#မဖတ်ရမြဲတတ်သည် #ရာဇာဝိဇယ
၂၁ရာစုရဲ့ ပွင့်လင်းမြင်သာတဲ့ Relationship ကို background ထားပြီး မိန်းခလေးတွေဖက်က အမြင်ရယ် ယောကျ်ားလေးတွေရဲ့ တွေးခေါ်စဉ်းစားပုံတွေရယ်ကို ရှင်းရှင်း ဘွင်းဘွင်းကြီး အရှိကိုအရှိအတိုင်း ချပြထားတဲ့ စာအုပ်ပါ။
အခန်း (၂၉)ခန်းပါပါတယ်။

ကျွန်တော်ကတော့ စာအုပ်ထဲမှာမိန်းကလေးတွေရဲ့ တွေးခေါ်ပုံတွေကို စာရေးသူသုံးသပ်ပြထားတာက ၉၀%ရာခိုင်နှုန်းလောက် မှန်တယ်လို့ပြောချင်ပါတယ်။

ဒါပေမယ့် ဆန့်ကျင်ဘက်လိင် ရဲ့တွေးခေါ်ပုံတွေကို ဒီလိုတွေးခေါ်တတ်ပါလားဆိုတာ စိတ်ထဲက ကြိုတင်တွေးထားမိတတ်ပေမယ့် စာရေးသူက ငါတို့ ယောကျ်ားထုကြီး ဒီလိုတွေးတတ်ကြပါတယ်ဆိုတာ စာအုပ်လိုက်ကြီး အတည်ချပြလာတော့ စာအုပ်ဖတ်နေရင်း a bit shocked & emotional ဖြစ်ရပါတယ်။

တကယ်နှစ်ရှည်လများတွဲလာတဲ့ RS တွေ အတွက် အဖတ်သင့်ဆုံး စာအုပ်ပါ။ မှတ်ချက်။ ။ အသက် ၁၂နှစ် အောက် ကလေးတွေနဲ့ ကိုယ့်ရဲ့ partner ဘေးမှာ ရှိတဲ့ အချိန် ဒီစာအုပ် မဖတ်သင့်ဘူးလို့ စာရေးသူက မှာထားပါတယ် ။(နှောင်ဂျိန်ပလေး ချင်ရင်တော့ မတားလိုပါ (kidding 😛)
ပြီးတော့ ရှေးရိုးစွဲ ဒါမှဒါပဲ ဆိုတဲ့ culture က အရမ်းလွှမ်းမိုးခံထားရတဲ့သူတွေဆိုလည်း စာအုပ်ထဲက အကြောင်းရာတွေက ယုန်တောင်ပြေး ခွေးမြောက်လိုက် ဖြစ်နေမှာပါ။

စာအုပ်တန်ဖိုး (၇၀၀၀)ကျပ် ဆိုပေမယ့်
အဲ့ထက်အများကြီးတန်တဲ့ ဗဟုသုတတွေရလို့ ဖတ်ရတာ တကယ်တန်တဲ့ စာအုပ်လို့ညွှန်းချင်ပါတယ်။
“#self_esteem “ဆိုတဲ့ ခေါင်းစဉ်လေးထဲက စာသားလေးတွေကို နှစ်ခြိုက်လွန်းလို့ အနည်းငယ် spoil လိုက်ပါတယ်။
“Confidence ရှိသူဟာ ငါဘာကောင်ကြီးလို့ ပြောပါမယ်။Esteem သမားကတော့ ကျွန်တော်ဘာကောင်ကြီးလဲဆိုတာ အရေးမကြီးပါဘူးလို့ နှိမ့်ချပါမယ်။
ဒါမှမဟုတ် ကျွန်တော်က ဘာကောင်မှ မဟုတ်ပေမယ့် ခင်ဗျားဘာကောင်ကြီးဖြစ်နေနေ မကြောက်ပါဘူးလို့ ရဲရင့်ပါမယ်။
Confidence သမားက တစ်နေ့ ငါပလ္လင်ပေါ် ထိုင်နိုင်ရမယ်လို့ ကြွေးကြော်ပါတယ်။
မလိုအပ်တဲ့အခါ ကြမ်းပြင်ပေါ်မှာ သက်တောင့်သက်သာ ဆင်းထိုင်နိုင်ပြီး လိုအပ်တဲ့အခါ ပလ္လင်ပေါ်မှာ သက်တောင့်သက်သာ တက်ထိုင်နိုင်တာကိုတော့ self esteem ကောင်းတယ်လို့ခေါ်ပါတယ်။

ဒီအချိန် အရေးတော်ပုံ ကာလအတွင်း စိတ်တွေမွန်းကြပ်လာခဲ့သည်ရှိသော် စာအုပ်လေးတွေကို အဖော်ပြုဖို့ သတိရပါ။📚❤

Book Review By- Htet
📖🌿(ခွင့်ပြုချက်ယူပြီး)
------------