◾️ထိုင်း-မြန်မာနယ်စပ်ရှိ ချစ်ကြည်ရေးတံတားအမှတ် (၂) မြန်မာဘက်မှယာယီပိတ်ထားဟုဆို
ထိုင်း-မြန်မာနယ်စပ်ရှိ ချစ်ကြည်ရေးတံတားအမှတ် (၂) ကို ယနေ့(သြဂုတ် ၁၈ ရက်)နံနက်ပိုင်းတွင် မြန်မာဘက်မှယာယီပိတ်ထားကြောင်း မြဝတီမြို့ရှိဒေသခံများထံမှသိရသည်။
အဆိုပါတံတားပိတ်ထားခြင်းကြောင့် မြန်မာဘက်သို့ပို့ဆောင်မည်ကုန်ကား အစီးရေး ၅၀၀ ခန့် မဲဆောက်တွင်ပိတ်မိနေကြောင်း ဒေသခံတစ်ဦးကပြောသည်။
"အမှတ်(၂) တံတားယာယီပိတ်မယ်ဆိုတာဘယ်သူမှမသိကြဘူး။ ကြေညာထားတာလည်းမရှိဘူး။ ဒီမနက်မှ ရုတ်တရက်ပိတ်လိုက်တာ။ ဘာကြောင့်လဲဆိုတာတော့ဘယ်သူမှအတိကျမသိဘူး။ ကျွန်တော့်အထင် ကန့်သတ်ပစ္စည်းတွေကိုစစ်ဆေးနေတဲ့အတွက် တံတားကိုယာယီပိတ်လိုက်တာထင်တယ်" ဟု ၎င်းကပြောသည်။
ချစ်ကြည်ရေးတံတားအမှက်(၂) ပိတ်ထားခြင်းနှင့်ပတ်သက်ပြီး စက်သုံးဆီများကို တနိုင်တပိုင်သယ်ယူရောင်းချခြင်းများကြောင့်လမ်းပိတ်ခြင်း၊ တရားမဝင်ကုန်တင်ဆောင်ခြင်းကြောင့် ကုန်ကားများကို မဲဆောက်ဘက်တွင်ဖမ်းဆီးထားခြင်း၊ တိုက်ပွဲများကြောင့်အာရှလမ်းပိတ်ထားခြင်းနှင့်ဆက်စပ်ခြင်း စသည်တို့ကြောင့်ဖြစ်သည်ဟု ခန့်မှန်းပြောဆိုမှုများထွက်ပေါ်နေသော်လည်း စံတော်ချိန်ဒစ်ဂျစ်တယ်အနေဖြင့် သီးခြားအတည်ပြုနိုင်ခြင်းမရှိသေးပါ။
သတင်း - ပိုင်လေး
#ပြည်တွင်းသတင်း
