Discover postsExplore captivating content and diverse perspectives on our Discover page. Uncover fresh ideas and engage in meaningful conversations
Hair designs
ချစ်သူကို နှိပ်ပေးရင်းနဲ့ နှိပ်ခအဖြစ် အသားယူတဲ့ဗီဒီယိုကြောင့် ပရိသတ်တွေ ဝေဖန်မှတ်ချက်ပေးတာခံနေရတဲ့ မိုးအောင်ရင်
မိုးအောင်ရင်က သူ့ရဲ့ Tik Tok အကောင့်မှာတင်ထားခဲ့တာပါ။ ချစ်သူက နှိပ်နှယ်ခိုင်းတာကို နှိပ်နယ်ပေးရာမှ နှိပ်ခအဖြစ်ဟုဆိုကာ ချစ်သူရဲ့ ခန္ဓာကိုယ်အား အသားယူထားတဲ့ ဗီဒီယိုကြောင့် ပရိသတ်တွေက ဝေဖန်မှတ်ချက်ပြုနေကြတာပါ။ မိုးအောင်ရင်နဲ့သူ့ချစ်သူတို့ နှစ်ဦးရဲ့ပွင့်လင်းချစ်စရာကောင်းမှုကို ပရိသတ်အတော်များများက သဘောကျကြသော်လည်း အချို့ပရိသတ်တွေကတော့ ဆိုးရွားတဲ့ မှတ်ချက်ပေးမှုတွေရှိနေကြပါတယ်။
#celecele
မြွေနှစ် တရုတ်နှစ်သစ်ကူးပွဲတော် နီးကပ်လာချိန် ရန်ကုန်မြို့က တရုတ်တန်း မြင်ကွင်းပုံရိပ်များ
ဇန်နဝါရီ ၂၁
မြွေနှစ်တရုတ်နှစ်သစ်ကူးပွဲတော် နီးကပ်လာတာနဲ့အမျှ ရန်ကုန်မြို့၊လသာမြို့နယ်အတွင်းမှာ တည်ရှိတဲ့ နာမည်ကျော်တရုတ်တန်း မြင်ကွင်းတွေကို ဒီနေ့ ဇန်နဝါရီ ၂၁ ရက်မှာ အခုလို မြင်တွေ့ရမှာဖြစ်ပါတယ်။
လသာမြို့နယ်အတွင်းမှာ တည်ရှိတဲ့ တရုတ်တန်းမှာတော့ တရုတ်နှစ်ကူးရိုးရာပစ္စည်းရောင်းချနေတဲ့ဆိုင်တွေနဲ့ အမှတ်တရလက်ဆောင်ပစ္စည်းပေးဖို့ တရုတ်မုန့်ချို ရောင်းချနေကြတဲ့ဆိုင်တွေမှာ ဝယ်ယူသူတွေ
အများအပြားနဲ့ စည်ကားနေတာကိုလည်း တွေ့မြင်ရပါတယ်။
ဒါအပြင် လသာမြို့နယ်အတွင်းက နှစ်ပေါင်းကြာရှည်ပြီဖြစ်တဲ့ နာမည်ကျော် တရုတ်ဘုံကျောင်းမှာလည်းလာရောက်ဝတ်ပြုဆုတောင်းကြသူတွေ အများအပြားရှိနေတာကို တွေ့ရပါတယ်။
တရုတ်ရိုးရာ ပြက္ခဒိန်အရ နဂါးနှစ်ကနေ
မြွေနှစ်ကို ကူးပြောင်းရောက်ရှိတဲ့ ယခုတရုတ်နှစ်သစ်ကူးနေ့ကို အစိုးရက အများပြည်သူရုံးပိတ်ရက်အဖြစ် သတ်မှတ်ပေးထားပါတယ်။
ဒါအပြင် ယခုမြွေနှစ် တရုတ်နှစ်သစ်ကူးပွဲတော် အထိမ်းအမှတ်အနေနဲ့ ရန်ကုန်မြို့က လသာတရုတ်တန်းမှာ ဈေးရောင်းပွဲတော်တွေကိုလည်း ထည့်သွင်းပြုလုပ်မယ်လို့ သိရပြီးနှစ်စဉ်ကျင်းပမြဲဖြစ်တဲ့ တရုတ်ရိုးရာ ခြင်္သေ့နဂါးအလှ အကပြိုင်ပွဲတွေကိုလည်း ပြုလုပ်သွားမယ်လို့ သိရပါတယ်။
Credit - VOM News Agency
#သတင်းဟင်းလေးအိုးကြီး
+9
၂၀၀၈ အောက်က နိုင်ငံရေးဆွေးနွေးမှုကို ထောက်ခံဟု တရုတ်ပြော
ဇန်နဝါရီ ၂၁
၂၀၀၈ ဖွဲ့စည်းပုံအခြေခံဥပဒေအောက်မှာ နိုင်ငံရေးဆွေးနွေးမှုကို လျင်မြန်စွာ ဆောင်ရွက်လာဖို့ တရုတ်နိုင်ငံက ပြတ်ပြတ်သားသားထောက်ခံသည်ဟု တရုတ်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် မစ္စစ်မော်နင်းက ပြော သည်။
၂၀၂၅ ခုနှစ်၊ ဇန်နဝါရီ ၂၀ ရက်က ပြုလုပ်သည့် တရုတ်နိုင်ငံခြားရေးဝန်ကြီးဌာန၏ ပုံမှန်သတင်းစာ ရှင်းလင်းပွဲ တွင် ၎င်းက ပြောကြားလိုက်ခြင်း ဖြစ်သည်။
မစ္စစ်မော်နင်းက “တရုတ်နိုင်ငံဟာ မြန်မာနိုင်ငံ လွတ်လပ်ရေးရရှိခြင်း၊ အချုပ်အခြာအာဏာ ပြည့်စုံခြင်း၊ တစ်ပေါင်းတစ်စည်းတည်းဖြစ်ခြင်း၊ နယ်မြေတည်တံ့ခြင်းကို ပြတ်ပြတ်သားသား ထောက်ခံပါတယ်။ မြန်မာနိုင်ငံ ပြည်တွင်းအေးချမ်းမှုနဲ့ တည်ငြိမ်မှု ထူထောင်လာပြီး စီးပွားရေးဖွံ့ဖြိုးတိုးတက်မှု ရရှိလာအောင် ကြိုးစားခြင်းကို ပြတ်ပြတ်သားသား ထောက်ခံပါတယ်။ ဖွဲ့စည်းပုံအခြေခံဥပဒေအောက်မှာ နိုင်ငံရေးသင့်မြတ်မှု စောလျင်စွာ ရရှိလာပြီး ပြည်တွင်းနိုင်ငံရေး ဆွေးနွေးမှု လျင်မြန်စွာ ဆောင်ရွက်လာဖို့ ပြတ်ပြတ်သားသား ထောက်ခံပါတယ်” ဟု ပြောသည်။
တရုတ်နိုင်ငံ၏ ကြားဝင်စေ့စပ်မှုဖြင့် ကိုးကန့်တပ်ဖွဲ့(MNDAA)နှင့် မြန်မာ့တပ်မတော်တို့ ၂၀၂၅ ခုနှစ်၊ ဇန်နဝါရီ ၁၆- ၁၇ ရက်များက တရုတ်နိုင်ငံ၊ ကူမင်းမြို့မှာ ဟိုင်ဂင်ဆွေးနွေးပွဲ (၇)ကြိမ်မြောက် တွေ့ဆုံ ဆွေးနွေးခဲ့ကြသည်။
အဆိုပါ တွေ့ဆုံဆွေးနွေးမှုတွင် နှစ်ဖက် ယာယီအပစ်အခတ်ရပ်စဲရန် သဘောတူညီခဲ့ကြပြီး ဇန်နဝါရီ ၁၈ ရက်၌ စတင် အသက်ဝင်မည်ဖြစ်ကြောင်း တရုတ်ဘက်က ထုတ်ပြန်ခဲ့သည်။
မစ္စစ်မော်နင်းက “တရုတ်-မြန်မာ နှစ်နိုင်ငံဟာ အိမ်နီးချင်းကောင်း ဖြစ်ပါတယ်။ တရုတ်နိုင်ငံက မြန်မာနိုင်ငံမှာ စစ်ပွဲဖြစ်ပွားခြင်းနဲ့ မတည်မငြိမ် ဖြစ်စေခြင်းကို ပြတ်ပြတ်သားသား ဆန့်ကျင့်ပါတယ်။ သက်ဆိုင်ရာ ဘက် အသီးသီးက ဆွေးနွေးခြင်းဖြင့် အပစ်အခတ်ရပ်စဲတဲ့ လုပ်ငန်းစဉ်ကို ဆက်လက် ပြုလုပ်ပြီး ရရှိပြီဖြစ်တဲ့ သဘောတူ ညီချက်များကို လက်တွေ့ကျကျ အကောင်အထည်ဖော်ဖို့ တရုတ်နိုင်ငံ မျှော်လင့်ပါတယ်။ ပြည်တွင်းတင်းမာမှု ဖြေလျှော့လာအောင် အပြုသဘောဆောင်ရွက်ပြီး ဆွေးနွေးခြင်းအားဖြင့် သက်ဆိုင်ရာကိစ္စများကို တစ်ဆင့်တိုး ဆက်လက်ဖြေရှင်းဖို့ တိုက်တွန်းပါတယ်”ဟု ပြောသည်။
နစကဥက္ကဋ္ဌ ဗိုလ်ချုပ်မှူးကြီးမင်းအောင်လှိုင် လက်နက်ကိုင်အဖွဲ့အစည်းများအနေဖြင့် လက်နက်ကိုင် တိုက်ခိုက် ခြင်းဖြင့် မိမိတို့၏ ဆန္ဒကို တောင်းဆို၍ မရကြောင်း၊ လက်နက်စွန့်ပြီး နိုင်ငံရေးဆွေးနွေးရမည်ဖြစ်ကြောင်း ပြောကြားထားသည်။
နစကနှင့် မြန်မာ့တပ်မတော်သည် ၂၀၀၈ ဖွဲ့စည်းပုံအခြေခံဥပဒေကို ကျော်လွန်၍ နိုင်ငံရေးနှင့် ငြိမ်းချမ်းရေး လုပ်ငန်းစဉ်များကို ဆွေးနွေး၍ မရကြောင်း၊ ၂၀၀၈ ဖွဲ့စည်းပုံအခြေခံဥပဒေအရ တိုင်းရင်းသားလက်နက်ကိုင် များက တိုက်ခိုက်ထားသော နယ်မြေများ အသိအမှတ်ပြုပေးခွင့်မရှိဘဲ ရွေးကောက်ပွဲကနေ တက်လာမည့် အရပ်သားအစိုးရ လက်ထက်ကျမှ ဆွေးနွေးရမည်ဖြစ်ကြောင်း စစ်ရေးနှင့်နိုင်ငံရေး အကဲခတ်များက ထောက်ပြ ကြသည်။
MNDAA သည် ၂၀၂၃ ခုနှစ်၊ အောက်တိုဘာ ၂၇ ရက်က AA၊ TNLA၊ PDFs၊ BPLA၊ KNDF၊ BNRA၊ MDY-PDF၊ PLA DPLA စသည့် လက်နက်ကိုင်အင်အားစုများဖြင့် ပူးပေါင်း၍ ၁၀၂၇ စစ်ဆင်ရေးကို ဖော်ဆောင်၍ ရှမ်းပြည်နယ် မြောက်ပိုင်းမှာ မြန်မာ့တပ်မတော်ကို တိုက်ခိုက်ခဲ့သည်။
အလားတူ ၂၀၂၄ ခုနှစ်၊ ဇွန်လ ၂၅ ရက်တွင် ၁၀၂၇ စစ်ဆင်ရေး ဒုတိယလှိုင်းကို ဖော်ဆောင်၍ မြန်မာ့တပ်မတော်ကို တိုက်ခိုက်ခဲ့ရာ အရှေ့မြောက်ပိုင်းတိုင်းစစ်ဌာနချုပ်(ရမခ)၊ လားရှိုးမြို့၊ ဖောင်းဆိုင်၊ သိန္နီ၊ ချင်းရွှေဟော်၊ လောက် ကိုင်၊ ကုန်ကြမ်း၊ မုံးကိုး၊ ကြူကုတ်(ပန်ဆိုင်း)တို့ကို တိုက်ခိုက်ထိန်းချုပ်ထားသည်။
ပုံ - တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ မစ္စစ်မော်နင်းကို တွေ့ရစဉ်
#cejtralnewsnaypyitaw
နွားအမြီးနှပ်
နွားရဲ့အမြီးက ဆေးဘက်ဝင် အစားအစာ တခုဖြစ်ပါတယ်။
မီးဖွားပြီးစ မိခင်တွေ စွပ်ပြုတ်လုပ်သောက်ခြင်းဖြင့် နို့ရည် လှိုင်လှိုင် ထွက်စေတယ်လို့ ဖတ်ဖူးတယ်။
ထို့နည်းတူ ခါးနာဝေဒနာရှင်များလည်း စွပ်ပြုတ်လုပ်သောက်ရင် သက်သာကြောင်း မှတ်သားဖူးပါတယ်။
သက်ကြီးပိုင်းနဲ့ ကလေးငယါတွေအတွက် အာဟာရဖြစ်ထွန်းစေပါတယ်။
ကျမတော့ ခါးနာပေမယ့် စွပ်ပြုတ်မသောက်ချင်လို့ နွားမြီးနှပ်ပဲ ချက်ပါတယ် ။
နံပြားနဲ့ပဲစားစား လူရီဖီယား ( ကျမနာမည်မခေါ်တတ်ပါဘူး အဆင်ပြေသလိုခေါ်ထားတာပါ၊ အင်မတန်နူးညံ့တဲ့ ဆန်မုန့်တမျိုးပါ)နဲ့ပဲစားစား အင်မတန်စားကောင်းလှပါတယ်။
ချက်နည်းလေးပြောပြပေးမယ်နော်။
ဆိုင်ကနေ ခုတ်ထစ်ပေးလိုက်တဲ့ နွားအမြီးတုံးလေးတွေကို သေချာ သန့်စင်ထားပါနော်။
ဂျင်းနှင့် ကြက်သွန်ဖြူ ထောင်းထားပါ။
ကြက်သွန်နီကို ကြော်ထားပါ။
ကျမက အသားဟင်းချက်ရင်
ကြက်သွန်ကြော်ပြီး အနှစ်ကျကျလေး ချက်ရတာ ကြိုက်ပါတယ်။
အိုးထဲ ဆီပူလာရင် ဂျင်း ကြက်သွန်ဖြူထောင်းထားတာကို ဆီသတ်ပါ။ နီလာရင် ရေအနည်းငယ်ထည့် ငရုတ်သီး အရောင်တင်မှုန့်၊ ဆနွင်း၊မဆလာ ၊ ဆား ၊ အရသာမှုန့်တို့ကို ထည့်ပြီး အဆီပြန်အောင်တည်ပါ။
အဆီပြန်ရင် နွားအမြီးတုံးလေးတွေထည့်ပါ။
မွှေပေးပြီး နွားအမြီးကထွက်တဲ့ရေတွေကုန်တဲ့ထိချက်ပေးပါ။ အသားကထွက်တဲ့အရည်ကုန်မှ ရေနွေးကို အသားမြုပ်အောင်ထည့်ပြီး မီးအေးအေးနဲ့ အနည်းဆုံး ၂နာရီ သို့မဟုတ် ၃ နာရီ ခန့်ချက်ပေးပါ။
အသားနူးပြီး အဆီပြန်ရင် အရသာရှိပြီး အားဖြစ်စေတဲ့ ဆေးဘက်ဝင် နွားမြီးနှပ်လေးရပါပြီ။
တခါလောက်ချက်ကြည့်ဖို့ တိုက်တွန်းပါရစေ။
အဆင်ပြေပါစေရှင့်။
ချစ်ခြင်းဖြင့် ချက်သော စားဖွယ်စုံ
ဗဟိုဘဏ်က ထိုင်းဘတ် ၁ ဒသမ ၉၁၅ သန်း ထပ်မံထုတ်ရောင်း
သွင်းကုန်လုပ်ငန်းရှင်များအတွက် ဗဟိုဘဏ်မှ ယမန်နေ့တွင် ထိုင်းဘတ် ၁ ဒသမ ၉၁၅ သန်း ဗဟိုဘဏ်ထပ်မံထုတ်ရောင်းပေးခဲ့ကြောင်း ထုတ်ပြန်ထားသည့်စာရင်းများအရ သိရသည်။
ယခု ဇန်နဝါရီလဆန်ပိုင်းမှစတင်ကာ နိုင်ငံခြားငွေလဲလှယ်နှုန်းသည် တတ်ရိပ်ပြလာခဲ့ပြီးနောက် ဗဟိုဘဏ်မှ နိုင်ငံခြားငွေကြေးဈေးကွက်အတွင်း ဒေါ်လာ၊ ဘတ်နှင့် ယွမ်ငွေများကို ဆက်တိုက်ထုတ်ရောင်းပေးခဲ့ကြောင်း သိရသည်။
နိုင်ငံခြားငွေကြေးဈေးကွက်အတွင်း ဇန်နဝါရီလ (၂) ရက်မှ (၂၀) ရက်အထိ သုံးပတ်အတွင်း ဗဟိုဘဏ်အနေဖြင့် ဒေါ်လာ (၁၀၈ ဒသမ ၉၁၁) သန်း ရောင်းချပေးခဲ့သလို ထိုင်းဘတ် (၈ ဒသမ ၉၄၇)သန်းနှင့် တရုတ်ယွမ် (၄ ဒသ မ ၄၈၃) သန်း ထုတ်ရောင်းပေးထားသည်။
ယနေ့ဈေးကွက်အတွင်း တစ်ဒေါ်လာ (၄၆၄၀) ကျပ်၊ ထိုင်းဘတ် တစ်ဘတ် (၁၃၆) ကျပ်၊ တရုတ်ယွမ် တစ်ယွမ် (၆၃၇) ကျပ် ဖြစ်ပေါ်နေကြောင်း သိရသည်။
မန်စီးတီးကို ကူညီပေးရန်ရောက်လာခဲ့ဟု ခူဆာနော့ဗ်ပြော
------------------------------
မန်စီးတီးအသင်းကို ရောက်ရှိလာတာက ကစားသမားဘဝ တိုးတက်ဖို့နဲ့ အသင်းကို ချန်ပီယံဆုဖလားတွေ ရယူရာမှာ ကူညီပေးနိုင်ဖို့ ဖြစ်တယ်လို့ နောက်ခံလူသစ် ခူဆာနော့ဗ်က ပြောကြားလိုက်ပါတယ်။ အသက် ၂၀ အရွယ် ဥဇဘက်နောက်ခံလူဟာ မန်စီးတီးအသင်းဆီကို ၄ နှစ်ခွဲစာချုပ်နဲ့ပြောင်းရွှေ့လာခဲ့တာဖြစ်ပြီး မန်စီးတီး အသင်းဟာ ခူဆာနော့ဗ်အတွက် ပြောင်းရွှေ့ကြေး ပေါင် ၃၃ ဒသမ ၆သန်းနဲ့ အပိုဆုကြေးပေးရမှာဖြစ်ပါတယ်။
မန်စီးတီးလိုအသင်းနဲ့ ပူးပေါင်းခွင့်ရတာက ပျော်ရွှင်စရာကောင်းသလို အသင်းနဲ့အတူ ကစားသမားဘဝ တိုးတက်မှု တွေရလာမယ်လို့ ယုံကြည်ကြောင်း အသင်းသစ်နဲ့ အင်တာဗျူးမှာ ခူဆာနော့ဗ်ကပြောသွားခဲ့ပါတယ်။ မန်စီးတီး အသင်းက ဆုဖလားတွေအတွက် ပြိုင်ပွဲဝင်နေတဲ့ အသင်းဖြစ်ပြီး အသင်းကို ဆုဖလားတွေရယူနိုင်ဖို့ကို အကောင်း ဆုံး ကူညီပေးသွားမှာဖြစ်တယ်လို့လည်း ခူဆာနော့ဗ်က ပြောပါတယ်။
ပရီးမီးယားလိဂ်မှာ ကစားခွင့်ရတဲ့ ပထမဆုံး ဥဇဘက်ကစ္စတန်နိုင်ငံသားဖြစ်တဲ့ ခူဆာနော့ဗ်ဟာ မန်စီးတီး အသင်းမှာ ကျောနံပါတ် ၄၅ ကိုဝတ်ဆင်ကစားသွားမှာဖြစ်ပါတယ်။ ပရီးမီးယားလိဂ်ကို နောက်ထပ် ဥဇဘက် ကစ္စတန်ကစားသမားတွေ ရောက်လာနိုင်ဖို့ကိုလည်း မျှော်လင့်ထားတယ်လို့ ခူဆာနော့ဗ်ကပြောသွားခဲ့ပါတယ်။
ထိုင်းဝန်ကြီးချုပ်ကမ္ဘာ့စီးပွားရေးဖိုရမ်တက်ရန် ဆွစ်ဇာလန်သို့ရောက်ရှိ
ဇူးရစ်ချ်၊ဇန်နဝါရီ ၂၀
ထိုင်းဝန်ကြီးချုပ် ပေတုန်တန်ရှင်နာဝပ်ထရာသည် ၂၀၂၅ ခုနှစ်အတွက်ကျင်းပမည့် ကမ္ဘာ့စီးပွားရေးဖိုရမ်ကိုတက်ရောက်ရန် ဆွစ်ဇာလန်နိုင်ငံ ဇူးရစ်ချ်မြို့လေဆိပ်သို့ ဇန်နဝါရီလ ၂၀ ရက်နေ့ကရောက်ရှိခဲ့ကြောင်းသိရသည်။
အဆိုပါ ကမ္ဘာ့စီးပွားရေးဖိုရမ်နှစ်ပတ်လည်အစည်းအဝေးကို ဆွစ်ဇာလန်နိုင်ငံ ဒါးဗို့မြို့၌ ဇန်နဝါရီလ ၂၀ ရက်မှ ၂၄ ရက်နေ့အထိ ပြုလုပ်ကျင်းပသွားမည်ဖြစ်သည်ဟုလည်းသိရသည်။
ယင်းနှစ်ပတ်လည်အစည်းအဝေးအပြင် မစ္စပေတုန်တန်သည် ဇန်နဝါရီလ ၂၃ ရက်နေ့တွင် ထိုင်းကိုယ်စားလှယ်များနှင့် ဥရောပလွတ်လပ်သောကုန်သွယ်မှုအသင်းကိုယ်စားလှယ်များအကြား လက်မှတ်ရေးထိုးမည့် လွတ်လပ်သောကုန်သွယ်မှုသဘောတူစာချုုပ်၏ မျက်မြင်သက်သေအဖြစ်ပြုလုပ်မည်ဟုလည်းသိရသည်။
ဥရောပလွတ်လပ်သောကုန်သွယ်မှုအသင်း၌ လက်ရှိတွင် အဖွဲ့ဝင်လေးနိုင်ငံရှိပြီး ၎င်းတို့မှာ အိုက်စ်လန်၊လင့်ခ်တင်စတိုင်း၊နော်ဝေးနှင့် ဆွစ်ဇာလန်တို့ဖြစ်ကြသည်။
WHO မှ အမေရိကနုတ်ထွက်ကြောင်း ထရမ့်ပ် ကြေညာ
အမေရိကန်သမ္မတ ဒေါ်နယ်ထရမ့်ပ်သည် ကမ္ဘာ့ကျန်းမာရေးအဖွဲ့(WHO) မှ နုတ်ထွက်မည်ဆိုသည့် သူ၏ မဲဆွယ်ကတိကဝတ်ကို ကောင်းကောင်းအကောင်အထည်ဖော်နေပြီဖြစ်သည်။ ကျမ်းသစ္စာ ကျိန်ဆိုပြီးနောက် ထုတ်ပြန်ခဲ့သော သမ္မတအမိန့်အများအပြားတွင် ကမ္ဘာလုံးဆိုင်ရာ ကျန်းမာရေးပြဿနာများကို ကြီးကြပ်သော ကုလသမဂ္ဂ၏ အေဂျင်စီမှ အမေရိက၏ အဖွဲ့ဝင်ဖြစ်မှုကို ရပ်စဲသည့် လုပ်ငန်းစဉ်သည် စတင်ပြီဖြစ်ကြောင်း ကြေညာချက်လည်း ပါဝင်ခဲ့သည်။
ထရမ့်ပ်၏ WHO နှင့် မကျေလည်မှုသည် ကိုဗစ်ကပ်ရောဂါဘေး အချိန်ကာလက မြင့်မားခဲ့သည်။ WHO သည် ကပ်ရောဂါကို တုန့်ပြန်ဖြေရှင်းရာတွင် အလွန်နှေးကွေးခဲ့ကြောင်းနှင့် အဖွဲ့သည် တရုတ်နိုင်ငံ၏ ထိန်းချုပ် ကိုယ်ပိုင်ပြုမှုခံနေရကြောင်း သူက ထပ်တလဲလဲ ဝေဖန်ခဲ့သည်။
“ကမ္ဘာ့ကျန်းမာရေး အဖွဲ့က ကျုပ်တို့ကို ဆုတ်ယုတ်စေတယ်” ဟု သမ္မတအမိန့်များကို လက်မှတ်ရေးထိုးစဉ် ထရမ့်ပ်က သတင်းထောက်များကို ပြောကြားခဲ့သည်။
ထရမ်ပ့်၏ ကတိကဝတ် တရားဝင်ဖြစ်လာရန်သည် တစ်နှစ်အချိန်ယူရမည်ဖြစ်သည်။ ယင်းသည် ၁၉၄၈ ခုနှစ်က ကမ္ဘာ့ကျန်းမာရေးအဖွဲ့သို့ အမေရိကဝင်ရောက်စဉ် အနာဂတ်တွင် နုတ်ထွက်မည့်အခြေအနေနှင့်ပတ်သက်၍ သတ်မှတ်ထားသော အချိန်ကာလဖြစ်သည်။ ထရမ့်ပ်သည် သူ၏ ပထမဆုံး သမ္မတသက်တမ်းအတွင်းက WHO ကို ရန်ပုံငွေထောက်ပံ့ခြင်းကို ရပ်ဆိုင်းခဲ့ပြီး နုတ်ထွက်ခြင်းလုပ်ငန်းစဉ်ကို စတင်ခဲ့သည်။ သို့သော်လည်း တစ်နှစ်တာ နုတ်ထွက်ခြင်း လုပ်ငန်းစဉ် မပြီးမြောက်မီတွင် ဘိုင်ဒင် သမ္မတဖြစ်လာခဲ့ပြီး ချက်ချင်းပင် နုတ်ထွက်မှုလုပ်ငန်းစဉ်ကို ဖျက်သိမ်းခဲ့သည်။
ထရမ့်ပ်၏ တနင်္လာနေ့ ကြေညာချက်သည် WHO အတွက် အကျိုးဆက်များက သိသာထင်ရှားသည်။ အဖွဲ့သည် ၎င်းတို့၏ အရေးကြီးဆုံးအဖွဲ့ဝင်နှင့် အကြီးမားဆုံး အလှူရှင်ကို ဆုံးရှုံးရခြင်းဖြစ်သည်။ အမေရိကသည် ၂၀၂၂ နှင့် ၂၀၂၃ ခုနှစ်တို့တွင် WHO ကို ဒေါ်လာ ၁ ဒဿမ ၂၈၄ ဘီလျံထည့်ဝင်ခဲ့ပြီး ယင်းသည့် ဒုတိယအများဆုံး ထည့်ဝင်သည့် အလှူရှင် ဂျာမနီထက် ဒေါ်လာသန်းရာချီ၍ ပိုများကြောင်း သိရသည်။
*နိုင်ငံသားတို့ကိုယ်တိုင်
ဒီမိုကရေစီသမားတို့ကမူ သာမန် အခြေအနေရော၊ အရေးပေါ်အခြေအနေ ဆိုတာမျိုးတွင်ပါ ဒီမိုကရေစီ အခွင့်အရေးများအား ထိန်းသိမ်း ကာကွယ်သော အလုပ်ကို တရားရုံးများ တရားသူကြီးများ သို့သာ လွှဲအပ်မထားဘဲ နိုင်ငံသားတို့ကိုယ်တိုင်က ဥစ္စာရင်လို ဥစ္စာရင်ခဲ ဆောင်ရွက်ကြဖို့ လိုသည်ဟု ဆိုသည်။
လူတစ်ဦးချင်းတို့အနေဖြင့် လည်းကောင်း၊ လူ့အခွင့်အရေး စောင့်ကြည့်ရေးအဖွဲ့ ပြည်သူ့လွတ်လပ်ခွင့်များ ထိန်းသိမ်း ကာကွယ်ရေးအဖွဲ့ စသည့် အဖွဲ့အစည်းများအနေဖြင့် လည်းကောင်း၊ ရပိုင်ခွင့်များ ထိပါးခံရသည့် ကိစ္စတိုင်းတွင် ထိထိရောက်ရောက် တောင်းဆိုခြင်း၊ ဝေဖန်ကန့်ကွက်ခြင်း၊ နောက်ထပ် မဖြစ်ပေါ်ရအောင် တားဆီးခြင်းများ ပြုလုပ်ခြင်းဖြင့်သာ ရှေးအစဉ်အဆက် နိုင်ငံတကာမှ တိုက်ပွဲဝင်သူတို့ ရယူပေးထားသည့် ပြည်သူ့ရပိုင်ခွင့်များ မပျောက်ပျက်အောင် စောင့်ရှောက်နိုင်ကြမည်ဟု တိုက်တွန်း ပြောဆိုကြပေသည်။
