Los Angeles Mayor Karen Bass announced a curfew will take effect in protest-impacted parts of downtown Los Angeles beginning at 8 p.m. local time on Tuesday night.
The mayor emphasized the 1-square mile area was just a small part of the sprawling city.
Bass said the curfew will likely be in place for multiple nights.
"Law enforcement will arrest individuals who break the curfew, and you will be prosecuted," the mayor said.
Follow live updates: https://abcnews.visitlink.me/SJSrro

LATEST: During a video address on Tuesday night, California Gov. Newsom continued to condemn President Trump's decision to deploy the National Guard and Marines to Los Angeles, saying Trump "chose theatrics over public safety."
Follow live
https://abcnews.go.com/US/live....-updates/la-immigrat

President Trump and his administration officials warned that the use of the military in response to protests against his immigration crackdown may not be limited to just Los Angeles, saying it could be the first "of many" — and that protesters could be met with "equal or greater force."
Read more: https://abcnews.visitlink.me/5O98aM

ဘိလပ်မြေစက်ရုံများအတွက် လိုအပ်သည့်လျှပ်စစ်ဓာတ်အားကို စက်ရုံအစီအစဉ်ဖြင့် ထုတ်လုပ်ရန်မှာကြား
ပြည်တွင်းရှိ ဘိလပ်မြေထုတ်လုပ်သည့် စက်ရုံများအနေနဲ့ လိုအပ်သောလျှပ်စစ်ဓာတ်အားကို စက်ရုံအစီအစဉ် ဖြင့် ထုတ်လုပ်နိုင်ရေး ကြိုးစားဆောင်ရွက်ကြရန် စက်မှုဝန်ကြီးဌာန ပြည်ထောင်စုဝန်ကြီး ဒေါက်တာ ချာလီသန်းက မှာကြားခဲ့ကြောင်း သိရပါတယ်။

ဇွန်လ ၈ ရက် နံနက်ပိုင်းက ရုမ်းရိုးမဘိလပ်မြေစက်ရုံ၌ ပြည်ထောင်စုဝန်ကြီး ဒေါက်တာချာလီသန်း က ဘိလပ်မြေထုတ်လုပ်မှုလုပ်ငန်းစဉ်အဆင့်ဆင့်၊ စက်ရုံမှထုတ်လုပ်လျက်ရှိတဲ့ ဘိလပ်မြေများ စမ်းသပ်စစ်ဆေးနေမှုတို့ကို ကြည့်ရှုစစ်ဆေးပြီး စက်စွမ်းအားပြည့်လည်ပတ်ထုတ်လုပ်နိုင်ရေး ကြိုးစားဆောင်ရွက်ရန်၊ လိုအပ်သော စက်အရန်ပစ္စည်းများနှင့် သွင်းအားစုများကို ကြိုတင်စုဆောင်းထားရန်နှင့် စက်ရုံအတွက်လိုအပ်သော လျှပ်စစ်ဓာတ်အားကို စက်ရုံအစီအစဉ်ဖြင့်သာ ထုတ်လုပ်နိုင်ရေး ကြိုးစားဆောင်ရွက်ကြရန် မှာကြားခဲ့ပါတယ်။

ဆက်လက်ပြီး သာစည်မြို့နယ်၊ ပြည်ညောင်ရှိ အပါချီဘိလပ်မြေစက်ရုံ၌ တာဝန်ရှိသူများနှင့်တွေ့ဆုံကာ စက်ရုံအနေဖြင့် စက်ရုံအတွက်လိုအပ်သော လျှပ်စစ်ဓာတ်အားကို စက်ရုံအစီအစဉ်ဖြင့် ထုတ်လုပ်နေပြီး ပိုလျှံလျှပ်စစ် ဓာတ်အားများကို နိုင်ငံတော်ဓာတ်အားပေးစနစ်သို့ ပို့လွှတ်ပေးနေရာ နိုင်ငံတော်အတွက် များစွာအကျိုးရှိ၍ အလေးထားဆောင်ရွက်ရန် မှာခဲ့ကြားပြီး ငလျင်ကြောင့် ထိခိုက်ပျက်စီးခဲ့တဲ့စက်ပစ္စည်းများ စစ်ဆေးပြုပြင်နေမှု၊ စက်ရုံအတွက်လိုအပ်သော လျှပ်စစ်ဓာတ်အားထုတ်လုပ်နေမှုတို့ကို ကြည့်ရှုစစ်ဆေးခဲ့ပါတယ်။

ဒါ့အပြင် ပြည်ထောင်စုဝန်ကြီးဒေါက်တာချာလီသန်း က ဇွန်လ ၇ ရက်တွင် ရှမ်းပြည်နယ်၊ တောင်ကြီးမြို့နယ် ရှိ အမှတ်(၂)သံမဏိစက်ရုံ(ပင်းပက်)၌ စက်ရုံတည်ဆောက်ရေးစီမံကိန်းမှတာဝန်ရှိသူများ၊ အမှတ် (၂) သံမဏိစက်ရုံ (ပင်းပက်)နှင့် ရှမ်းပြည်နယ်စက်မှုကြီးကြပ်ရေးနှင့်စစ်ဆေးရေးဦးစီးဌာနတို့မှဝန်ထမ်းများ၊ စက်ရုံမှူး၊ ရှမ်းပြည်နယ် စက်မှုကြီးကြပ်ရေးနှင့် စစ်ဆေးရေးဦးစီးဌာနမှူး၊ အလုပ်ရုံတာဝန်ခံများကို သီးခြားစီတွေ့ဆုံခဲ့ပါတယ်။

အဆိုပါတွေ့ဆုံစဉ်မှာ မန္တလေးငလျင်ကြီးကြောင့် လူနေအိမ်များ၊ စက်ရုံ၊ အလုပ်ရုံများ၊ လမ်း၊ တံတား၊ သာသနိက အဆောက်အအုံများစွာ ပျက်စီးဆုံးရှုံးခဲ့၍ ပြန်လည်ထူထောင်ရေးလုပ်ငန်းများကို အရှိန်အဟုန်ဖြင့် ဆောင်ရွက်ရမည်ဖြစ်ကာ ပြည်တွင်း၌ အရည်အသွေးပြည့်မီသည့် သံ၊ သံမဏိများ ထုတ်လုပ်နိုင်ရေးအတွက် သတ်မှတ်ချက်များနှင့်ကိုက်ညီတဲ့ သံစိမ်းကုန်ကြမ်းများ အရေးကြီးလိုအပ်လျက်ရှိကြောင်း ပြောကြားခဲ့ပါတယ်။

ဒါကြောင့် အရည်အသွေးပြည့်ဝသည့် ဆောက်လုပ်ရေးလုပ်ငန်းသုံး သံနှင့်သံမဏိများ အသုံးပြုနိုင်ရေးအတွက် သံစိမ်း ထုတ်လုပ်ခြင်းလုပ်ငန်းများကို အမြန်ဆုံးစတင်ဆောင်ရွက်နိုင်ရေး ကြိုးစားဆောင်ရွက်ရန်မှာကြားပြီး ဝန်ထမ်းများ အတွက် ထောက်ပံ့ငွေများပေးအပ်ခဲ့တယ်လို့ သိရပါတယ်။

တောင်တရုတ်ပင်လယ်အတွင်း တိုင်ဖွန်းမုန်တိုင်းဖြစ်နိုင်ပြီး ပြည်နယ်နှင့်တိုင်းအချိုတွင်မိုးများနိုင်
ဇွန်လ ၁၀ ရက်နေ့တွင် ECMWF, JMA နှင့် UKM model များမှ ကြိုတင်ခန့်မှန်းချက်အရ လေဖိအားနည်းရပ်ဝန်း(Tropical Depression-TD) 01W သည် တောင်တရုတ်ပင်လယ်အတွင်း အားပိုကောင်းလာပြီး တိုင်ဖွန်းမုန်တိုင်းဖြစ်လာနိုင်မယ်လို့ မိုးလေဝသပညာရှင် ဦးဝင်းနိုင်က ပြောဆိုထားပါတယ်။ “ဖြစ်နိုင်ချေ ၁၀၀% ရှိနေကြောင်းလဲ တွေ့ရပါတယ်။ 01W တိုင်ဖွန်းမုန်တိုင်အဆင့်ရောက်လာနိုင်သော်လည်း အနောက်ဘက် ဗီယက်နမ်၊ လာအို၊ ထိုင်းနှင့် မြန်မာနိုင်ငံတို့ဘက်သို့ မုန်တိုင်းအကြွင်းအကျန်များရွေ့လျားဝင်ရောက်လာနိုင်ခြင်းမရှိပါ။ မုန်တိုင်းအရှိန်သက်ရောက်မှုသာရှိနိုင်ပါမယ်” လို့ ဦးဝင်းနိုင်က ပြောပါတယ်။

လေဖိအားနည်းရပ်ဝန်း TD-01W နဲ့ အားအလွန်ကောင်းလာတဲ့ မုတ်သုံလေတို့ရဲ့ အရှိန်သက်ရောက်မှုကြောင့် ရခိုင်ကမ်းရိုးတန်း၊ ဧရာဝတီမြစ်ဝကျွန်းပေါ်ကမ်းရိုးတန်းနဲ့ မွန်-တနင်္သာရီကမ်းရိုးတန်းဒေသတွေ ဧရာဝတီတိုင်း၊ နေပြည်တော်၊ မကွေးတိုင်း၊ ပဲခူးတိုင်း၊ မန္တလေးတိုင်း၊ ရှမ်းပြည်နယ်၊ ကယားပြည်နယ်တွေမှာ မိုးအသင့်အတင့်ကနေ မိုးများနိုင်မှာဖြစ်ပြီး ၂၄ နာရီအတွင်း မိုးရေချိန် – ၂ လက်မခွဲနဲ့အထက် ရွာသွန်းနိုင်တယ်လို့ သိရပါတယ်။

သက်ဆိုင်ရာဒေသအလိုက်နေရာကွက်ပြီး မိုးသည်းထန်နိုင်တာကြောင့် စိုးရိမ်ရေမှတ်တွေအနီးထိရောက်ရှိနေပြီဖြစ်တဲ့ မြစ်ရေအခြေအနေတွေကို သတိပြုစောင့်ကြည့်ပြီး၊ မြစ်ကမ်းပါး/ချောင်းကမ်းပါးအနီး အနိမ့်ပိုင်းရပ်ကွက်နေပြည်သူတွေအနေနဲ့ ကြိုတင်ပြင်ဆင်ခြင်းတွေဆောင်ရွက်သင့်တယ်လို့လည်း အသိပေးထားပါတယ်။

ဩစတြေီးလျ စာသင်ကျောင်းမှာ ကျောင်းသားဟောင်းရဲ့ ပစ်ခတ်မှုကြောင့် လူ ၁၀ ယောက်သေဆုံး
ဂရက်ဇ် ဇွန်-၁၁-၂၀၂၅
ရတီ(VOM)
ဩစတြီးလျ နိုင်ငံ ဂရက်ဇ်မြို့မှာ ဖြစ်ပွားခဲ့တဲ့ စာသင်ကျောင်းပစ်ခတ်မှုအတွင်း လူ ၁၀ ယောက် သေဆုံးသွားပြီး ဒါဟာ မကြာသေးခင်ကာလအတွင်း အသေအပျောက်အများဆုံး ပစ်ခတ်မှုလို့ ရဲတပ် ဖွဲ့က ပြောပါတယ်။
ကျောင်းသားဟောင်းတယောက်ဖြစ်တဲ့ အသက် ၂၁ နှစ်အရွယ် သေနတ်သမားဟာ ပစ်ခတ်မှုကို ကျူးလွန်ပြီးနောက် များမကြာခင် ရေချိန်းခန်းထဲမှာ ကိုယ့်ကိုကိုယ် အဆုံးစီရင်သွားတယ်လို့ တာဝန်ရှိသူတွေက အတည်ပြုပါတယ်။
ဒီပစ်ခတ်မှုဟာ ဂရက်ဇ်မြို့ရဲ့ အနောက်မြောက်ဘက်ရှိ အလယ်တန်းကျောင်းတခုမှာ ဖြစ်ပွားခဲ့တာပါ။ သေနတ်သမားရဲ့ တိုက်ခိုက်မှုကြောင့် လူကိုးယောက်သေဆုံးပြီး ၁၂ ယောက်ဒဏ်ရာရရှိခဲ့ကာ အချို့ကတော့ စိုးရိမ်စရာအခြေအနေရှိတယ်လို့ ပြည်ထဲရေးဝန်ကြီးက ဆိုပါယ်။
ပစ်ခတ်မှုနဲ့ပတ်သက်ပြီး ဩစတြီးလျမှာ သုံးရက်ကြာ ဝမ်းနည်းခြင်းကြေညာထားပြီး ဇွန် ၁၁ ရက် နံနက် ဒေသစံတော်ချိန် ၁၀ နာရီမှာတော့ ထိခိုက်သေဆုံးသူတွေအတွက် တနိုင်ငံလုံးအတိုင်းအတာနဲ့ တမိနစ်ငြိမ်သက် ဆုတောင်းကြမှာဖြစ်ပါတယ်။
တိုက်ခိုက်မှုဖြစ်ပွားခဲ့တဲ့ စာသင်ကျောင်းကိုတော့ နောက်ထပ်ထုတ်ပြန်ချက်မရမခြင်း ပိတ်ထားမှာဖြစ်ပါတယ်။ တိုက်ခိုက်မှုကြောင့် အမျိုးသားခြောက်ယောက်နဲ့ အမျိုးသမီး သုံးယောက်သေဆုံးခဲ့ကာ စတုတ္ထမြောက်အမျိုးသမီး တယောက်ကတော့ ဆေးရုံမှာ သေဆုံးသွားတယ်လို့ ဒေသတွင်း သတင်းဌာနတွေက ဆိုပါတယ်။
လတ်တလောသတင်းတွေအရ သေနတ်သမားဟာ တိုက်ခို်ကရာမှာ အသုံးပြုတဲ့ သေနတ်နှစ်လက်ကို တရားဝင်လိုင်စင်နဲ့ ပိုင်ဆိုင်ထားတာဖြစ်ပြီး ပစ်ခတ်မှုရဲ့ ရည်ရွယ်ချက်ကိုစုံစမ်းစစ်ဆေးနေတယ်လို့ ရဲတပ်ဖွဲ့က ထုတ်ပြန်ထားပါတယ်။
Ref:BBC

#နိုင်ငံတကာသတင်း
◼ယူကရိန်းမြို့တော် ကိဗ်အား ရုရှားက ဒရုန်းတိုက်ခိုက်
ရုရှားက ယူကရိန်းအား ဒရုန်းများဖြင့် အချိန်ကြာ တိုက်ခိုက်ခဲ့ရာ လူနှစ်ဦးသေ ဆုံးပြီး မြို့တော်ကိဗ်မှ နေရာအများအပြားလည်း ပျက်စီးခဲ့ကာ နိုင်ငံတောင်ပိုင်း အိုဒက်ဆာပြည်နယ်မှ သားဖွားဆောင်တစ်ခုလည်း ထိမှန်ခဲ့ကြောင်း တာဝန်ရှိသူများက ယနေ့ နံနက်ပိုင်းတွင် ပြောကြားသည်။
ယမန်နေ့က ယူကရိန်းအပေါ် အကြီးမားဆုံး ဒရုန်းတိုက်ခိုက်မှုလုပ်ခဲ့ပြီးနောက် ထွက်ပေါ်လာသော ရုရှားတို့၏ ညဘက်တိုက်ခိုက်မှုများတွင် အထက်ပါ ထိခိုက်မှုများ ဖြစ်ပေါ်လာခဲ့ခြင်းဖြစ်သည်။
ယင်းစစ်ဆင်ရေးအားလုံးမှာ ရုရှားနိုင်ငံအတွင်း ယူကရိန်းတို့၏ ရဲတင်းသော ဒရုန်းတိုက်ခိုက်မှုများအပေါ် လက်စားချေသော စစ်ဆင်ရေးများ၏ တစ်စိတ်တစ်ပိုင်းဖြစ်သည်။
မြို့တော်၏ စုစုပေါင်း ခရိုင် ဆယ်ခုအနက် ခုနှစ်ခုအပေါ် ကျရောက်ခဲ့သော နာနီနှင့်ချီ တိုက်ခိုက်မှုများအတွင်း အနည်းဆုံး လူ လေးဦးကို ဆေးရုံတင်ခဲ့ရကြောင်း မြို့တော်အရာရှိများက ပြောကြားသည်။
“အကြမ်းဖက်မှု နဲ့ ယူကရိန်းကို ရိုက်ချိုးလို့ မရပါဘူး”ဟု သမ္မတ ဇီလန်စကီး၏ အရာရှိချုပ် အန်ဒရေးယာမက် က တိုက်ခိုက်မှုအပြီး တယ်လီဂရမ်ပို့စ်တွင် ပြောသည်။
ရုရှားအပေါ် တားဆီးပိတ်ဆို့မှုများ ပိုမိုတင်းကျပ်ရန်နှင့် ယူကရိန်းအား လေ ကြောင်းကာကွယ်ရေးများဖြင့် အားဖြည့်ပေးရန် ယူကရိန်းနိုင်ငံခြား‌‌ရေးဝန်ကြီး အန်ဒရေးဆိုင်ဟီဘာက လည်း ပြောသည်။
ကိဗ်နှင့်အခြားယူကရိန်းဒေသအများအပြားတွင် လေကြောင်းတိုက်ခိုက်မှု အချက်ပေးသံများ နံနက် ၅ နာရီအထိ ငါးနာရီကြာနီးပါး မြည်နေခဲ့ကြောင်း စစ်ဘက်အချက်အလက်များအရသိရသည်။
အားလုံးအတွက် ခက်ခဲသော ည တစ်ည ဖြစ်ခဲ့ကြောင်း၊ ရန်သူက တစ်ညလုံး ဒရုန်းတိုက်ခိုက်မှုများဖြင့် အကြမ်းဖက်ခဲ့ကြောင်း၊ အရပ်ဘက်အခြေခံအဆောက်အဦးများ နှင့် မြို့တော်မှ ပြည်သူများကိုပါ ရန်သူက ပစ်မှတ်ထားခဲ့ကြောင်း ကိဗ် စစ်ဒေသအကြီးအကဲ တီမာချာချင်ကို က တယ်လီဂရမ်ပေါ်တွင် ပြောကြားသည်။
တယ်လီဂရမ်ချန်နယ်များတွင် တင်ထားသော ဓာတ်ပုံ နှင့် ဗီဒီယိုများတွင် နံနက်အရုဏ်တက် ချိန်၌ ကိဗ်မြို့မှ မတူညီသောနေရာများမှ မီးခိုးလုံးကြီးများ တက်လာနေသည်ကို မြင်တွေ့ရပြီး တိုက်ခိုက်မှုအတိုင်းအတာကို လတ်တလော မသိရသေးပေ။
ထိုအတောအတွင်း တောင်ပိုင်း အိုဒက်ဆာဆိပ်ကမ်းမြို့ပေါ်သို့ ညဘက်တွင် လုပ်ဆောင်ခဲ့သည့် ကြီးမားသော ဒရုန်းတိုက်ခိုက်မှုများအတွင်း ဆေးဘက်ဆိုင်ရာ အရေးပေါ် အဆောက်အဦးတစ်ခု၊ သားဖွားဆောင်တစ်ခု နှင့် အခြားလူနေအဆောက်အဦးများ ပစ်မှတ်ထားခံခဲ့ရကြောင်း အိုဒက်ဆာဒေသ အုပ်ချုပ်ရေးမှူး အိုလေးကစ်ပါ က တယ်လီဂရမ်တွင် ရေးသားသည်။
ယင်းတိုက်ခိုက်မှုအတွင်း အမျိုးသားနှစ်ဦး သေဆုံးပြီး အခြားလူ ကိုးဦး ဒဏ်ရာရရှိခဲ့ကြောင်းတာဝန်ရှိသူများက ပြောသည်။
သားဖွားဆေးရုံမှ လူနာများနှင့်ဝန်ထမ်းများအား ဘေးကင်းစွာ ရွှေ့ပြောင်းနိုင်ခဲ့ကြောင်း ပြည်နယ် အုပ် ချုပ် ရေးမှူးက ပြောသည်။
သတင်း-ရဲမင်း
ကိုးကား-Reuters

#နိုင်ငံတကာသတင်း
◼ယီမင်ဆိပ်ကမ်းမြို့ကို အစ္စရေးတိုက်ခိုက်
ယီမင်နိုင်ငံ၏ ပင်လယ်နီ ဆိပ်ကမ်းမြို့ ဟိုဒေဒါ မှ ဟူသီပစ်မှတ်များကို တိုက်ခိုက်ခဲ့ကြောင်း အစ္စ‌ရေးရေတပ်က ပြောကြားပြီး တစ်ချိန်တည်းမှာပင် ဟူသီအဖွဲ့က အစ္စရေးအား ဆက်လက်တိုက်ခိုက်နေခဲ့ပါက ၎င်းတို့အဖွဲ့အပေါ် လေကြောင်း နှင့် ရေကြောင်း ပိတ်ဆို့မှုများ လုပ်ဆောင်သွားနိုင်ကြောင်း ကာကွယ်‌ရေးဝန်ကြီး အစ္စရေးကတ်ဇ် က ခြိမ်းခြောက်လိုက်သည်။
ဟိုဒေဒါဆိပ်ကမ်းမှ သင်္ဘောကျင်းနှစ်ခုအား အစ္စရေးက နှစ်ကြိမ်တိုက်ခိုက်ခဲ့ကြောင်း ဟူသီအဖွဲ့ လက်‌အောက်ရှိ အယ်လ်မာဆီရာရုပ်သံ က တင်ပြခဲ့သည်။
ဟူသီတို့၏ ပစ်မှတ်များကို တိုက်ခိုက်ခဲ့ကြောင်း နှင့် ဟူသီအဖွဲ့ က လက်နက်များ လွှဲပြောင်းရယူရန် ယင်းဆိပ်ကမ်းကို အသုံံးပြုနေကြောင်း အစ္စရေးစစ်ဘက် က ထုတ်ပြန်ချက်တစ်ရပ်တွင် ပြောသည်။
အဆိုပါတိုက်ခိုက်မှုနှင့်ပတ်သက်၍ထိခိုက်ဒဏ်ရာရသော သတင်းများ ရုတ်တရက်ထွက်ပေါ်မလာသေး‌ပေ။
အီရန်၏ အခြားအရှေ့အလယ်ပိုင်း လက်တွဲဖော်များအား အကြီးအကျယ် အားနည်းသွားစေခဲ့ပြီးနောက် အစ္စရေးက ဟူသီ စစ်ဆင်ရေးကို စတင်ခဲ့ကာ ဟူသီ ပစ်မှတ်များစွာကို လေကြောင်း မှ တိုက်ခိုက်ခဲ့သည်။
ဟူသီတို့ထိန်းချုပ်ထားသော ဟိုဒေဒါ ၊ ရက်စ်အီဆာ နှင့် ဆာလစ် ဆိပ်ကမ်းအနီးမှ လူများ ဘေးလွတ်ရာ ရွှေ့ပြောင်းနေကြရန် အစ္စရေးစစ်ဘက် က ယမန်နေ့တွင် တိုက်တွန်းခဲ့သည်။
“သူတို့အနေနဲ့ အစ္စ‌ရေးကို ဆက်ပြီး ပစ်ခတ်နေမယ်ဆိုရင် ပိုပြီးအင်အားပြင်းထန်တဲ့ တုံ့ပြန်မှုနဲ့ရင်ဆိုင်ရပြီး ရေကြောင်း နဲ့ လေကြောင်းပိတ်ဆို့မှုတွေ ခံစားရနိုင်တယ်ဆိုတာကို ကျွန်တော်တို့က ဟူသီ အကြမ်း ဖက်အဖွဲ့အစည်းကို သတိပေးလိုက်ပါတယ်။”ဟု ကာကွယ်ရေးဝန်ကြီး ကတ်ဇ် က လူမှုကွန်ရက် X ပေါ်တွင် ရေးသားသည်။
၂၀၂၃ ခုနှစ် အောက်တိုဘာလတွင် ဂါဇာစစ်ပွဲ စတင်ချိန်ကတည်းက ပါလက်စတိုင်းများနှင့် သွေး စည်းညီညွတ်မှုပြသနေကြောင်း ပြောကြားပြီး အီရန်နှင့်လက်တွဲထားသော ယီမင်နိုင်ငံမှ ဟူသီအဖွဲ့ က ပင်လယ်နီမှ သင်္ဘောများနှင့် အစ္စ‌‌ရေး အား ပစ်ခတ်တိုက်ခိုက်နေခဲ့ကြောင်း ရိုက်တာသတင်းက ဖော်ပြသည်။
သတင်း-ရဲမင်း
ကိုကား-Reuters

#ယနေ့ထုတ်သတင်းစာ_သတင်း
◼ ထိုင်းနိုင်ငံ အယုဒ္ဓယတွင် အထောက်အထားမဲ့ မြန်မာရွှေ့ပြောင်းလုပ်သား ငါးဦး ဖမ်းဆီးခံရ
ထိုင်းနိုင်ငံအယုဒ္ဓယတွင် ဇွန် ၁၀ ရက်က အထောက်အထားမဲ့ မြန်မာရွှေ့ပြောင်းလုပ်သား ငါးဦးကို ဖမ်းဆီးထားကြောင်း ထိုင်းနိုင်ငံအဝေးပြေးလမ်းမ ရဲတပ်ဖွဲ့က သတင်းထုတ်ပြန်ထားသည်။
ထိုင်းနိုင်ငံ အယုဒ္ဓယနယ်မြေတွင် အယုဒ္ဓယအဝေးပြေးလမ်းမရဲတပ်ဖွဲ့က ကားတစ်စီးအားတားဆီးစစ်ဆေးရာ တရားမဝင် မြန်မာရွှေ့ပြောင်းလုပ်သား ငါးဦးတွေ့ရှိခဲ့သည့်အတွက် ထိန်းသိမ်းခဲ့ခြင်းဖြစ်ကြောင်း သိရသည်။
ကားသမား၏ထွက်ဆိုချက်အရ မြန်မာနိုင်ငံသားတစ်ဦးကစူဖန်ဘူရီမှ အလုပ်သမားများအား ပထုမ်ဌာနီသို့ပို့ဆောင်ပေးရန် ငှားရမ်းခဲ့ခြင်းဖြစ်ပြီး တစ်ဦးလျှင်ဘတ် ၇၀၀ နှုန်းဖြင့်အခကြေးငွေ ရရှိခဲ့ကြောင်း သိရသည်။
မြန်မာနိုင်ငံသားငါးဦးသည် စာရွက်စာတမ်း အထောက်အထားများမရှိဘဲ တာ့ခ်ခရိုင် မဲဆောက်မြို့နယ်မှတစ်ဆင့်လှေဖြင့် ထိုင်းနိုင်ငံအတွင်းသို့ တရားမဝင် ဝင်ရောက်လာခဲ့ကြပြီးနောက် ကားဖြင့်ဆက်လက်ခရီးနှင်လာစဉ် ဖမ်းဆီးခံရခြင်းဖြစ်ကြောင်း သိရသည်။
ကားသမားနှင့်မြန်မာငါးဦးတို့ကို အယုဒ္ဓယခရိုင် ဘန်ပါဟန်မြို့နယ်ရဲစခန်းသို့ ဥပဒေအရအရေးယူဆောင်ရွက်နိုင်ရန် လွှဲပြောင်းပေးခဲ့ကြောင်း အဝေးပြေးလမ်းမရဲတပ်ဖွဲ့က သတင်းထုတ်ပြန်ထားသည်။