ရေပြန်ကျပြီဖြစ်သဖြင့် အင်းလေး ဖောင်တော်ဦးဘုရားသို့ လာရောက်ဖူးမျှော်နိုင်ပြီဖြစ်
ရှမ်းပြည်နယ်တောင်ပိုင်း၊ ညောင်ရွှေမြို့အတွင်းရှိ အင်းလေး ဖောင်တော်ဦး ဘုရားပုရဝုဏ်အတွင်း ရေများပြန်လည်ကျဆင်းသွားပြီဖြစ်သဖြင့် သီတင်းကျွတ်ရုံးပိတ်ရက်နှင့်အများ ပြည်သူအားလပ်ရက်များတွင် လာရောက်ဖူးမျှော်နိုင်ကြောင်း ဒေသခံများမှ တဆင့် သိရသည်။
“အင်းလေးဖောင်တော်ဦးဘူရား ရေပြန်ကျသွားပါပြီ။ အင်းလေးကို လာရောက်လည်ပတ်မည့် ဧည့်သည်တော်များအား လာရောက်ဖူးမျှော်နိုင်ပြီဖြစ်ကြောင်း သတင်းကောင်းပါးအပ်ပါသည်” ဟု ခရီးသွားလမ်းညွှန်တစ်ဦးကလည်း သူ၏ လူမှုကွန်ရက်တွင် ရေးသားထားသည်။
သို့သော်လည်း အင်းလေးကန်တောင်ပိုင်းတွင် ရေပြန်မကျသေးသောကြောင့် နှစ်စဉ်ကျင်းပလေ့ရှိသည့် အင်းလေးဖောင်တော်ဦး ဒေသစာရီလှည့်လည်ပူဇော်ပွဲကို ယခုနှစ်တွင် မကျင်းပဖြစ်တော့ကြောင်းလည်း သိရသည်။
အင်းလေးကန်သည် မြန်မာနိုင်ငံတွင် ဒုတိယအကြီးဆုံးကန်ဖြစ်ကာ လက်ရှိတွင် ရေဘေးကြောင့် ဒေသခံများအခက်အခဲများနှင့် ရင်ဆိုင်နေရကြောင်း သိရသည်။
