ယနေ့မှစတင်၍ လျှပ်စစ်သုံးယာဥ်များ၏ အားသွင်းခများတိုးမြင့်

လျှပ်စစ်သုံးယာဉ်များပြေးဆွဲ/အသုံးပြုရေးနှင့်အခြေခံအဆောက်အအုံများအကောင်အထည် ဖော်ရေးလုပ်ငန်းကော်မတီမှ ယနေ့ အောက်တို ဘာ ၁၅ ရက်မှစတင်၍ လျှပ်စစ်သုံးယာဥ်များ၏ အားသွင်းခများကိုတိုးမြှင့်ကောက်ခံရန် ခွင့်ပြုခဲ့ကြောင်း သိရသည်။

လျှပ်စစ်သုံးယာဉ် ပြေးဆွဲ/အသုံးပြုရေးနှင့်အ ခြေခံအဆောက်အအုံများအကောင်အထည်ဖော်ရေးလုပ်ငန်းကော်မတီနှင့် Charging Station တည်ဆောက်နေသော၊ EV Taxi ပြေးဆွဲနေသော ကုမ္ပဏီများပါဝင်သည့် လျှပ်စစ်သုံးယာဉ်အားသွင်းခနှုန်းထားများပြင်ဆင်သတ်မှတ်နိုင်ရေး ညှိနှိုင်းအစည်းအဝေးအား ပြီးခဲ့သည့် အောက်တိုဘာ ၁၁ ရက်က ပြုလုပ်ပြီးနောက်ခွင့်ပြုခဲ့ခြင်းဖြစ်ကြောင်း သိရသည်။

ထို့ကြောင့် EV Charging Station များတွင်အားသွင်းမည့် လျှပ်စစ်သုံးခရီးသည်တင်ယာဥ်နှင့်အငှားယာဥ်(Taxi)များမှာ အားသွင်းခအဖြစ် တစ်ယူနစ်လျှင်(၇၀၀)ကျပ်၊ ကိုယ်ပိုင်ယာဥ်များမှာ တစ်ယူနစ်လျှင်(၇၅၀)ကျပ်ကျသင့်မည်ဖြစ် ကြောင်း သိရသည်။

ထိုသို့ တိုးမြှင့်ကောက်ခံရခြင်းမှာ တိုးမြှင့်လာသည့် လျှပ်စစ်ဓာတ်အားခနှုန်းထားများနှင့်အညီ လျှပ်စစ်သုံးယာဉ်အားသွင်းခများကိုလည်း သင့်လျော်သည့်နှုန်းထားဖြင့် ပြင်ဆင်တိုးမြှင့်ကောက်ခံရခြင်းဖြစ်ကြောင်း သိရသည်။

တောင်ကြီးမြို့တွင် (၁၂)ဘီးကားတစ်စီးမီး လောင်မှုဖြစ်ပွား

ရှမ်းပြည်နယ်၊ တောင်ကြီးမြို့တွင် ယနေ့ အောက်တိုဘာ ၁၅ ရက်ညနေ ၄ နာရီ ၅၀ မိနစ်ခန့်က (၁၂) ဘီးကုန်တင်ကားတစ်စီးမီးလောင်မှုဖြစ်ပွားခဲ့ကြောင်း မီးသတ်တပ်ဖွဲ့ထံမှ သိရသည်။

တောင်ကြီးမြို့၊ ကန်ရှေ့ရပ်ကွက်၊ ဧရာဝတီလမ်း တွင် (၁၂)ဘီးကုန်တင်ကားတစ်စီးမီးလောင်နေ၍ ပြည်နယ်မီးသတ်ဦးစီးမှူးရုံး၊ ခရိုင်/မြို့နယ်မီးသတ်စခန်းတို့မှတပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များက မီးငြှိမ်းသတ်ယာဥ်၊ ရေသယ်ယာဥ်များဖြင့် ဝိုင်းဝန်းငြှိမ်းသတ်ခဲ့ကြကြောင်း သိရသည်။

ထို့ကြောင့် ညနေ ၅ နာရီ ၁၀ မိနစ်တွင်မီးငြိမ်းသွားခဲ့သဖြင့် စတင်လောင်ကျွမ်းရသည့်အ ကြောင်းရင်းနှင့်ပျက်စီးဆုံးရှုံးမှုတန်ဖိုးကို မီး သတ်တပ်ဖွဲ့တာဝန်ရှိသူများက စစ်ဆေးလျက်ရှိကြောင်း သိရသည်။

UEFA Nations League ပွဲစဉ် အီတလီ(၄-၁)အစ္စရေးပွဲမှာ အီတလီအသင်းအတွက် မွန်ဇာကွင်းလယ်လူဒန်နီယယ်မာလ်ဒီနီက ပွဲဦးထွက်ပွဲအဖြစ် ပါဝင်ကစားခဲ့ပါတယ်။

အသက်(၂၃)နှစ်အရွယ်ရှိ ဒန်နီယယ်မာလ်ဒီနီဟာ ဒီပွဲမှာ အရန်ကစားသမားအဖြစ်ပါဝင်ခဲ့ပြီး ပွဲချိန်(၇၄)မိနစ်မှာ ရက်စပါဒိုနီနေရာမှာ လူစားဝင်ကစားခဲ့ရတာပါ။

>>>>>

ဒန်နီယယ်မာလ်ဒီနီဟာ အီတလီလက်ရွေးစင်အသင်းရဲ့ဂန္ထဝင်နောက်ခံလူတွေဖြစ်တဲ့ ဆီဆာရီမာလ်ဒီနီရဲ့မြေး၊ ပေါ်လိုမာလ်ဒီနီရဲ့သားတော်စပ်သူဖြစ်ပြီး အီတလီအသင်းအတွက်ကစားတဲ့ (၃)ဦးမြောက် မာလ်ဒီနီမျိုးဆက်ကစားသမားဖြစ်ခဲ့ပါတယ်။

အေစီမီလန်ဂန္ထဝင်ကစားသမား ပေါ်လိုမာလ်ဒီနီရဲ့ဒုတိယ​သားဖြစ်သူ ဒန်နီယယ်မာလ်ဒီနီဟာ အေစီမီလန်အသင်းမှာ ၂၀၂၀ ခုနှစ်ကနေ ၂၀၂၄ ခုနှစ်အထိ ရှိခဲ့ပေမယ့် အသင်းမှာ ပွဲကစားခွင့်နည်းပါးခဲ့ပြီး စပီဇီယာ၊ အမ်ပိုလီ၊ မွန်ဇာအစရှိတဲ့အသင်းတွေမှာ အငှားသွားကစားခဲ့ရသူပါ။

ပြီးခဲ့တဲ့ ၂၀၂၄ နွေရာသီမှာ မွန်ဇာအသင်းကို အပြီးသတ်ပြောင်းရွှေ့ကစားခဲ့ပြီး အခု ဘယ်လ်ဂျီယံ၊ အစ္စရေးအသင်းတို့နဲ့ကစားခဲ့တဲ့ အီတလီအသင်းမှာ ရွေးချယ်ခဲ့ရတာပါ။

ဒန်နီယယ်မာလ်ဒီနီရဲ့ မိခင်ဖြစ်သူက ဗင်နီဇွဲလားလူမျိုးမော်ဒယ်တစ်ဦးဖြစ်ခဲ့တာကြောင့် သူ့အနေနဲ့ ဗင်နီဇွဲလားလက်ရွေးစင်အသင်းအတွက်လည်း ကစားခွင့်ရှိပေမယ့် သူက အဖိုး၊ ဖခင်ဖြစ်သူတို့ရဲ့ ခြေရာနင်းနိုင်အောင် အီတလီအသင်းကိုသာ ရွေးချယ်ခဲ့တာပါ

ရော်နယ်ဒိုကို နည်းပြမာတီနက်ဇ် ချီးကျူး
-----------------------
ပိုလန်အသင်းကို (၃)ဂိုး၊ (၁)ဂိုးနဲ့အနိုင်ရခဲ့တဲ့ နေးရှင်းလိဂ်ပွဲစဉ်မှာ ခြေစွမ်းပြနိုင်ခဲ့ပြီးနောက် အသင်းအတွက် သွင်းဂိုး(၁)ဂိုး သွင်းယူပေးနိုင်ခဲ့တဲ့ တိုက်စစ်မှူးရော်နယ်ဒိုကို ပေါ်တူဂီနည်းပြ မာတီနက်ဇ်က ချီးကျူးသွားခဲ့ ပါတယ်။ ရော်နယ်ဒိုဟာ အသက်(၃၉)နှစ်အရွယ်ရှိနေပြီဖြစ်ပေမယ့် အခုအချိန်ထိ အသင်းအတွက်အရေးပါတဲ့ ကစားသမားတစ်ယောက်ဖြစ်နေသလို သွင်းဂိုးတွေကို သွင်းယူပေးနေခဲ့တာကြောင့်လည်း နည်းပြမာတီနက်ဇ်က ချီးကျူးခဲ့တာပါ။

အသက်(၃၉)နှစ်အရွယ်ရှိနေပြီဖြစ်ပေမယ့် ရော်နယ်ဒိုရဲ့ခြေစွမ်းတွေက အခုအချိန်အထိ လူငယ် ကစားသမား တစ်ယောက်လို ကောင်းမွန်နေတုန်းပဲလို့ နည်းပြမာတီနက်ဇ်က ချီးကျူးခဲ့ပါတယ်။ ပွဲချိန်အတွင်း အသင်းအတွက် ခြေစွမ်းပြနေခဲ့တာကြောင့် အသက်(၃၉)နှစ်အရွယ်လို့တောင် မထင်ရဘူးလို့လည်း ဆက်လက် ပြောကြားခဲ့ပါ တယ်။ ရော်နယ်ဒိုဟာ အခုဘောလုံးရာသီမှာ အယ်နာဆာအသင်းအတွက် ခြေစွမ်းပြနေသလို ပေါ်တူဂီလက်ရွေး စင်အသင်းအတွက်လည်း သွင်းဂိုးတွေ သွင်းယူပေးနေခဲ့ပါတယ်။

🥲

💪

ရီးရဲလ်အသင်းနှင့် အမ်ဘာပေ လေ့ကျင့်
-------------------
ခြေထောက်ကြွက်သားဒဏ်ရာကြောင့် ပြင်သစ်အသင်းရဲ့နေးရှင်းလိဂ် လူစာရင်းမှာ မပါဝင်နိုင်ခဲ့တဲ့ ပြင်သစ် တိုက်စစ်မှူး အမ်ဘာပေဟာ ရီးရဲလ်အသင်းနဲ့အတူ အောက်တိုဘာလ(၁၄)ရက်နေ့က လေ့ကျင့်မှုတွေ ပြန်လည် ပြုလုပ်နေပြီဖြစ်ပါတယ်။

နေးရှင်းလိဂ်ပွဲတွေ မကစားခင်တုန်းက အမ်ဘာပေဟာ လိုင်လီအသင်းနဲ့ ကစားခဲ့တဲ့ ချန်ပီယံလိဂ်ပွဲစဉ်မှာ အရန်ကစားသမားအဖြစ် ဝင်ကစားခဲ့ပေမယ့် ပြင်သစ်နည်းပြ ဒက်ချမ့်စ်နဲ့ တိုင်ပင်အပြီးမှာတော့ ပြင်သစ် လူစာရင်းကနေ ချန်လှပ်ခံခဲ့ရတာပါ။ အမ်ဘာပေနဲ့လည်း ဆွေးနွေးခဲ့ပြီးပြီဖြစ်သလို သူ့ရဲ့ဒဏ်ရာက မပြင်း ထန်ပေမယ့် အရဲစွန့်ပြီး အသုံးမပြုချင်တဲ့အတွက် ပြင်သစ်လူစာရင်းကနေ ချန်လှပ်ခဲ့တာ ဖြစ်တယ်လို့ နည်းပြ ဒက်ချမ့်စ်က နေးရှင်းလိဂ်ပြိုင်ပွဲတွေ မတိုင်ခင်မှာ ပြောကြားခဲ့ပါတယ်။

အခုအချိန်မှာတော့ အမ်ဘာပေဟာ ခြေထောက်ကြွက်သားဒဏ်ရာကနေ ပြန်ကောင်းလာခဲ့ပြီဖြစ်ပြီး ရီးရဲလ် အသင်းနဲ့အတူ လေ့ကျင့်မှုတွေ ပြန်လည် ပြုလုပ်နေတာပါတယ်။ ရီးရဲလ်အသင်းအတွက် ကစားချင်တာကြောင့် ပြင်သစ်အသင်းရဲ့ လူစာရင်းမှာ မရွေးချယ်ဖို့ တောင်းဆိုခဲ့တယ်လို့ ထင်ကြတဲ့အတွက်လည်း ပြင်သစ်အသင်းရဲ့ ပရိသတ်တွေက အမ်ဘာပေကို ဝေဖန်မှုတချို့ လုပ်ခဲ့တာကိုလည်း တွေ့ခဲ့ရပါတယ်။