အခုမြင်တွေ့ရတာကတော့ protostar လို့ခေါ်တဲ့ ကြယ်တစ်လုံးမဖြစ်ပေါ်ခင်မှာ အရင်ဖြစ်ပေါ်နေတဲ့ ကြယ်ပျို /ကြယ်သန္ဓေ(proto-star) တစ်လုံးရဲ့ ပုံရိပ်ပဲဖြစ်ပါတယ်။
ဒီကြယ်သစ်ဖြစ်ပေါ်နေတဲ့နေရာကတော့ ကမ္ဘာနဲ့ အလင်းနှစ် ၅၀၀ ခန့်အကွာ Taurus ကြယ်တာရာစုအတွင်းမှာတည်ရှိနေတာ ဖြစ်ပြီး သူ့ဖြစ်ပေါ်နေတဲ့နေရာနားမှာလည်းနောက်ထပ် အရံဂြိုလ်များဖြစ်ပေါ်မယ့် planetary disc လို့ခေါ်တဲ့ ဂြိုလ်ပတ်ကွင်းများကလည်း ဝိုင်းရံပြီးရှိနေပါတယ်။
အခုလိုဂြိုလ်ပတ်ကွင်းများ ဖြစ်ပေါ်ပြီးတည်ရှိနေတဲ့ အရွယ်အစားဟာ နေအဖွဲ့အစည်းတစ်ခုလုံးရဲ့ ပမာဏ အရွယ်အစားထက်တောင်ကြီးနေပြီး ကီလိုမီတာ အားဖြင့် သန်းပေါင်း ၆၅ ဘီလျံ ခန့်ရှိနိုင်တယ်လို့ တွက်ချက်ထားကြပါတယ်။
ကြယ်သန္ဓေလောင်းအဆင့်မှာသာ ရှိနေသေးတဲ့ အတွက် အခုလက်ရှိအချိန်အထိကို ကြယ်စင်တစ်စင်း ဖြစ်ပေါ်ဖို့ လိုအပ်တဲ့ အဆင့်ဖြစ်တဲ့ ကြယ်စင်ရဲ့ အတွင်း ဗဟိုမှာ Hydrogen fusion ( ဟိုက်ဒရိုဂျင် အက်တမ်များကို ပေါင်းစပ်ခြင်း) များကို မလုပ်နိုင်သေးပဲ မိခင်ဓါတ်ငွေ့တိမ်တိုက် (nebula ) မှ ဒြပ်ထုနဲ့ ဓာတ်ငွေ့များကို စုဆောင်းနေဆဲအဆင့်သာဖြစ်ပါတယ်။Hydrogen ပေါင်းစပ်ခြင်းများစတင်လုပ်ဆောင် နိုင်ဖို့ လိုအပ်တဲ့ ဒြပ်ထုပမာဏ စုဆောင်းပြီးသွားရင်တော့ ကြယ်တာရာအသစ်တစ်စင်းအဖြစ် မွေးဖွားသန့်စင်လာမှာဖြစ်ပါတယ်။
ဒီလိုစုဆောင်းနေတဲ့ အဆင့်ကိုလည်း လိပ်ပြာတောင်ပံ နှစ်ခုသဖွယ်ဖြစ်နေတာကိုလည်း ပုံမှာ မြင်ရပါလိမ့်မယ်။
ဒီ ကြယ်သန္ဓေလောင်းကိုတော့ နာဆာရဲ့ JWST တယ်လီစကုတ်ကြီးမှ အနီအောက်ရောင်ခြည်သုံး ကင်မရာများနဲ့ ပေါင်းစပ်ရိုက်ကူးခဲ့တာပဲဖြစ်ပါတယ်။သူ့နာမည်ကိုတော့ IRAS 04302+224 လို့ပေးထားပါတယ်။
ညမိုးကောင်းကင်ရဲ့ အထက်မှာ ကျွန်တော်တို့ မသိလိုက်ရပဲ အခုလို ကြယ်တာရာတွေများစွာ ပေါင်းစပ်မှုတွေဖြစ်ပေါ်နေတာကို JWST တယ်လီစကုတ်နဲ့ အခြား အာကာသဆိုင်ရာ အချက်အလက်များကနေ တဆင့် အခုလို သိရှိခဲ့ရတာပဲဖြစ်ပါတယ်။
