#talks

"ပေါ်တူဂီနဲ့အတူ ယူရိုချန်ပီယံဖလားရတာက ကမ္ဘာ့ဖလားရတာနဲ့ တန်းတူပါပဲ။ ကျွန်တော်က ပေါ်တူဂီ အတွက် ဆုဖလားနှစ်လုံးရထားပြီးပါပြီ။ အဲဒါ ကျွန်တော် တကယ်လိုချင်တဲ့ ဆုဖလားတွေပါ။ အဲဒီ (၂၀၂၆ ကမ္ဘာ့ဖလား) အတွက် စိတ်အားထက်သန်မှုမရှိပါဘူး။ ကျွန်တော်က ဘောလုံးကို ပျော်ရွှင်စွာကစားနိုင်ဖို့နဲ့ မှတ်တမ်းတွေ ရယူနိုင်ဖို့ပဲ စိတ်အားထက်သန်ပါတယ်။ ကျွန်တော်က မှတ်တမ်းတွေနောက်လိုက်နေတာ မဟုတ်ပါဘူး။ သူတို့က ကျွန်တော့်နောက်ကို လိုက်နေကြတာပါ"

- စီရော်နယ်လ်ဒို (၂၀၂၆ ကမ္ဘာ့ဖလားပြိုင်ပွဲတွင် ပါဝင်ယှဉ်ပြိုင်ရန် ရည်မှန်းထားခြင်းရှိမရှိ မေးမြန်းမှုအပေါ် ဖြေကြားခြင်း)

မင်းက သိပ်ချူချာတာ စိတ်ပူတာပေါ့ ။

ဘာပဲဖြစ်ဖြစ် နေကောင်းအောင်ပဲ နေပါကွာ ... တစ်ခုခုဆို မင်းက မြိုသိပ်ထားတတ်တယ် ပြီးတော့ ပေတေပြီးနေတတ်တယ် ။ ဘာမှ မဖြစ်ပါဘူးဆိုတဲ့စကားကို အကြိမ်ကြိမ်ပြောပြီး ဖြစ်ပျက်သမျှကို အေးဆေးပါဆိုတဲ့ ပုံစံမျိုးနဲ့ ဖြတ်သန်းနေပေမယ့် တကယ့်တမ်းကျတော့ အဆင်ပြေတာမှ မဟုတ်ပဲလေ ။

မင်းက အပူကြောက်တယ်.. ပြီးတော့ အေးတာ ကြိုက်တယ်လို့ပြောသလောက်လဲ အရမ်းအေးရင် ပြန်နွေးဖို့ခက်တာ ။ လက်ဖျားလေးတွေ ခြေချောင်းလေးတွေဆို တစ်နေ့လုံး အေးနေတတ်တာလေ ။ အဲ့တော့ နေပူကြီးထဲလဲ မသွားတဲ့ အအေးအေးတဲ့အခါလဲ ပေတေပြီး မနေနဲ့ပေါ့ ။

နောက်တစ်ခုရှိသေးတယ် ... မိုးတွေရွာရင် ပိုလို့တောင် စိတ်ပူသေးတယ် ။ မိုးရေဆော့ရတာ သဘောကျသလောက် ရေစင်အောင် မသုတ်တတ်ဘူး ။ ခေါင်းများနဲနဲစိုရင် ဟပ်ချိုးဆိုတဲ့ ဇာတ်လမ်းက စပြီ ။ ချောင်းတွေဆိုးရင် တော်ရုံတန်ရုံနဲ့ မပျောက်ဘူးဆိုတာမှန်းသိရဲ့နဲ့ တစ်ခါတစ်လေကျ မင်းက အရမ်းကလေးဆန်တာ ။ လက်ဖက်တွေစားမရတဲ့ရက်ဆို ခေါင်းက အရမ်းလျှော်ချင်သေးတာလေ။ အဲ့လိုတွေ မလုပ်ပါနဲ့။

ခေါင်းလျှော်တဲ့ရက်တွေဆို ခေါင်းခြောက်အောင် သုတ်ဖို့ အတန်တန်မှာရတယ် ။ တစ်ခါတစ်လေ ခေါင်းမခြောက်ပဲ အိပ်က ပျော်သွားတတ်သေးတာ ။ ပြီးရင် ဖျားရင် ကလေးလေးတစ်ယောက်လိုပဲ မင်းက ဂျီကျတတ်သေးတာ မဟုတ်လား ။ ပြီးရင် ဘယ်သူမှ ငါ့ကို ဂရုမစိုက်ဘူးဆိုတဲ့ စကားတွေ တဖွဖွ ရွတ်တတ်သေးတာ ။ မဖြစ်စေချင်ဘူး ကလေးရဲ့ ... တစ်ခုခု ကိုယ်ဖြစ်ရင် ကိုယ်ပဲ ခံရတာလေ ။ အစား၀င်ခံချင်ပါတယ်ဆိုတဲ့ စိတ်ကူးတွေပဲရှိခဲ့တာ တကယ့်လက်တွေ့တွေမှာကျ အဲ့လိုမှ မရပဲဟာ ။

အစားအသောက်မမှန်ရင် ဗိုက်နာတတ်မှန်းသိရဲ့နဲ့ ... ဒီဟင်းမကြိုက်တာနဲ့ မစားတော့ဘူး ။ အစပ်တွေ အများကြီးစားရင် ဗိုက်အောင့်တတ်မှန်းသိရဲ့နဲ့ ဒါပဲရှိတာကိုးနဲ့ ရောချတတ်သေးတာ ။ မင်းကလေ စားရမှာ သဘောကျသလောက် လုပ်ရမှာတော့ နည်းနည်းပျင်းတယ် ဆိုပါတော့ ။ ရောဂါတစ်ခုကို အစမပြုစေချင်ရုံပါ ။ တစ်ခါတစ်လေ ကိုယ်အလုပ်များ များနေရင် တစ်ခုမဟုတ် တစ်ခုတော့ ဖြစ်လိုက်ရမှ မဟုတ်လား ။ ပြီးရင် ကိုယ်မှ ဂရုမစိုက်တာဆိုတဲ့ စကားနဲ့ ရန်ရှာဦးမယ် ။

မင်းက ချူချာတယ်လေ ... တစ်ခုခုဆို ဖြစ်လွယ်တယ် ပြီးတော့ ပျောက်ဖို့ ခဲယဥ်းတယ် ။ မင်းအနားမှာ မင်းကို ဂရုစိုက်တဲ့ လူတွေ အများကြီးလဲ ရှိနေတာလဲ မဟုတ်ပဲနဲ့ ဖြစ်လာရင် မြိုသိပ်ထားမယ် ပေတေပြီး နေလိုက်မယ်ဆိုပြီး အမြဲတမ်း ခေါင်းမာမနေပါနဲ့တော့ ... တစ်ခုခုဆို မင်းက ချူချာတယ်လေ အဲ့တော့ စိတ်ပူရတာပေါ့ ။

မဖြစ်အောင်နေပါ ကလေးရယ် ... ဖြစ်လာတဲ့အခါလဲ ဆေးတွေသောက်ဖို့ မကြောက်နဲ့ ... သောက်ပြီးပြီး သောက်ပြီးပြီးနဲ့ ဆေးတွေ ဖွက်ထားမျိုးမလုပ်နဲ့ ခေါင်းမမာနဲ့ ဘာမှမဖြစ်ပါဘူးဆိုတဲ့ စကားတွေ ခဏခဏ မသုံးနဲ့တော့ ... နေကောင်းကျန်းမာအောင်ပဲ နေပါ ။

-ကျေးကို
#january_x

တစ်နေ့ထက်တစ်နေ့ တိတ်ဆိတ်လာတယ်
လူတွေကို မေ့တတ်လာတယ်
ဘဝမှာ ကိုယ်နဲ့မထိုက်တန်တဲ့
အရာတွေ များလာတယ်။

ပြောစရာ စကားတွေ မဲ့လာတယ်
ခေါ်စရာအသံတွေ နည်းလာတယ်
ကိုယ့်ကို နားလည်နိုင်တဲ့သူတွေ ရှားလာတယ်။

လူ့ဘဝဆိုတာ
ငယ်ငယ်က ပွဲတော်ထဲမှာ လျှောက်လည်ရင်း
ကိုယ်လိုချင်တာတွေကို ငေးရုံပဲငေးပြီး
အမှောင်ထုထဲ
ခေါင်းငိုက်စိုက်ချ တိတ်တိတ်လေး
ပြန်ရသလိုလား...။

#2001
//crd

"ငါ့စိတ်က အရမ်းဒေါသထွက်နေတယ်၊ ဒါပေမယ့် ငါ့နှလုံးသားက အဲဒါကို မပြုမူနိုင်လောက်အောင် နာကျင်နေတယ်။ """.

ညနေခင်း ၄ နာရီတဲ့။
မှောင်ပိတ်နေတဲ့ ကောင်းကင်ကနေ တိမ်‌တွေ ငိုနေတယ်။
မနေ့က ဒီချိန်ဒီလောက် မမှောင်ပါလေရော့။

သစ်ပင် ခပ်စမ်းစမ်းတွေဟာ အတော်ကို ရေဓါတ်ပြည့်၀နေကြတယ်။
သစ်ရွက်ကလေးကနေ တွဲလျားခိုနေတဲ့ မိုးရေစက်ကလေးဟာ
တစ်ပေါက်ချင်း‌မြေပြင်ကို ကျတယ်။

အိမ်အပြန်လမ်းဟာ ထင်ထားသည်ထပ် ပိုအထီးကျန်စေတယ်။
တစ်ယောက်ထဲနှင့် မလုံတဲ့ ဒီထီးအတွင်းကို နောက်တစ်ယောက်ကို
မသိစိတ်က ထည့်ထားချင်ဟန်တူပါရဲ့လေ။

လမ်းဆုံ မီးပွင့်နားက ကြိုးတန်းတွေမှာ လာနားနေကျ
ငှက်ကလေးတွေလဲ ပျောက်နေတယ်။ အမှောင်ထုမှာ အန္တရယ်ကင်းဖို့
ကားတွေဟာ ရှေ့မီး၊နောက်မီး ဖွင့်လို့။

အချိန်မကျသေးဘူးဆိုပြီး ပြိုင်ငြင်းနေလို့မှ မရပါဘဲ။
ကြိုတင်ခန့်မှန်းလို့မရတဲ့ အရာတွေထဲ ဒီသဘာ၀တွေလဲပါတယ်။
နောက်ပြီး ကိုယ့်ကိုချစ်ပါတယ်ဆိုတဲ့ လူလဲ ပါတယ်။

#girllovestorybyhsu

အမေ အမြဲပြောနေကြစကားလေးတစ်ခွန်းရှိတယ်
`အမေရှိနေသ၍ကတော့
ငါ့သားမျက်နှာမငယ်စေရဘူး´ တဲ့

အမေက တော်တယ် ရိုးသားတယ် သိက္ခာကြီးတယ်
လောကဓံအကြောင်းထောင့်စိတယ်
ဒီလောကကြီးရဲ့အလေးစားရဆုံးလူကိုပြပါဆိုရင်အမေပဲ

အမေဆိုတာ အိမ်
အိမ်ရဲ့အဓိပ္ပါယ်ဟာ အမေဖြစ်တယ် ။ 🤍

🤍|| 2.9.2024

တချို့လူတွေက
သူတို့မှားတယ်ဆိုတာ သိတယ် ။
ဒါပေမယ့် အဲ့ဒီအမှားကိုဝန်ခံဖို့
ဘယ်တော့မှ မတွေးဘူး ။

မှန်နေတဲ့လူက နေပါစေတော့ ဆိုပြီး
နှုတ်ဆိတ်နေတဲ့အခါ
အမှားလုပ်ထားတဲ့သူက
မပြုပြင်တဲ့အပြင် သူတို့အမှားကို
အမှန်ပါလို့ သတ်ပုံပြင်လိုက်ကြတယ် ။

တချို့ကျ သူတို့ဘက်က
လွန်တယ်ဆိုတာ သိတယ် ။
ဒါပေမယ့် ဆောရီးတစ်ခွန်းနဲ့
တောင်းပန်ဖို့တောင် ဝန်လေးတတ်ကြတယ် ။

ခံရတဲ့သူက ထားလိုက်ပါတော့လေ ဆိုပြီး
နားလည်ပေးတဲ့အခါ
သူတို့စည်းကျော်တာကို
သူတို့မေ့သွားပြီး တဖက်လူကို
ထည့်စဉ်းစားဖို့ အတွေးမရှိကြတော့ဘူး ။

ငြိမ်ခံနေဖို့ မသင့်တော်တဲ့အချိန်ဆိုတာ ရှိတယ်.. သည်းခံဖို့ မတန်တဲ့
အတိုင်းအတာ ဆိုတာလည်း ရှိပါတယ် ။

တချို့လူတွေက ခွင့်လွှတ်ပေးခြင်းနဲ့တန်ပေမယ့် တချို့လူတွေကျ ပြန်ပြောနိုင်မှ
တော်ကာကျတာပါ ။

အဲ့ဒီတော့ တန်ပြန်ပဲ ဆက်ဆံပေးလိုက်တယ် ။

သူတို့လုပ်ရပ်အပေါ်
သူတို့ကိုယ်တိုင် ရှက်စရာလို့ မြင်သွားမှ
နောက်လူ ကိုယ့်လိုမခံရမှာ ။

နောက်ကို ဆင်ခြင်တတ်သွားမှာ ..
ကိုယ့်လိုနောက်လူမခံရဖို့
အမုန်းခံပြီး ထောက်ပြသင့်ရင် ထောက်ပြရမှာပါ ။

မကောင်းတဲ့သူရဲ့
လက်တစ်လုံးခြားလှည့်စားမှုကိုခံရတဲ့
သားကောင်ထဲ ကိုယ်ဟာနောက်ဆုံးဖြစ်ပါစေ.....

#crd

ချစ်တယ်လို့ ဘယ်လောက်ပဲ ပြောပြော
လုပ်ရပ်နဲ့ သက်သေမပြရင် အလကားပဲမလား
ချစ်တယ်ဆိုတာ အရေးပေးဖို့လိုတယ်
ချစ်တယ်ဆိုတာ ဂရုစိုက်ဖို့လိုတယ် ။

ချစ်တယ် ပြောရုံလောက်ကတော့
လူတိုင်း လုပ်တတ်ပါတယ် ။

💭 || 2.9.2024

* သတိရနေသူရဲ့ ရင်မှာတော့ ဘယ်တည်ငြိမ်နိုင်ပါ့မလဲကွယ် အချိန်တိုင်း ဆက်သွယ်နိုင်ဖို့ ကြိုးစားနေမိတာပါပဲ *

စပိုက်စီ အနက်ရောင် ပါဟယ်