ယူရေနီယမ် သန့်စင်အောင် ပြုလုပ်ခြင်း (Uranium Enrichment) ဆိုတာ ဘာလဲ?
နျူကလီးယားစွမ်းအင်အကြောင်း ပြောရင် မပါမဖြစ် သိထားရမယ့် အကြောင်းအရာတစ်ခုကတော့ ယူရေနီယမ်ကို သန့်စင်အောင် ပြုလုပ်တဲ့ (Uranium Enrichment) လုပ်ငန်းစဉ်ပဲ ဖြစ်ပါတယ်။
ဒီလုပ်ငန်းစဉ်က နျူကလီးယား ဓာတ်အားပေးစက်ရုံတွေအတွက် လိုအပ်တဲ့ နျူကလီးယားလောင်စာ ကို ထုတ်လုပ်ပေးသလို၊ နျူကလီးယားလက်နက်တွေ ဖန်တီးရာမှာလည်း အဓိက အခန်းကဏ္ဍကနေ ပါဝင်ပါတယ်။
ဒါဆိုရင် ဒီလုပ်ငန်းစဉ်က ဘာလဲ၊ ဘာကြောင့် လုပ်ဆောင်ရတာလဲ၊ ဘယ်လိုနည်းလမ်းတွေနဲ့ လုပ်ဆောင်ကြသလဲဆိုတာကို လေ့လာကြည့်ကြရအောင်ပါ။
ဒီနေရာမှာ တစ်ခုပြောချင်တာက ဒီအကြောင်းအရာကို အများပြည်သူအတွက် ဗဟုသုတရရုံလောက်ပဲ ရည်ရွယ်တာမို့ အသေးစိတ်လိုအပ်ချက်တွေကို မရှင်းပြထားပါဘူး။နျူကလီးယားလောင်စာထုတ်လုပ်နိုင်ရင် လူသုံးလျှပ်စစ်စွမ်းအင်အတွက်လိုအပ်ချက်ဖြည့်ဆည်းပေးနိုင်တယ်ဆိုတာရယ် နည်းပညာတိုးတက်စေနိုင်ဖို့အတွက်ရယ် အထောက်အကူဖြစ်စေဖို့ရည်ရွယ်ချက်နဲ့ရေးထားတာသာ ဖြစ်ပါတယ်။
