အခန်း (၁) ..
တစ်နေ့က မိုးကုတ်ကျောက်မျက်ရတနာများဆိုတဲ့ ကျောက်ပုံတွေနဲ့ကျောက်နာမည်တွဲထားတဲ့ ဓာတ်ပုံလေးတင်လိုက်တော့ မိုးကုတ်ကျောက်အကြောင်းကို စိတ်ဝင်းစားမှုများကြတာတွေ့ရလို့...
ဆရာမောင်ထွန်းဦး(မိုးကုတ်)ရေးသားထုပ်ဝေထားတဲ့ ``ကမ္ဘာကသိတဲ့ မြန်မာ့ပတ္တမြားမြေ" ဆိုတဲ့စာအုပ်ထဲမှ အချက်လက်တွေကို အခန်းဆက်အနေနဲ့ ပထမဦးဆုံးရေးတင်ပေးသွားပါမယ်......မိုးကုတ်တွင်းထွက်ကျောက်များနှင့် မွေးနံအလိုက်၊နေ့နံအလိုက်နှင့် မိမိမွေးနံနဲ့လိုက်ဖက်၍ဝတ်ဆင်သင့်သောကျောက်များ / အရောင်များကို ဖော်ပြပေးသွားပါမည်။....
မိုးကုတ်မြို့ဟာ ကျောက်မျက်ရတနာမျိုးစုံထွက်ရှိရာ ဒေသဖြစ်ပါတယ်။ကျောက်မျက်ရတနာမျိုးစုံစွာ ထွက်ရှိတဲ့အထဲမှာမှ လူသိများပြီး ကျောက်မျက်ရတနာစျေးကွက်တွင် အရောင်းဝယ်ဖြစ်နေတဲ့ ကျောက်မျိုးနွယ်များမှာ အောက်ပါအတိုင်းဖြစ်ပါသည်။....
(၁) ပတ္တမြား(RUBY)
ပတ္တမြားမှာ မြန်မာနိုင်ငံတွင်းထွက်ရတနာများထဲတွင် နာမည်အကြီးဆုံးနှင့် လူကြိုက်အများဆုံးရတနာဖြစ်သည်။ ပတ္တမြားကို ရှေးမြန်မာမင်းများခေတ်ကပင် နန်းသုံးတော်ဝင်ရတနာအဖြစ်သတ်မှတ်ခဲ့ပြီး လယ်သီးရည်ကို အကောင်းဆုံးကျောက်အရည်ဟု သတ်မှတ်ခဲ့ပါသည်။
ဒါပေမဲ့ ယနေ့ခေတ်မှာတော့ လယ်သီးရည်ဟာ ကျောက်အရည်ကြီးသည်လို့ယူဆကြပြီး လယ်သီးအရည်ထက်အောက်တဆင့်ကျသော အရည်ကိုအကောင်းဆုံးလို့သတ်မှတ်ထားကြပါတယ်။ ပတ္တမြားအရောင်ဟာ အနီရောင်ဖြစ်ပြီး အရောင်မှဲ့မှသည် အနီရင့်ရောင်ထိ ရှိပါသည်။ ပတ္တမြားအရောင်အလိုက် ကျောက်မျက်အရည်အသွေးကို အောက်ဖော်ပြပါအတိုင်း သတ်မှတ်ခေါ်ဝေါ်ကြပါသည်။
၁။ လယ်သီးရည် - - ကြက်ဖလည်ပင်
သွေးနီရောင်မျိုး။
၂။ ငရှည့်သွေးရည် - - ငရှည့်သွေးကဲ့သို့
ပြည့်ဝသောအနီရောင်မျိုး။
၃။ ခိုသွေးရည် - - - ခိုသွေးကဲ့သို့အနီရောင်
(အနီတွင်အပြာရည်
အနည်းငယ်ရောနှောနေသောအရောင်)
၄။ ယုန်သွေးရည် - ယုန်သွေးကဲ့သို့အနီရောင်။
(အနီတွင်အဝါရောင်ရည်အနည်းငယ်
ရောနှောနေသောအရောင်)
၅။ ဘုံဘိုင်ညွန့်ရည် - နှင်းဆီပန်းအနီရောင်။
၆။ ဘုံဘိုင်ရည် - အနီရောင်သက်သက်။
၇။ ကြက်သွန်ဥခွံအရည် - အနီရောင်ဖျော့
သည့်အပြင်၊ ဖြူသယောင်ယောင်အရည်မျိုး။
၈။ ထုံးခြောက်အရည် - နီသော်လည်းဖြူ၍
ခြောက်တောက်တောက်နေသောအရည်မျိုး။
၉။ကြက်သည်းရည် - ညိုပုပ်ပုပ်နှင့်မည်းယောင်နီသော အနီပုပ်ရောင်အရည်မျိုး။....
ပတ္တမြား၏အသား အမျိုးအစားကိုမှု အောက်ပါအတိုင်းသတ်မှတ်ခေါ်ဝေါ်ကြပါသည်။။။
၁။ မှန်သား - ကြည်လင် သိပ်သည်းကျစ်လျစ်၍ အလင်းရောင်ဒိုးယိုပေါက်သော အလင်းပေါက်ကျောက်သား။
၂။ ဖန်သား - မှန်သားလောက်မကြည်လင်း
သော်လည်း အသားကျစ်လျစ်သိပ်သည်းချောမွတ်သောကျောက်သား။
၃။ ဖယောင်းသား - ဖန်သား/မှန်သားကဲ့သို့ မကြည်လင်ဘဲ ဖယောင်းပမာ သိပ်သည်းကျစ်လျစ်သော ချောမွေ့သောကျောက်သား။။
၄။ ချိတ်သား - တစ်ဖက်မှတစ်ဖက်သို့ အရောင်မမြင်နိုင်အောင် ပိတ်ဆို့နေပြီး ပျစ်ထိုင်းထိုင်းရှိသောကျောက်သား။
၅။ ဖရဲအူသား - မကျစ်လျစ်ဘဲ ပွယောင်းယောင်းရှိသော ကျောက်သား။
၆။ ဆီးသီးမှဲ့သား - အဆီထုတ်ထားသော
ထင်းရှူးကဲ့သို့ပွနေသောအသား၊ ဆီးသီးမှဲ့လို
ဖြစ်နေသောကျောက်သား။
ပတ္တမြား၏မာဆင့်မှာ ၉ ဖြစ်ပြီး၊ သိပ်သည်းဆမှာ ၃.၉၆နှင့် ၄.၁ကြားတွင်ရှိပါသည်။
အလင်းယိုင်ညွှန်ကိန်းမှာ ၁.၇၆ မှ ၁.၇၇ အထိရှိပါသည်။......
မိုးကုတ်မြို့ထွက် ကျောက်မျက်ရတနာထဲမှ
ပတ္တမြားအကြောင်းကို ဒီမှာတင်ပဲ ရပ်နားပြီး
နောက်ပိုင်းမှ တခြားကျောက်မျက်ရတနာများ
ကိုလဲ ဆက်ပြီးရေးတင်ပေးသွားပါမည်။..
ကိုးကာ .....ဆရာမောင်ထွန်းဦး(မိုးကုတ်)
ရေးသားထားသည့်
" ကမ္ဘာကသိတဲ့ မြန်မာ့ပတ္တမြားမြေ"စာအုပ်
အခန်း (၂) ... နီလာ ၊ ဣန္ဒနီလာ ၊ ဥဿဖယား ၊ အညံ့ကျောက် အကြောင်းများကိုရေးသွားပါမည်။
အမြင်လေးတွေလဲဝေမျှပေးခဲ့ပါအုံးဗျ မန့်မှာ....
( ပတ္တမြားကျောက်မျက်ရတနာပုံတော့ ကျွန်တော်မှာ မရှိလို့ တွဲမတင်လိုက်တော့ပါဘူးဗျ.. အဲ့အတွက်တောင်းပန်ပါတယ်...အင်တာနက်လိုင်းပေါ်မှာရှိပေမဲ့ အရောင်းဝယ်လုပ်နေတဲ့ ကျောက်တွေမို့ ကျွန်တော်ယူမသုံးလိုက်တာပါ...သူများပုံတွေဆိုတော့ ခွင့်ပြုချက်မတောင်းရင် မကောင်းလို့ပါဗျ). ..
Crd
Credit..