မနေ့က ကစားခဲ့တဲ့မက်ဒရစ်ဒါဘီမှာ အက်သလက်တီကိုမက်ဒရစ်အသင်းနဲ့ (၁-၁)ဂိုးစီသရေကျခဲ့ပြီးနောက် ရီးရဲလ်မက်ဒရစ်အသင်းဟာ လာလီဂါမှာရှုံးပွဲမရှိတာ ပွဲ(၄၀)ဆက်တိုက် ရှိလာခဲ့ပါတယ်။
ရီးရဲလ်မက်ဒရစ်အသင်းဟာ ပြီးခဲ့တဲ့ ၂၀၂၃-၂၄ ဘောလုံးရာသီ လာလီဂါပွဲစဉ်(၆) အက်သလက်တီကိုမက်ဒရစ်(၃-၁)ရီးရဲလ်မက်ဒရစ်ပွဲမှာ ရှုံးနိမ့်ပြီးကတည်းက လာလီဂါပွဲစဉ်တွေမှာ လုံး၀ ရှုံးပွဲမရှိတော့တာဖြစ်ပါတယ်
>>>>>>>>>>
ရီးရဲလ်မက်ဒရစ်အသင်းဟာ ဒီလာလီဂါပွဲ(၄၀)မှာ နိုင်ပွဲ(၂၉)ပွဲရှိခဲ့ပြီး သရေပွဲ(၁၁)ပွဲရှိခဲ့ပါတယ်။
လာလီဂါပြိုင်ပွဲမှာ ပွဲအများဆုံးဆက်တိုက်ရှုံးပွဲမရှိ စံချိန်တင်ထားတာက ဘာစီလိုနာအသင်းဖြစ်ပါတယ်။
ဘာစီလိုနာအသင်းဟာ နည်းပြဗယ်လ်ဗာဒီလက်ထက် ၂၀၁၇ ဧပြီလနဲ့ ၂၀၁၈ မေလအကြားမှာ လာလီဂါပွဲ(၄၃)ပွဲကို ရှုံးပွဲမရှိကစားပြီး ပြိုင်ပွဲသမိုင်းတစ်လျှောက်အရှည်ကြာဆုံး(ပွဲအများဆုံးဆက်တိုက်)ရှုံးပွဲမရှိ စံချိန်တင်ထားတာပါ။
ရီးရဲလ်မက်ဒရစ်အသင်းဟာ လာမယ့်လာလီဂါပွဲတွေမှာ ဗီလာရီးရဲလ်(အိမ်ကွင်း)၊ ဆယ်လ်တာဗီဂို(အဝေးကွင်း)၊ ဘာစီလိုနာ(အိမ်ကွင်း)ပွဲစဉ်တွေ ကစားရမှာဖြစ်လို့ ဘာစီလိုနာနဲ့ကစားမယ့် El Clásico အိမ်ကွင်းပွဲစဉ်က အသင်းရဲ့(၄၃)ပွဲမြောက် ရှုံးပွဲမရှိစံချိန်ကို ရယူရမယ့်ပွဲဖြစ်နေပါတယ်။
ဒါကြောင့် ဘာနေဗျူးကွင်းမှာ ကစားရမယ့် El Clásico ပွဲစဉ် ရီးရဲလ်မက်ဒရစ်-ဘာစီလိုနာပွဲမှာ ရီးရဲလ်မက်ဒရစ်အသင်းအနေနဲ့ ဘာစီလိုနာရဲ့ရှုံးပွဲမရှိစံချိန်ကို လိုက်မီမလား ... ဘာစီလိုနာက သူတို့စံချိန်တည်မြဲအောင် ရီးရဲလ်မက်ဒရစ်အသင်းကို အနိုင်ယူမလားဆိုတာ စိတ်ဝင်စားစရာကောင်းနေပါတယ်။
