ရန်ကုန်တွင် စက်သုံးဆီကို စမတ်ကတ်ဖြင့် ဝယ်ရန် စမ်းသပ်အသုံးပြုမည်
------------------
စက်သုံးဆီ ဝယ်ယူခွင့် ကတ်ပြား (စမတ်ကတ်) နဲ့ စက်သုံးဆီ ဝယ်ယူဖို့ ရန်ကုန်တိုင်းဒေသကြီးအတွင်းရှိ ဆီဆိုင် ကြီးတွေမှာ ကနဦး စမ်းသပ်အသုံးပြုဖို့ စီစဉ်နေတယ်လို့ မြန်မာနိုင်ငံ စက်သုံးဆီတင်သွင်းရောင်းချ ဖြန့်ဖြူးရေး အသင်းက တာဝန်ရှိသူ တစ်ယောက်က ပြောပါတယ်။
စက်သုံးဆီကို စမတ်ကတ်နဲ့ ရောင်းချဖို့ စီစဉ်တာဟာ တရားမဝင် မှောင်ခိုဈေးကွက်ထဲကို စက်သုံးဆီတွေ အကြိမ်ကြိမ် ထုတ်ယူပြီး ဖြန့်ဖြူးရောင်းချနေတာတွေကို တားဆီးဖို့ နဲ့ ဆီပြတ်လပ်တာ တန်းစီဝယ်ယူတာတွေကို ဖြေရှင်းနိုင်ဖို့ ရည်ရွယ်ပြီး ဆောင်ရွက်နေတာ ဖြစ်တယ်လို့ သိရပါတယ်။
လက်ရှိမှာတော့ စက်သုံးဆီဆိုင်တွေမှာ ဆီလာရောက်ဝယ်ယူသူတွေကို စမတ်ကတ်တွေ ထုတ်ပေးဖို့ ရည်ရွယ် ထားပြီး ရန်ကုန်တိုင်းဒေသကြီးအတွင်းရှိ ဆီဆိုင်ကြီးတွေမှာ စတင်စမ်းသပ်ဆောင်ရွက်သွားမှာ ဖြစ်တယ်လို့ မြန်မာနိုင်ငံ စက်သုံးဆီတင်သွင်းရောင်းချ ဖြန့်ဖြူးရေး အသင်းက တာဝန်ရှိသူ တစ်ယောက်က ပြောပါတယ်။
စမတ်ကတ်နဲ့ ဝယ်ယူရာမှာ အဆင်ပြေတယ်ဆိုရင်တော့ ရန်ကုန်၊ မန္တလေး၊ နေပြည်တော်မှာ တိုးချဲ့ဆောင်ရွက် သွားမှာ ဖြစ်ပြီး တစ်နိုင်ငံလုံး လွှမ်းခြုံနိုင်အောင် ဆက်လက်လုပ်ဆောင်သွားမယ်လို့လည်း ဆိုပါတယ်။
စက်သုံးဆီ ဝယ်ယူခွင့် ကတ်ပြား (စမတ်ကတ်) နဲ့ ဆီဝယ်ယူတဲ့အခါ ယာဉ်နံပါတ်၊ ယာဉ်အမျိုးအစား နဲ့ ဝယ်ယူ တဲ့ ဆီအမျိုးအစားတွေကို အချက်အလက်ကောက်ယူနိုင်တဲ့ ကတ်အမျိုးအစား ဖြစ်ကြောင်း နဲ့ တစ်ရက်ကို တစ်ကြိမ် သာ အကန့်အသတ်နဲ့ ဆီဝယ်ယူဖို့ ဆောင်ရွက်တာ မဟုတ်ဘူးလို့လည်း သိရပါတယ်။
