မက်ဒရစ်နာကျင်မှုကို အဆုံးသတ်နိုင်ခဲ့လို့ ဝမ်းမြောက်ကြောင်း ဆလော့ပြော

နိုဝင်ဘာ ၂၈

လီဗာပူးလ်အသင်းဟာ ချန်ပီယံလိဂ်ပွဲစဉ်မှာ ရီးရယ်လ်အသင်းကို ၂ ဂိုး-ဂိုးမရှိနဲ့ အနိုင်ရခဲ့ပြီးနောက် နည်းပြ အာနီဆလော့က အသင်းရဲ့ နှစ်ပေါင်းများစွာကြာ မက်ဒရစ်နာကျင်မှုကို အဆုံးသတ်နိုင်ခဲ့လို့ ဝမ်းမြောက်ကြောင်း ပြောခဲ့ပါတယ်။

အာနီဆလော့က “ချန်ပီယံလိဂ်ကို အကြိမ်ပေါင်းများစွာ ရယူထားတဲ့ အသင်းနဲ့ ကစားရတာဟာ ဘယ်လောက် ထူးခြားလဲဆိုတာ ခင်ဗျားတို့ သိပါတယ်။ လီဗာပူးလ်အတွက်လည်း နှစ်ပေါင်းများစွာကြာ နာကျင်ခဲ့ရတာပါ။ ဒါက ကြီးမားတဲ့ ရက်သတ္တပတ်ဖြစ်ပြီး မြင်ရတာ အလွန်ကောင်းပါတယ်။ ဒီလိုပွဲကြီးပွဲကောင်းတွေကို အနိုင်ရတာက အမြဲတမ်းကောင်းတယ်လို့ ကျနော်ထင်ပါတယ်။ ၁၆ သင်းအဆင့်မှာ ရီးရယ်လ်နဲ့ ထပ်တွေ့ပြီး အနိုင်ယူနိုင်ခဲ့ရင် ပိုကြီးမားတဲ့ ကြေညာချက် ဖြစ်လာပါလိမ့်မယ်”လို့ ပြောခဲ့တာပါ။

ဒီပွဲမှာ လီဗာပူးလ်အသင်းအတွက် ဂိုးတွေကို မက်အလစ္စတာနဲ့ ဂတ်ပိုတို့က သွင်းယူခဲ့ကြပြီး ဘတ်ပီနဲ့ ဆာလက်တို့ ပင်နယ်တီလွဲချော်ခဲ့ကြပါတယ်။

လီဗာပူးလ်အသင်းဟာ ရီးရယ်လ်အသင်းကို ၂၀၁၈ နဲ့ ၂၀၂၂ ချန်ပီယံလိဂ် ဗိုလ်လုပွဲတွေ အပါအဝင် နောက်ဆုံး တွေ့ဆုံခဲ့တဲ့ ၆ ကြိမ်စလုံး အနိုင်ရယူနိုင်ခဲ့ခြင်း မရှိပါဘူး။

ဒီနိုင်ပွဲဟာ လီဗာပူးလ်အသင်းအတွက် ရီးရယ်လ်အသင်းကို ၂၀၀၉ ခုနှစ်နောက်ပိုင်း ၁၅ နှစ်အကြာမှ ပထမဆုံး နိုင်ပွဲပြန်လည်ရယူနိုင်ခဲ့တာပါ။

လီဗာပူးလ်အသင်းဟာ ဒီနိုင်ပွဲကြောင့် ဒီရာသီချန်ပီယံလိဂ်ပွဲစဉ် ၅ ပွဲစလုံးကို ရာနှုန်းပြည့် နိုင်ပွဲရယူထားတဲ့ တစ်သင်းတည်းသော အသင်းအဖြစ် ရပ်တည်နေပါတယ်။

လီဗာပူးလ်အသင်းဟာ ဒီနိုင်ပွဲတွေကြောင့် ချန်ပီယံလိဂ် ၁၆ သင်းအဆင့်ကို တိုက်ရိုက်တက်ရောက်နိုင်ဖို့ နီးစပ် သွားခဲ့ပြီဖြစ်တာပါ။

ရီးရယ်လ်အသင်းကတော့ ပွဲစဉ် ၅ ပွဲ ကစားအပြီးမှာ ၃ ပွဲအထိ ရှုံးပွဲကြုံတွေ့ထားကာ အဆင့် ၂၄ နေရာမှာ ရပ်တည်နေတာ ဖြစ်ပါတယ်။

အဲဒါကြောင့် ရီးရယ်လ်အသင်း အနေနဲ့ နောက်တဆင့် တက်ရောက်နိုင်ဖို့အတွက် လက်ကျန် ၃ ပွဲစလုံး ရလဒ် ကောင်း ရယူနိုင်ဖို့ လိုအပ်နေပါတယ်။

ရီးရယ်လ်အသင်းနည်းပြ အန်ဆယ်လော့တီက သူတို့နောက်တဆင့်ကို တက်ရောက် နိုင်မယ်ဆိုတာ ယုံကြည်တယ်လို့ ပွဲအပြီးမှာ ပြောခဲ့ပါတယ်။

ရီးရယ်လ်အသင်းဟာ ဒီတစ်ပတ် လာလီဂါပွဲစဉ်အဖြစ် ဂီတာဖေးအသင်းနဲ့ ယှဉ်ပြိုင်ရမှာဖြစ်ပြီး လီဗာပူးလ် အသင်းက ပရီးမီးယားလိဂ်ပွဲစဉ်အဖြစ် မန်စီးတီးအသင်းနဲ့ ယှဉ်ပြိုင်ရမှာ ဖြစ်ပါတယ်။

ပုံ - အာနီဆလော့ကို တွေ့ရစဉ်

#centralnewsnaypyitaw

ရန်ကုန်တိုင်းအတွင်း ဒေါ်လာ ၇ သန်းခွဲကျော်နှင့် ကျပ်သန်း ၁,၅၀၀ တန်ဖိုးရှိ ပြည်တွင်းပြည်ပ ရင်းနှီးမြှုပ်နှံမှုလုပ်ငန်း ၉ ခု အတည်ပြု

နိုဝင်ဘာ ၂၈

ရန်ကုန်တိုင်းဒေသကြီးအတွင်း ဒေါ်လာ ၇ သန်းခွဲကျော်နှင့် ကျပ်သန်း ၁,၅၀၀ တန်ဖိုးရှိ ပြည်တွင်းပြည်ပ ရင်းနှီးမြှုပ်နှံမှုလုပ်ငန်း ၉ ခုအား ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီ အစည်းအဝေး (၁၁/၂၀၂၄)တွင် အတည်ပြုပေးခဲ့သည်။

အဆိုပါ ရင်းနှီးမြှုပ်နှံမှုလုပ်ငန်းများမှာ စက်မှုလုပ်ငန်းနှင့်ဝန်ဆောင်မှုလုပ်ငန်းတို့တွင် ရာနှုန်းပြည့် မြန်မာနိုင်ငံသားရင်းနှီးမြှုပ်နှံမှုလုပ်ငန်း ၁ ခုနှင့် နိုင်ငံခြားရင်းနှီး မြှုပ်နှံမှုလုပ်ငန်း ၈ ခုတို့ကို အတည်ပြုပေးခဲ့ခြင်းဖြစ်သည်။

အတည်ပြုပေးခဲ့သည့် လုပ်ငန်းအမျိုးအစားများမှာ CMP စနစ်ဖြင့် Wearing Apparel အမျိုးမျိုးချုပ်လုပ်ခြင်းလုပ်ငန်း၊ ပြည်တွင်း၌ ရာနှုန်းပြည့်ရောင်းချမည့် ဆောက်လုပ်ရေးလုပ်ငန်းသုံးပစ္စည်းများ ထုတ်လုပ်ရောင်းချခြင်းလုပ်ငန်း၊ CMP စနစ်ဖြင့် Wool Fiber & Yam ထုတ်လုပ်ခြင်းလုပ်ငန်း၊ CMP စနစ်ဖြင့် ဆံပင်အတုအမျိုးမျိုးထုတ်လုပ်ခြင်းလုပ်ငန်း၊ CMP စနစ်ဖြင့် အဝတ်အထည်မျိုးမျိုးချုပ်လုပ်ခြင်းလုပ်ငန်း၊ စက္ကူတံဆိပ်ရိုက်ခြင်းဝန်ဆောင်မှုလုပ်ငန်းနှင့် ပြည်တွင်း၌ ရာနှုန်းပြည့်ရောင်းချမည့် အထည်ချုပ်လုပ်ငန်းတွင် အသုံးပြုသော ပလတ်စတစ်အိတ်အမျိုးမျိုး ထုတ်လုပ်ရောင်းချခြင်းလုပ်ငန်းတို့ဖြစ်ကြောင်း သိရသည်။

အဆိုပါရင်းနှီးမြှုပ်နှံမှုလုပ်ငန်းများ၏ မတည်ငွေရင်းပမာဏမှာ ကျပ်သန်း ၁,၅၀၀ (ကျပ်တစ်ဘီလျံခွဲ)နှင့် ဒေါ်လာ ၇ ဒသမ ၆၉၀ သန်းတန်ဖိုးရှိပြီး ပြည်တွင်းအလုပ်သမား ၅,၂၅၅ ဦးအတွက် အလုပ်အကိုင်များဖန်တီးပေးနိုင်မည်ဖြစ်သည်။

မြန်မာနိုင်ငံ၏ အထည်ချုပ်ကဏ္ဍသို့ လက်ရှိတွင် တရုတ်နိုင်ငံမှ ရင်းနှီးမြှုပ်နှံမှုများ အများဆုံးဝင်ရောက်နေပြီး အော်ဒါအဓိကမှာယူနေသည့်နိုင်ငံများမှာ ဂျပန်၊ တရုတ်၊ ကိုရီးယားနိုင်ငံများဖြစ်သည့်အပြင် ပိုလန်နိုင်ငံနှင့် အရှေ့အလယ်ပိုင်းနိုင်ငံများမှလည်း ဝယ်ယူမှုမြင့်တက်လာကြောင်း မြန်မာနိုင်ငံအထည်ချုပ်လုပ်ငန်းရှင်များအသင်းမှ သိရသည်။

Credit - MT News Agency

#သတင်းဟင်းလေးအိုးကြီး

ရုရှား၏ သဘာဝရွက်ဖျန်းအားဆေးစက်ရုံစီမံကိန်း နေပြည်တော်တွင် စတင်တည်ဆောက်မည်

နိုဝင်ဘာ ၂၈

ရုရှားနိုင်ငံ RC Investments က သဘာဝရွက်ဖျန်းအားဆေးရည် ထုတ်လုပ်မည့်စက်ရုံကို တစ်နှစ်အတွင်း နေပြည်တော်၌ အပြီးတည် ဆောက် သွားဖွယ်ရှိကြောင်း သမဝါယမနှင့်ကျေးလက်ဖွံ့ဖြိုးရေးဝန်ကြီး ဌာနမှ အမြဲတမ်းအတွင်းဝန် ဦးခန့်ဇော်က NP News သို့ ပြောသည်။

ပြီးခဲ့သည့် စက်တင်ဘာ(၄)ရက်က ရုရှားနိုင်ငံ ဗလာဒီဗော့စတော့မြို့၌ ကျင်းပသည့်(၉) ကြိမ်မြောက် အရှေ့ဖျားစီးပွားရေးဖိုရမ်သို့ ဗိုလ်ချုပ်ကြီး မြထွန်းဦး ဦးဆောင်သည့်ကိုယ်စားလှယ်အဖွဲ့ တက်ရောက်ပြီးနောက် မြန်မာနိုင်ငံတွင် သဘာဝရွက်ဖျန်း အားဆေးရည်ထုတ်လုပ်သည့် စက်ရုံတည်ဆောက်ရေးနှင့် သက်ဆိုင်သည့် ပူးပေါင်းဆောင်ရွက်မှု စာချွန်လွှာ (MOU)ကို လက်မှတ်ရေးထိုး‌ခဲ့ကြောင်း သိရသည်။

“လုပ်နေတာ ဘယ်အထိရောက်ပြီလဲလို့ပြောရမယ်ဆိုရင် နှစ်နိုင်ငံအဆင့်သဘောတူညီချက် စာချုပ်ချုပ်တာတော့ ပြီးပါပြီ။ သူက ရင်းနှီးမြုပ်နှံမှုဖြစ်တယ်။ ပြီးရင် နေပြည်တော်မှာ တည်မှာဆိုတော့ ကော်မရှင်တင်တဲ့ Process လုပ်နေတယ်။ အခု စက်ရုံမပြီးခင် သူတို့က သဘာဝဆေးရည်ကို တင်သွင်းပြီးတော့ စမ်းသပ်တာတွေလုပ်နေပါတယ်” ဟု ဦးခန့်ဇော်က ပြောသည်။အဆိုပါ သဘာဝရွက်ဖျန်း အားဆေးရည် ထုတ်လုပ်မည့်စက်ရုံကို နေပြည် တော် ကောင်စီနယ်မြေ၊ ပျဉ်မနား-တောင်ညိုလမ်းပေါ်ရှိ နေပြည်တော်စည်ပင်နယ်မြေဧရိယာအတွင်း တည်ဆောက်သွားမည်ဖြစ်ကြောင်း ၎င်းကဆိုသည်။

‘‘အခု စဆောက်မှာကတော့ အသေးစားပဲ ဖြစ်ဦးမှာပါ။ နေပြည် တော်မှာ စတည်ပြီးရင် ရေရှည်မျှော်မှန်းထားတာတော့ နောက်ကျရင် မန္တလေးတိုင်းမှာ လုပ်ဖို့။ ဧရာဝတီတိုင်းထဲမှာ လုပ်ဖို့။ ပဲခူးတိုင်းစသဖြင့် ဆက်သွားမယ့် Plan လေးတွေရှိပါတယ်။ စက်ရုံကတော့ မတည်ဆောက်ရသေးပါဘူးဗျ။ ရင်းနှီးမြှုပ်နှံမှုကိစ္စအတည်ပြုပြီးရင် ဆက်လုပ်တော့မှာပါ။ စက်ရုံကဆောက်ရင်တော့ မကြာဘူးဗျ။ အဲဒီအထဲမှာတော့ ကျွန်တော်ထင်ပါတယ် စလုပ်တဲ့အချိန်ကနေပြီးတော့ တစ်နှစ်နဲ့တစ်နှစ်ကျော်ကျော်နဲ့တင် ပြီးပါလိမ့်မယ်” ဟု ဦးခန့်ဇော်က ပြောသည်။

မြန်မာနိုင်ငံအတွင်း သဘာဝမြေဩဇာ သုံးစွဲမှုကနည်းပါးနေပြီး ဓာတုဓာတ်မြေဩဇာသုံးစွဲမှုကို (၃၀)ရာခိုင်နှုန်း လျော့ချသုံးစွဲရန်နှင့်သဘာဝ မြေဩဇာကို ပိုမိုသုံးစွဲစေလိုသည့် ရည်ရွယ်ချက် ဖြင့်သာ အဆိုပါ စက်ရုံကိုတည် ဆောင်ရခြင်းဖြစ်ကြောင်း ၎င်းကဆိုသည်။

‘‘တောင်သူလိုတာက မျိုးကောင်းမျိုးသန့် သွင်းအားစုကိုလိုတာဆိုတော့ သွင်းအားစုမသုံးရင်တော့ အထွက်နှုန်းမတိုးဘူးပေါ့။ အထွက်နှုန်းမတိုးရင်လည်း ဝင်ငွေမရဘူးပေါ့။ အဲဒီတော့ အထွက်နှုန်းတိုးအောင် ကျွန်တော်တို့က လုပ်ပေးတဲ့သဘောပါပဲ။ သွင်းအားစုက သဘာဝအားဆေး (သို့မဟုတ်) သဘာဝမြေဩဇာဟာဆိုရင် ဓာတ်မြေဩဇာနဲ့ယှဉ်ရင် ဈေးသက်သာတယ်။ ပြီးရင် သဘာဝမြေဩဇာဖြစ်တဲ့အတွက် ရေလည်းမပြုန်း၊ မြေလည်းကောင်းမယ်။ သီးနှံလည်း အထွက်ကောင်းမယ်။ အဲဒီအကျိုး ကျေး ဇူးတွေရမှာ”ဟု ၎င်းက ပြောသည်။

ထို့ပြင် မြန်မာနိုင်ငံသည် စိုက်ပျိုးရေး အခြေခံသည့်နိုင်ငံဖြစ်သည့်အတွက် ပြည် တွင်းပြည်ပလုပ်ငန်းရှင်များပါ ၎င်းကဏ္ဍများတွင် ရင်းနှီးမြှုပ်နှံစေလိုကြောင်း ဦးခန့်ဇော်က အကြံပြုထားသည်။

Credit - NP News Agency

#သတင်းဟင်းလေးအိုးကြီး

"ငါ့ကို နာကျင်စေတာ များလာရင်တောင် တိတ်တိတ်လေး နေပေးခဲ့တယ်. """.

ရှိတဲ့သူက ပေးရင် ( စေတနာ )
ကျေးဇူးတင်ရမယ်......တဲ့

မရှိတဲ့သူက ပေးရင်
မရှိတဲ့ကြားက ခြစ်ချုပ်ပြီးပေးတဲ့အတွက်
စေတနာမဟုတ်ဘူး
အဲဒါ ( ချစ်မေတ္တာ )
တန်ဖိုးထားရမယ်........တဲ့။

~မိုးဃ်ဇော်~

ငါမင်းရဲ့စာပို့မယ့်စာကိုစောင့်နေတာ ဘာလို့လဲဆိုတော့ ငါစကားပြောချင်တဲ့တစ်ယောက်တည်းသောသူမို့ပါ။

ငါကရော ခံစားချက်မရှိဘူး တဲ့လား
ငါ့ခံစားချက်တွေကရော
ငါကရော မနာကျင်တတ်ဘူး တဲ့လား
ငါ့အသွေးအသားတွေကရော

တရားပါတယ် တရားပါတယ်လို့
ရေရွတ်ရင်း
ငါ့နည်းငါ့ဟန်နဲ့သဘောထားကြီးရင်း
အရာရာကို ခွင့်လွှတ် နားလည်ရင်း
အရာရာဟာ ငါမို့လို့ပါပဲလေ လို့
ငါ့ကိုငါနှစ်သိမ့်ခဲ့တယ် ။

#မယ်ညို

ငါဖောက်ပြန်တာကို
မင်းမိသွားတဲ့ အချိန်ထဲက
ငါမင်းကို မယုံတော့တာ။

#1918a

အခွန်စစ်ပွဲ ဖြစ်ပွားနိုင်ဟု တရုတ်က ထရမ့်ကို သတိပေး

နိုဝင်ဘာ ၂၈

အမေရိကန် ရွေးကောက်ခံသမ္မတ ဒေါ်နယ်ထရမ့် (Donald Trump) အနေဖြင့် ဖန်တနိုင်း မူးယစ်ဆေးဝါးများ စီးဆင်းမှုနှင့်ပတ်သက်ပြီး တရုတ်ကုန်ပစ္စည်းများအပေါ် အခွန်များ တိုးမြှင့်ကောက်ခံမည်ဆိုပါက ကမ္ဘာ့စီးပွားရေး အင်အားကြီး နှစ်နိုင်ငံအကြား ပျက်ကိန်းကြုံမည့် အခွန်စစ်ပွဲဖြစ်လာနိုင်ကြောင်း တရုတ်နိုင်ငံပိုင်မီဒီယာက သတိပေးခဲ့သည်ဟု ရိုက်တာမှ ဖော်ပြခဲ့သည်။

လာမည့်နှစ် ဇန်နဝါရီ ၂၀ ရက်တွင် သမ္မတအဖြစ် စတင်ရုံးထိုင်မည့် ထရမ့်က တရုတ်အနေဖြင့် မူးယစ်ဆေးဝါး မှောင်ခိုကူးမှုကို ထိန်းချုပ်ဟန့်တားခြင်း မရှိလျှင် တရုတ်နိုင်ငံမှ တင်ပို့သည့် ကုန်စည်များအပေါ် နောက်ထပ် အခွန် ၁၀ ရာခိုင်နှုန်း တိုးမြှင့်ကောက်ခံမည်ဟု ပြောကြားခဲ့သည်။

ထို့ကြောင့် ထရမ့် အာဏာရမလာမီ တရုတ်နှင့် အမေရိကန် အစိုးရတို့သည် ၎င်းတို့၏ ရပ်တည်ချက်များကို အပြန်အလှန် ချပြနေကြသည်။

ထရမ့်၏ ပထမသက်တမ်းက တရုတ်နှင့် ကုန်သွယ်ရေးစစ်ပွဲ ဖြစ်ပွားခဲ့သဖြင့် ကမ္ဘာလုံးဆိုင်ရာ ထောက်ပံ့ရေး ကွင်းဆက်များကို ကမောက်ကမ ဖြစ်စေခဲ့ကာ နိုင်ငံတိုင်းတွင် ငွေကြေးဖောင်းပွမှုများနှင့် ကြွေးမြီများ မြင့်တက်ခဲ့ သည်။

တရုတ်ကွန်မြူနစ်ပါတီ၏ အာဘော်များကို ဖော်ပြသည့် China Daily နှင့် Global Times သတင်းစာများကမူ ထရမ့်အနေဖြင့် ဖန်တနိုင်း မူးယစ်ဆေး ပြဿနာနှင့်ပတ်သက်ပြီး တရုတ်ကို အပြစ်ရှာခြင်းမပြုရန်၊ မူးယစ် ဆေးဝါး တိုက်ဖျက်ရေးကို ပူးပေါင်းဆောင်ရွက်ရန် ဖော်ပြခဲ့သည်။

"ရွေးကောက်ခံသမ္မတ (ထရမ့်) အနေနဲ့ တရုတ်ကုန်ပစ္စည်းတွေအပေါ် အခွန်တိုးမြှင့် ကောက်ခံမယ့် ခြိမ်းခြောက်မှု ကို တရားမျှတမှု ရှိစေဖို့အတွက် အကြောင်းပြချက် ပေးနေတာဟာ မှန်ကန်မှုမရှိပါဘူး" ဟု China Daily မှ ဖော်ပြ ခဲ့သည်။

"အခွန်စစ်ပွဲမှာ အနိုင်ရတဲ့သူ မရှိပါဘူး။ အမေရိကန်အနေနဲ့ နိုင်ငံရေးသဘော သက်ဝင်နေတဲ့ စီးပွားရေးနဲ့ ကုန်သွယ်ရေး ပြဿနာတွေအတွက် အခွန်ကို လက်နက်တစ်ခုလို အသုံးပြုနေမယ်ဆိုရင်တော့ ဘယ်သူ့အတွက်မှ ကောင်းမှာ မဟုတ်ပါဘူး" ဟု ထိုသတင်းစာတွင် ဖော်ပြခဲ့သည်။

ထရမ့်သည် ရွေးကောက်ပွဲအကြို မဲဆွယ်စည်းရုံးချိန် ကာလက တရုတ်အပေါ် အခွန်များ တိုးမြှင့်မည်ဟု ကတိပြုခဲ့ သဖြင့် ၂၀၂၅ ခုနှစ်မှ ၂၀၂၆ ခုနှစ်အကြား ဒေါ်လာ ၁၉ ထရီလျံရှိသည့် တရုတ်၏ စီးပွားရေးအတွက် ဖွံ့ဖြိုးတိုးတက် မှု နှုန်းထားကို စီးပွားရေးပညာရှင်များက တဖြည်းဖြည့်လျှော့ချ ခန့်မှန်းလာခဲ့သည်။

ထို့ပြင် ထရမ့် လက်ထက်တွင် အမေရိကန်ပြည်သူများ အနေဖြင့်လည်း စားဝတ်နေရေး ကုန်ကျစရိတ် တိုးမြှင့် လာသည့် အခြေအနေအတွက် ကြိုတင်ပြင်ဆင်ထားရန်လည်း ကျွမ်းကျင်သူများက သတိပေးခဲ့သည်။

Source: ရိုက်တာ

ပုံ - ဒေါ်နယ်ထရမ့်နဲ့ ရှီကျင့်ဖျင်ကို တွေ့ရစဉ်

#centralnewsnaypyitaw

ထရမ့်ရဲ့အခွန်တိုးကောက်မယ့်အစီအစဉ်ကြောင့် အမေရိကန် ၄ သိန်း အလုပ်လက်မဲ့ဖြစ်မယ်လို့ မက္ကဆီကို သမ္မတသတိပေး

နိုဝင်ဘာ ၂၈

အကြိုသမ္မတဒေါ်နယ်ထရမ့်ရဲ့ အဆိုပြုချက်အတိုင်း သွင်းကုန်အခွန် ၂၅% ကောက်ခံမယ်ဆိုရင် မက္ကဆီကို နိုင် ငံကလည်း လက်တုံ့ပြန်သွားမှာဖြစ်ပြီး ထရမ့်ရဲ့ဆုံးဖြတ်ချက်အတိုင်းသာ ဆောင်ရွက်ရင် အမေရိကန်ပြည်သူ ၄၀၀,၀၀၀ အလုပ်အကိုင်အခွင့်အလမ်းဆုံးရှုံးမယ့်အပြင် ကုန်ဈေးနှုန်းတွေကြီးမြင့်သွားမှာဖြစ်ကြောင်း မက္ကဆီကို သမ္မတကလောက်ဒီရာရှိုှု်င်းဘောင်းက နိုဝင်ဘာ ၂၇ ရက်နေ့က ပြောကြားလိုက်ပါတယ်။

“အမေရိကန်က သွင်းကုန်အခွန်တိုးမြှင့်ကောက်ခံမယ်ဆိုရင် မက္ကဆီကိုကလည်း သွင်းကုန်အခွန် တိုးမြှင့် ကောက်ခံသွားမှာဖြစ်ပါတယ်။” သတင်းစာရှင်းလင်းပွဲတစ်ခုမှာ ရှိုင်းဘောင်းက ပြောပါတယ်။

မက္ကဆီကိုနိုင်ငံအနေနဲ့ အကြီးမားဆုံး ကုန်သွယ်ဘက်နိုင်ငံက အခွန်တိုးမြှင့်ကောက်ခံမယ်ဆိုရင် မိမိတို့ ဘက် ကလည်း လက်တုံ့ပြန်ဆောင်ရွက်ဖို့အတွက် ပြင်ဆင်နေကြောင်း အဲဒီသတင်းစာရှင်းလင်းပွဲမှာ ၎င်းက ရှင်းလင်း ပြတ်သားစွာ ပြောပါတယ်။

သွင်းကုန်အခွန်တွေ ပြန်လည်တိုးမြှင့်ကောက်ခံမယ့် လက်တုံ့ပြန်စစ်ပွဲတစ်ပွဲအစား ဒေသတွင်း ပိုမိုပူးပေါင်း ဆောင်ရွက်ဖို့ သမ္မရှိုင်းဘောင်းနဲ့အတူ မိန့်ခွန်းပြောကြားစဉ် မက္ကဆီကိုစီးပွားရေးဝန်ကြီး မာဆဲလိုအီးဘရက်က ပြောပါတယ်။

မက္ကဆီကို၊ ကနေဒါနဲ့ အမေရိကန်နိုင်ငံတို့ကြားက USMCA ကုန်သွယ်ရေးသဘောတူစာချုပ်ကို ချိုးဖောက်ရာကျ တဲ့ ထရမ့်ရဲ့ သွင်းကုန်အခွန်တိုးမြှင့်ကောက်ခံမယ့်အစီအစဉ်ဟာ “ခြေထောက်ကို သေနတ်နဲ့ပစ်တာ” ဖြစ်တယ် လို့ အီးဘရက်က ပြောပါတယ်။

ထရမ့်သတ်မှတ်မယ့်အခွန်ကောက်ခံမှုကြောင့် အမေရိကန်ပြည်သူ အများအပြား အလုပ်အကိုင်အခွင့်အလမ်း ဆုံးရှုံးပြီး တိုးတက်မှုလျော့ကျသွားမှာဖြစ်သလို မက္ကဆီကိုနိုင်ငံထဲမှာ ကုန်ထုတ်လုပ်ငန်းတွေ လာရောက်လုပ် ကိုင်နေတဲ့ အမေရိကန် ကုမ္ပဏီ အခွန်နှစ်ထပ်ပေးဆောင်နေရတဲ့အတွက် အကြီးအကျယ် ထိခိုက်နစ်နာမှာဖြစ် ကြောင်း အီးဘရက်က ပြောပါတယ်။

ဒီအစီအစဉ်ကြောင့် နယ်စပ်ဖြတ်ကျော်ပြီး မော်တော်ကားထုတ်လုပ်တင်သွင်းနေတဲ့ Ford ၊ General Motors နဲ့ Stellantis ကုမ္ပဏီတို့လို ကားကုမ္ပဏီတွေကိုလည်း ထိခိုက်မှာဖြစ်ကြောင်း ၎င်းက ပြောပါတယ်။

အမေရိကန်နိုင်ငံထဲမှာ ရောင်းချနေတဲ့ ပစ်ကပ်ထရပ်ကား ၈၈% ကို မက္ကဆီကို နိုင်ငံထဲမှာ ထုတ်လုပ်နေတာ ဖြစ်ပြီး အခုလို အခွန်တိုးကောက်ရင် ဈေးနှုန်းတွေ မြင့်တက်သွားမှာဖြစ်ကြောင်း ၎င်းက ပြောပါတယ်။

အဲဒီပစ်ကပ်ထရပ်ကားတွေဟာ ထရမ့်ကို မဲအများဆုံးပေးခဲ့တဲ့ အမေရိကန်ကျေးလက်ဒေသမှာ လူကြိုက်အများ ဆုံးကားတွေ ဖြစ်ပါတယ်။

“ကျွန်တော်တို့ ခန့်မှန်းထားတာကတော့ အဲဒီပစ်ကပ်ထရပ်ကားတွေရဲ့ ဈေးနှုန်းဟာ ဒေါ်လာ ၃၀၀၀ အထိ မြင့် တက်သွားနိုင်ပါတယ်။” လို့ အီးဘရက်က ပြောပါတယ်။

ရှိုင်းဘောင်းနဲ့ ထရမ့်ဟာ နိုဝင်ဘာ ၂၇ ရက်နေ့ ညနေပိုင်းမှာ ဖုန်းစကားပြောခဲ့ရာ “လုံခြုံရေးဆိုင်ရာပြဿနာ တွေနဲ့ပတ်သက်ပြီး ပြောဆိုဆွေးနွေးခဲ့တာဖြစ်ပြီး အကောင်းဆုံး ဆွေးနွေးနိုင်ခဲ့ကြောင်း” မက္ကဆီကိုသမ္မတ ရှိုင်း ဘောင်းက X လူမှုကွန်ရက်မှာ ရေးသားခဲ့ပါတယ်။

Ref: Mexico warns Trump tariffs would kill 400,000 US jobs, threatens retaliation

Credit - New Vision Media

#သတင်းဟင်းလေးအိုးကြီး