စိတ်ဒဏ်ရာတွေကို ကုစားပေးဖို့ အကောင်းဆုံးဆေးဝါးဆိုတာ ရှိနိုင်မလား ?
အကြောင်းရင်းပေါင်းစုံနဲ့ နာကျင်ခံစားကြရတဲ့အခါ ဒီနာကျင်မှုတွေကို ပြေလည်သက်သာစေဖို့ ကုသလို့ရတဲ့ ဆေးက ရှားပါတယ် ။ ရောဂါကြောင့်ဖြစ်တာတွေကို ဆေးတွေက သက်သာလာနိုင်စေပေမယ့် စိတ်ကြောင့်ဖြစ်လာတာတွေကို ကိုယ့်စိတ်ကပဲ ပြန်လည်ကုစားနိုင်ဖို့ လုပ်ပေးနိုင်စွမ်းရှိတာပါ။
သိပ်အရေးမကြီးတဲ့ ကိစ္စမျိုးတွေဆိုရင် အိပ်ပျော်အောင်အိပ်လိုက်ရင် မနက်ကျရင် ဒီစိတ်ခံစားချက်က သက်သာသယောင်ဖြစ်သွားရတာတွေရှိပါတယ် ။
စိတ်ခံစားမှုအရမ်းများရတဲ့ ကိစ္စတွေဆိုရင်တော့ အိပ်ပျော်အောင်အိပ်ဖို့တောင် အတော်ကို ခက်ခဲလှပါတယ် ။ ဒီတော့ အိပ်လို့မပျော်ရင် မနက်ခင်းမလန်းမဆန်းဖြစ်ရတော့ ဒီစိတ်ခံစားမှုကြီးက မသက်သာတဲ့အပြင် ပိုတိုးသယောင်ဖြစ်စေပါတယ်။
ဒါပေမယ့်လည်း ဒီအတွေးတွေကို ထပ်တလဲလဲထိုင်တွေးနေမိရင် နာကျင်ရတဲ့စိတ်က မသက်သာလာတဲ့အပြင် ပိုပိုပြီး ဆိုးရွားလာပါလိမ့်မယ် ။ ဒီတော့ ဆက်မတွေးပဲ ဒီခံစားခဲ့ရတာကို စိတ်ထဲက လုပ်ပစ်ဖို့အပြင် ပြန်မတွေးမိအောင် ၊ ပြန်မခံစားမိအောင် နေကြည့်ဖို့ အရင်ဆုံးကြိုးစားကြည့်ရပါတယ်။
ပြီးရင် အသိပညာတိုးတက်စေတဲ့ အကြောင်းရာပါဝင်တဲ့ ဟောပြောပွဲမျိုးတွေ ၊ Healing ဖြစ်စေမယ့် တရားတွေနာကြည့်ပါ ။ စိတ်ခံစားမှုကြောင့် ရပ်တန့်ထားမိတဲ့ အလုပ်တွေကို ပြန်လုပ်ပါ။ ဖွထားတဲ့ ဗီဒိုရှင်းကြည့်ပါ။ အိမ်သန့်ရှင်းရေးလုပ်ကြည့်ပါ ။ ကိုယ့်ကိုယ်ကို ပြန်လည် လန်းဆန်းတက်ကြွဖို့ Activity တစ်ခုခုလုပ်ကြည့်ပါ ။ Healing song လေးဖွင့်ရင်း စာဖတ်ကြည့်ပါ။
ဒီလိုပဲ စိတ်ကိုကိုယ်လိုအပ်သလို ပုံသွင်းပြီး ကောင်းတဲ့ဘက်ကိုဦးတည်တွေးဖို့ သတိပေးရင်း ဆက်ထိန်းသွားရင်တော့ ကိုယ်ခံစားရတဲ့ အကြောင်းအရာတွေကနေ အမြန်ဆုံးလွတ်မြောက်နိုင်မှာဖြစ်ပါတယ် ။
—— မာရင်ရင်
