·
🔴Dario sp.’Myanmar’ ( Black Tiger Dario )🔴
Black Tiger Dario လေးတွေဟာ မြန်မာ့မြေမှထွက်‌ေသာ သက်ရှိအဖိုးတန်ငါးတစ်မျိုးဖြစ်ပါတယ်။
ခန္ဓာကိုယ်ပေါ်က စုံလင်လှသောအရောင်အသွေးများကြောင့် Pyjamas Dario ( Small is Beautiful ) ဆိုတဲ့နာမည်ကိုလဲ ပိုင်ဆိုင်ထားပါတယ်။ နို့နှစ်ရောင် ခန္ဓာကိုယ်ပေါ်မှာတောက်ပတဲ့ အနီရောင်ရင့်ရင့် နဲ့ အနက်ရောင်ဒေါင်လိုက်စင်းကြောင်းတွေဟာ တစ်ဝက်စီနီးပါး ပါရှိပြီး အမြှီးအတောင်တွေရဲ့အနားစွန်းကို လျှပ်ပြာရောင် လေးတေွနဲ့အနားသတ်ထားပါတယ်။
မြန်မာမျိုးရင်းဖြစ်ပေမဲ့ ဒီငါးလေးတွေဟာ လက်ရှိအချိန်မှာ မြန်မာနိုင်ငံထဲမှာကို မွေးမြူထားသူအရေအတွက်ကအလွန်နဲပါးပြီး ရှိလို့ရှိမှန်းတောင်မသိကြပါဘူး ။ အကယ်၍ ဒီငါးလေးကိုစိတ်ဝင်စားလို့မွေးမြူချင်တယ်ဆိုရင် ဘယ်လိုအချက်အလက်တွေသိသင့်လဲဆိုတာကို အောက်မှာလေ့လာကြည့်လို့ရပါတယ်နော် 😊
* မူလဇာတိ = Black Tiger Dario တွေကို မြန်မာနိုင်ငံမြောက်ပိုင်း ၊ ကချင်ပြည်နယ် မြစ်ကြီးနားမြို့အနီးမှာရှိတဲ့ မြစ်ဆုံဒေသမှာတစ်ဝိုက်မှာတွေ့ရှိရပါတယ်။ လက်ရှိအချိန်ထိတော့ ထိုဒေသမှာပဲတွေ့ရှိရသည်ဟုဖော်ပြပေးထားပြီး ကမ္ဘာ့ဈေးကွက်မှာပါရှားပါးမျိုးစိတ်အဖြစ်မှတ်တမ်းတင်ထားပါတယ်။
*ရေအမျိုးအစား = ရေချိုအမျိုးအစားနဲ့မွေးမြူပေးရပြီး water hardness 18 – 90ppm အတွင်းမှာမွေးမြူပေးရပါမယ်။
* အပူချိန် / pH = ကချင်ပြည်နယ်ရာသီဥတုက အေးမြတဲ့အနေထားရှိတဲ့အတွက် ကန်အတွင်းမှာလဲသူတို့ရဲ့မိခင်သဘာဝအတိုင်း ပြင်ဆင်ပေးရပါမယ် ။ အပူချိန် 15 – 25°C ( 59 – 77°F ) နဲ့ pH 7.0 – 9.0 ကြားမှာမွေးမြူရပါမယ်။
* အကြီးဆုံးရောက်နိုင်သောအရွယ်အစား = အရွယ်အစားသေးငယ်သောငါးမျိုးများဖြစ်သည့်တွက် အကြီးဆုံး 1 – 1.5 လက်မ ( 2.5 – 3.8 cm ) လောက်ထိပဲကြီးထွားနိုင်ပါတယ် ။ အတွေ့ရများတာက‌တော့ 0.5 – 1 လက်မ ( 1.3 – 2.5 cm ) ပဲဖြစ်ပါတယ်။
* ကန်အရွယ်အစား = အရွယ်အစားသေးငယ်တဲ့အတွက် သူတို့တွေတစ်မျိုးထဲမွေးမယ်ဆို 1′ × 1′ ပတ်လည်ကန်တွေကအဆင်ပြေပေမဲ့ အခြားသောငါးများပါရောထည့်ရင် 2 ‘ × 1’ကန်‌ေတွမှသာအဆင်‌ေပြပါမယ်။
* သက်တမ်း = သဘာဝသက်တမ်းက 3-6 yrs အထိနေနိုင်တဲ့အတွက် လိုအပ်သောစောင့်ရှောက်ပေးနိုင်ပါကသက်တမ်းစေ့နေနိုင်မှာပဲဖြစ်ပါတယ်။
* အမူအကျင့် = သူတို့လေးတွေက သဘာဝထဲမှာဆိုရင် ရေစီးဆင်းမှုနှေးတဲ့ ရေတိမ်ချောင်းလေးတွေထဲမှာရှိတဲ့ ကျောက်တုံးကျောက်ဆောင်ကြား ၊ သစ်တုန်း ၊ သစ်ရွက်ဆွေး ၊အပင်တွေကြားထဲမှာ ကိုယ်ပိုင်နယ်နိမိတ်သတ်မှတ်ပြီးနေထိုင်ကြပါတယ်။ အထီးအမနှိုင်းယှဉ်မယ်ဆို အထီးတွေကအမတွေထက် ပိုရန်လိုမှုများပါတယ်။ မိမိ နယ်နိမိတ်ကျော်လာတဲ့အခြားငါး ၊ သို့မဟုတ် ငါးထီးအချင်းချင်းဖြစ်ပါက ပို၍တိုက်ခိုက်ကြပါတယ်။
* အစားအစာ = သဘာဝမှာ ချောင်းတွေထဲမှာမျှောပါလာသော ပိုးမွှားအသေးများ ၊ ရေတီ ၊ ဆိုက်ကလိုစ့်( cyclops ) ၊ ရေပိုး ၊ စသည်တို့ကိုစားသုံးကြတဲ့အတွက် သူတို့တွေကိုငါးကန်အတွင်းမွေးတဲ့အခါမှာ အစာခြောက်ကျွေးမရခြင်းကလဲအခက်အခဲတစ်ခုဖြစ်ပါတယ်။
အစာရှင်များမကျွေးလိုပါက အေးခဲထားသော အစာစိုများကျွေးနိုင်ပါတယ်။
* အုပ်စုဖွဲ့နေထိုင်မှုရှိမရှိ = အုပ်စုဖွဲ့နေထိုင်ကြပေမဲ့ ငါးတစ်အုပ်မှာ အထီး၁ကောင် အမ ၂ကောင်သို့မဟုတ် ၄ ကောင်ခန့်တွဲမွေးရပါမယ်။ အထီးအရေအတွက်များခြင်းက ကန်ကျယ်ပြီး ပုန်ခိုစရာများပါကပြဿနာမရှိပေမဲ့ ကန်ကျဉ်းပြီးပုန်းခိုစရာနဲတဲ့အခါ စိတ်ဖိစီးမှုများ‌ေစပါတယ်။
* တွဲဖက်မွေးနိုင်သောငါးအမျိုးအစား = Black Tiger Dario တေွက အရွယ်အစားအလွန်သေးငယ်တဲ့အတွက် tankmate ရွေးတဲ့အခါ ရန်လိုမှုနဲသော ၊ ‌အကောင်အရွယ်အစားတူညီသောငါးများသာရွေးချယ်သင်ါပါတယ်။ ဥပမာ neon tetra , Rosy Barb , Tiger Barbs , etc…
* ထိန်းသိမ်းဂရုစိုက်မှု = အရွယ်အစားသေးငယ်ပြီး ၊ အညစ်အကြေးစွန့်ပစ်မှုနည်းတဲ့အတွက် တစ်ပတ်တစ်ခါ 30% ရေလဲပေးခြင်းက ရေအရည်အသွေးကိုထိန်းသိမ်‌းပေးနိုင်ပါတယ်။
* ကန်အပြင်အဆင် = သူတို့တွေကိုအများအားဖြင့် အပင်ကန် တွေမှာအမွေးများကြပါတယ်။ အပင်ကန်မဟုတ်ရင်တောင် သဘာဝနဲ့အနီးစပ်ဆုံးတူအောင်ဖန်တီးပေးသင့်ပါတယ်။ အောက်ခံမြေကိုချောင်းသဲ ၊ ကျောက်စရစ်အသေးများခင်းပေးနိုင်ပြီး ၊ ကျောက်တုန်းကျောက်ဆောင်တွေ သစ်ဆွေးတုန်းတွေနဲ့အလှဆင်နိုင်ပါတယ် ။ ရေစီးဆင်းမှုပေးနိုင်ဖို့ flow rate နှေးတဲ့ hanging filter , canister filter , wave maker များတပ်ဆင်နိုင်ပါတယ်။ နောက်တစ်ခုက အပူချိန် 15 – 25° C အတွင်းအမြဲရှိနေအောင်ထိန်းပေးဖို့ပါပဲ။ ဒါကြောင့် Fan သို့မဟုတ် chiller တပ်ပေးထားသင့်ပါတယ်။
* အထီးအမခွဲနိုင်ခြင်း = အရွယ်ရောက် အထီးများရဲ့ အရောင်အသွေးကပိုတောက်ပပြီး ကျယ်ပြန့်သော အမြှီးအတောင်‌များရှိပါတယ်။ အမများ ကတော့ ဖျော့တော့သောအရောင်အသွေးနဲ့ အမြှီးအတောင်သေးငယ်ပါတယ်ပါတယ်။
* သားဖောက်ခြင်း = အကယ်၍အထီးရောအမရော အရွယ်ရောက်ပြီဆိုပါက သားဖောက်ကန်သီးသန့်ပြင်ပြီးသားဖောက်နိုင်ပါတယ်။ သားဖောက်ကန်ကိုလဲ အောက်ခံ ချောင်းသဲနဲ့ ပုန်းခိုစရာသစ်ဆွေးတုန်း ကျောက်ဆောင်များထည့်ပေးရပါမယ်။ ထိုသားဖောက်ကန်အတွင်းမှာ အပူချိန် 22 – 25°C ထားပေးရပြီး အထီးနဲ့အမ တစ်စုံထည့်ကာ အစာစို အစာရှင်များ ပြည့်ဝအောငိကျွေးပေးရပါမယ်။ ဥချချိန်မတိုင်ခင်အထိ အထီးသည် အမဘေးနားမှာ လိုက်ကပ်လျက် လျှောက်သွားနေပါမယ် ၊ အမလက်ခံသောအချိန်မှာ Betta ငါးများကဲ့သို့ အထီးအမရစ်ပတ်လျက်ဥညှစ်ချပါတယ်။
တစ်ခါညှစ်ချပြီးတိုင်း ကန်အနှံ့လျောက်သွားကာ နောက်ထပ်ဥညှစ်ဖို့ရန်နေရာရှာပါတယ်။ ထိုအပြုအမူများမတွေ့ရတော့ပါက အထီးအမဖယ်ကာ ဥများသီးသန့် airpump‌ေပးထားရပါမယ်။ 2 – 3ရက်အတွင်းမှာအကောင်ပေါက်ပြီး ထိုငါးပေါက်များဟာ အခြားသားပေါက်များနှင့်မတူဘဲ အလွန်သေးငယ်၍ infusoria ကဲ့သို့ ဇီဝသက်ရှိလေးများကျွေးရပါမယ် ၊ အကောင်ပေါက်အနည်းငယ်ကြီးလာပါက အာသီးမီးယား ၊ ရေတီ ၊ ရေပိုးများဖြင့် ဆက်လက်ပျိုးထောင်နိုင်ပါပြီ။
* အခြားအရောင်များ = Blue Dario ကိုတွေ့ရှိရပြီ မြန်မာမျိုးရင်းမဟုတ်ပါဘူး။
* အခြားမျိုးကွဲများ = —-
* ဆောင်ရန်ရှောင်ရန် = အရေးကြီးဆုံးအချက်က ကန် အပူချိန် ၊ pH နဲ့ အစားရွေးချယ်တာ မှန်ကန်ဖို့လိုအပ်ပါတယ်။