ဝေဟင်မှာ တစ်နာရီ ၁၂၄ မိုင်နှုန်း ပျံနိုင်တဲ့ မိုးပျံဆိုင်ကယ်
ပိုလန်သားတီထွင်သူ တိုမက်ဇ် ပါတန်ရဲ့ ဂျက်ဝါဝါတပ် မိုးပျံဆိုင်ကယ်က တကယ်ဖြစ်လာပါပြီ။
ပါတန်က သူ့ရဲ့ မိုးပျံဆိုင်ကယ်ကို Volonaut Airbikeလို့ နာမည်ပေးထားပြီး သူကိုယ်တိုင် စီးနင်းပျံသန်းပြခဲ့တာပါ။ Volonaut Airbike ကို သစ်တောနဲ့တောင်ကြားထဲ လက်တွေ့စီးပြတဲ့ ဗွီဒီယိုဖိုင်ကို Volonaut ရဲ့ YouTube မှာ ရှာကြည့်နိုင်ပါတယ်။
Volonaut ရဲ့ ဝက်ဘ်ဆိုက်မှာ Airbike တွေက လူတစ်ယောက်သယ်ဆောင်နိုင်ပြီး တစ်နာရီ ၁၂၄ မိုင်နှုန်းအထိ ပျံသန်းနိုင်တယ်လို့ ဆိုပါတယ်။ ကိုယ်ထည်ကို အကြမ်းခံပြီး ပေါ့ပါးတဲ့ အဆင့်မြင့် ကာဗွန်ဖိုက်ဘာနဲ့ 3D Printing နည်းပညာသုံး ထုတ်ထားတာပါ။
ပုံမှန်မော်တော်ဆိုင်ကယ်တွေထက် Volonaut Airbike တွေက ၇ ဆ ပိုပေါ့ပါးတယ်လို့ ပြောပါတယ်။ တခြား တစ်ကိုယ်ရေသုံး မိုးပျံယာဉ်တွေနဲ့ မတူတဲ့အချက်က Volonaut Airbike တွေမှာ ဂျက်အင်ဂျင်တွန်းစနစ်သုံးတာပါ။ ယာဉ်ကို အလိုအလျောက် ဟန်ချက်ထိန်းဖို့ flight ကွန်ပျူတာနဲ့ အဆင့်မြှင့်ထားတဲ့ ကိုယ်ပိုင် stabilization system တစ်ခုလည်း ပါပါတယ်။
Airbike က ဆိုင်ကယ်မောင်းသူကို အာကာပြင်ကနေ ၃၆၀ ဒီဂရီပတ်လည်ရှုစားလို့ရအောင် အမိုးမပါတဲ့ roofless ဒီဇိုင်းနဲ့ လာပါတယ်။ လွတ်လပ်လွင့်မျောခြင်းအရသာကို အသဲတအေးအေးခံစားချင်တဲ့ biker တွေအတွက်တော့ Airbike က အိပ်မက်တစ်ခုပါပဲ။
Volonaut Airbike တွေကို စီးပွားဖြစ်ထုတ်လာမလားဆိုတာတော့ မသိရသေးပါဘူး။ ဈေးကွက်ထဲ ရောက်မယ်ဆိုရင်တော့ Volonaut အတွက် ဝယ်လက်ရှားစရာမရှိဘူးလို့ ထင်ပါတယ်။

ဘေလ်လုံးဝမကုန်တဲ့ဖုန်း အာဖရိကလူငယ်တစ်ဦး တီထွင်
ဆိုင်မွန် ပီထရက်ဇ်ဆိုတဲ့ နမ်မီဘီးယားနိုင်ငံသား လူငယ်တစ်ယောက်ဟာ SIM Card မလို ၊ ဘေလ်ဖြည့်စရာမလိုဘဲ ဖုန်းခေါ်နိုင်တဲ့ မိုဘိုင်းဖုန်းတစ်မျိုး တီထွင်နိုင်ခဲ့ပါတယ်။
ဆယ်လူလာလိုင်းတွေ မလိုဘဲ ရေဒီယိုကြိမ်နှုန်းနဲ့ ဖုန်းခေါ်နိုင်တဲ့ device ပါ။ ဆိုင်မွန်က ဒီဖုန်းကို သုတေသနရန်ပုံငွေက ရတဲ့ ပိုက်ဆံနဲ့ တီထွင်ခဲ့တာ မဟုတ်ပါဘူး။ သူ့ဘာသာ ကျောင်းတက်ရင်း ဟိုကဒီကရတဲ့ အီလက်ထရွန်းနစ်အစိတ်အပိုင်းလေးတွေ စုပြီး ဖန်တီးခဲ့တာပါ။
သူ သုံးထားတဲ့ ပစ္စည်းတွေထဲမှာ ခေတ်ဟောင်း လက်ကိုင်ဖုန်းစုတ်ကြီးတစ်ခုဆီက ပစ္စည်းတွေ ပါသလို TV ဟောင်းကြီးက ထုတ်ထားတဲ့ ပစ္စည်းတွေလည်း ပါတာပါပဲ။ လှိုင်းတိုကြိမ်နှုန်းနဲ့ အပြန်အလှန်ဆက်သွယ်နိုင်မယ့် ရေဒီယိုစနစ်တွေလည်း ပါတာပါပဲ။
ဆိုင်မွန့်ဖုန်းမှာက TV ကြည့်လို့ရတဲ့ feature ပါသလို LED မီး ၊ fan နဲ့ USB အားသွင်းပေါက်တွေလည်း ပါပါတယ်။ ဒါတွေကို အိမ်ဖြစ် ဆားကစ်တစ်ခုနဲ့ မောင်းနှင်ပါတယ်။ ပြီးရင် ပါဝါ source တစ်ခုနဲ့ ချိတ်သုံးပါတယ်။
စစ်တပ်သုံး ဝေါကီတော်ကီ two-way ရေဒီယိုတွေနဲ့ တူပေမယ့် မတူတာက သူက လက်ကိုင်မိုဘိုင်းဖုန်းပုံစံ ပြောင်းလိုက်တာပါ။ ရေဒီယို signal မိတဲ့ အဝန်းအဝိုင်းအတွင်း ဘယ်နေရာမဆို Free ကောတွေ အကြိုက်ပြောနိုင်မှာပါ။
ဖုန်းလိုင်းမမိတဲ့နေရာတွေ ၊ သဘာဝဘေးကြောင့် ဆက်သွယ်ရေး ပြတ်သွားတဲ့ နေရာမျိုးမှာ ရွှေလိုအဖိုးတန်မယ့် တီထွင်မှုလို့ ဆိုနိုင်ပါတယ်။ ဒီတီထွင်မှုနဲ့ပဲ ဆိုင်မွန် ပီးထရက်ဇ်က ဆုရခဲ့ပါတယ်။
စိတ်မကောင်းစရာက အီလက်ထရွန်းနစ် အင်ဂျင်နီယာ‌မေဂျာနဲ့ သူဘွဲ့ရပြီးတာတောင် ၂ နှစ်ကြာပြီဆိုပေမယ့် အခုထိ သူ့နည်းပညာကို ဈေးကွက်ဝင်ထုတ်ကုန်အဖြစ် ထုတ်လုပ်ဖို့ ထောက်ပံ့မယ့်သူ မရှိသေးတာပါပဲ။
ဆိုင်မွန့်ရဲ့ ဘေလ်မကုန်တဲ့ ဖုန်းဟာ prototype အနေနဲ့ပဲ ရှိသေးသလို သူလည်း အခုထိ အလုပ်မရသေးပါဘူး။

ဒေါ်လာ ၇၀ တန် ဒီဂျစ်တယ်ကင်မရာ ထုတ်လိုက်တဲ့ Lenovo
ဒီဂျစ်တယ်ကင်မရာနဲ့ vlog ရိုက်ချင်သူတွေအတွက် ဈေးအသက်သာဆုံး compact ကင်မရာပါ။
JD.com မှာ တရားဝင်ရောင်းနေပြီ ဖြစ်တဲ့ Lenovo C55 ကင်မရာက ရုပ်ထွက်မြင့် ဓါတ်ပုံတွေကို detail ကျကျ ရိုက်နိုင်မယ့် 64MP 1/3" Sony CMOS sensor နဲ့ လာပါတယ်။ 18x digital zoom ပါတဲ့ ကင်မရာဖြစ်လို့ အနီးအဝေး subjects တွေ ရိုက်လို့ကောင်းပါမယ်။
ရုပ်ထွက်ကောင်းပြီး ကာလာ texture တွေ ကြွစေဖို့ ကင်မရာမှာ built-in Image Processing engine ထည့်ထားပါတယ်။ ကင်မရာက 4K video ရိုက်ကူးနိုင်ပြီး photo နဲ့ video mode ပြောင်းဖို့ စမတ် rotary control လေးတစ်ခု ပါပါတယ်။
ဒီခလုတ်လေးလှည့်ပြီး timer ပေးပြီး ဓါတ်ပုံရိုက်တာ ၊ ပုံတွေ ဆက်တိုက်ရိုက်တဲ့ burst mode သုံးတာ ၊ special effects သုံးတာ ၊ loop recording နဲ့ slow-mo ဗွီဒီယိုလို ကင်မရာ features တွေ သုံးနိုင်မှာပါ။ Lenovo C55 ကင်မရာမှာ built-in flash နဲ့ EIS ရုပ်ငြိမ်စနစ် ပါသလို ရိုက်ထားတဲ့ ပုံတွေ နဲ့ menu တွေ ကြည့်နိုင်မယ့် ၂.၈ လက်မ viewfinder လည်း ပါပါတယ်။
1300mAh ဘက်ထရီသုံးထားတာ ဖြစ်လို့ ဓါတ်ပုံရိုက်ဖို့ မိနစ် ၁၂၀ ဒါမှမဟုတ် ဗွီဒီယိုရိုက်ကူးရေးအတွက် မိနစ် ၈၀ ဆက်တိုက် အသုံးခံမှာပါ။ USB C port နဲ့ အားသွင်းနိုင်ပြီး 128GB အထိ storage တိုးနိုင်ဖို့ TF card support လည်း ပေးထားပါတယ်။ အဖြူတစ်ရောင်တည်းနဲ့ လာပြီး ကင်မရာနဲ့အတူ USB-C cable ၊ wrist strip နဲ့ storage bag လို accessory တွေလည်း တစ်ခါတည်း ပါမှာပါ။
64GB ဗားရှင်းကို ၄၉၉ ယွမ် (မြန်မာငွေ ၃ သိန်းဝန်းကျင်) နဲ့ 128GB ဗားရှင်း ၅၅၉ ယွမ် (မြန်မာငွေ ၃ သိန်း ၃ သောင်းကျော်) ဈေးတွေနဲ့ ‌ရောင်းချနေတာပါ။

မိမိရဲ့တန်ဖိုးကို မြှင့်တင်ဖို့ နည်းလမ်းများ
(၁) စကားကို လိုတာထက် ပိုမပြောနဲ့
“ကြမ်းကျွံတော့ နှုတ်၍ရ၊ စကားကျွံတော့ နှုတ်၍မရ” ဆို သလို စကားကို လိုတာထက် ပိုပြောသူတွေဟာ ပြင်လို့မရတဲ့အမှား တွေ ကြုံရနိုင်ပါတယ် ။ ဒါကြောင့် စကားကို လိုတာထက် ပိုမပြောမိအောင် ဂရုစိုက်ပါ ။
(၂) ပျာယာခတ်တတ်တဲ့ အကျင့်ရှိရင် ပြင်ပါ
အရာရာကို အလျင်စလိုနဲ့ ပျာယာခတ်နေတာဟာ ကိုယ့်ရဲ့ တန်ဖိုးကို ကျစေပါတယ် ။ ဖျတ်လတ်တာနဲ့ ပျာယာခတ်တာကလည်း မတူပါဘူး ။ အရာရာကို တည်တည်ငြိမ်ငြိမ်နဲ့ အေးအေးဆေးဆေး လုပ်ဆောင်တတ်တဲ့အကျင့်ဟာ ကိုယ့်တန်ဖိုးတွေကို တက်စေပါလိမ့်မယ် ။
(၃) ဘူကောင်တွေကို ရှောင်ပါ ။
ကိုယ့်ရဲ့အကြည်ဓာတ် မပျောက်ဆုံးဖို့နဲ့ ကိုယ့်တန်ဖိုးကို မြှင့် တင်ဖို့ဆိုရင် ဘူကောင်တွေကို ရှောင်ပါ ။ ဘူကောင်ဆိုတာ အမြဲတမ်း မကောင်းမြင်နေတတ်သူတွေ ၊ ကိုယ့်ဘဝကို စိတ်တိုင်းမကျသူတွေ ၊ အခြားလူတွေရဲ့ဘဝကို ကြည့်ပြီး ကိုယ့်ဘဝနဲ့ နှိုင်းယှဉ်နေတတ်သူတွေ ၊ ဘဝကို မပျော်ရွှင်မှုတွေ ၊ ကံမကောင်းမှုတွေနဲ့ပဲ ဖြတ်သန်းနေတတ်သူတွေပါ။ အဲဒီလို ဘူနေတဲ့လူတွေနဲ့ ပေါင်းရင် ကိုယ့်ဆီကို Negative energy တွေ ကူးစက်လာနိုင်ပါတယ် ။ ဓာတ်ဆိုတာ ကူး စက်တတ်တဲ့သဘောရှိတာမို့ ကိုယ့်အတွက် Vibes ကောင်းတဲ့လူတွေနဲ့သာ ထိတွေ့ဆက်ဆံပါ ။
(၄) စိတ်ဓာတ်ကို မာကျောနေအောင် လေ့ကျင့်ပါ ။
ခံစားပါ မပေါက်ကွဲပါနဲ့ ။ စာနာပါ မပျော့ညံ့ပါနဲ့ ။ အကောင်းမြင်ပါ ၊ မအ,ပါနဲ့ ။ ဘယ်လိုအခြေအနေကြုံကြုံ အကောင်းမွန်ဆုံး တုံ့ပြန်နိုင်ဖို့ဆိုရင် စိတ်ဓာတ်ကို မာကျောအောင် လေ့ကျင့်ပါ ။
(၅) မိမိကိုယ်ကို ချစ်ပေးပါ ။
တခြားသူတွေကို မချစ်ခင်မှာ မိမိကိုယ်မိမိ ချစ်ပေးပါ ။ တခြားသူတွေကို တန်ဖိုးမထားခင်မှာ မိမိကိုယ်မိမိ တန်ဖိုးထားပါ ။ မိမိရဲ့တန်ဖိုးကို မြှင့်တင်ဖို့အတွက် ကိုယ့်ကိုယ်ကိုယ် ချစ်ပေးဖို့ ၊ တန်ဖိုးရှိအောင် ၊ တန်ဖိုးတက်အောင် အမြဲတမ်း ကိုယ့်တန်ဖိုးကို သွေးနေဖို့ လိုအပ်ပါတယ် ။
#တိမ်သွေးအိမ်

#knowledge #ဗဟုသုတ

ကော်ဖီပူပူလေးနဲ့ မိုးရာသီရဲ့ ဆွဲဆောင်မှု
မိုးရာသီရဲ့ အေးစက်စက် လေပြည်နဲ့ ကော်ဖီပူပူလေးတစ်ခွက်က ခွဲလို့မရတဲ့ အတွဲအစပ်တစ်ခုလိုပါပဲ။ ပြတင်းပေါက်အပြင်ဘက်မှာ မိုးဖွဲဖွဲလေးကျနေတဲ့ မြင်ကွင်း၊ အေးစိမ့်တဲ့ ရာသီဥတုနဲ့အတူ ကိုယ်လက်လှုပ်ရှားမှုတွေ နည်းပါးလာချိန်မှာ ကော်ဖီရဲ့ သင်းပျံ့တဲ့ ရနံ့က စိတ်ကို ဖြေလျော့ပေးနိုင်စွမ်း အပြည့်ရှိပါတယ်။
မနက်ခင်းဖြစ်ဖြစ်၊ ညနေပိုင်းဖြစ်ဖြစ်၊ မိုးစက်တွေ ပြတင်းပေါက်ကို တဖျောက်ဖျောက် ရိုက်ခတ်နေတဲ့အချိန်မျိုးမှာ ကိုယ်ကြိုက်တဲ့ ကော်ဖီတစ်ခွက်ကို ငှဲ့သောက်ရတာဟာ တစ်နေ့တာရဲ့ အကောင်းဆုံး အချိန်လေးတစ်ခုပါ။ ခါးသက်သက်အရသာနဲ့ မွှေးကြိုင်တဲ့ ကော်ဖီရနံ့က နှာဖူးထဲ စွဲနေပြီး ကိုယ်တွင်းအပူချိန်ကို မြင့်တက်စေတာကြောင့် အေးစိမ့်တဲ့ ရာသီဥတုဒဏ်ကို ခုခံပေးနိုင်ပါတယ်။ ကော်ဖီမှာပါတဲ့ ကဖိန်းဓာတ်က ဦးနှောက်ကို လန်းဆန်းစေပြီး လေးလံထိုင်းမှိုင်းမှုတွေကို ပြေပျောက်စေတာကြောင့် မိုးရာသီမှာ အိပ်ချင်စိတ်များပြီး နေမကောင်းသလို ခံစားရတတ်သူတွေအတွက်တော့ အကောင်းဆုံး ဆေးတစ်ခွက်ပါပဲ။
တချို့သူတွေကတော့ ကော်ဖီပူပူလေးတစ်ခွက်နဲ့အတူ စာအုပ်ကောင်းကောင်းလေးတစ်အုပ် ဖတ်တာကို ပိုနှစ်သက်ကြပါတယ်။ တိတ်ဆိတ်ငြိမ်သက်တဲ့ မိုးရာသီ ညနေခင်းတွေမှာ ကော်ဖီသောက်ရင်း ကိုယ်နှစ်သက်တဲ့ စာအုပ်ထဲမှာ နစ်မြောနေတာဟာ ဘဝရဲ့ စိတ်ကူးယဉ်ဆန်တဲ့ အချိန်လေးတွေထဲက တစ်ခုပါ။ အလုပ်ကိစ္စတွေ၊ စိတ်ဖိစီးမှုတွေနဲ့ ဝေးကွာပြီး ကိုယ်ပိုင်အချိန်လေးကို အပြည့်အဝ ပိုင်ဆိုင်ရသလို ခံစားရပါတယ်။
မိုးရာသီမှာ ကော်ဖီဆိုင်လေးတွေဟာလည်း ပိုပြီး စည်ကားလာတတ်ပါတယ်။ သူငယ်ချင်းတွေနဲ့အတူ ကော်ဖီဆိုင်မှာ စကားစမြည်ပြောရင်း မိုးရေထဲကို ငေးမောကြည့်နေရတာကလည်း ပျော်ရွှင်စရာ အတွေ့အကြုံတစ်ခုပါ။ ကော်ဖီဆိုင်ရဲ့ နွေးထွေးတဲ့ အငွေ့အသက်နဲ့ ကော်ဖီရနံ့က လူမှုပတ်ဝန်းကျင်ကို ပိုပြီး နွေးထွေးစေသလိုပါပဲ။
ဒါကြောင့် မိုးရာသီရောက်လာပြီဆိုရင် ကော်ဖီပူပူလေးတစ်ခွက်ကို ပြင်ဆင်ပြီး ဒီရာသီရဲ့ လှပမှုနဲ့ တိတ်ဆိတ်အေးချမ်းမှုကို အပြည့်အဝ ခံစားကြည့်ဖို့ တိုက်တွန်းချင်ပါတယ်။ ပရိတ်သတ်ကြီးရော မိုးရာသီနဲ့ ကော်ဖီကို ဘယ်လိုမျိုး ခံစားမိလဲခင်ဗျာ။

ပရိုတိန်း မစားနိုင်လို့ ကြွက်သားမကြီးနိုင်တော့ဘူးလား?

တစ်နေ့ကို creatine ၀.၉၅ ဂရမ်ထက်နည်းပီးစားသုံးသည့် အသက် ၆၀ နှစ်အထက် လူကြီး ၁,၃၄၀ ယောက်၏ သိမြင်မှုဆိုင်ရာ စွမ်းဆောင်ရည် Cognitive function စမ်းသပ်ကြည့်ရာတွင် တစ်နေ့လျှင် ၀.၉၅ ဂရမ်ထက်ပိုမို စားသုံးသူများနှင့် နှိုင်းယှဉ်လျှင်ပိုမိုညံ့ဖျင်းသော ရလဒ်များနှင့် ဆက်စပ်နေကြောင်း တွေ့ရှိခဲ့သည်။Creatine ပိုစားဖို့လိုပါကြောင်း။
2025 international society of sports nutrition

ဒီအချိန်မှာပြန်တွေ့တာဘာလုပ်ရမှာလဲ <br>လွှမ်းမိုး

အိပ်စက်ခြင်းနှင့် ကိုယ်အလေးချိန်ကျခြင်း ဆက်နွယ်မှု
အိပ်မပျော်ရင် ကိုယ်အလေးချိန် ဘယ်တော့မှ မကျဘူး
ဘာကြောင့်လဲဆိုတော့ Raptin Hormone ကြောင့်ပဲ။
-Raptin=နှစ်ခြိုက်စွာ အိပ်ပျော်ချိန်မှာသာ ထွက်တဲ့ အသစ်ရှာဖွေတွေ့ရှိသော ဟော်မုန်း
-ဗိုက်ဆာတာကို လျော့ချပေးနိုင်တယ်၊ အစာချေခြင်းကိုနှေးကွေးစေတယ်၊ အဆီလောင်ကျွမ်းမှုကို ပုံမှန်ထိန်းပေးတယ်
-ဦးနှောက်ရဲ့ hypothalamus နှင့် အစာအိမ်ကို သက်ရောက်
နိုင်ပီး၊အစားအစာ တောင့်တမှုကို လျှော့ချပေးနိုင်တယ်
-အရေးကြီးတဲ့ metabolism signaling (PI3K-AKT pathway) ကို activate လုပ်ပေးတယ်
-အအိပ်နည်း = Raptin နည်း = အမြဲဗိုက်ဆာ + အဆီပိုစု
လိုတိုရှင်းပြောရရင် အအိပ်က ဇိမ်ခံတာမဟုတ်ပါ။ metabolism အတွက် မဖြစ်မနေ လိုအပ်ချက်တစ်ခုပါ။**
လက်တွေ့အကြံပြုချက်များ-
- တစ်နေ့လျှင် အနည်းဆုံး ရ-၉ နာရီ အိပ်ပါ
- အိပ်ချိန် ပုံမှန်ထားပါ
- အိပ်ရာဝင်မီ ၂ နာရီအရင် အစာမစားပါနဲ့တော့
- အိပ်ခန်းကို မှောင်မိုက်အေးမြအောင် လုပ်ထားနိုင်ရင်
ပိုကောင်းတယ်။