တရုတ်တိုင်ပေ ငလျင် လူ(၁၅)ဦး ဒဏ်ရာရ
--------------------------
တရုတ်တိုင်ပေတောင်ပိုင်းမှာ အင်္ဂါနေ့ မနက်ပိုင်းက အင်အားအဆင့်(၆)ရှိတဲ့ မြေငလျင်တစ်ခု လှုပ်ခတ်သွားတာ ကြောင့် လူ(၁၅)ယောက် ဒဏ်ရာရထားတယ်လို့ အမေရိကန် ဘူမိဗေဒလေ့လာရေးအသင်းက ထုတ်ပြန်ပါတယ်။ အဲဒီငလျင်ဟာ ဒေသစံတော်ချိန် မနက်(၁၂)နာရီဝန်းကျင်က ယူကျင်းမြို့ မြောက်ဘက်(၇)မိုင်အကွာမှာ လှုပ်ခတ် ခဲ့တာ ဖြစ်တယ်လို့ တရုတ်တိုင်ပေ ဗဟိုမိုးလေဝသစီမံခန့်ခွဲရေးဌာနက ပြောပါတယ်။

ငလျင်အတွင်း သေဆုံးသူ ရှိမရှိကို လတ်တလောမှာ မသိရသေးဘဲ ကယ်ဆယ်ရေးအဖွဲ့တွေက ပျက်စီးဆုံးရှုံးမှုတွေ ကို ဆန်းစစ်နေဆဲဖြစ်ပါတယ်။ တရုတ်တိုင်ပေ မီးသတ်ဌာနကတော့ ဒဏ်ရာရထားတဲ့ လူ(၁၅)ယောက်ကို ဆေးရုံ ပို့ဆောင်ပေးထားရတယ်လို့ ပြောပါတယ်။ အဲဒီလူတွေဟာ တိုင်နန်မြို့ နန်စီခရိုင်ထဲက ပြိုကျခဲ့တဲ့ အိမ်ထဲကနေ ကယ်ထုတ်ထားခဲ့ရသူတွေ ဖြစ်ပါတယ်။

ပြည်နယ်ချင်းဆက်လမ်းပေါ်က ကျူးဝေ တံတားလည်း ငလျင်ကြောင့် ပျက်စီးသွားခဲ့ပါတယ်။ ပြီးခဲ့တဲ့နှစ် ဧပြီလ တုန်းကလည်း တရုတ်တိုင်ပေရဲ့ တောင်ထူထပ်တဲ့ ဒေသဖြစ်တဲ့ ဟွာလီယန်ကမ်းရိုးတန်းဒေသမှာ အင်အား(၇ ဒသမ ၄) မဂ္ဂနီကျု့ပမာဏရှိတဲ့ ငလျင်လှုပ်ခတ်ခဲ့တာကြောင့် အနည်းဆုံး လူ(၁၃)ယောက် သေဆုံးသွားရပြီး လူ(၁၀၀၀)ကျော်လောက် ဒဏ်ရာရခဲ့ပါတယ်။

🌳 သစ်တောထွက်ပစ္စည်းတွေရဲ့ ဝေါဟာရတွေပါ။

#englisheverywhere

ပြန်ဆုံချင်ရင် ရန်ကုန်ကိုသာလာခဲ့လေ
မလာလဲနေ

#funny

ဇန်နဝါရီ တတိယ (၁၀)ရက်ပတ်အတွင်း တနင်္သာရီနှင့် ရခိုင်တို့တွင်သာ အအေးပိုနိုင်

၂၀၂၅ ခုနှစ်၊ ဇန်နဝါရီလ တတိယ (၁၀)ရက်ပတ်အတွင်း တနင်္သာရီတိုင်းဒေသကြီးနှင့် ရခိုင်ပြည်နယ်တို့တွင်သာ အအေးပိုနိုင်ပြီး ကျန်တိုင်းနှင့် ပြည်နယ်တို့တွင် ပျမ်းမျှအပူချိန် အထက်နှင့် ပျမ်းမျှအပူချိန်ခန့်ရှိနိုင်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာန၏ ယနေ့ ဇန်နဝါရီ (၂၁)ရက် မိုးလေဝသခန့်မှန်းချက်အရ သိရသည်။

ဘင်္ဂလားပင်လယ်အော် မြောက်ပိုင်းတွင် အများအားဖြင့် သာယာနိုင်ပြီး၊ ကပ္ပလီပင်လယ်ပြင် တောင်ပိုင်းနှင့် ဘင်္ဂလားပင်လယ်အော်တောင်ပိုင်းတို့တွင် တိမ်အသင့်အတင့်မှ တိမ်ထူထပ်နိုင်ကာ ကပ္ပလီပင်လယ်ပြင်မြောက်ပိုင်းနှင့် ကျန်ဘင်္ဂလားပင်လယ်အော်တို့တွင် တိမ်အနည်းငယ် ဖြစ်ထွန်းနိုင်ကြောင်း မိုး/ဇလမှ ထုတ်ပြန်ထားသည်။

ညအပူချိန်များတွင် တနင်္သာရီတိုင်းဒေသကြီးနှင့် ရခိုင်ပြည်နယ်တို့တွင် ဇန်နဝါရီ ပျမ်းမျှအပူချိန်၏ ၁.၅ ဒီဂရီ စင်တီဂရိတ် လျော့နည်းနိုင်ပြီး၊ မန္တလေးတိုင်းဒေသကြီး၊ မကွေးတိုင်းဒေသကြီးနှင့် စစ်ကိုင်း တိုင်းဒေသကြီးအောက်ပိုင်းတို့တွင် ဇန်နဝါရီလပျမ်းမျှအပူချိန်၏ ၁.၅ ဒီဂရီစင်တီဂရိတ်နှင့်အထက် ပိုနိုင်ကြောင်း သိရသည်။

နေပြည်တော်၊ ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ စစ်ကိုင်းတိုင်းဒေသကြီး အထက်ပိုင်း၊ ဧရာဝတီတိုင်းဒေသကြီး၊ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ ချင်း ပြည်နယ်၊ မွန်ပြည်နယ်နှင့် ရှမ်းပြည်နယ်တို့တွင် ဇန်နဝါရီလပျမ်းမျှအပူချိန်ခန့်သာ ရှိနိုင်ကြောင်း မိုး/ဇလမှ အသိ ပေး ထုတ်ပြန်သည်။

မိုးရွာသွန်းမှုအခြေအနေမှာ နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး၊ ဧရာဝတီတိုင်းဒေသကြီး၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် ရွာသွန်းမြဲ အောက်လျော့နည်းနိုင်ပြီး၊ တနင်္သာရီတိုင်းဒေသကြီးနှင့် ကချင်ပြည်နယ်တို့တွင် ရွာသွန်းမြဲခန့် မိုးထစ်ချုန်း ရွာနိုင်ကြောင်း သိရသည်။

ထို့ပြင် တနင်္သာရီတိုင်းဒေသကြီးနှင့် ကချင်ပြည်နယ်တို့တွင် (၂) ရက်မှ (၃) ရက်ခန့်နှင့် စစ်ကိုင်းတိုင်းဒေသကြီး အထက်ပိုင်း၊ ကရင်ပြည်နယ်၊ မွန်ပြည်နယ်နှင့် ရှမ်းပြည်နယ်တို့တွင် (၁) ရက်ခန့် မိုးထစ်ချုန်း ရွာနိုင်ကြောင်း သိရသည်။

နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီးအောက်ပိုင်း၊ ဧရာဝတီတိုင်းဒေသကြီး၊ ကယားပြည်နယ်၊ ချင်းပြည်နယ်နှင့် ရခိုင်ပြည်နယ်တို့တွင် တိမ်အသင့်အတင့် ဖြစ်ထွန်းနိုင်ကြောင်း မိုး/ဇလမှ ထုတ်ပြန်သည်။

နာဂကိုယ်ပိုင်အုပ်ချုပ်ခွင့်ရဒေသမှာ တောင်တန်းသာသနာပြုမယ့် ထူးအယ်လင်း 🙏🙏🙏

သူက သိမ်ကျောင်းဆောက်လုပ်လှူဒါန်းခဲ့ပြီးပြီမို့ စေတီတည်ဆောက်လှူဒါန်းတော့မယ်လို့ဆိုပါတယ်။

အလှူရှင်တွေကိုလည်း ကျေးဇူးတင်စကားဆိုလိုက်ပြီး တောင်တန်းသာသနာပြုတော့မှာဖြစ်တယ်လို့ ထူးအယ်လင်းကပြောပါတယ်။

သူ စေတီတည်ဆောက်လှူဒါန်းမယ့်နေရာလေးကတော့ စစ်ကိုင်းတိုင်းထဲက နာဂကိုယ်ပိုင်အုပ်ချုပ်ခွင့်ရဒေသဖြစ်တဲ့ လဟယ်မြို့နယ်မှာလို့ သိရပါတယ်။

#celecele

လီဗာပူးလ်အသင်းလူငယ်ကွင်းလယ်ကစားသမား ဟာဗေးလ်အယ်လီရွန့်ဒ်က သူ့အနေနဲ့ ကြိုးကြာနီအသင်းကနေပြောင်းရွှေ့ထွက်ခွာမှာမဟုတ်ဘဲ ပွဲထွက်ကစားဖို့အခွင့်အရေးအတွက်ဆက်ပြီးတိုက်ပွဲဝင်ဖို့အာရုံစိုက်နေသေးကြောင်းအတည်ပြုပြောဆိုလိုက်ပါတယ်။

ဟာဗေးအယ်လီရွန့်ဒ်အနေနဲ့ ဒီရာသီကာလမှာ လီဗာပူးလ်အသင်းနဲ့ပွဲထွက်ကစားခွင့်သိပ်မရရှိခဲ့ပေမဲ့ ဒီဟာကလည်း အဆိုပါကစားသမားအနေနဲ့ ကြိုးကြာနီအသင်းကနေထွက်ခွာစေချင်တဲ့အကြောင်းအရင်းမဟုတ်တာဖြစ်ပါတယ်။

အသက် ၂၁ နှစ်အရွယ်အယ်လီရွန့်ဒ်က သူ့အနေနဲ့ ကြိုးကြာနီအသင်းကနေပြောင်းရွှေ့ထွက်ခွာဖို့အတွေးမရှိဘူးလို့အတည်ပြုပြောဆိုလာခဲ့ပါတယ်။သေချာတာကတော့ကျနော့်အနေနဲ့ အသင်းမှာဆက်ရှိချင်ပါတယ်။

လီဗာပူးလ်အသင်းဟာကျနော့်ရဲ့ကလပ်အသင်းပါပဲ့။ကျနော့်အနေနဲ့ ကျနော့်ရဲ့နေရာအတွက်တိုက်ပွဲဝင်သွားချင်ပြီးအသင်းတွင်းမှာကျနော့်ရဲ့နေရာအတွက်ဆက်လက်ပြီးတိုက်ပွဲဝင်သွားမှာပါ။
ကျနော်လုပ်ဆောင်နိုင်သမျှအရာအားလုံးလုပ်ဆောင်သွားမှာဖြစ်ပြီး ကျနော်လုပ်ဆောင်ခဲ့တဲ့အတိုင်းလည်းလုပ်ဆောင်သွားမှာပါ။

အခွင့်အရေးရတဲ့အခါအသင်းကိုကူညီပေးမှာဖြစ်ပြီး ဒီဟာကလည်းကျနော့်အနေနဲ့ အောင်မြင်မှုရချင်စိတ်၊အလုပ်ပြင်းပြင်းထန်ထန်လုပ်ဆောင်မှုကြိုးစားမှုတွေနဲ့ပတ်သက်ပြီးကျနော့်အပေါ်မှာ မူတည်နေပါတယ်။

ကျနော်အရှုံးမပေးပါဘူး။ကျနော်ဆက်လက်တိုက်ပွဲဝင်သွားမှာဖြစ်ပြီး ဘာတွေဆက်ဖြစ်လာမလဲဆိုတာဘယ်သူသိမှာလဲလို့ ပြောဆိုခဲ့ပါတယ်။
 
#ဘောလုံးသတင်းစုံ

ထိုင်းရဲစခန်းတစ်ခုကခိုးယူလာတဲ့လက်နက်တွေကို ကရင်လက်နက်ကိုင်အဖွဲ့အစည်းတစ်ခုထံ ရောင်းချခဲ့တဲ့ ထိုင်းအမျိုးသမီး အဖမ်းခံရ

ဇန်နဝါရီ ၂၁

ထိုင်းနိုင်ငံ၊ ဘန်ကောက်မြို့ ရဲစခန်းတစ်ခုက ခိုးယူလာတဲ့ မောင်းပြန်ရိုင်ဖယ် ၄၃ လက်ကို ဝယ်ယူခဲ့တဲ့ ထိုင်းအမျိုးသမီးတစ်ဦးကို ထိုင်းရဲတပ်ဖွဲ့က ဖမ်းဆီးခဲ့ပါတယ်။

အဲဒီထိုင်းအမျိုးသမီးဟာ အဆိုပါလက်နက်ငယ်တွေကို တာ့ခ် ပြည်နယ် အန်ပန်းခရိုင်နဲ့ နယ်နိမိတ်ထိစပ်နေတဲ့ ကရင် လက်နက်ကိုင်အဖွဲ့တွေထံ ပြန်လည်ရောင်းချဖို့အတွက် ဝယ်ယူခဲ့တာဖြစ်တယ်လို့ ဆိုပါတယ်။

အန်ပန်းခရိုင် တမ်ဘွန်အန်ပန်းမှာရှိတဲ့ နေအိမ်မှာ အသက် ၄၉ နှစ်အရွယ်ရှိ ဝိုရာဝန်ဆိုသူ အမျိုးသမီးကို မှုခင်းနှိမ်နှင်း ရေး ရဲတပ်ဖွဲ့ (CSD) က သွားရောက်ဖမ်းဆီးခဲ့တာဖြစ်ပါတယ်။

၂၀၂၂ ခုနှစ် ဒီဇင်ဘာလအတွင်း ဘန်ကောက်မြို့တော် ဘန်ခန်းခရိုင်က နယ်ခြားစောင့်ရဲတပ်ဖွဲ့ဌာနချုပ်မှာရှိတဲ့ M16 မောင်းပြန်ရိုင်ဖယ် ခိုးယူခံရမှုနဲ့ ပတ်သက်ပြီး ကာလရှည် စုံစမ်းစစ်ဆေးမှုတွေပြုလုပ်နေပြီးနောက်မှာ အခုလို ဖမ်းဆီးခဲ့ တာဖြစ်ပါတယ်။

သေနတ်သူခိုးကို ဖော်ထုတ်ပြီးနောက်မှာ ရဲတပ်ကြပ်နရူဘတ် (အမည်လွှဲ) နဲ့ ကြံရာပါ ရဲတပ်ဖွဲ့ဝင် ၇ ဦးကို ဖမ်းဆီးခဲ့ တယ်လို့ ဆိုပါတယ်။

ရဲတပ်ကြပ်နရူဘတ်ဟာ အဲဒီ M16 မောင်းပြန်ရိုင်ဖယ် ၄၃ လက်ကို ဒုတိယရဲမှူးကြီး နခါရင် (အမည်လွှဲ) ထံ အသုတ် နှစ်သုတ်ခွဲ ရောင်းချခဲ့ပြီး ဒုတိယရဲမှူးကြီး နခါရင်က အဲဒီလက်နက်တွေကို ဝိုရာဝန်ထံ ပြန်လည်ရောင်းချခဲ့တာဖြစ်တယ် လို့ ဆိုပါတယ်။

နောက်ပိုင်းမှာတော့ ဝိုရာဝန်ဟာ အဲဒီလက်နက်ငယ်တွေကို နယ်စပ်ဖြတ်ကျော်ပြီး ကရင်လက်နက်ကိုင်အဖွဲ့ထံ ရောင်းချ ခဲ့တာဖြစ်ကြောင်း မှုခင်းနှိမ်နှင်းရေး ရဲတပ်ဖွဲ့ (CSD) က ပြောပါတယ်။

ဝိုရာဝန်ကို နောက်ထပ်လိုအပ်သလို အရေးယူဆောင်ရွက်နိုင်ဖို့အတွက် ဘန်ကောက်မှာရှိတဲ့ မှုခင်းနှိမ်နှင်းရေးရဲတပ်ဖွဲ့ (CSD) ရုံးကို ခေါ်ဆောင်သွားပါတယ်။

Ref: Thai woman arrested over sale of stolen police guns to Karen

#centralnewsnaypyitaw

AA ဖမ်းဆီးထားသော ကုန်သင်္ဘောသုံးစီးအနက် နှစ်စီးကို ပြန်လွှတ်ပေးခဲ့ဟု ဘင်္ဂလားဒေ့ရှ်အာဏာပိုင်များပြော

ဇန်နဝါရီ ၂၁

ရခိုင်လက်နက်ကိုင်အဖွဲ့ AAသည် ပြီးခဲ့သောရက်ပိုင်းတွင် ဖမ်းဆီးခဲ့သော ဘင်္ဂလားဒေ့ရှ်ကုန်စည်သင်္ဘောသုံးစင်းအနက်မှ နှစ်စင်းကို ဇန်နဝါရီ ၂၀ ရက်နေ့တွင် ပြန်လွှတ်ပေးခဲ့ကြောင်း ဘင်္ဂလားဒေ့ရှ်အခြေစိုက်မီဒီယာများတွင် ဖော်ပြထားသည်။

AA အဖွဲ့သည် ကုန်သင်္ဘောသုံးစင်းကို လေးရက်ကြာဖမ်းဆီးခဲ့ပြီးနောက် နှစ်စင်းကို ပြန်လွှတ်ပေးခဲ့ခြင်းဖြစ်ရာ ကုန်တင်သင်္ဘောနှစ်စီးက တက်နက်ဖ် ဆိပ်ကမ်းတွင် ကမ်းကပ်ထားကြောင်း သိရသည်။

သို့သော်လည်း AA သည် ကုန်စည်သင်္ဘောတစ်စီးကို ဆက်လက် ဖမ်းဆီးထားဆဲဖြစ်ကြောင်း ဘင်္ဂလားဒေ့ရှ်အခြေစိုက်မီဒီယာများတွင် ဖော်ပြထားသည်။

တက်နက်ဖ်ဆိပ်ကမ်း တာဝန်ရှိသူတစ်ဦးဖြစ်သော ဘာဒူဒါက AA အဖွဲ့သည် ဇန်နဝါရီ ၁၆ ရက်နေ့က မြန်မာနိုင်ငံမှ တက်ဖ်နက် ဆိပ်ကမ်းဘက်သို့ ဦးတည်မောင်းနှင်လာသော ကုန်စည်သင်္ဘောသုံးစီးကိုဖမ်းဆီးခဲ့ကြောင်း၊ AAအဖွဲ့သည် ရခိုင်ပြည်နယ်နှင့် ဘင်္ဂလားဒေ့ရှ်နိုင်ငံ နယ်စပ်ဒေသဖြစ်သော နတ်မြစ်တစ်လျှောက် စစ်ဆေးရှာဖွေမှုများ လုပ်ဆောင်ခဲ့ကြောင်း သိရသည်။

ဇန်နဝါရီ ၂၀ ရက်နေ့နံနက်ပိုင်းတွင် ဖမ်းဆီးခံထားရသော သင်္ဘောနှစ်စီးသည် ဆိပ်ကမ်းသို့ ပြန်လည်ရောက်ရှိလာခဲ့ကြောင်း၊ ကုန်စည်သင်္ဘောသုံးစီးသည် ကော်ဖီ၊ ကွမ်းသီး၊ အသီးအနှံများ အပါအဝင် ကုန်စည် အမျိုးမျိုးကိုတင်ဆောင်ကာ ဘင်္ဂလားဒေ့ရှ်နိုင်ငံဆိပ်ကမ်းသို့ ပြန်လာချိန်တွင် ဖမ်းဆီးခံရခြင်းဖြစ်ကြောင်း ဘင်္ဂလားဒေရှ့်သတင်းများတွင် ရေးသားဖော်ပြထားသည်။

ကုန်စည်သင်္ဘောတစ်စီးက ဆက်လက်ဖမ်းဆီးခံရခြင်းဖြစ်ပြီး မကြာမီပြန်လွှတ်ပေးမည်ဟု မျှော်လင့်ထားကြောင်း သတင်းအရင်းမြစ်က ပြောသည်။ တက်ဖ်နက် ဆိပ်ကမ်းအာဏာပိုင်တစ်ဦးဖြစ်သော ဂျာဆင် အူဒင် ချောင်ဒရီကလည်း” ရခိုင်လက်နက်ကိုင်အဖွဲ့ဟာ တက်နက်ဖ်ဆိပ်ကမ်းကို ပြန်လာတဲ့ ကုန်စည်သင်္ဘောသုံးစီးကို ထိန်းသိမ်းခဲ့တယ်။ အဲဒီသင်္ဘောသုံးစီးထဲက နှစ်စီးကို ပြန်လွှတ်ပေးခဲ့တယ်။ ဒါပေမယ့် တစ်စီးကတော့ ဆက်လက်ဖမ်းဆီးခံထားရဆဲဖြစ်ပါတယ်”ဟုပြောသည်။

အဆိုပါ ကုန်စည်သင်္ဘောသုံးစီးအပေါ်တွင် အိတ်ပေါင်း ၅၀၀၀၀ ကျော်တင်ဆောင်ထားပြီး ဘင်္ဂလားဒေ့ရှ်နိုင်ငံသုံးငွေကြေးတာကာ ကျပ်သန်း ၄၀၀ ကျော်ရှိကာ ဘင်္ဂလားဒေ့ရှ်ကုန်သည်များက မှာယူခဲ့သောကုန်စည်များဖြစ်ကြောင်း သိရသည်။

Ref, jagonews24

Credit - Myanmar Transparency News Agency

#သတင်းဟင်းလေးအိုးကြီး

အစပ်မပါရင် ဘာစားစား အာမထိလျှာမထိ ဖြစ်တတ်တဲ့ ကိုယ်ဟာ real spicy lover တစ်ယောက်ပါ 😁

ချက်နည်းကတော့ အရမ်းကို ခက်ပါတယ် နော် 😁

ငရုတ်သီးစိမ်း ၇၀၀ ဖိုးကို အညှာချွေ ရေဆေး မညက်တညက် ကြိတ်ထား
ကြက်သွန်နီ၅ဥ ကြက်သွန်ဖြူ ဗမာဥ ၃ဥ ကိုအခွံခွာရေဆေးပြီး ကြိတ်ထား
ပုဇွန်ခြောက် လက်တစ်ဆုပ်ပြည့်ပြည့်ကို လဲ ညက်ညက်လေး ကြိတ်ထား

အားလုံးပြီးရင်တော့

ဆီအိုးတည် ဆီပူလာရင် ကြိတ်ထားတဲ့ ကြက်သွန်နီဖြူ ကို နနွင်းနဲ့ဆီသတ် ကြက်သွန်တွေ လိပ် လာရင် ကြိတ်ထားတဲ့ ပုဇွန်ခြောက်နဲ့ငရုတ်သီးစိမ်းတွေကို ကိုထည့်ပြီးဆီသတ်ပေးပါ ငရုတ်သီးစိမ်းနွမ်းပြီးအိလာရင် ငံပြာရည် အရသာမှုန့် ကို မိမိစိတ်ကြိုက် ထည့် ရေလေးနည်းနည်းထပ်ထည့်ပြီး ရေခမ်းဆီပြန်လာအောင်တည် ပါ
ဆီပြန်လာရင်တော့ အရမ်းကို ထိမိဂွိစားမြိန်တဲ့ ငရုတ်သီးစိမ်းငံပြာရည်ချက် တစ်ခွက်ရပါပြီ ရှင် 😁

အတို့စုံလေးရယ် အချဥ်ဟင်းတစ်ခွက်ဖြစ်ဖြစ် ပဲဟင်းချိုလေးတစ်ခွက်ဖြစ်ဖြစ် ငါးခြောက်ဖုတ်ဆီစိမ် လေးနဲ့သာ တွဲဖက်စားလိုက်လို့ကတော့ လျှာနတ်ပြည်ထိပြီ လေ နော် 😁

Crd Cicutalay

ကမ္ဘာ့ ပထမဆုံး မိုးပျံ မော်တော်ဆိုင်ကယ်ကို ဒေါ်လာ ၆၀,၀၀၀ နဲ့ ရောင်းချ
==========================================
Rictor က Skyider X1 အမည်ရ ကမ္ဘာ့ ပထမဆုံး မိုးပျံဆိုင်ကယ်ကို ကြေညာလိုက်ပါတယ်။ ဒေါ်လာ ၆၀,၀၀၀ သတ်မှတ်ထားပြီး မြေပြင် ကနေ ဝေဟင်၊ ဝေဟင် ကနေ မြေပြင်ကို ဒေါင်လိုက် အတက်အဆင်း ပြုလုပ်နိုင်ပါတယ်။ အဲဒီအတွက် လေယာဉ်တွေလို ပြေးလမ်း မလိုတော့ပါဘူး။
သာမာန် ဆိုင်ကယ်လိုပဲ ဘီး ၂ ဘီး တပ်ဆင်ထားပါတယ်။ မြေပြင်မှာ မောင်းနှင်နိုင်ပြီး ပန်ကာတွေ ပါတဲ့အတွက် ဝေဟင်မှာ ပျံသန်းနိုင်ပါတယ်။ အားအပြည့်သွင်းထားရင် မိနစ် ၄၀ နဲ့ တစ်နာရီ ၆၂ မိုင်အမြန်နှုန်း ပျံသန်းနိုင်ပါတယ်။
မောင်းသူမဲ့ နည်းပညာ ပါလာပြီး စီးသူက သွားမယ့် နေရာကို ထည့်သွင်းပေးလိုက်တာနဲ့ ဆိုင်ကယ်ဟာ ရာသီဥတု အပေါ်မူတည်ကာ ပျံသန်းရမယ့် အမြင့်နဲ့ လမ်းကြောင်းကို အလိုအလျှောက် တွက်ချက် ပျံသန်းနိုင်တယ်။ မြေပြင်မှာ ဆိုရင်လည်း အလိုအလျှောက် မောင်းနှင်နိုင်ပါတယ်။ မိုးပျံဆိုင်ကယ်ကို လူတစ်ယောက်ထဲ စီးနင်းနိုင်မှာ ဖြစ်ပြီး ကားလမ်း ပိတ်တဲ့ မြို့တွေမှာ အသုံးဝင်ပါတယ်။