#ယနေ့ထုတ်သတင်းစာ_သတင်း
◼ ဝမ်းချန်ပီယံရှစ်ပြိုင်ပွဲတွင် အဲမွီနှင့် ထိုင်းဖိုက်တာထိုးသတ်မည်
ဝမ်းချန်ပီယံရှစ်အဖွဲ့အစည်းကကျင်းပမည့် ONE Lumpinee-109 ပွဲစဉ်၏ ဒုခေါင်တွဲဆိုင်းနေရာတွင် မြန်မာဖိုက်တာအဲမွီနှင့် ထိုင်းဖိုက်တာ Wuttikrai Wor Chakrawut တို့ မေ ၂၃ ရက် ည ၇ နာရီခွဲတွင် ထိုင်းနိုင်ငံ ဗန်ကောက်မြို့၌ ယှဉ်ပြိုင်ထိုးသတ်သွားမည်ဖြစ်ကြောင်း သိရသည်။
မြန်မာဖိုက်တာ အဲမွီအနေဖြင့် ဝမ်းချန်ပီယံရှစ်တွင် အတွေ့အကြုံကောင်းများရရှိနေပြီး လေးပွဲထိုးသတ်ခဲ့ရာ နှစ်ပွဲနိုင် နှစ်ပွဲရှုံး ရလဒ်ပိုင်ဆိုင်ထားသူဖြစ်သည်။
မွေထိုင်းဖိုက်တာဖြစ်သူ Wuttikrai Wor Chakra -wut သည် ဝမ်းချန်ပီယံရှစ်တွင် တစ်ပွဲထိုးတစ်ပွဲနိုင် ရလဒ်ပိုင်ဆိုင်ထားသည်။
၎င်းဝမ်းချန်ပီယံရှစ် ONE Lumpinee-109 ပွဲစဉ်အတွင်း တွဲဆိုင်းပေါင်း ၁၂ ဆိုင်း ပါဝင်မည်ဖြစ်ပြီး မွေထိုင်း ဖိုက်တာအများဆုံး ပါဝင်သည့် ပွဲစဉ်တစ်ခုလည်းဖြစ်ကြောင်း သိရသည်။

#ယနေ့ထုတ်သတင်းစာ_နိုင်ငံတကာသတင်း
◼ ထိုင်းနှင့် အင်ဒိုနီးရှားတို့ မဟာဗျူဟာမြောက် မိတ်ဖက်ဆက်ဆံရေး အဆင့်မြှင့်တင်မည်
ထိုင်းနှင့် အင်ဒိုနီးရှားနိုင်ငံတို့အကြားဆက်ဆံရေးကို မဟာဗျူဟာမြောက် မိတ်ဖက်ဆက်ဆံရေးအဖြစ်အဆင့်မြှင့်တင်ရန် ဝန်ကြီးချုပ် ပေတွန်တန်ရှင်နာဝပ် နှင့် အင်ဒိုနီးရှားသမ္မတပရာဘိုဝိုတို့ မေ ၁၉ ရက်တွင် သဘောတူလိုက်ကြသည်။
အာဆီယံကိုတည်ထောင်ခဲ့သည့် အဖွဲ့ဝင်နိုင်ငံနှင့် ဒေသတွင်း အဓိက စီးပွားရေးနိုင်ငံများအနေဖြင့် အင်ဒိုနီးရှားနှင့် ထိုင်းနိုင်ငံတို့သည် ကမ္ဘာ့စီးပွားရေးနှင့်နိုင်ငံရေး မသေချာမှုများကြားတွင် အာဆီယံအဖွဲ့ကိုခိုင်မာအားကောင်းစေရန် လက်တွဲလုပ်ဆောင်မည်ဟု ထိုင်းဝန်ကြီးချုပ်ကပြောသည်။
ထို့ပြင်ခေါင်းဆောင်အဆင့်နှင့် ဝန်ကြီးဌာနအဆင့် အလည်အပတ်ခရီးစဉ်နှင့် ဆွေးနွေးမှုများမှတစ်ဆင့် နှစ်နိုင်ငံလုံခြုံရေးပူးပေါင်းဆောင်ရွက်မှုများ အထူးသဖြင့်အွန်လိုင်းလိမ်လည်မှုများ၊ လူကုန်ကူးမှုအပါအဝင် နိုင်ငံဖြတ်ကျော်ရာဇဝတ်မှုခင်းများကို နှိမ်နင်းရေးအရှိန်မြှင့်ကြမည်ဟု အင်ဒိုနီးရှားသမ္မတပရာဘိုဝိုက ဆိုသည်။
မကြာသေးမီကာလများအတွင်း အရှေ့တောင်အာရှတွင် သံတမန်ရေးရာ လှုပ်ရှားမှုများခြေလှမ်းစိပ်စိပ်ရှိခဲ့ပြီး စင်ကာပူနှင့် ဗီယက်နမ်တို့သည် ၎င်းတို့၏ဆက်ဆံရေးကို မဟာဗျူဟာမြောက် မိတ်ဖက်အဖြစ် မတ်လအတွင်းက တိုးမြှင့်ခဲ့သည်။ ထိုင်းနှင့်ဗီယက်နမ်တို့သည် လွန်ခဲ့သည့်သီတင်းပတ်က အလားတူ လုပ်ဆောင်ခဲ့သည်။ ယင်းမှာအခွန်ကောက်ခံမှုအပါအဝင် ထရန့်အစိုးရလက်ထက်တွင် မရေရာသော အမေရိကန်နိုင်ငံခြားရေးမူဝါဒကို တုံ့ပြန်သည့်အနေဖြင့် အာဆီယံအတွင်း ပိုမိုနီးကပ်သော မိတ်ဖက်ဆံဆက်ရေး တွန်းအားပေးမှုအဖြစ် အကဲခတ်များက ရှုမြင်ထားသည်။
အင်န်အိတ်ချ်ကေ

Put your focus into yourself.

BACK WORKOUT

Flexibility is ?

Full body workout for strength and stamina.

How to build an aesthetic V-Taper physique

ရတနာသူ || ခင်မောင်တိုး

ပြောပြမယ်-Big bag

ချစ်သူ(၂) - ဓီရာမိုရ် <br>ချစ်တဲ့သူများအားလုံးပျော်ရွင်ကြပါစေဗျာ။