ပျော်ပါးချင်လို့

ဂျက်ကီလုံး : ဘာလာလာ

#နိုင်ငံတကာသတင်း
◼အစ္စရေးတိုက်ခိုက်မှုတွင် အမေရိကန် ပါဝင်ပါက ငရဲကျသဖွယ်ဖြစ်လိမ့်မည်ဟု အီရန်ပြော
အစ္စရေးတိုက်ခိုက်မှုများတွင် အမေရိကန်ပါဝင်လာခဲ့ပါက ‌ဒေသတစ်ခုလုံးအတွက် ငရဲကျသဖွယ် ဖြစ်နိုင်ကြောင်း အီရန် ဒုတိယနိုင်ငံခြားရေးဝန်ကြီး က ဘီဘီစီသတင်းအား ပြောကြားသည်။
ယခုစစ်ပွဲမှာ အမေရိကန်၏စစ်ပွဲမဟုတ်ကြောင်း နှင့် အကယ်၍ အမေရိကန်သမ္မတဒေါ်နယ်ထရန့် က ပါဝင်ပတ်သက်ခဲ့ပါက ၎င်းနှင့် မသက်ဆိုင်သောစစ်ပွဲတွင် ပါဝင်ခဲ့သူ အဖြစ် အမြဲတမ်း အမှတ်ရနေကြမည် ဖြစ်ကြောင်း မစ္စတာ ဆာအက် ခါတစ်ဇာဒေး က ပြောသည်။
အမေရိကန်ပါဝင်မှုဖြင့် စစ်ပွဲအား ကြီးမားသောအရှုပ်တော်ပုံ အဖြစ် ပြောင်းလဲစေရုံသာမက ၊ရန်လိုမှုများ ပိုများလာကာ ရက်စက်ကြမ်းကြုတ်မှုများအား ရပ်တန့်ရန် နှောင့်နှေးသွားမည် ဖြစ်ကြောင်း ၎င်းက ဆက်ပြောသည်။
အီရန်တို့၏ ဒုံးကျည်တိုက်ခိုက်မှုတစ်ခုအတွင်း အစ္စရေးတောင်ပိုင်းမှ ဆိုရိုကာဆေးရုံထိမှန်ခဲ့ပြီးနောက် ၎င်း၏ မှတ်ချက်များ ထွက်ပေါ်လာခြင်းဖြစ်သည်။
ယင်းတိုက်ခိုက်မှုတွင် ဆေးရုံဘေးရှိ စစ်စခန်းအား ပစ်မှတ်ထားခြင်းဖြစ်ကြောင်း နှင့် ဆေးရုံအား ပစ်မှတ်ထားခဲ့ခြင်းမဟုတ်ကြောင်း အီရန် အစိုးရ မီဒီယာက ပြောသည်။
ဆိုရိုကာဆေးရုံ တိုက်ခိုက်ခံရမှုတွင် လူပေါင်း ၇၁ ဦး ဒဏ်ရာရခဲ့ကြောင်း အစ္စရေးကျန်းမာ‌‌ရေး ဝန်ကြီးဌာနက ပြောသည်။
ထိုအတောအတွင်း အီရန်၏ နျူကလီးယားစခန်းများအား ပစ်မှတ်ထားခဲ့ကြောင်း နှင့် ယင်းတွင် အရက်ခ် ရေအရင်းအမြစ်ဓာတ်ပေါင်းဖိုဟောင်း နှင့် နာတန့်ဇ် ယူရေနီယံ သန့်စင်စက်ရုံများလည်း ပါဝင်ကြောင်း အစ္စရေးစစ်ဘက် က ပြောကြားသည်။
သံတမန်‌ရေး က ပထမဦးစားပေးဖြစ်သော်လည်း ဗုံးကြဲတိုက်ခိုက်ခံနေရစဉ် အီရန်က မည်သည့်ဆွေးနွေးပွဲကိုမျှ စတင်မည် မဟုတ်ကြောင်း အီရန် ဒုတိယနိုင်ငံခြားရေးဝန်ကြီး ခါဘစ်ဇာဒေး က ဆက်လက်ပြောသည်။
ယခုပဋိပက္ခမှာ ရန်စမှုမရှိဘဲ မလိုအပ်ဘဲ ဖြစ်ပေါ်လာသော စစ်ပွဲဖြစ်ကြောင်း အီရန် ဒုတိယနိုင်ငံခြားရေးဝန်ကြီးက ပြောကြားသည်။
အမေရိကန်နှင့်နျူကလီးယားသဘောတူညီချက်အား အီရန်က လက်သင့်ခံခဲ့ပါက ပဋိပက္ခကို ရှောင်လွဲလိုက်နိုင်မည်ဖြစ်ကြောင်း အမေရိကန်သမ္မတ ထရန့် ၏ ထပ်တလဲလဲ ပြောကြားမှုများအား တုံ့ပြန်ရာတွင် အီရန်အပေါ် တိုက်ခိုက်မှုများ စတင်ပြီး အစ္စရေးက ကဖျက် ယဖျက် လုပ်လိုက်သည့်အချိန်အထိ အီရန် က ဆွေးနွေးညှိနှိုင်းမှုများ လုပ်ဆောင်နေခဲ့ကြောင်း အီရန် ဒုနိုင်ငံခြား‌ရေး ဝန်ကြီး က ထောက်ပြသည်။
“ ကျွန်တော်တို့က( အိုမန်မြို့တော်)မတ်စကတ်မြို့မှာ ခြောက်ကြိမ်မြောက် ဆွေးနွေးဖို့ လုပ်နေခဲ့ကြတာပါ။ တစ်ကယ်တမ်းကျရင် ကျွန်တော်တို့ က သဘောတူညီချက်တစ်ခု ရလု နီးနေပါပြီ။ သဘောတူညီချက်ရခါနီးနေပြီ ဆိုတာကို သမ္မတ ထရန့် က တခြားလူတွေထက် ပိုပြီး သိပါတယ်။” ဟု၎င်းက ပြောသည်။
သတင်း-ရဲမင်း
ကိုးကား-BBC

သူတောင်းစား အင်ပါယာ : 4.7M Views Aung Thu Lwin (Kelvin Kate)

#ပြည်တွင်းသတင်း
◼ငလျင်ဒဏ်သင့်မန္တလေးနန်းမြို့ရိုးအားပြုပြင်ရာတွင် RC ကွန်ကရစ်ထည့်သွင်းခြင်းမပြုလုပ်ရန် တရုတ်ပညာရှင်အဖွဲ့အကြံပြု
ငလျင်ဒဏ်ကြောင့်ပျက်စီးခဲ့သည့် မန္တလေးနန်းမြို့ရိုးအားပြုပြင်ရာတွင် RC ကွန်ကရစ်ထည့်သွင်းခြင်း များမပြုလုပ်ရန် တရုတ်နိုင်ငံ၊ National Cultural Heritage Administration နှင့် Shaanxi Provincial Cultural Heritage Administration မှ ပညာရှင်များကအကြံပြုပြောဆိုထားကြောင်း ရှေးဟောင်း သုတေသနနှင့်အမျိုးသားပြတိုက်ဦးစီးဌာနထံမှသိရသည်။
ပြီးခဲ့သည့်မတ်လ ၂၈ ရက်တွင်လှုပ်ခတ်ခဲ့သည့် အင်အားပြင်းငလျင်ကြောင့် မန္တလေးတိုင်းအတွင်းရှိ နန်းမြို့ရိုး၊ ပြအိုး၊ ပြာသာဒ်များ၊ နန်းတော်နှင့် ရှေးဟောင်းအဆောက်အအုံများ ထိခိုက်ပျက်စီးခဲ့သည့်အတွက် ရှေးဟောင်းသုတေသနနှင့် အမျိုးသားပြတိုက်ဦးစီးဌာန၏ ညွှန်ကြားရေးမှူးချုပ်မှ မန္တလေး နန်းမြို့ရိုးပတ်လည်ဧရိယာရှိ မြို့ဝင်ပေါက်၊ သူရဲပြေး၊ သူရဲခို၊ ပြအိုး၊ ပြာသာဒ်၊ မီးတား အင်္ဂါအပြည့်အစုံ ပါသောတစ်နေရာကို ပြုပြင်ပေးရန် တရုတ်-မြန်မာချစ်ကြည်ရေးအနေဖြင့် တရုတ်ပညာရှင်အဖွဲ့ အားတောင်းဆိုခဲ့ကြောင်း၊ တန်ဖိုးကြီးမားပြီး အနုလက်ရာရှိသော ရှေးဟောင်းအဆောက်အအုံများကို ပျက်ပုံအတိုင်းထိန်းသိမ်းပြီး အန္တရာယ်ကင်းအောင်၊ ထပ်မံပြိုကျခြင်းမရှိအောင် မည်သို့ဆောင်ရွက် ရမည်ကို အကြံပြုပေးစေလိုကြောင်းတောင်းခံခဲ့သည်။
National Cultural Heritage Administration နှင့် Shaanxi Provincial Cultural Heritage Administration မှ ပညာရှင်များအဖွဲ့များကလည်း မြို့ရိုးတွင်ပျက်စီးခဲ့သည့်အစိတ်အပိုင်းများကို RC ကွန်ကရစ်ဖြင့် ငလျင်ဒဏ်ခံနိုင်အောင်ရည်ရွယ်၍ တည်ဆောက်ခြင်းကိုမပြုလုပ်သင့်ကြောင်း၊ ရှေးဟောင်းအဆောက်အအုံများကို ငလျင်ဒဏ်ခံနိုင်အောင်ဆောင်ရွက်ရန်မလိုဘဲ ရှေးမူမပျက် ဆောင်ရွက်ရန်လိုကြောင်း၊ RC ကွန်ကရစ်ဖြင့်တည်ဆောက်ပါက မိုးရေစိမ့်ဝင်လာလျှင် အတွင်းတွင် ရေပြန်မထွက်နိုင်ဘဲ မူလရှေးဟောင်းအုတ်ချပ်များအား တဖြည်းဖြည်းဆွေးမြေ့ပျက်စီးစေနိုင်ကြောင်း၊ အုတ်နှင့်သစ်သားတွဲဆက်သည့်ပုံစံသည် သဟဇာတမဖြစ်ကြောင်း၊ အုတ်များသည်သစ်သားတိုင်ကို ကာကွယ်သည့်အနေအထားတွင်သာရှိကြောင်း၊ အုတ်ပြန်စီသည့်အခါ အထူးသတိထားရန်လိုကြောင်း၊ ရှေးဟောင်းအဆောက်အအုံများကို ပျက်စီးမှဆောင်ရွက်သည်ထက် ပုံမှန်စစ်ဆေးပြီးထိန်းသိမ်းရေး ဆောင်ရွက်ရန်လိုကြောင်း၊ ထိန်းသိမ်းရေးဆောင်ရွက်ရာတွင်လည်းရှေးနည်းနှင့် သိပ္ပံနည်းပေါင်းစပ်၍ ဆောင်ရွက်ရန်လိုကြောင်း ပြန်လည်အကြံပြုပြောဆိုသည်။
ထို့ပြင်ရှေးဟောင်းသုတေသနနှင့် အမျိုးသားပြတိုက်ဦးစီးဌာန ညွှန်ကြားရေးမှူးချုပ်နှင့်အတူ တရုတ်နိုင်ငံ၊ National Cultural Heritage Administration နှင့် Shaanxi Provincial Cultural Heritage Administration မှ ပညာရှင်များက ငလျင်ဒဏ်ကြောင့်ထိခိုက်ပျက်စီးခဲ့သည့် မန္တလေးတိုင်းနှင့် စစ်ကိုင်းတိုင်းအတွင်းရှိ ရှေးဟောင်းအဆောက်အအုံ ၂၇ နေရာကိုလည်း သွားရောက်လေ့လာခဲ့ကြောင်း သိရသည်။
သတင်း-အင်ကြင်း
ဓာတ်ပုံ-CJ

#ယနေ့ထုတ်သတင်းစာ_သတင်း
◼ ကန်ချနာဘူရီတွင် မြန်မာရွှေ့ပြောင်းလုပ်သားများ ဖမ်းဆီးခံရ
ထိုင်းနိုင်ငံ ကန်ချနာဘူရီတွင် ဘုန်းကြီးကျောင်းအတွင်း ပုန်းအောင်းနေသည့် မြန်မာရွှေ့ပြောင်းလုပ်သား ၃၄ ဦး ဇွန် ၁၉ ရက်က ဖမ်းဆီးခံခဲ့ရကြောင်း သိရသည်။
ကန်ချနာဘူရီပြည်နယ် အုပ်ချုပ်ရေးမှူးနှင့်အဖွဲ့သည် သံသယရှိသည့် ကားတစ်စီး ဘုန်းကြီးကျောင်းထဲသို့မောင်းဝင်လာသည်ကို တွေ့ရှိခဲ့ပြီး အဝေးပြေးရဲတပ်ဖွဲ့နှင့်ဝင်ရောက်ရှာဖွေခဲ့ရာ မြန်မာလုပ်သား ၃၄ ဦးကိုအခန်းတစ်ခုတွင် ပုန်းအောင်းနေသည်ကို တွေ့ရှိခဲ့ခြင်းဖြစ်ကြောင်း သိရသည်။
ကန်ချနာဘူရီမြို့ ခဲန်ဆီယန်ရပ်ကွက် အမှတ်(၅) ကျေးရွာရှိ ဘုန်း ကြီးကျောင်းတစ်ကျောင်းတွင် ပုန်းအောင်းနေသည့် တရားမဝင်ဝင်ရောက်လာသော မြန်မာအလုပ်သမား ၃၄ ဦးအား ဖမ်းဆီးခဲ့ခြင်းဖြစ်ပြီး အဆိုပါဖမ်းဆီးမှုအတွင်း မြန်မာနိုင်ငံသားအမျိုးသား ၂ဝ၊ အမျိုးသမီး ကိုးဦး၊ ကလေး ငါးဦးနှင့် သယ်ယူပို့ဆောင်ပေးသည့် အသက် (၂၅) နှစ်အရွယ်ယာဉ်မောင်း မွန်ချိုင်းကိုပါ ဖမ်းဆီးထိန်းသိမ်းခဲ့ကြောင်း သိရသည်။
မြန်မာအလုပ်သမားများအား ကန်ချနာဘူရီမြို့နယ်ရဲစခန်းထံ လွှဲ ပြောင်းပေးခဲ့ပြီး ထိုင်းနိုင်ငံအတွင်းသို့ တရားမဝင် ဝင်ရောက်ခြင်း၊ နေထိုင်ခွင့်ကုန်ဆုံးခြင်းများဖြင့် အရေးယူမည်ဖြစ်ကြောင်း သက်ဆိုင်ရာရဲတပ်ဖွဲ့က ထုတ်ပြန်ထားသည်။

ဇိုးဘိုကျား ရဲ့ Supermarket !!!

Chou ကိုင်ရပြန်ပြီဗျာ... : AIRSTYLE MLBB Game Play

I Reach Mythic in “5 Hrs” 😱🔥 Buffed Alucard New Best Build & Emblem in New Update!
(not clickbait) : Yuzuke Mlbb Game Play

ဗုံ Zone မှာ သေတဲ့ Pubg စတွင်မာ Bokyar