Discover postsExplore captivating content and diverse perspectives on our Discover page. Uncover fresh ideas and engage in meaningful conversations
Baby Photoshoot Ideas 💡
Baby Photoshoot Ideas 💡
Baby Photoshoot Ideas 💡
Baby Photoshoot Ideas 💡
Baby Photoshoot Ideas 💡
Baby Photoshoot Ideas 💡
Baby Photoshoot Ideas 💡
Baby Photoshoot Ideas 💡
+8
ပင်လယ်ကွေ့နိုင်ငံများ ပူးပေါင်းဆောင်ရွက်မှုအဖွဲ့ သံအမတ်ကြီးများကောင်စီတို့ တွေ့ဆုံသည့် အစည်းအဝေး၌ မြန်မာအမြဲတမ်းကိုယ်စားလှယ်မှ ပူးတွဲ ဥက္ကဋ္ဌအဖြစ် ဆောင်ရွက်
ပထမအကြိမ် အာဆီယံအမြဲတမ်း ကိုယ်စားလှယ်များကော်မတီ(CPR)နှင့် ဂျကာတာအခြေစိုက် ပင်လယ်ကွေ့နိုင်ငံများ ပူးပေါင်းဆောင်ရွက်မှုအဖွဲ့သံအမတ်ကြီးများ ကောင်စီတို့ တွေ့ဆုံသည့် အစည်းအဝေး၌ မြန်မာအမြဲတမ်းကိုယ်စားလှယ် ဦးအောင်မျိုးမြင့်က ပူးတွဲဥက္ကဋ္ဌအဖြစ် ဆောင်ရွက်ခဲ့ကြောင်း နိုင်ငံခြားရေးဝန်ကြီးဌာန၏ ထုတ်ပြန်ချက်အရ သိရသည်။
ယင်းအစည်းအဝေးကို အင်ဒိုနီးရှားနိုင်ငံ၊ ဂျကာတာမြို့ရှိ အာဆီယံအတွင်းရေးမှူးချုပ်ရုံး၌ နိုဝင်ဘာ (၂၀)ရက်က ကျင်းပပြုလုပ်ခဲ့ရာ မြန်မာအမြဲတမ်းကိုယ်စားလှယ်နှင့်အတူ ပင်လယ်ကွေ့နိုင်ငံများ ပူးပေါင်းဆောင်ရွက်မှုအဖွဲ့ အလှည့်ကျဥက္ကဋ္ဌ အင်ဒိုနီးရှားနိုင်ငံ၊ ဂျကာတာအခြေစိုက် ကာတာသံရုံးမှ သံရုံးယာယီ တာဝန်ခံ Mr. Saad Mohammed Alemadi က ပူးတွဲဥက္ကဋ္ဌအဖြစ် ဆောင်ရွက်ခဲ့ကြသည်။
အဆိုပါ အစည်းအဝေးသို့ အာဆီယံအမြဲတမ်းကိုယ်စားလှယ်များနှင့် ဘာရိန်း၊ ကူဝိတ်၊ အိုမန်၊ ဆော်ဒီအာရေးဘီးယား၊ အာရပ်စော်ဘွားများပြည်ထောင်စု (UAE) တို့မှ သံအမတ်ကြီးများ တက်ရောက်ခဲ့သည်။
အစည်းအဝေး၌ အာဆီယံနှင့် ပင်လယ်ကွေ့နိုင်ငံများ ပူးပေါင်းဆောင်ရွက်မှုအဖွဲ့တွင် ဖြစ်ပေါ်တိုးတက်မှု အခြေအနေများကို မှတ်သားကာ၊ အာဆီယံ-ပင်လယ်ကွေ့နိုင်ငံများ ပူးပေါင်းဆောင်ရွက်မှုအဖွဲ့၏ မူဘောင် (၂၀၂၄-၂၀၂၈) အကောင်အထည်ဖော်မှု အခြေအနေများကို ပြန်လည်သုံးသပ်ခဲ့ကြပြီး အနာဂတ် ပူးပေါင်းဆောင်ရွက်မှု မြှင့်တင်ရေးအပေါ် အမြင်ချင်းဖလှယ်ဆွေးနွေးခဲ့ကြောင်း သိရသည်။
WFP က ၂၀၂၅ ခုနှစ်အတွင်း မြန်မာ့လူဦးရေ (၂) သန်းခန့်ကို အကူအညီများ ပေးအပ်ရန် စီစဉ်ထား
ကုလသမဂ္ဂ ကမ္ဘာ့စားနပ်ရိက္ခာအစီအစဉ် (United Nations World Food Programme - WFP) အနေဖြင့် လာမည့် ၂၀၂၅ ခုနှစ်အတွင်း မြန်မာနိုင်ငံမှ လူဦးရေ (၂) သန်းကို အရေးပေါ်ကယ်ဆယ်ရေး၊ အာဟာရပြည့်ဝရေးနှင့် ကြံ့ကြံ့ခံနိုင်စွမ်းမြှင့်တင်ရေး အစီအစဉ်များမှတစ်ဆင့် အကူအညီပေးနိုင်ရန် စီစဉ်ထားကြောင်း သိရသည်။
အဆိုပါ အစီအစဉ်များကို Mr. Michael John Dunford မှ ဦးဆောင်သွားမည်ဖြစ်ပြီး ၎င်းသည် WFP ၏ မြန်မာနိုင်ငံဆိုင်ရာ ဌာနေကိုယ်စားလှယ်အဖြစ် တာဝန်ထမ်းဆောင်ရန် နိုဝင်ဘာ (၂၀) ရက်က နေပြည်တော်ရှိ နိုင်ငံခြားရေးဝန်ကြီးဌာနတွင် နိုင်ငံခြားရေးဝန်ကြီးဦးသန်းဆွေထံ ၎င်း၏ ခန့်အပ်လွှာကို လာရောက်ပေးအပ်ခဲ့ကြောင်း နိုင်ငံခြားရေးဝန်ကြီးဌာနက ထုတ်ပြန်ထားသည်။
ထိုသို့ လာရောက်ပေးအပ်စဉ် Mr. Dunford က ၎င်း၏ ဦးစားပေးလုပ်ငန်းတစ်ရပ်အနေဖြင့် နေရာဒေသအစုံက အရေးပေါ် အကူအညီ လိုအပ်နေသူများထံ WFP ၏ အထောက်အပံ့များ ပေးအပ်နိုင်ရေး ဘက်ပေါင်းစုံမှ ဆက်လက်ညှိနှိုင်း ဆွေးနွေးသွားမည်ဖြစ်ကြောင်းနှင့် နည်းလမ်းအမျိုးမျိုးမှ တစ်ဆင့် ကြိုးစားဆောင်ရွက်သွားမည်ဟု ပြောကြားခဲ့သည်။
ထို့ပြင် ၎င်းက မြန်မာနိုင်ငံသူ နိုင်ငံသားများဆီတွင် အံ့သြရလောက်သည့် ကြံ့ကြံ့ခံနိုင်ရည်နှင့် မျှော်လင့်ချက်များ ရှိကြသည်ကိုတွေ့ရသည့်အတွက် အထင်ကြီးလေးစားမိကြောင်း မှတ်ချက်ပြုပြောကြားခဲ့သည်ဟု သိရသည်။
အဆိုပါ အကူအညီများကို ပေးအပ်နိုင်ရန် ရပ်ရွာလူထု ဒေသခံအဖွဲ့အစည်းများနှင့် လက်တွဲဆောင်ရွက်သွားမည်ဖြစ်ကြောင်း WFP က အသိပေးထားသည်။
