မြောက်ကိုရီးယားနဲ့ ရုရှား ဆက်ဆံရေး ပိုမိုနက်ရှိုင်းလာတဲ့အတွက် တောင်ကိုရီးယားနဲ့ အမေရိကန် ထိပ်တန်း ခေါင်းဆောင်များ တွေ့ဆုံဆွေးနွေးမည်
နိုင်ငံတကာ၊ အောက်တိုဘာ ၂၉။
တောင်ကိုရီးယားနဲ့ အမေရိကန်ပြည်ထောင်စုတို့ဟာ နှစ်နိုင်ငံ နိုင်ငံခြားရေးဝန်ကြီးဌာနအရာရှိတွေနဲ့ ကာကွယ် ရေးဝန်ကြီးဌာနအရာရှိတွေ အခုသီတင်းပတ်အတွင်း တွေ့ဆုံဆွေးနွေးသွားမှာဖြစ်ကြောင်း တောင်ကိုရီးယားနိုင် ငံခြားရေးဝန်ကြီးဌာနက တနင်္လာနေ့က ပြောပါတယ်။
မြောက်ကိုရီးယားတပ်ဖွဲ့ဝင်တွေကို ရုရှားနိုင်ငံကို စေလွှတ်တပ်ဖြန့်ချထားတဲ့ကိစ္စနဲ့ ပတ်သက်ပြီး တင်းမာမှုတွေ မြင့်တက်နေစဉ်အတွင်း အခုလို တောင်ကိုရီးယား၊ အမေရိကန် နှစ်နိုင်ငံ ဝန်ကြီးဌာနနှစ်ခု အရာရှိတွေ တွေ့ဆုံ ဆွေးနွေးသွားမှာဖြစ်ပါတယ်။
တောင်ကိုရီးယားနိုင်ငံခြားရေးဝန်ကြီး ချိုတေယူလ်နဲ့ ကာကွယ်ရေးဝန်ကြီး ကင်ယုန်ဟွန်းတို့ဟာ အမေရိကန်နိုင် ငံခြားရေးဝန်ကြီး အန်တိုနီဘလင်ကန်၊ ကာကွယ်ရေးဝန်ကြီး လွိုက်သြစတင်တို့နဲ့ ကြာသပတေးနေ့ (အောက် တိုဘာ ၃၁ ရက်နေ့) မှာ အမေရိကန်နိုင်ငံ ဝါရှင်တန်မြို့မှာ တွေ့ဆုံဆွေးနွေးမှာဖြစ်ကြောင်း တောင်ကိုရီးယားနိုင် ငံခြားရေးဝန်ကြီးဌာနက ပြောပါတယ်။
မြောက်ကိုရီးယားတပ်ဖွဲ့ဝင်တွေ ထောင်ပေါင်းများစွာ ရုရှားနိုင်ငံ အရှေ့ပိုင်းကို စေလွှတ်ထားကြောင်း တောင်ကို ရီးယားနဲ့ အမေရိကန်က ပြောပါတယ်။
နှစ်နိုင်ငံ ထိပ်တန်းအရာရှိတွေဟာ ကိုရီးယားကျွန်းဆွယ်အရေး၊ နှစ်နိုင်ငံ မဟာမိတ်ဆက်ဆံရေး၊ တခြား ဒေသ တွင်းနဲ့ နိုင်ငံတကာပြဿနာတွေကို ကျယ်ပြန့်စွာဆွေးနွေးသွားမှာဖြစ်ကြောင်း ဝန်ကြီးဌာနကပြောပါတယ်။
အစည်းအဝေးပြီးရင် နှစ်နိုင်ငံ ပူးတွဲကြေညာချက်တစ်ရပ် ထုတ်ပြန်သွားမှာဖြစ်ကြောင်း ဝန်ကြီးဌာနက ပြောပါတယ်။
Ref: Seoul and Washington to hold high-level talks as North Korea-Russia military ties deepen: Yonhap
#centralnewsnaypyitaw
