Photo Wall Decor Ideas 🫶☁️

Photo Wall Decor Ideas 🫶☁️

Photo Wall Decor Ideas 🫶☁️

Photo Wall Decor Ideas 🫶☁️

Photo Wall Decor Ideas 🫶☁️

Photo Wall Decor Ideas 🫶☁️

တောင်ကိုရီးယားသမ္မတအား စုံစမ်းစစ်ဆေးမှုစတင်

တောင်ကိုရီးယားသမ္မတ၏ စစ်အုပ်ချုပ်ရေးကြေညာမှုအပြီး တိုင်းပြည်တွင် မငြိမ်မသက်မှုများပေါ်ပေါက်လာရခြင်းကြောင့် ယင်းအမိန့်ကို ရုတ်တရက်ထုတ်ပြန်ကြေညာလိုက်ခြင်းနှင့်ပတ်သက်၍ သမ္မတ ယွန်ဆွန်ယိုအား စုံစမ်းစစ်ဆေးမှုများစတင်ဆောင်ရွက်နေပြီဖြစ်ကြောင်း တောင်ကိုရီးယား အကြီးတန်းရဲအရာရှိတစ်ဦးက ယနေ့ ဒီဇင်ဘာ ၅ ရက်တွင် ပြောကြားလိုက်သည်။

တောင်ကိုရီးယားနိုင်ငံ အမျိုးသားရဲတပ်ဖွဲ့၏ အမျိုးသားစုံစမ်းထောက်လှမ်းရေးဌာနချုပ်အကြီးအကဲ ဝူးဂျွန်ဆူးက "အဲဒီအမှုကိုစုံစမ်းစစ်ဆေးဖို့ တာဝန်အသီးသီးပေးအပ်လိုက်ပြီးပါပြီ"ဟု လွှတ်တော်အမတ်များအား ပြောကြားလိုက်ခြင်းဖြစ်သည်။

တောင်ကိုရီးယား သမ္မတ ယွန်ဆွတ်ယိုသည် အင်္ဂါနေ့ညက နိုင်ငံတွင် အရေးပေါ် စစ်အုပ်ချုပ်ရေးကို ရုပ်မြင်သံကြားမှတဆင့် ရုတ်တရက် ကြေညာခဲ့ပြီး၊ "မြောက်ကိုရီးယား၏ ကွန်မြူနစ်အင်အားစုများထံမှ နိုင်ငံကို ကာကွယ်ရန်နှင့် နိုင်ငံတော်ဆန့်ကျင်နေသည့် အစိတ်အပိုင်းများကို ဖယ်ရှားပစ်ရန် ယခုဆောင်ရွက်မှုသည် လိုအပ်ကြောင်း" ကိုပါ ထည့်သွင်း ပြောဆိုခဲ့သည်။

ထိုသို့ကြေညာလိုက်ပြီးနောက် လူထုဆန္ဒပြမှုများပေါ်ပေါက်လာခဲ့ပြီးနောက်တွင် ပါလီမန်အမတ်များသည် အမျိုးသားလွှတ်တော်တွင် စုဝေးကာ သမ္မတ၏ ကြေညာချက်အပေါ် မဲခွဲဆုံးဖြတ်ခဲ့ကြသည်။

အဆိုပါ မဲခွဲဆုံးဖြတ်မှုအရ စစ်အုပ်ချုပ်ရေးအမိန့်ကို ပြန်လည်ရုပ်သိမ်းကြောင်း တောင်ကိုရီးယားသမ္မတက ဗုဒ္ဓဟူးနေ့အစောပိုင်းတွင် ထပ်မံကြေညာခဲ့ရပြန်သည်။

ထို့နောက် သမ္မတအား နှုတ်ထွက်ရန်တောင်းဆိုဆန္ဒပြမှုများပေါ်ပေါက်လာပြီး၊ တောင်ကိုရီးယားသမ္မတရုံး ဦးစီးအရာရှိချုပ်အပါအဝင် အကြီးတန်းအတွင်းဝန်များအားလုံးသည် ဒီဇင်ဘာ ၄ ရက်နေ့တွင် အစုလိုက်အပြုံလိုက်ရာထူးမှနှုတ်ထွက်စာ တင်ခဲ့ကြသည်။

အာဏာရပါတီ၏ အဓိကအတိုက်အခံပါတီဖြစ်သည့် ဒီမိုကရက်တစ်ပါတီကလည်း အရေးပေါ် စစ်အုပ်ချုပ်ရေးအမိန့်ကြောင့် မငြိမ်မသက်မှုများဖြစ်ခဲ့ရခြင်းနှင့်ပတ်သက်၍ စွပ်စွဲပြစ်တင်‌ကြောင်း အဆိုတင်သွင်းခဲ့ရာ ကာကွယ်ရေးဝန်ကြီး ကင်မ်ယိုဟန်သည်လည်း နိုင်ငံသားများကိုတောင်းပန်ခဲ့ပြီး ဒီဇင်ဘာ ၄ ရက်နေ့တွင်ပင် သမ္မတထံ နုတ်ထွက်စာ တင်ခဲ့ပြန်သည်။

သမ္မတယွန်ဆွတ်ယိုကို စွပ်စွဲပြစ်တင်ရန်အတွက် အတိုက်အခံပါတီ ခြောက်ခုက ယနေ့ ဒီဇင်ဘာ ၅ ရက်တွင် လွှတ်တော်အစည်းအဝေး၌ တင်ပြသွားမည်ဖြစ်ပြီး၊ သမ္မတအား စွပ်စွဲပြစ်တင်ရေးအတွက် လွှတ်တော်တွင် ဒီဇင်ဘာ ၆ ရက် သိုမဟုတ် ဒီဇင်ဘာ ၇ ရက်တွင် မဲခွဲဆုံးဖြတ်သွားမည်ဖြစ်သည်။

မြန်မာနိုင်ငံနှင့် ချုံချင့်မြို့အကြား ကုန်သွယ်ရေးနှင့် ရင်းနှီးမြှုပ်နှံမှု လုပ်ငန်းများ တိုးမြှင့်နိုင်ရေး ဆွေးနွေး

မြန်မာနိုင်ငံနှင့် ချုံချင့်မြို့အကြား ကုန်သွယ်ရေးနှင့် ရင်းနှီးမြှုပ်နှံမှုလုပ်ငန်းများ တိုးမြှင့်နိုင်ရေး မြန်မာကောင်စစ်ဝန်ချုပ်ရုံး၊ ချုံချင့်မြို့မှ ကောင်စစ်ဝန်ချုပ် ဦးကျော်ဇေယျာလင်းက ချုံချင့်မြူနီစီပယ်အစိုးရ စီးပွားရေးရာကော်မရှင်မှ ညွှန်ကြားရေးမှူးချုပ် Mr. Zhang Yongwu အား ဒီဇင်ဘာ (၄) ရက်က ချုံချင့်မြို့၊ စီးပွားရေးရာကော်မရှင်ရုံး၌ တွေ့ဆုံခဲ့ခြင်းဖြစ်သည်။

ထိုသို့ တွေ့ဆုံစဉ် မြန်မာနိုင်ငံနှင့် ချုံချင့်မြို့အကြား ကုန်သွယ်ရေးနှင့် ရင်းနှီးမြှုပ်နှံမှုလုပ်ငန်းများ တိုးမြှင့်ဆောင်ရွက်မည့် ကိစ္စရပ်များ ဆွေးနွေးခဲ့ကြောင်း သိရသည်။

ထို့ပြင် မြန်မာနိုင်ငံ စီးပွားရေးနှင့်ကူးသန်း‌ရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာနနှင့် ချုံချင့်မြူနီစီပယ်မြို့အစိုးရ စီးပွားရောရာကော်မရှင်တို့အကြား စီးပွားရေးနှင့် ကုန်သွယ်ရေး ပူးပေါင်း ဆောင်ရွက်မှုဆိုင်ရာ နားလည်မှုစာချွန်လွှာ လက်မှတ်ရေးထိုးနိုင်ရေးကိစ္စရပ်များနှင့် ပတ်သက်၍ အမြင်ချင်းဖလှယ် ဆွေးနွေးခဲ့ကြောင်း သိရသည်။

မြန်မာနိုင်ငံရှိ လက်နက်ကိုင်အဖွဲ့အစည်းများ တင်းမာမှုကို ရှောင်ရှားပြီး ဆွေးနွေးညှိနှိုင်းမှုများလုပ်ဆောင်ရန် တရုတ်အစိုးရ ထပ်မံတောင်းဆို

ဒီဇင်ဘာ ၅

တရုတ်နိုင်ငံအနေဖြင့် မြန်မာနိုင်ငံမြောက်ပိုင်းနှင့်ပတ်သက်ပြီး ဖွံ့ဖြိုးတိုးတက်မှုအခြေအနေများကို စောင့်ကြည့်နေကြောင်း၊ သက်ဆိုင်ရာအဖွဲ့အစည်းအားလုံးအနေဖြင့် တင်းမာမှုများကို ရှောင်ရှားရန်၊ ငြိမ်းချမ်းစွာဆွေးနွေးမှုမှတစ်ဆင့် မတူကွဲပြားမှုများကို ဖြေရှင်းရန်၊ တိုက်ခိုက်မှုများကို ရပ်တန့်ရန်၊ ဆွေးနွေးညှိနှိုင်းမှုများလုပ်ဆောင်ရန် တိုက်တွန်းတောင်းဆိုကြောင်း တရုတ်နိုင်ငံခြားရေးဝန်ကြီးဌာနပြောရေးဆိုခွင့်ရှိသူ Lin Jian က ဒီဇင်ဘာ ၄ ရက်နေ့တွင်ပြုလုပ်သော သတင်းစာရှင်းလင်းပွဲ၌ ထည့်သွင်းပြောဆိုခဲ့သည်။

ကိုးကန့်လက်နက်ကိုင်အဖွဲ့ဖြစ်သော (MNDAA) အဖွဲ့က ၎င်းတို့အနေဖြင့် တရုတ်နိုင်ငံ၏ ကြားဝင်စေ့စပ်ပေးမှုနှင့်အတူ မြန်မာအ?စိုးရနှင့် အပစ်အခတ်ရပ်စဲရေး ဆွေးနွေးရန် ဆန္ဒရှိနေကြောင်း၊ ဒီဇင်ဘာ ၄ ရက်နေ့တွင် သတင်းထုတ်ပြန်ထားသည်။ ကိုးကန့် လက်နက်ကိုင်အဖွဲ့၏ထုတ်ပြန်ချက်နှင့်ပတ်သက်ပြီး တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူက တုံ့ပြန်ရာတွင် သက်ဆိုင်ရာအဖွဲ့အစည်းအားလုံးအနေဖြင့် တည်ငြိမ်ရေးကို ဦးစားပေးဆောင်ရွက်ရန် လိုအပ်ကြောင်း ပြောသည်။

၎င်းက “တရုတ်နိုင်ငံဟာ မြန်မာနိုင်ငံမြောက်ပိုင်း ငြိမ်းချမ်းရေးလုပ်ငန်းစဉ်များကို ကူညီထောက်ပံ့ပေးဖို့ ကတိပြုထားပါတယ်။ စေ့စပ်ဆွေးနွေးမှုတွေ စီစဉ်ဆောင်ရွက်ပေးမှုတွေ ဆက်လက်လုပ်ဆောင်ဖို့ ကတိပြုထားပါတယ်။ အထူးသဖြင့် MNDAA အဖွဲ့အပါအဝင် သက်ဆိုင်ရာအဖွဲ့အစည်းအားလုံးဟာ တရုတ်နယ်စပ်ဒေသတစ်လျှောက် ဧရိယာတွေကို ဘေးကင်းလုံခြုံရေး မထိခိုက်အောင်၊ အန္တရာယ်မဖြစ်အောင် လုပ်ဆောင်ရမှာဖြစ်တယ်။ တရုတ်နိုင်ငံသားတွေဟာ နယ်စပ်ဒေသတစ်လျှောက်ဧရိယာတွေမှာ နေထိုင်နေတယ်။ ဒါ့အပြင် မြန်မာနိုင်ငံမှာ တရုတ်နိုင်ငံသားတွေ၊ တရုတ်ကုမ္ပဏီတွေနဲ့ တရုတ်စီမံကိန်းတွေရှိနေတယ်” ဟု ပြောသည်။

REf : cgtn

Credit - Myanmar Transparwcy News Agency

#သတင်းဟင်းလေးအိုးကြီး

ဘဝမှာအဆင့်၁နဲ့လူရွေးမှားတဲ့ဆုကိုမယူကြနဲ့🥲
စိတ်ပင်းရဆုံးမို့-------🥀