နည်းပြ အာမိုရင်ဟာ မန်ယူနည်းပြရာထူးနှင့် ထိုက်တန်သူဖြစ်ဟု နည်းပြအာတေတာ ချီးကျူး

နည်းပြအာမိုရင်ဟာ မန်ယူနည်းပြရာထူးနဲ့ ထိုက်တန်တဲ့အရည်အချင်းရှိကြောင်း ပြိုင်ဘက် အာဆင်နယ် နည်းပြအာတေတာက ချီးကျူးသွားပါတယ်။

အက်ဖ်အေဖလားပွဲစဉ်မတိုင်ခင် ပွဲကြို သတင်းစာရှင်းလင်းပွဲမှာ ပြိုင်ဘက်အသင်း နည်းပြအာမိုရင်အပေါ် မှတ်ချက်ပေးရာမှာ နည်းပြအာတေတာက ချီးကျူးစကားဆိုခဲ့တာပါ။

စပို့တင်းလစ္စဘွန်းမှာရှိစဉ်ကတည်းက နည်းပြအာမိုရင်ကို ကောင်းကောင်းသိပြီး မန်ယူအသင်းဆီပြောင်းရွှေ့လာတာက ကြီးမားတဲ့ရည်မှန်းချက်ကြောင့် ဖြစ်ကြောင်း၊ မန်ယူနည်းပြရာထူးနဲ့လည်း ထိုက်တန်သူဖြစ်ကြောင်း အာတေတာကပြောပါတယ်။

နည်းပြတိုင်းဟာ သူ့ရည်မှန်းချက်နဲ့ သူ အသင်းတွေကို တာဝန်ယူကြတာဖြစ်ပြီး အသင်းတသင်းကို ပြန်လည်တည်ဆောက်ဖို့ဆိုတဲ့ ရည်မှန်းချက်ကတော့ အချိန်ယူရမှာဖြစ်ကြောင်း နည်းပြအာတေတာက ပြောသွားပါတယ်။

၂၀၂၄ ခုနှစ်အတွင်း လူနာပေါင်း(၁)သိန်းကျော်ကိုကုသပေးခဲ့သည့် ရန်ကုန်မျက်စိအထူးကုဆေးရုံကြီး

ရန်ကုန်တိုင်း၊ တာမွေမြို့နယ်ရှိ ရန်ကုန်မျက်စိအ ထူးကုဆေးရုံကြီးမှ ၂၀၂၄ ခုနှစ်အတွင်း မျက်စိရောဂါလူနာပေါင်း(၁)သိန်းကျော်ကို ကုသပေးခဲ့ကြောင်း သိရသည်။

ဆေးရုံတက်ရောက်ကုသရသည့် အတွင်းလူနာပေါင်း(၁၁၀၀၀)ကျော်၊ ပြင်ပမှရက်ချိန်းဖြင့် လာရောက်ပြသသည့် ပြင်ပလူနာပေါင်း(၉၀၀၀၀) ကျော်ပါဝင်ကာ မျက်စိခွဲစိတ်ကုသမှုပေါင်း (၉၀၀၀)ကျော်ကိုလည်း ပြုလုပ်ပေးနိုင်ခဲ့ကြောင်း သိရသည်။

အဆိုပါ ခွဲစိတ်ကုသမှုပေါင်း(၉၀၀၀)ကျော်အ နက် အများဆုံးခွဲစိတ်ကုသရမှုများမှာ အတွင်းတိမ်ရောဂါခံစားနေရသူများဖြစ်ပြီး အမြင်လွှာကွာခြင်း၊ အမြင်လွှာပေါက်ခြင်း၊ မျက်လုံးအိမ်နောက်ခန်းသွေးယိုစိမ့်ခြင်း၊ မျက်တွင်းရောင်ခြင်းရောဂါများလည်းပါဝင်ကြောင်း သိရသည်။

ရန်ကုန်မျက်စိအထူးကုဆေးရုံကြီး၌ မျက်ခွံနှင့် မျက်ရည်လမ်းကြောင်းဆိုင်ရာရောဂါများ၊ က လေးမျက်စိရောဂါများ၊ မျက်ကြည်လွှာဆိုင်ရာ ရောဂါများ၊ ရေတိမ်ရောဂါများ၊ အတွင်းတိမ် နောက်ဆက်တွဲရောဂါများနှင့် မျက်စိအာရုံကြော ဆိုင်ရာရောဂါများကိုလည်း စမ်းသပ်ကြည့်ရှုစစ်ဆေးခြင်းနှင့် ခွဲစိတ်ကုသခြင်းများကိုလည်း ဆောင်ရွက်ပေးလျက်ရှိကြောင်း သိရသည်။

HMPV ဗိုင်းရပ်စ် အရေး အစိုးရိမ်မလွန်ရန် ထိုင်းအာဏာပိုင်များ ပြော

ထိုင်းနိုင်ငံတွင် human metapneumovirus (HMPV) ဗိုင်းရပ်စ် အစုလိုက်ကူးစက်မှုမရှိဟု ထိုင်းနိုင်ငံ ကျန်းမာရေးအာဏာပိုင်များက စနေနေ့တွင် အတည်ပြုခဲ့ပြီး အများပြည်သူအနေဖြင့် စိုးရိမ်ထိတ်လန့်မှုမဖြစ်ကြရန် တိုက်တွန်းခဲ့သည်။

ရောဂါထိန်းချုပ်ရေးဌာန(DDC) သည် HMPV ရောဂါဖြစ်ပွားမှုနှင့်ပတ်သက်၍ ကမ္ဘာ့ကျန်းမာရေးအဖွဲ့နှင့် တရုတ်နိုင်ငံတို့မှ သတင်းအချက်အလက်များအပေါ် လိုက်နာဆောင်ရွက်ထားကြောင်းနှင့် တရုတ်နိုင်ငံတွင် HMPV ရောဂါဖြစ်ပွားမှုသည် ပြင်းထန်အဆင့်တွင်ရှိနေသည်ဟု အတည်ပြုနိုင်ခြင်းမရှိကြောင်းလည်း DDC ညွှန်ကြားရေးမှူးချုပ် ဒေါက်တာ Panumas Yanawetsakul က ပြောကြားခဲ့သည်။

HMPV သည် ကာလရှည်ကြာဖြစ်ပွားနေခဲ့သည့် အသက်ရှုလမ်းကြောင်းဆိုင်ရာ ရောဂါတစ်မျိုးဖြစ်ပြီး ကိုဗစ်-၁၉ ကူးစက်မှုကြောင့် ဖြစ်ပွားခြင်းမဟုတ်ဟု သူက ပြောဆိုသည်။

ရောဂါလက္ခဏာများသည် ဖျားနာခြင်းနှင့် ချောင်းဆိုးခြင်းကဲ့သို့ အသက်ရှုလမ်းကြောင်းဆိုင်ရာ ဗိုင်းရပ်စ်ကူးစက်မှု၊ တုပ်ကွေးရောဂါတို့နှင့် ဆင်တူသည်။ အချို့သည် အဆုတ်အအေးမိခြင်း သို့မဟုတ် ပြင်းထန်သော ပန်းနာရင်ကြပ်ရောဂါကို ခံစားရနိုင်သည်။ လောလောဆယ်တွင် အဆိုပါရောဂါပိုးအတွက် ပိုးသတ်ဆေး မရှိသေးဟု ဒေါက်တာ Panumas က ပြောကြားခဲ့သည်။

ထိုင်းနိုင်ငံတွင် ယမန်နှစ်အတွင်း HMPV ပိုးတွေ့လူနာ ၄၂ ဦးရှိခဲ့သည်ဟု DDC ဒုတိယညွှန်ကြားရေးမှူးချုပ် Direk Khampaen က ပြောသည်။ ရောဂါကူးစက်ခံရသူအများစုသည် အသက် ၅ နှစ်အောက် ကလေ-းငယ်များဖြစ်ပြီး အသက် ၅၀-၅၉ နှင့် ၃၀-၃၉ အရွယ်များတွင် ဒုတိယကူးစက်မှုအများဆုံးဖြစ်သည်ဟု ဆိုသည်။

“အစုလိုက်ကူးစက်ဖြစ်ပွားတဲ့ သတင်းတွေ မရှိသေးတာကြောင့် ပြည်သူတွေအနေနဲ့ စိုးရိမ်ထိတ်လန့်တာတွေ မဖြစ်သင့်ပါဘူး” ဟု သူက ပြောကြားခဲ့သည်။

ပေါ်တူဂီဒုတိယတန်း ကလပ်တစ်သင်းကို ဝယ်ဖို့ ဗီနီစီးယက်စ်စဉ်းစား

CNI Sport News

၂၀၂၅ ခုနှစ်၊ ဇန်နဝါရီ ၁၂

ရီးရယ်လ်အသင်းကြယ်ပွင့် ဗီနီစီးယက်စ်ဟာ ပေါ်တူဂီဒုတိယတန်းက ဘောလုံးအသင်း တစ်သင်းကို ဝယ်ယူဖို့ စဉ်းစားနေတယ်လို့ ESPN က ဖော်ပြထားပါတယ်။

ရီးရယ်လ်အသင်းနဲ့ စပိန်စူပါဖလား ပြိုင်ပွဲယှဉ်ပြိုင်ဖို့ ဆော်ဒီနိုင်ငံကို ရောက်ရှိနေတဲ့ ဗီနီစီးယက်စ်ဟာ ကစား သမား ဘဝကနေ အနားယူပြီးနောက်မှာ သူ့ရဲ့အနာဂတ် အစီအစဉ်အတွက် ကြိုတင်ပြင်ဆင်မှုတွေ ပြုလုပ်ဖို့ ရှိနေတာပါ။

ပေါ်တူဂီကလပ် အသင်းတစ်သင်းကို ဗီနီစီးယက်စ် ဝယ်ယူဖို့ စဉ်းစားနေတဲ့ သတင်းကို ရေဒီယို Cadena Cope က ပထမဆုံးဖော်ပြလာခဲ့တာ ဖြစ်ပါတယ်။

ဗီနီစီးယက်စ်ဟာ ကိုယ်ပိုင်စပွန်ဆာ သဘောတူညီမှုတွေကို ရရှိထားပြီး Nike နဲ့ ၂၀၂၈ ခုနှစ်အထိ စာချုပ်ရှိ နေတာပါ။

ဗီနီစီးယက်စ်ဟာ Roc Nation အေဂျင်စီကို ကိုယ်စားပြုပြီး NBA နဲ့ NFL တို့က နာမည်ကြီး ကစားသမား အများအပြားနဲ့ အဆက်အသွယ်ရှိနေတာ ဖြစ်ပါတယ်။

ဘရာဇီးလ်ကြယ်ပွင့်ဟာ နိုင်ငံအတွင်းမှာလည်း ပရဟိတဖောင်ဒေးရှင်း တစ်ခုကို တည်ထောင်ပေးထားတာပါ။

ပေါ်တူဂီဒုတိယတန်းမှာ ပေါ်တိုနဲ့ ဘင်ဖီကာအသင်းတို့ရဲ့ အရန်အသင်းတွေ အပါအဝင် ကလပ်အသင်းပေါင်း ၁၈ သင်း ပါဝင်ယှဉ်ပြိုင်နေတာ ဖြစ်ပါတယ်။

လက်ရှိကစားနေတဲ့ ဘောလုံးသမားတွေထဲမှာ နာမည်ကြီး ကစားသမားအချို့ဟာ ကလပ်အသင်းတွေကို ပိုင်ဆိုင် ထားကြပါတယ်။

ချယ်လ်ဆီးအသင်း ကစားသမားဟောင်း ကန်တီဟာ ဘယ်လ်ဂျီယံ တတိယတန်းကလပ် အသင်းတစ်သင်းကို ပိုင်ဆိုင်ထားပြီး ဗီနီစီးယက်စ်ရဲ့ ရီးရယ်လ်အသင်းဖော် ဘတ်ပီဟာ ပြင်သစ်ဒုတိယတန်းကလပ် ကိန်းအသင်းရဲ့ ရှယ်ယာအများစုကို ပိုင်ဆိုင်ထားတာပါ။

ဗီနီစီးယက်စ်နဲ့ ဘတ်ပီတို့ဟာ ဘာစီလိုနာအသင်းနဲ့ ယှဉ်ပြိုင်မယ့် စပိန်စူပါဖလား ဗိုလ်လုပွဲအတွက် ရီးရယ်လ် အသင်းနဲ့အတူ လေ့ကျင့်ပြင်ဆင်မှုတွေ ပြုလုပ်နေပြီး ၂၀၂၅ ခုနှစ်ထဲမှာ ပထမဆုံးဆုဖလားကို ရယူနိုင်ဖို့ ပစ်မှတ်ထားနေတာဖြစ်ပါတယ်။

Source: ESPN

ပုံ - ဗင်နီစီးယက်စ်ကို တွေ့ရစဉ်

#ဘောလုံးသတင်းစုံ

တောင်ကြီးမြို့တွင် ငွေကျပ် ၂၁၂၆.၈၅ သိန်းတန်ဖိုးရှိ စိတ်ပြောင်းဆေးဝါး Happy Water များ ဖမ်းဆီးရမိ

ဇန်နဝါရီ ၁၂

ဇန်နဝါရီလ ၉ ရက်နေ့ ညနေ ၅ နာရီခွဲတွင် ရှမ်းပြည်နယ်ရဲတပ်ဖွဲ့မှ တပ်ဖွဲ့၀င်များပါ၀င်သော ပူးပေါင်းအဖွဲ့သည် သတင်းအရ သက်သေများနှင့်အတူ တောင်ကြီးမြို့၊ ကံကြီးရပ်ကွက်၊ ရေခြံ(၁)လမ်းနေ စိုင်းထက်ဦးအောင်(ခ)အိုရားမား ၏ နေအိမ်အား ၀ငျရောကျရှာဖှရော ၎င်းထံမှ စိတ်ပြောင်းဆေးဝါး Happy Water အလေးချိန် ၁.၉၃၃၅ ကီလို(ဒေသကာလပေါက်ဈေးတန်ဖိုးငွေကျပ် ၂၁၂၆.၈၅ သိန်း)၊ မြန်မာငွေကျပ်သိန်း ၂၉၀ နှင့် မော်တော်ယာဉ် ၇ စီးတို့အား တွေ့ရှိသိမ်းဆည်းရမိခဲ့သည်။

စိုင်းထက်ဦးအောင်(ခ)အိုရားမား(၃၄)နှစ်အား တောင်ကြီးမြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့် အရေးယူထားရှိပြီး ကွင်းဆက်များ ဖော်ထုတ်လျက်ရှိကြောင်း CCDAC MYANMAR မှ ဖော်ပြထားပါသည်။

#centralnewsnaypyitaw

ဒဏ်ရာရ မြောက်ကိုရီးယားစစ်သားနှစ်ယောက်ကို ယူကရိန်းဖမ်းဆီးရမိ

ကိဗ်ယက်၊ ဇန်နဝါရီ ၁၂

ရုရှားနိုင်ငံကာ့စ်ဒေသမှာ ဒဏ်ရာရ မြောက်ကိုရီးယားစစ်သားနှစ်ယောက်ကို စစ်သုံ့ပန်းအဖြစ် ဖမ်းဆီးရမိခဲ့တယ်လို့ ယူကရိန်းသမ္မတ ဇီလန်စကီးက ပြောပါတယ်။

မြောက်ကိုရီးယား စစ်သားနှစ်ယောက်ကို ဆေးဝါးကုသမှုတွေပေးပြီးနောက် ကိဗ်ယက်ရှိ ယူကရိန်းထောက်လှမ်းရေးက ထိန်းသိမ်းထားတယ်လို့ ဆိုပါတယ်။ မြောက်ကိုရီးယားစစ်သားတွေကို ဖမ်းမိရာမှာ ပါဝင်တဲ့ ယူကရိန်းတပ်ဖွဲ့ဝင်တွေကို ကျေးဇူးတင်တယ်လို့ ယူကရိန်းသမ္မတက ပြောပါတယ်။

ယူကရိန်းစစ်ပွဲမှာ မြောက်ကိုရီးရဲ့ပါ့ဝင်ပတ်သက်နေတဲ့ အထောက်အထားတွေကို ဖျောက်ဖျက်ဖို့အတွက် ဒဏ်ရာရ မြောက်ကိုရီးယားစစ်သားတွေကို ရုရှားက ကွပ်မျက်ပစ်လေ့ရှိပြီး သူတို့ကို လက်ရဖမ်းမိဖို့ မလွယ်ဘူးလို့ ယူကရိန်းသမ္မတက ပြောပါတယ်။

ဒဏ်ရာရမြောက်ကိုရီးယားစစ်သားတွေကို ဂျီနီဗာကွန်ဗင်းရှင်းပါ စည်းမျဉ်းတွေအတိုင်း နိုင်ငံတကာဥပဒေစည်းမျဉ်တွေအတိုင်း ထိန်းသိမ်းထားတယ်လို့ ယူကရိန်းထောက်လှမ်းရေးက ပြောပါတယ်။သူတို့ဟာ အင်္ဂလိပ်၊ ယူကရိန်း၊ ရုရှားစကားမပြောတတ်တာကြောင့် တောင်ကိုရီးယားထောက်လှမ်းရေးနဲ့ ပူးပေါင်းစစ်ဆေးနေတယ်လို့ ဆိုပါတယ်။

ဘာတွေဖြစ်နေလည်းဆိုတာ ကမ္ဘာကြီးကသဖို့လိုအပ်တယ်လို့ ဇီလန်စကီးကပြောပါတယ်။ ဖမ်းမိတဲ့စစ်သားတွေရဲ့ ပုံကိုလည်း ဇီလန်စကီးက သူရဲ့လူမှုကွန်ရက်မှာ ဖော်ပြထားပြီး သူတို့တွေဟာ မြောက်ကိုရီးယားလူမျိုးတွေဖြစ်တယ်ဆိုတဲ့ အချက်အလက်တွေတော့ ဖော်ပြထားတာမတွေ့ရပါဘူး။

ဖမ်းမိတဲ့တယောက်ကတော့ မွန်ဂိုလီးယားအနီး ရုရှားနယ်စပ်တီဗာဒေသက အသက် ၂၆ နှစ်အရွယ် အမျိုးသားကို ရုရှားစစ်တပ်က ထုတ်ပေးထားတဲ့ သက်သေခံကဒ်နဲ့ တွေ့ရပါတယ်။ ရုရှားဟာ မြောက်ကိုရီးယား စစ်သားတွေကို ဖုံးကွယ်ဖို့ သက်သေခံလက်မှတ်အတုတွေ ထုတ်ပေးတယ်လို့ သတင်းတွေ ထွက်ပေါ်နေခဲ့ပါတယ်။

Ref:BBC
Photo: ZelenskyyUa/X

#သတင်းဟင်းလေးအိုးကြီး

လူတစ်ယောက်ကို သဘောကျရင်
သဘောကျတယ်ဆိုတဲ့ အနေထားလေးမှာပဲ ထားခဲ့၊

ပိုင်ဆိုင်ချင်တဲ့ နေရာထိ ခေါ်မလာမိစေနဲ့ ။

တချို့အရာတွေက ရသင့်တာထက်
ပိုလိုချင်မိရင် ဒုက္ခရောက်တတ်တာမို့
သဘောကျတယ် ဆိုတဲ့အနေအထားလေးကပဲ
အန္တရာယ်ကင်းတယ် ။

ပစ္စည်းဥစ္စာမှမဟုတ်ဘူး ..
ချစ်ခြင်းမေတ္တာမှာလည်း ရောင့်ရဲတတ်ဖို့လိုတယ် ။ ။

အမေရယ်
တခြားသူတွေ အတွက်တော့
အရာရာဟာ
လက်တစ်ပစ်စာရယ်ပါ ။

သားမှာတော့
ယူဇနာသန်းပေါင်းများစွာ ဝေးကွာလို့
သားလေ
ရေရောထားတဲ့ ညရယ်လို့ မရခဲ့ဖူးဘူး ။

_မောင်ချောနွယ်
ကြယ်ပြာလေးနဲ့ ထမင်းစားပြီးတဲ့နောက် ကဗျာမှ

2024 ခုနှစ်အတွင်း အစီး‌ရေ ၂သန်းကျော်အထိ ရောင်းချခဲ့ရတဲ့ Geely

တရုတ်အခြေစိုက် လျှပ်စစ်ကားထုတ်လုပ်ရေး ကုမ္ပဏီတစ်ခုဖြစ်တဲ့ Geely Group ကနေ သူတို့ရဲ့ 2024 ခုနစ် အတွင်း စုစုပေါင်းရောင်းအားက အစီးရေ 2,176,567 စီး အထိ ရှိခဲ့တယ်လို့ ဇန်နဝါရီလ ၅ ရက်နေ့က ကြေညာခဲ့ပါတယ်။ ဒါဟာ သူတို့မျှော်မှန်းထားတဲ့ အစီးရေ 2 သန်းထက်ကျော်လွန်ခဲ့တာဖြစ်ပြီး year-over-year အရ 32% လောက်ထိ တိုးလာခဲ့တာကြောင့် ကုမ္ပဏီအနေနဲ့ စံချိန်တင်ရောင်းအားဖြစ်ခဲ့တာပါ။

ဒီဇင်ဘာလ တစ်လထဲမှာတင် passenger car အစီးရေ 210,055 units အထိရောင်းချခဲ့ရပြီး year-over-year အရ 43% လောက်ထိကို တိုးလာခဲ့တာဖြစ်ပါတယ်။ ဒါဟာ ၄ လဆက်တိုက် အစီးရေ ၂၀၀,၀၀၀ ကျော် ရောင်းချခဲ့ရတဲ့ လတစ်လ ဖြစ်လာခဲ့ပါတယ်။

ဒါ့အပြင် ဒီဇင်ဘာလအတွင်း Geely, Lynk & Co နဲ့ Zeekr brands အပါအဝင် Geely ရဲ့ NEV ရောင်းအားကလည်း အစီးရေ 111,206 စီး အထိရှိခဲ့တာဖြစ်ပြီး year-over-year အရ 93% လောက် တိုးလာခဲ့ပါသေးတယ်။ ဒါက Geely ရဲ့ ဒီဇင်ဘာအတွင်းရောင်းအားရဲ့ 53%လောက် ရှိခဲ့တာပါ။ တရုတ်နိုင်ငံရဲ့ ကားစျေးကွက်ထဲမှာလည်း နောက်ဆုံး ၅လအတွင်း စုစုပေါင်းရောင်းချရမှုက 50 % ကို ကျော်လွန်သွားခဲ့ပါတယ်။

2024 ခုနှစ်အတွက် Geely ရဲ့ NEV စုစုပေါင်းရောင်းအားက အစီးရေ 888,235 အထိ ရှိခဲ့တာကြောင့် အရင်နှစ်ကထက်ကို 92% လောက်အထိ ကိုတိုးလာခဲ့တာ ဖြစ်ပြီး မျှော်လင့်ထားတဲ့ နှစ်စဉ်ရောင်းအားကိုတောင် သိသိသာသာကျော်လွန်သွားခဲ့တာပါ။

Geely အနေနဲ့ သူတို့ရဲ့ ‌ရောင်းအားမြှင့်တင်နိုင်ဖို့အတွက် အရှိန်အဟုန်နဲ့ စီစဉ်ဆောင်ရွက်နေတာကြောင့်2025 ခုနှစ်အတွက် သူတို့ရဲ့ ‌ရောင်းအားရည်မှန်းချက် 2.71 သန်းဖြစ်ပြီး အဲ့ထဲမှာ NEV ‌ရောင်းအားအစီးရေ 1.5 သန်း အထိ ပါဝင်နိုင်ဖို့အတွက် မျှော်လင့်နေပါတယ်။ ဒါဟာ စုစုပေါင်း ‌ရောင်းအားရဲ့ 55% လောက်ထိကို NEV တွေရောင်းချနိုင်ဖို့အတွက် မျှော်လင့်နေတာပါ။

Geely Galaxy series ရဲ့ 2024 ခုနှစ်အတွင်း ရောင်းအားကတော့ အစီးရေ 494,000 စီးထိရှိခဲ့ပြီး year-on-year အရ 80% တိုးလာခဲ့ပါတယ်။ 2024 ခုနှစ်အတွင်း Geely ရဲ့ ကိုယ်ပိုင် brand တွေရဲ့‌ ရောင်းအားဆိုရင်လည်း 1,669,003 units အထိ ရှိခဲ့ပြီး year-on-year အရ 27% တိုးလာခဲ့ပါတယ်။

Zeekr brand ဆိုရင်လည်း 2024 ခုနှစ်အတွင်း ရောင်းအားက အစီးရေ 222,123 units ထိရှိခဲ့ပြီး year-on-year အရ 87% တိုးလာခဲ့ပါတယ်။

overseas export အပိုင်းမှာဆိုရင်လည်း 2024 ခုနှစ်အတွင်း Geely Automobile Group ရဲ့ စုစုပေါင်း တင်ပို့ ရောင်းချမှုက 403,923 units အထိ ရှိခဲ့တာကြောင့် year-on-year အရ 53% အထိ တိုးလာခဲ့တာဖြစ်ပါတယ်။

ဒါ့အပြင် Geely အနေနဲ့ 2025 ခုနှစ်အတွင်း ပြည်ပ စျေးကွက်မှာ ရောင်းအား 15.6% အထိ တိုးတတ်လာဖို့ မျှော်လင့်နေတာကြောင့် Indonesia, Vietnam, Central Asia နဲ့ Africa တို့လို နိုင်ငံတွေမှာ စက်ရုံတွေ တည်ထောင်သွားဖို့ အထိပါ စီစဉ်နေပါတယ်။ ဒါတင်မကသေးပါဘူး Geely က 2025 ခုနှစ်အတွင်း ကမ္ဘာတစ်ဝှမ်းမှာ အရောင်းဆိုင်ပေါင်း 1,100 အထိ ရှိလာဖို့အတွက်ပါ ရည်မှန်းချက်ထားနေတာပါ။

အချက်အလက်တွေအရ Geely Group ရဲ့ ‌ရောင်းအားက တရုတ်နိုင်ငံပြည်တွင်းမှာတင် သာမကဘဲ ပြည်ပစျေးကွက်တွေမှာပါ ရောင်းအားသိသိသာတိုးလာကိုတွေ့ရမှာ ဖြစ်ပါတယ်။ ဒါကြောင့် နာမည်ကြီး ပြိုင်ဖက်ကုမ္ပဏီ BYD ရဲ့ ရောင်းအားကို ရင်မောင်တန်းနိုင်ဖို့ ကြိုးစားလာနေတာဖြစ်ပြီး Geely ကားတွေ ရောင်းချနေတဲ့ မြန်မာနိုင်ငံမှာရော တခြား EV ထပ်စာရင် Geely ကားတွေကို ပိုအကြိုက်တွေ့တဲ့သူတွေရှိနိုင်မလားဆိုတာကို မိတ်ဆွေတို့ရဲ့ အမြင်လေးတွေကို လွတ်လပ်စွာ မျှဝေပေးခဲ့ပါဦး။

#ev