်ပါပဲ ။

..အမှန်တွေ့လောကမှာအဲလို့မျိုးက ခပ်များများ......"မဖိနှိမ့်ပါနဲ့"
ခွေးကိုက်မှာစိုးလို့ လမ်းဖယ်ပေးတာကို
ခွေးကြောက်တယ်ထင်ပြီး
ရှူးတိုက်ချင်သေးတယ်။
လည်မျိုတက်နင်းလို့ လျှာထွက်နေတာကို
မျက်နှာပြောင်တယ်ထင်ပြီး
ပါးရိုက်ချင်သေးတယ်။
ကြိုးစားနေချိန်မို့ သည်းခံနေတာကို
ကြောက်တတ်တယ်ထင်ပြီး
ဗိုလ်ကျချင်သေးတယ်။
အားနာလို့ လိုက်ရောတာကို
အ,တယ်ထင်ပြီး
အနိုင်ကျင့်ချင်သေးတယ်။
ရန်ကင်းချင်လို့ ခေါင်းငုံ့နေတာကို
သတ္တိမရှိဘူးထင်ပြီး
မိုက်ကြေးခွဲချင်သေးတယ်။
နိမ့်ကျသူမို့ နှိမ့်ချပြီးနေတာကို
အဆင့်မရှိဘူး ထင်ပြီး
မောက်မာချင်သေးတယ်။
လူတစ်ချို့က
ငါ သူ့ကိုလုပ်ချင်တိုင်း လုပ်လို့ရတယ်၊
ငါ သူ့ကိုပိုင်တယ်၊
ငါ လုပ်သမျှ ငြိမ်ခံနေတာပဲ၊ ခေါင်းငုံ့နေတာပဲ၊
ငါ့ကိုသူ မတော်လှန်ရဲဘူးဆိုပြီး
အပေါ်စီးက အမြဲနေချင်ကြတယ်။
တစ်နေ့တစ်ချိန်မှာ နာကျင်မှုတွေ
ပြင်းထန်ပြီး သည်းခံမှု ကုန်ဆုံးလာရင်
ပေါက်ကွဲထွက်လာမယ့် ဒဏ်ရာတွေက
အင်မတန် ပြင်းထန်လာလိမ့်မယ်။
အဲ့အချိန်ကျရင် သတိထားပေတော့
တန်ပြန်သက်ရောက်မှုက နှစ်ဆကြီးမားမှာမို့ သူတစ်ပါးကို ဘယ်တော့မှ မဖိနှိမ့်ပါနဲ့။

ဘာမဆိုဖြစ်သွားနိုင်တယ်

၀ဋ်ကြွေးဆိုတာ ကျိန်စာမဟုတ်ပါ🌸
သူတစ်ပါးအကြောင်း ဝေဖန်တော့မယ်ဆိုရင်
မိမိကရော ဒီလိုအဖြစ်မျိုးတွေနဲ့
လွတ်ကင်းနိူင်လား
အရင်စဥ်းစားဖို့လိုပါတယ်။
ဖြစ်ချိန်တန်ဖြစ်
ပျက်ချိန်တန်ပျက်နေတဲ့
လောကကြီးထဲမှာ
အကြောင်းတရားတွေရှိခဲ့လို့
အကျိုးတရားတွေဖြစ်လာကြတာပါ။
ဘယ်သူကမှ အကောင်းတွေချည်း
သီးသန့် ရမနေသလို
ဘယ်သူကမှ အဆိုးတွေချည်း
သီးသန့်ဖြစ်နေတာမဟုတ်ပါဘူး။
ကိုယ့်ကံအကြောင်း
အကောင်းအဆိုးကြောင့်သာ
မဖြစ်ချင်လည်း... ဖြစ်လိုက်ရတဲ့
ဘဝပေးအခြေအနေတွေဆိုတာရှိလာကြတယ်။
ဒါကိုပဲ ကိုယ်တိုင်မကြုံတော့ဘူးအထင်နဲ့
သူများမကောင်းကြောင်း
ကိုယ့်ကောင်းကြောင်းပြောပြီး
ပါးစပ်အရသာခံလို့ ကောင်းနေတုန်းလား!!!
ဝဋ်ကြွေးဆိုတာ
ကျိန်စာမဟုတ်ဘူးဆိုတာ မမေ့ပါနဲ့။
တစ်ချိန်ချိန်မှာ
ကိုယ်တိုင် မကြုံဘူးဆိုတာမရှိပါဘူး။
နှုတ်ကြောင့်ရှင်နှုတ်ကြောင့် သေ" ဆိုတဲ့စကားအရ
သင့်အတွေးကြောင့်
သင့်နှုတ်ကထွက်တဲ့စကားတိုင်းက
သူတစ်ပါးကို
ထိထိမိမိ အနိူင်ပိုင်း လိုက်ရတယ်ဆိုပေမယ့်
ကိုယ့်ဆီကိုလှည့်လာမယ် မြှားတစ်စင်းဖြစ်နေတတ်ပါတယ်
ဒါကြောင့် လူအများကြားသွားတဲ့အခါ
နားပဲယူသွားပါ
ပါးစပ်ကိုအိမ်မှာထားခဲ့ပါ။
ကြားသမျှစကားတိုင်းကိုလည်း
အမှားအမှန် ဝေဖန်ပိုင်းခြားပြီး
ယူသင့်တာယူပြီး
မယူသင့်တာဆို ချန်ခဲ့ပါ
တစ်ချို့ စကားတွေက ကြားရသူတိုင်းအတွက်
အဆိပ်ဖြစ်နေတတ်ပါတယ်။
စကားပြောတိုင်း သေချာဆင်ချင်သုံးသပ်ပါ
သူများအကြောင်းဝေဖန်တော့မယ်ကြံတိုင်း
ကိုယ့်အကြောင်းကိုယ်ပြန်စစ်ပါ
စကားတိုင်း ချိုသာဖို့မလိုပါဘူး
တစ်ဖက်သူအတွက် မနစ်နာဖို့ပဲလိုတယ်။
ကြားတိုင်း ပြောဖို့မလိုပါဘူး
မှန်ပြီး အကျိုးမရှိရင်
နှစ်ဦးနှစ်ဖက်စလုံးအတွက်မကောင်းဘူး။
မှားတာရှိရင် ထောက်ပြပါ
အမှန်ရအောင်ပြင်ဖို့ အသိတရားမျှဝေပါ
ဒါပေမယ့်
ကဲ့ရဲ့တာနဲ့ ဝေဖန်ထောက်ပြတာ ကွဲပြားပါစေ။
ဝေဖန်,ကဲ့ရဲ့,ပြစ်တင်ဝေဖန်ခြင်းရဲ့
နောက်ကွယ်မှာ
ဝဋ်ကြွေးတွေပါနေတတ်တယ်။

ငယ်ငယ်တုန်းကပေါ့
မတော်တဲ့ ဖိနပ်တွေ စီးပြီး
မရောက်သေးတဲ့ အချိန်တွေ
တွေးရင်း လူကြီးဖြစ်ချင်ခဲ့တယ်။

အဲ့အချိန်တွေက
ကောင်းကင်ကြီးလဲ ပိုပြီး လှတယ်
ကြယ်တွေကလဲ ပိုပြီး လင်းတယ်
လေပြေတွေလဲ ပိုပြီး အေးတယ်
နေခြည်တွေလဲ ပိုပြီး နွေးတယ်။

ဘာမှလဲ မသိဘူး
သိစရာလဲ မလိုတဲ့ အချိန်တွေ ပြန်လွမ်းတယ်။

•ရိုးရီ•

အဆင်မပြေတိုင်းသာ ငိုနေရရင်
မင်းမျက်ရည် ဘယ်ကျန်တော့မှာလဲ
ငိုမနေပါနဲ့ မျက်ရည်တွေသုတ်လိုက် သူငယ်ချင်း..
တို့တွေငယ်ငယ်တုန်းကလဲ ငိုခဲ့တယ်
ခုထိငိုနေခဲ့တာ ငိုလို့မဝသေးဘူးလား
သူငယ်ချင်း..
မင်းမှာ သန်မာတဲ့လက်တွေရှိတယ်
မင်းမှာ ကြံ့ခိုင်တဲ့ ခြေတစ်စုံရှိတယ်
မင်းလဲကျလို့ရတယ် ဒါပေမယ့်
မင်းပြန်မထလို့ မရဘူး..
မင်းမှာ အမှားအမှန်ခွဲခြားနိုင်တဲ့ ခေါင်းရှိတယ်
မင်းမှာ ခံစားတတ်တဲ့ နှလုံးသားရှိတယ် ။
မင်းကို အားကိုးပြီး မှီခိုနေတဲ့
မိသားစုတွေရှိတယ် ။
မင်းရှေ့ဆက်သွားမှရမယ် သူငယ်ချင်း..
မင်းအခက်အခဲတွေနဲ့ ကြုံလို့
မင်းကို ဘယ်သူမှ ကူညီမဲ့သူမရှိလဲ
မင်းအခက်အခဲကို မင်းကိုယ်တိုင်
ဖြေရှင်းနိုင်ရမယ် သူငယ်ချင်း..
အရှုံးကိုကြောက်နေရင် ပိုကြိုးစားလိုက်ပါ
လူမှန်ရင် ပြီးပြည့်စုံတဲ့လူရယ်လို့ မရှိပါဘူး
မင်းဘာလိုအပ်နေတာလဲ လိုအပ်တဲ့အရာကို
မင်းလက်နဲ့ယူလေ ကြောက်ရွံ့မနေပါနဲ့
သူငယ်ချင်း..
မင်းရောက်ချင်တဲ့ ပန်းတိုင်ကို
မင်းခြေထောက်နဲ့ လျှောက်လှမ်းပါ သူငယ်ချင်း
မင်းနာကျင်ရင် မင်းပိုခံစားရမယ် ။
မင်းခလုပ်တိုက်ရင် မင်းလဲကျမယ်..
မျက်ရည်တွေနဲ့ ရှေ့ဆက်သွားရင်
လမ်းကို မင်းရှင်းရှင်းလင်းလင်း မြင်ရမှာ
မဟုတ်ဘူး သူငယ်ချင်း..
ဘဝကကြမ်းတယ်ဆိုတာ မင်းအပြစ်မဟုတ်ပါဘူး..
လဲရင် ပြန်မထနိုင်တာကမှ မင်းအပြစ်ဖြစ်သွားပီ
သူငယ်ချင်း..
ဘယ်သူကမှ အဆင်ပြေနေတယ်လို့
ဘယ်ဟုတ်ပါ့မလဲ..
ကိုယ်စီ အခက်အခဲဆိုတာ ရှိတတ်စမြဲပါ
သူငယ်ချင်း..
ဒီလိုပဲ လဲကျလိုက် ပြန်ထလိုက်နဲ့
အခက်အခဲတွေကြာမှာ ရင်ဆိုင်ဖြေရှင်းနေနေရတာပါ.....။ ။

格劳（ကလော ） ဆင်တောင် 6020ft ⛰

格劳（ကလော ） ဆင်တောင် 6020ft ⛰