၂၀၀၉ နဲ့ ၂၀၁၁ ခုနှစ်ကြားကာလအတွင်း ကယ်လီဖိုးနီးယားပြည်နယ်၊ ဆန်ဒီယေဂိုမြို့မှာ အသက် ၇၀ အရွယ်ခန့်ရှိတဲ့ အမျိုးသားတစ်ဦးဟာ ဘဏ် ၁၆ ခုကို ဓားပြတိုက်ခဲ့ပါတယ် သူဟာ ဘဏ်စာရေးမဆီကို ချဉ်းကပ်ပြီး သေနတ်ပြကာ ပိုက်ဆံတွေတောင်းယူလေ့ရှိပါတယ်
အဖိုးကြီးပုံစံဖြစ်နေတာကြောင့် FBI က သူ့ကို "Geezer Bandit" လို့ နာမည်ပေးခဲ့ပေမယ့် တချို့ကတော့ သူ့ရဲ့ လျင်မြန်ဖျတ်လတ်မှုတွေက အသက်အရွယ်နဲ့မလိုက်အောင် ဖြစ်နေတာကြောင့် အသက်ငယ်ရွယ်သူတစ်ဦးက အဆင့်မြင့်မျက်နှာဖုံးကို အသုံးပြုထားတာ ဖြစ်နိုင်တယ်လို့ သံသယဝင်ခဲ့ကြပါတယ်
၂၀၁၁ ခုနှစ်၊ ဒီဇင်ဘာလ ၂ ရက်နေ့မှာ "Geezer Bandit" ဟာ ဆန်လူဝီစ်အော့ဘစ်စပို (San Luis Obispo) မြို့မှာရှိတဲ့ ဘဏ်တစ်ခုကို ဓားပြတိုက်ခဲ့ပါတယ် အဲဒီဓားပြတိုက်မှုမှာ ဘဏ်စာရေးမ ပေးလိုက်တဲ့ ပိုက်ဆံအိတ်ထဲမှာ ဆေးဆိုးဗုံး (dye-pack) ပါဝင်လာခဲ့ပါတယ် ဘဏ်အပြင်ဘက်ရောက်တာနဲ့ အဲဒီဗုံးက ပေါက်ကွဲပြီး မီးခိုးတွေနဲ့ အနီရောင်ဆိုးဆေးတွေက သူ့ကို ပေကျံသွားစေခဲ့ပါတယ်
ဒါဟာ သူ့ရဲ့ ပထမဆုံးအကြိမ် မအောင်မြင်တဲ့ ဓားပြတိုက်မှုဖြစ်ပြီး သူ့ကို မှတ်မိနိုင်တဲ့ သဲလွန်စတွေကိုလည်း ထားခဲ့မိပါတယ် စောင့်ကြည့်ကင်မရာမှတ်တမ်းတွေမှာ ဆိုးဆေးတွေ ပေကျံနေတဲ့သူဟာ လမ်းဘေးမှာ ဒူးထောက်ပြီး ပိုက်ဆံအချို့ကို ကောက်နေတာကို တွေ့ခဲ့ရပါတယ် ဒီအဖြစ်အပျက်နောက်ပိုင်းမှာတော့ "Geezer Bandit" ဟာ လုံးဝ ပျောက်ကွယ်သွားခဲ့ပါတယ်
ဒီနေ့အချိန်အထိ သူ့ကို ဖမ်းမိခြင်းမရှိသေးဘဲ သူဘယ်သူဖြစ်တယ် ဘယ်ရောက်နေတယ်ဆိုတာကို ဘယ်သူမှ မသိကြပါဘူး FBI က သူ့ရဲ့သတင်းပေးနိုင်တဲ့သူကို ဆုငွေ ဒေါ်လာ ၂၀,၀၀၀ ပေးမယ်လို့လည်းကြေညာထားဆဲ ဖြစ်ပါတယ်
#knowledge #ဗဟုသုတ #facts #whatthefacts