အကယ်၍ များ ကလောမြို့ကို
အလည်တစ်ခေါက်ရောက်ခဲ့ရင်
ကလောမြို့နဲ့ ကလောမြို့
ပတ်ဝန်းကျင်က
တောတောင်သဘာဝရှုခင်းလေးတွေနဲ့
အမှတ်တရ ဓာတ်ပုံလှလှလေးတွေ
ရိုက်လို့ ကောင်းတဲ့နေရာလေးတွေကို
ပြောပြချင်ပါတယ်
(၁)ရှန်ဘာလာ ကလော ရေယောင်းမ
view point
ကလောကနေ နာရီဝက်လောက်
သွားရတဲ့ ရေယောင်းမ ဆိုတဲ့
နေရာမှာ ရှိပါတယ်
တောတောင်ရှုခင်းတွေနဲ့ ရိုက်ရမှာပါ
(၂) City View
ကလောမြို့ သုမောင် ထမင်းဆိုင်ဘေး
သိမ်တောင်အပေါ်ကို တက်တဲ့ လမ်းကနေသွားရပါတယ် မြို့ရှုခင်းရော
တောတောင်ရှုခင်းတွေနဲ့ပါ
ရိုက်လို့ရမှာပါ စားသောက်ဆိုင်လဲ
ရှိပါတယ်
(၃)မနောလှ
City View ကိုသွားတဲ့
လမ်းကနေတဆင့် သွားရတာပါ
(၄)သိမ်တောင်
ပရိယတ္တိစာသင်တိုက်ကြီးပါ
ကားရပ်နားတဲ့ ကွင်းထဲကနေ
ကလောမြို့ရဲ့ တမြို့လုံးကို မြင်ရပါတယ်
(၅)Hill top Villa
Sunset View လေးကြည့်ရင်း
မြို့နဲ့ တောတောင်ရှုခင်းလေးတွေကို
ဓာတ်ပုံရိုက်လို့ရပါတယ်
(၆)Kalaw View point
နှီးဘုရားဘေးလမ်းကနေပြီး
တောလမ်းအတိုင်း နာရီဝက်လောက်
သွားရပါတယ် လမ်းမကောင်းပေမဲ့
ရှု့ခင်းလေးတွေက လှပါတယ်
(၇) Kalaw Cafeyard
နှီးဘုရားဘေးလမ်းကပဲ သွားရပါတယ်
ကွက်သစ်ထဲမှာရှိပါတယ်
ဓာတ်ပုံရိုက်လို့ကောင်းတဲ့ နေရာလေးပါ
(၈) အိုးစည်တောင်
တိမ်ပင်လယ်ကြည့်လို့ရသလို
ကလောမြို့လေးကိုလဲ အပေါ်စီးက
လှပစွာနဲ့ မြင်ရမှာပါ
ကလောမြို့ ဆိုင်းဘုတ်နားကနေ
သွားရပါတယ်
(၉) ဗျိုက်တောင်
ကလော အောင်ပန်း တိုးလ်ဂိတ်အကျော်
လမ်းခွဲကနေ လွိုင်ကော်ကို သွားတဲ့လမ်းအတိုင်း ၁၅ မိနစ်လောက်သွားရင်
ရောက်ပါတယ် ရှုခင်းတွေ လှပါတယ်
(၁၀) ပင်းဒယ၊ရွာငံအသွားလမ်း
ဆောင်းရာသီ ရောက်ရင်
ပန်းနှမ်းခင်းအဝါရောင်လေးတွေ
ဆီမုန်ညှင်းအဖြူလေးတွေ
နေကြာရိုင်းတွေနဲ့ ဓာတ်ပုံရိုက်လို့ ရပါတယ်
(၁၁) မြင်းမူကုန်း
ရွာငံ ပင်းဒယ လမ်းခွဲမှာ
ရွာငံလမ်းအတိုင်းလာရင်
ရောက်ပါတယ်
ဓာတ်ပုံဆရာ တွေ အရမ်းကြိုက်တဲ့
ရှုခင်းလေးတွေရှိပါတယ်
ဆက်သွားရင် ယူကလစ်ပင်တန်းတွေနဲ့
ဓာတ်ပုံရိုက်လို့ကောင်းတဲ့ နေရာလေး
ရှိပါတယ်
(၁၂)အလွမ်းတောင်
ရွာငံလမ်းနဲ့ ပင်းဒယလမ်းကို
ဆက်ထားတဲ့ပွေးပြတ်လမ်း မှာ
ရှိပါတယ်
ဆောင်းတွင်းဆို အရမ်းလှတဲ့ နေရာပါ
အဲဒီလမ်းက ယူကလစ်ပင်တန်းကလဲ
ရွာငံက ယူကလစ်ပင်တန်းလိုပဲ လှပါတယ်
(၁၃) အောင်ပန်းမြို့မှာလဲ
တိမ်ပင်လယ် ရှိတဲ့ နေရာတွေ
ရှုခင်းကောင်းတဲ့ နေရာတွေရှိပေမဲ့
မရောက်ဖူးလို့ မပြောတတ်ပါဘူး
(၁၄) ဟဲဟိုးနားက
လင့်ရိုဘာကား လေးနဲ့ ဖွင့်ထားတဲ့
JAK Coffee ဆိုင်လေးရှိတဲ့ view point
နေရာလေးမှာလဲ တိမ်ပင်လယ် ကြည့်
ရှု့ခင်းတွေ ဓာတ်ပုံရိုက်လို့ရသလို
ဘဝသံသရာတံတား မှာလဲ
ဓာတ်ပုံရိုက်လို့ လှပါတယ်
(၁၅) တောင်မင်းကြီးခုံပြာ View point
City view သွားတဲ့ လမ်းကနေ
မနောလှဘုရားကို သွားတဲ့လမ်းမှာ
ရှိပါတယ် ဓာတ်ပုံ ရိုက်လို့လှပါတယ်
သိသလောက်လေး မျှဝေတာပါ
ကျန်တဲ့နေရာလေးတွေလည်းထပ်ပြီးဖော်ပြပေးပါဦးမယ်နော်❤️
.
ကိုကိုဦး(စာသား)
Crd to#popular Paoh Stars