လူတစ်ယောက်ကို အများကြီး မချစ်ပြနဲ့တဲ့
အများကြီး ချစ်ပြလိုက်တာနဲ့ အကျိုးဆက်က
နောက်ဆုံးမှာ ပစ်ချခံရမှာတဲ့ ။
ကျွန်မကတော့ အဲဒီ အယူအဆကို
လက်မခံပါဘူး ။
ချစ်ပြပေးနိုင်တယ်
ချစ်ပေးနိုင်တယ်
ဘယ်လောက်အထိ ချစ်မြတ်နိုးကြောင်း
ထုတ်ဖော်ရတာကို ကြိုက်တယ် ..
အသစ်ရှာသွားလို့ဖြစ်ဖြစ်
အသစ်တွေ့သွားဖြစ်ဖြစ်
ရိုးအီသွားလို့ဖြစ်ဖြစ်
အချစ်တစ်ခုရဲ့ အဆုံးသတ်မှာ
အပေါ့ပါးဆုံးက
အစွမ်းကုန် ချစ်ပေးလိုက်ကြတဲ့သူတွေပဲ မဟုတ်လား ။
အချိန်ကြာလေလေ
ကိုယ်ပေးခဲ့တဲ့ အချစ်တွေကို မြင်လာလေလေ
ကိုယ်က ပိုပြီးတော့ ပြတ်သားနိုင်လေလေပဲ
အဲဒါနဲ့ ဆန့်ကျင်ဘက်က တော့
အဲလောက်အထိ အချစ်ခံရတာကို
တန်ဖိုးမထားမိခဲ့တဲ့ ဘက်ကပေါ့
အချိန်ကြာလေလေ နောင်တ ရလေလေ
ကိုယ့်ကိုယ်ကိုယ် အပြစ်တင်မိလေလေ
နောက်ဆုံးမှာ
တစ်ဖက်က သူနဲ့ ထပ်တူကျတဲ့အချစ်ကို တွေ့ပြီး
ပျော်ရွှင်ရတာ မြင်ရလေလေ
ဒီတစ်ဖက်မှာတော့ ယူကျုံးမရ ဖြစ်ရလေလေပေါ့။
အချစ်မှာ ချစ်ပေးလိုက်လို့ နစ်နာသွားတာမရှိပါဘူး
ပြန်မချစ်ပေးခဲ့လိုက်ရလို့
ပြန်ပြီး ဂရုမစိုက်ပေးခဲ့လိုက်ရလို့
နောင်တတွေနဲ့ ရှင်သန်သွားရတာပဲရှိတယ် ။
အချစ်ကို ချစ်ပါ
ရိုးသားစွာချစ်ပါ
အချစ်ခံနေရရင် တန်ဖိုးထားပါ
သိပ်ကို ချစ်တတ်လွန်းသူရဲ့
အခြားတစ်ဖက်ဟာ
ပြတ်သားနိုင်ခြင်းပဲမို့
စိတ်နာသွားအောင် မသင်ပြပါနဲ့
အချစ်ကို မြဲအောင်ပဲ
အပြန်အလှန် တန်ဖိုးထားပေးပါ ။
