နေ့တိုင်း လေ့ကျင့်ရမလား၊ ဘယ်နှစ်ရက် နားရမလဲ မေးတတ်ကြပါတယ်။
🧘 အဖြေကတော့ လေ့ကျင့်သူက ကိုယ့်ကိုယ်ကို သုံးသပ်ရပါမယ်။ နေ့တိုင်း လေ့ကျင့်ဖို့ ဝန်ပိနေလား၊ အချိန် ပေးနိုင်မှု၊ ပင်ပန်းတာ ခံနိုင်ရည်၊ လေ့ကျင့်ခန်းတွေ လုပ်ခဲ့တဲ့ အလေ့အကျင့် စသဖြင့် တယောက်နဲ့ တယောက် မတူကြပါဘူး။
🧘 ကိုယ်က နေ့တိုင်း လေ့ကျင့်နိုင်တယ်။ အချိန်လည်း ပေးနိုင်တယ်။ နေ့တိုင်း လေ့ကျင့်ရင် ပိုပြီး နေလို့ ထိုင်လို့ ကောင်းတယ်။ ပိုကျန်းမာတယ်လို့ ခံစားရသူတွေက နေ့တိုင်း လေ့ကျင့်ပေးပါ။ ( အကွက်တွေ မြန်မြန် ရချင်ဇောနဲ့ အပြင်းအထန် လေ့ကျင့်တာတွေကိုတော့ ရှောင်စေချင်ပါတယ်။)
🧘 နေ့တိုင်း လေ့ကျင့်ဖို့ အချိန်ကော ပင်ပန်းမှုကော ဝန်ပိတယ်လို့ ခံစားရသူတွေက တပတ်မှာ ၆ရက်၊ ၅ရက်၊ ၄ရက် စသဖြင့် ကိုယ့်အခြေအနေပေါ် မူတည်ပြီး ကိုယ်အဆင်ပြေသလို လေ့ကျင့်လို့ ရပါတယ်ရှင့်။
🧘 ခုမှ ယောဂ စလေ့ကျင့်သူတွေက တပတ်မှာ ၃ရက် ၄ရက် ကနေ စလေ့ကျင့်ပေးလို့ ရပါတယ်ရှင့်။ တစိုက်မတ်မတ် လေ့ကျင့်တာ နှစ်ချီ ကြာလာရင် နေ့တိုင်း လေ့ကျင့်ချင်စိတ် ဖြစ်လာပါမယ်ရှင့်။
🧘 အမြဲ ကျန်းမာ လှပနေဖို့ ယောဂ လေ့ကျင့်ကြမယ်။
