၂ နာရီ အတွင်း ၁၀ ကီလိုမီတာ အပြေးပြိုင်ခဲ့တဲ့ အသက် ၉၁ နှစ်အဘိုးအို
အရမ်းအသက်ကြီးရင် အမောမခံနိုင်လို့ အပြေးမပြိုင်နိုင်လောက်ဘူးလို့ ထင်ကြတယ်မလား။ အသက် ၉၁ နှစ်အရွယ် အဘိုးအို အုန်ကင်ဟွာကတော့ အသက်ကြီးလည်းပဲ အပြေးပြိုင်နိုင်ဆိုတာကို သက်သေပြလိုက်ပါတယ်။ အဘိုးဟာ ဩဂုတ်လ ၁၇ ရက်နေ့က Petaling Jaya Half Marathon ပြိုင်ပွဲရဲ့ 10km Men's Senior Veteran အမျိုးအစားမှာ ဝင်ရောက်ယှဉ်ပြိုင်ခဲ့တာပါ။
အဘိုးက ၁ နာရီနဲ့ ၄၆ မိနစ်အတွင်း အပြေးပြိုင်နိုင်ခဲ့ပါတယ်။ အသက် ၅၅ နှစ်နဲ့ အထက်ယှဉ်ပြိုင်ရတဲ့ အဲ့ဒီပြိုင်ပွဲအမျိုးအစားမှာ ပါဝင်ယှဉ်ပြိုင်သူ ၁၂၇ ဦးရှိခဲ့ပြီး နံပါတ် ၁၁၈ နေရာရခဲ့ပါတယ်။ ပြိုင်ပွဲတစ်ခုလုံးဆိုရင်တော့ ပါဝင်ယှဉ်ပြိုင်သူ စုစုပေါင်း ၁၄၂၂ ဦးရှိခဲ့ပြီး အဲ့ဒီအထဲမှာ အဘိုးက နံပါတ် ၁၂၉၆ နေရာမှာ ရပ်တည်ခဲ့ပါတယ်။
အဘိုးက နောက်ထပ်ပြိုင်ပွဲတွေမှာ ပါဝင်ယှဉ်ပြိုင်ဖို့ စီစဉ်နေပါတယ်။ Petaling Jaya Half Marathonက သူ ပထမဆုံးပါဝင်ယှဉ်ပြိုင်တဲ့ အပြေးပြိုင်ပွဲမဟုတ်ပါဘူး။ ဩဂုတ်လ ၁၀ ရက်မတိုင်ခင် ၁ ပတ်အလိုလောက်က IJM Land Half Marathon ရဲ့ 12km Men's Open အမျိုးအစားမှာ ပါဝင်ယှဉ်ပြိုင်ခဲ့ပါသေးတယ်။