Trendy Peekaboo Hair Ideas 😍💖

ညနေဖက်တွေမှာ ပန်းပွင့်‌လေးတွေပေါ်နားနေကြတဲ့ ပျားတွေဟာ အိုမင်းနေကြပြီဖြစ်တဲ့ ပျားတွေဆိုတာ သင်သိပါသလား။
အိုမင်းပြီး နာမကျန်းဖြစ်နေကြတဲ့ ပျားတွေဟာ သူတိူ့ရဲ့ နောက်ဆုံးအချိန်မှာ ပျားအုံဆီကို ပြန်မသွားကြတော့ပါဘူး။
သူတို့ရဲ့ နောက်ဆုံးညကို ပန်းပွင့်တွေပေါ်မှာပဲ ကုန်ဆုံးစေကြပါတယ်။ အကယ်၍ နောက်နေ့ နေထွက်တဲ့အထိ သူတို့ရှင်သန်နေကြသေးတယ်ဆိုရင်တော့ ရှိသမျှအားအင်တွေကို စုစည်းပြီး သူတို့ရဲ့ ပျားအုံကြီးဆီကို ပန်းဝတ်မှုန်တွေနဲ့ ပန်းဝတ်ရည်တွေ သယ်ပို့ပေးကြပြန်ပါတယ်။
သူတို့ရဲ့ နောက်ဆုံးအချိန်ကို သူတို့ အလိုလိုသိကြပါတယ်။ သူတို့‌သေဆုံးချိန်ကို ပျားအုံထဲမှာနေရင်း စောင့်မနေချင်ကြပါဘူး။ သူတို့အတွက်ကြောင့် တခြားပျားတွေ ဝန်ထုတ်ဝန်ပိုးဖြစ်မှာကို သူတို့မလိုလားကြတဲ့ သဘောပါပဲ။
ဒါကြောင့် ညနေပိုင်းဖြစ်ဖြစ် ညပိုင်းမှာပဲဖြစ်ဖြစ် ပန်းပွင့်လေးတွေပေါ်မှာ နားနေကြတဲ့ ပျားအိုလေးတစ်‌ကောင်ကို သင်ထပ်ပြီးတွေ့တယ်ဆိုရင်ဖြင့် နောက်ဆုံးအချိန်အထိ သူ့တာဝန်သူကျေခဲ့တဲ့ ပျားလေးကို သူ့ဝန်ဆောင်မှုအတွက် ကျေးဇူးတင်လိုက်ပါ။
Did you know, those little bees you see in the evening sitting on flowers are old bees.
Old & sick bees don't return to the hive at the end of their day.
They spend the night on flowers, and if they have the chance to see another sunrise, they resume their activity by bringing pollen or nectar to the colony.
They do this sensing that the end is near.
No bee waits to die in the hive so as not to burden the others.
So, next time you see an old little bee sat upon a flower as the night closes in...
...thank the little bee for her life long service.

မကွေးမြသလွန်စေတီတော်မြတ်ကြီး၏ (၂၅၈၈) ကြိမ်မြောက် ဗုဒ္ဓပူဇနိယပွဲတော်အထိမ်းအမှတ် ဆွမ်းဆန်စိမ်းများလောင်းလှူ

မကွေးတိုင်းအစိုးရအဖွဲ့မှကြီးမှူးကျင်းပသည့် မကွေးမြို့ရှိ မြသလွန်စေတီတော်မြတ်ကြီး၏ (၂၅၈၈)ကြိမ်မြောက် ဗုဒ္ဓပူဇနိယပွဲတော်အထိမ်းအမှတ် ဆွမ်းဆန်စိမ်းလောင်းလှူပူဇော်ပွဲကို ယနေ့ အောက်တိုဘာ ၁၉ ရက်နံနက် ၇ နာရီက စေတီတော်မြတ်ကြီးရင်ပြင်တော်ပေါ်၌ လောင်းလှူခဲ့ကြသည်။

မကွေးမြို့ပေါ်ရှိ စာသင်တိုက်ကျောင်းများနှင့် ဘုန်းတော်ကြီးကျောင်းများမှ ဆရာတော်၊ သံ ဃာတော်များ၊ သီလရှင် ဆရာကြီး/ဆရာလေး (၁၂၁)ပါးတို့အား ဆွမ်းဆန်တော်၊ ဆီ၊ ဆေးဝါးများနှင့် လှူဖွယ်ဝတ္ထုပစ္စည်းမျိုးစုံတို့ကို မကွေး တိုင်းဝန်ကြီးချုပ်ဦးတင့်လွင်နှင့်တာဝန်ရှိသူများ၊ အလှူရှင်များက လောင်းလှူပူဇော်ခဲ့ကြသည်။

မြသလွန်စေတီတော်မြတ်ကြီး၏ (၂၅၈၈)ကြိမ်မြောက် ဗုဒ္ဓပူဇနိယပွဲတော်ကာလအတွင်းဖြစ်သည့် အောက်တိုဘာ ၁၇ရက်(သီတင်းကျွတ်လပြည့်နေ့)ကလည်း စေတီတော်မြတ်ကြီးအား ဆီ မီး(၉၀၀၀)ထွန်းညှိပူဇော်ခြင်းအပြင် ပန်း (၉၀၀၀)၊ နံ့သာ(၉၀၀၀)ဆက်ကပ်ပူဇော်ခြင်းများပြုလုပ်ခဲ့ကြကြောင်း သိရသည်။

မြသလွန်စေတီတော်မြတ်ကြီး၏ (၂၅၈၈)ကြိမ်မြောက် ဗုဒ္ဓပူဇနိယပွဲတော်ကြီးအား အောက်တို ဘာ ၁၂ ရက်မှ ၃၁ ရက်အထိ ရက်(၂၀)တိုင် စည်ကားသိုက်မြိုက်စွာကျင်းပလျက်ရှိကြောင်း သိရသည်။

လက်ဝှေ့အားကစား တိုးတက်လာစေရန်အဆင့်မြင့် နည်းစနစ်သင်တန်း (၂)ပတ်ကြာ သင်ကြားပို့ချမည်

မြန်မာနိုင်ငံတွင် မျိုးဆက်သစ် လက်ဝှေ့ကစားသမားများပေါ်ထွက်လာရန်နှင့် လက်ဝှေ့အားကစား အဆင့်မြင့်တိုးတက်လာစေရန်ရည်ရွယ်၍ Boxing Advanced Training Classကို (၂)ကြာ သင်တန်းပို့ချသွားမည်ဖြစ်ကြောင်း မြန်မာနိုင်ငံ လက်ဝှေ့အဖွဲ့ချုပ်ထံမှ သိရသည်။

အဆိုပါ အဆင့်မြင့်နည်းစနစ်သင်တန်းကို ၂၀၂၃ ခုနှစ် အာဆီယံ ကြေးတံဆိပ်ဆုရှင် မြန်မာ့လက်ရွေးစင်ကစားသမား ကိုလင်းထွဋ်ပိုင်နှင့် မြန်မာနိုင်ငံလက်ဝှေ့အဖွဲ့ချုပ် နည်းပြ ဆရာများမှ သင်ကြားပို့ချပေးသွားမည်ဖြစ်သည်။

သင်တန်းကို အောက်တိုဘာ(၂၆)ရက်မှ နိုဝင်ဘာလ (၈) ရက်အထိ ရန်ကုန်မြို့၊ မြန်မာနိုင်ငံလက်ဝှေ့အဖွဲ့ချုပ် လေ့ကျင့်ရေးရုံ (သုဝဏ္ဏ)တွင် အပတ်စဥ် စနေ၊ တနင်္ဂနွေနေ့များ၌ နံနက်(၇)နာရီမှ (၉)နာရီအထိ လေ့ကျင့်သင်ကြားပေးသွားမည် ဖြစ်သည်။

Advanced Level Training Class ဖြစ်သောကြောင့် သင်တန်းတက်ရောက်လိုသူများသည် Boxing အခြေခံပညာများကို အတိုင်းအတာတခုထိ လေ့လာသိရှိနားလည်ပီးသူများဖြစ်ရန် လိုအပ်ပြီးသင်တန်းသားဦးရေ အကန့်အသတ်ဖြင့်သာ လက်ခံသင်ကြားသွားမည်ဖြစ်သည်။

ယင်း သင်တန်းကို အားကစားနှင့် လူငယ်ရေးရာဝန်ကြီးဌာနနှင့် မြန်မာနိုင်ငံ လက်ဝှေ့အဖွဲ့ချုပ်တို့ ပူးပေါင်းပြုလုပ်ခြင်းဖြစ်ကြောင်း သိရသည်။

မန္တလေးမြို့တွင် လုယ-က်မှု(၁၆)ကြိမ်ကျူးလွန်ခဲ့သူ (၃)ဦးကိုဖမ်းမိ

မန္တလေးမြို့ရှိ ရပ်ကွက်များအတွင်းသွားလာနေသူများကို လုယ-က်မှု(၁၆)ကြိမ်ကျူးလွန်ခဲ့သည့် အမျိုးသား(၃)ဦးကို အောက်တိုဘာ ၁၉ ရက်ကဖမ်းဆီးရမိခဲ့ကြောင်း သိရသည်။

လုံခြုံရေးအဖွဲ့ဝင်များမှ မန္တလေးမြို့ရှိ ရပ်ကွက်များအတွင်းသွားလာနေသူများထံမှ ရွှေဆွဲကြိုးများလုယ-က်နေသူများကိုဖမ်းဆီးရမိရန် စုံစမ်းစစ်ဆေးမှုများပြုလုပ်ခဲ့ရာမှ လုယ-က်မှုအကြိမ် ကြိမ်ကျူးလွန်သူများဖြစ်သည့် ပြည်ကြီးတံခွန်မြို့နယ်၊ သင်ပန်းကုန်းရပ်ကွက်၊ ကျူးကျော်တဲနေသူများဖြစ်သော ဇော်လင်းအောင်(ခ)မဲကြီး (၃၆)နှစ်၊ ထွန်းတောက်လင်း(ခ)ဖက်တီး(၂၁)နှစ်၊ သိန်းဝင်းအောင်(ခ)စွေစောင်း(၁၉)နှစ်တို့အား အောက်တိုဘာ ၁၉ ရက်က အသီးသီးဖမ်းဆီးရမိခဲ့ကြောင်း သိရသည်။

စစ်ဆေးချက်များအရ ၎င်းတို့သည် ဆိုင်ကယ်အသုံးပြု၍ လမ်းသွားလမ်းလာများထံမှ ဇွန်လအတွင်းက ရွှေထည်ပစ္စည်းလုယ-က်မှု(၇)ကြိမ်၊ ဇူလိုင်လအတွင်းက ရွှေထည်ပစ္စည်းလုယ-က်မှု (၃)ကြိမ်၊ သြဂုတ်လအတွင်းက ရွှေထည်ပစ္စည်းလုယက်မှု(၃)ကြိမ်၊ စက်တင်ဘာလအတွင်းက ရွှေထည်ပစ္စည်းလုယ-က်မှု (၃)ကြိမ်(စုစုပေါင်း ရွှေထည်ပစ္စည်းလုယ-က်မှု ၁၆ ကြိမ်)ကျူးလွန်ခဲ့ကြောင်း ဖော်ထုတ်သိရှိခဲ့ရသည်။

ထို့ကြောင့် လုံခြုံရေးအဖွဲ့ဝင်များက ၎င်းတို့လု ယ-က်မှုကျူးလွန်ပြီး ထုခွဲရောင်းချထားသည့် ရွှေထည်ပစ္စည်းများကို သက်ဆိုင်ရာနေရာအသီးသီးတွင် ရှာဖွေသိမ်းဆည်းမှုများ ဆက်လက်ပြုလုပ်လျက်ရှိကြောင်း သိရသည်။

ထို့ပြင် ဖမ်းဆီးရမိခဲ့သူ(၃)ဦးအား သက်ဆိုင်ရာရဲစခန်းအသီးသီးတွင် အမှုများဖွင့်လှစ်၍ ဥပဒေနှင့်အညီ ထိရောက်စွာအရေးယူနိုင်ရေးအတွက် လုံခြုံရေးအဖွဲ့ဝင်များက ဆက်လက်စစ်ဆေးလျက်ရှိကြောင်း သိရသည်။

ရန်ကုန်တိုင်းအတွင်း မိုးသည်းထန်စွာ ရွာသွန်းပြီး လေပြင်းတိုက်ခတ်မှုကြောင့် မြို့တွင်းနှင့် မြို့ပြင် (၅)နေရာတွင် သစ်ပင်လဲကျမှုများ ဆက်တိုက် ဖြစ်ပေါ်ခဲ့ရ

ရန်ကုန်တိုင်းဒေသကြီးအတွင်း အောက်တိုဘာ (၁၉) ရက် ညနေပိုင်းနှင့် ညပိုင်းတို့တွင် မိုးသည်းထန်စွာ ရွာသွန်းခဲ့ပြီး လေပြင်းများ တိုက်ခတ်ရာ မြို့တွင်းနှင့် မြို့ပြင် (၅)နေရာတွင် သစ်ပင်လဲကျမှုများ ဆက်တိုက် ဖြစ်ပေါ်ခဲ့ရကြောင်း မီးသတ်တပ်ဖွဲ့ သတင်းများအရ သိရသည်။

ရန်ကုန်တိုင်းဒေသကြီး၊ ကမာရွတ်မြို့နယ်၊ (၉)ရပ်ကွက်၊ သထုံလမ်းတွင် ယမန်နေ့ (၁၉) ရက်၊ ည (၈)နာရီ (၅၃)မိနစ်အချိန်ခန့်က သစ်ပင်ကြီးလဲကျနေကြောင်း သတင်းရရှိသဖြင့် ကမာရွတ်မြို့နယ်မှ သန္ဓေမီးသတ်တပ်ဖွဲ့ဝင်များမှ သွားရောက်ရှင်းလင်းခဲ့ကြောင်း သိရသည်။

ထို့ပြင် ရန်ကုန်တိုင်းဒေသကြီး၊ အင်းစိန်မြို့နယ်၊ အင်းစိန်လမ်းမပေါ်၊ YIT ကျောင်းအရှေ့တွင် အောက်တိုဘာ (၁၉)ရက်၊ ည (၈)နာရီ (၄၅)မိနစ်အချိန်ခန့်ကလည်း လုံးပတ်(၃)ပေခန့်ရှိသော သစ်ပင်တစ်ပင်လဲကျမှုဖြစ်၍ လမ်းပိတ်ဆို့မှု ဖြစ်ပွားခဲ့ရာ အင်းစိန်မြို့နယ် သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များနှင့်အတူ အင်းစိန်မြို့နယ်ကြက်ခြေနီစေတနာ့လုပ်အားရှင်တပ်ဖွဲ့ဝင်များ ပူးပေါင်းရှင်းလင်းခဲ့ကြကြောင်း သိရသည်။

ထို့နောက် ရန်ကုန်တိုင်းဒေသကြီး၊ ဒဂုံမြို့သစ်တောင်ပိုင်းမြို့နယ်၊ (၅၄) ရပ်ကွက်၊ ချယ်ရီ(၁)လမ်းတွင် အောက်တိုဘာ (၁၉) ရက်၊ ည (၈)နာရီ (၄၃)မိနစ်အချိန်ခန့်ကလည်း သစ်ပင်ကြီးလဲကျနေကြောင်း သတင်းအရ ဒဂုံမြို့သစ်တောင်ပိုင်းမြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များဖြင့် ရှင်းလင်းရေး လုပ်ငန်းများ ဆောင်ရွက်ခဲ့ကြောင်း သိရသည်။

ထို့အတူ အောက်တိုဘာ (၁၉) ရက်၊ ည (၈)နာရီ (၅) အချိန်ခန့်က ရန်ကုန်တိုင်းဒေသကြီး၊ လှည်းကူးမြို့နယ်၊ ပေါက်ကုန်းကျေးရွာ၊ ရန်ကုန်-ပဲခူးလမ်းတွင် သစ်ပင်လဲကျမှုဖြစ်ပွားလျက်ရှိရာ လှည်းကူးမြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များဖြင့် ရှင်းလင်းရေးလုပ်ငန်းများ ဆောင်ရွက်ခဲ့ရကြောင်း သိရသည်။

အလားတူ ရန်ကုန်တိုင်းဒေသကြီး၊ ကြည့်မြင်တိုင်မြို့နယ်မှ လူစည်ကားရာ ညဈေးရှိ ဈေးကြီးအရှေ့ရပ်ကွက်၊ ဈေးကြီးလမ်းတွင် အောက်တိုဘာ (၁၉) ရက်၊ ညနေ့ (၅)နာရီ (၁၆)မိနစ်အချိန်ခန့်၊ သစ်ပင်လဲကျပြီး လမ်းပိတ်မှု ဖြစ်ပွားရာ ကြည့်မြင်တိုင်မြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များနှင့် ပရဟိတအသင်းများမှ သွားရောက်ရှင်းလင်းခဲ့ရပြီး ညပိုင်းမှသာ ရှင်းလင်းရေးလုပ်ငန်းများပြီးစီးခဲ့ကြောင်း သိရသည်။

ထို့ပြင် အောက်တိုဘာ (၁၉)ရက်၊ ည (၈)နာရီ (၂၃)မိနစ်အချိန်ခန့်၊ ရန်ကုန်တိုင်းဒေသကြီး၊ ဒဂုံမြို့နယ်၊ ပြည်လမ်း၊ စိန်ဂေဟာဈေးဝယ်စင်တာ အနောက်ဘက်တွင် မီးလောင်မှုဖြစ်ပွားရာ ကျောက်တံတားမြို့နယ် မီးသတ်စခန်းမှ မီးငြှိမ်းသတ်ယာဉ်(၂)စီးဖြင့် ထွက်ခွာငြှိမ်းသတ်ခဲ့ရာ ည (၈)နာရီ (၂၅)မိနစ်အချိန်တွင် မီးငြိမ်းခဲ့ကြောင်း သိရသည်။

အဆိုပါ ဖြစ်စဉ်များကြောင့် လူနှင့် တိရစ္ဆာန် ထိခိုက်မှု တစ်စုံတစ်ရာ မရှိခဲ့ကြောင်းနှင့် ရှင်းလင်းရေးလုပ်ငန်းများ အချိန်မီ ဆောင်ရွက်နိုင်ခဲ့ကြောင်း သိရသည်။

ယမန်နေ့ အောက်တိုဘာ (၁၉)ရက် ညနေပိုင်းက ခေတ္တသာ မိုးရွာသွန်းခဲ့သော်လည်း မိုးမှာသည်းထန်လွန်းသဖြင့် ညနေ (၄) နာရီကျော်တွင် လေယာဉ်ခရီးစဉ်အချို့ နှောင့်နှေးခဲ့ရပြီး ညပိုင်းတွင်လည်း မိုးများသည်းထန်စွာ ဆက်လက်ရွာသွန်းပြီး လေပြင်းများက အရှေ့မြောက်မှ တိုက်ခတ်ခဲ့ကြောင်း သိရသည်။

အီရန်နှင့် အစ္စရေးကို ညှိနှိုင်းပေးလို- ဗလာဒီမာ ပူတင်

အစ္စရေးနှင့် အီရန် ရန်ဘက်နှစ်နိုင်ငံအကြား ပြေလည်မှုရရေး ကူညီဆောင်ရွက်ပေးရန် ရုရှားနိုင်ငံက အသင့်ရှိသည်ဟု သမ္မတ ဗလာဒီမာပူတင်က ပြောကြားလိုက်ပြီး ထိုကိစ္စသည် မဖြစ်နိုင်လောက်အောင် ခက်ခဲသည့်အရာမဟုတ်ဟုလည်း ပြောကြားခဲ့သည်။

“ကျွန်တော်တို့ အစ္စရေးနဲ့ အဆက်အသွယ်ရှိတယ်၊ အီရန်နဲ့အဆက်အသွယ်ရှိတယ်၊ ကျွန်တော်တို့မှာ အပြည့်အဝယုံကြည်လောက်တဲ့ ဆက်ဆံရေးရှိပါတယ်။ ဒီ မဆုံးနိုင်တဲ့ အပြန်အလှန်ထိုးနှက်နေမှုတွေ က တစ်ချိန်ချိန်မှာ အဆုံးသတ်သွားမယ်ဆို ကျွန်တော်တို့ အရမ်းကျေနပ်ရပါလိမ့်မယ်၊ နှစ်ဖက်စလုံးက ကျေနပ်လောက်စေမယ့် အခြေအနေတွေအတွက် ဖြေရှင်းနိုင်မယ့် နည်းလမ်းတွေ ရှာတွေ့မှာပါ” ဟု ပူတင်က သတင်းထောက်များကို ပြောကြားခဲ့သည်။

“ဒီမေးခွန်းအတွက် အဖြေဟာ အပေးအယူအလျှော့အတင်း လုပ်ရမှုတွေမှာ အမြဲတည်ပါတယ်။ ဒီလိုအခြေအနေမျိုးမှာ ဖြစ်နိုင်ပါ့မလားဆိုရင်၊ ကျွန်တော့်အမြင်ကတော့ ဘယ်လောက်ခက်ခဲတဲ့ အရာဖြစ်ပါစေ ဖြစ်နိုင်ပါတယ်” ဟု သူက ပြောသည်။

အစ္စရေးသည် မကြာခင်သီတင်းပတ်များအတွင်းက အီရန်၏ မဟာမိတ်များဖြစ်သော ဟားမတ်စ်နှင့် ဟစ်ဇ်ဘိုလာ ခေါင်းဆောင်ပိုင်းများကို ရှင်းလင်းခဲ့ပြီး အောက်တိုဘာ ၁ ရက်တွင် အီရန်က အစ္စရေးကို ဒုံးကျည်များဖြင့် ပစ်ခတ်တိုက်ခိုက်ခဲ့သည်။ ယခုအခါ အဆိုပါဒေသသည် အစ္စရေး၏ လက်တုန့်ပြန်မည့်အရေးနှင့် ရင်ဆိုင်နေရသည်။

နှစ်ဖက်စလုံးကသာ လိုလားပါက ရုရှားသည် ကြားဝင်ဆောင်ရွက်ပေးရန် ဆန္ဒရှိသည်ဟု ပူတင်က ပြောကြားခဲ့သည်။

မောင်မောင် တယောက်တည်း လ္ဘက်ရည်ဆိုင်ထိုင်နေတုန်း
ကျော်ကျော်ဟာ မာစီဒီးကားသစ်ကြီးမောင်းပြီး
ရောက်ချလာတာတယ်။
ဟျောင့် - တယ်ဟုတ်နေပါ့လား။
ဒီမာစီဒီးကားသစ်ကြီးက ဘယ်သူ့ကားတုန်း။
ငါမောင်းလာရင် ငါ့ကားပေါ့ကွ။
ကျော်ကျော့်အခြေအနေကို သိနေတဲ့မောင်မောင်က
ဟုတ်ပါပြီ။ ဘယ်လိုရလာတာတုန်း ပြောစမ်းပါအုံး။
ဆူဇမ် ပေးလိုက်တာ။
မောင်မောင် မျက်ခုံးမြင့်သွားပြီး
ဟို ချာတိတ်မတောင့်တောင့်လေးက ပေးလိုက်တာ ?
တအံ့တဩ ပြန်မေးလိုက်တယ်။
ဘယ်လို - ဘယ်လို ?
မနေ့ညနေက
ငါ့ကို ဒီကားနဲ့လာခေါ်ပြီး မြို့ပြင်ကိုမောင်းသွားကြတယ်။
လူပြတ်တဲ့နေရာရောက်တော့
ဘေးနားက တောအုပ်ထဲမောင်းဝင်သွားပြီး
ရေကန်လေးအစပ်ရောက်တော့
နှစ်ယောက်သား ဆင်းကြတယ်။
တအောင့်နေတော့ ဆူဇမ်က
အဝတ်အစားတွေအကုန်ချွတ်ပြီး
လိုချင်တာ ယူ တဲ့။ 😳😳😳
အဲဒါနဲ့ ငါလည်း ဒီမာစီဒီးကားကြီးယူချလာတာ 😋😋😋
တော်လိုက်တဲ့ငါ့သူငယ်ချင်း။
အဝတ်အစားယူရင် မင်းနဲ့တော်မှာ မဟုတ်ဘူး 😁😁😁
Credit