◾️ရွေးကောက်ပွဲ အပိုင်း(၁) အဖြစ် ဒီဇင်ဘာ ၂၈ ရက်တွင်စလုပ်မည်
လွှတ်တော်အသီးသီးအတွက် ပါတီစုံဒီမိုကရေစီရွေးကောက်ပွဲအပိုင်း ၁ အဖြစ် လာမည့် ဒီဇင်ဘာ ၂၈ ရက်တွင် စတင်ပြုလုပ်မည်ဖြစ်ကြောင်း ပြည်ထောင်စုရွေးကောက်ပွဲ ကော်မရှင်က ယနေ့ (ဩဂုတ် ၁၈ ရက်)တွင် ထုတ်ပြန်လိုက်သည်။
ပြည်ထောင်စုရွေးကောက်ပွဲကော်မရှင်က ပြည်ထောင်စုသမ္မတမြန်မာနိုင်ငံတော်၊ ဖွဲ့စည်းပုံအခြေခံဥပဒေ (၂၀၀၈ ခုနှစ်) ပုဒ်မ ၃၉၉ (က)၊ ပြည်ထောင်စုရွေးကောက်ပွဲကော်မရှင် ဥပဒေ ပုဒ်မ ၁၀ ပါ တာဝန်နှင့်လုပ်ပိုင်ခွင့်ကိုကျင့်သုံး၍ သက်ဆိုင်ရာ လွှတ်တော်ရွေးကောက်ပွဲ ဥပဒေ ပုဒ်မ ၃၄ (ဂ) နှင့် နည်းဥပဒေ ၁၆ (က) တို့အရ ကြေညာခြင်းဖြစ်ကြောင်း ထုတ်ပြန်ချက်တွင် ဖော်ပြထားသည်။
ရွေးကောက်ပွဲကို အပိုင်းလိုက်ကျင်းပမည်ဖြစ်ပြီး လာမည့် ဒီဇင်ဘာ ၂၈ ရက်တွင် အထွေထွေ ရွေးကောက်ပွဲ အပိုင်း ၁ ကို စတင်ပြုလုပ်မည်ဖြစ်ပြီး ဆက်လက်ပြုလုပ်မည့် အပိုင်းလိုက်နေ့ရက်များကိုလည်း ထုတ်ပြန်ပေးသွားမည်ဖြစ်ဟု သတ်မှတ်ကြေညာလိုက်ကြောင်း ထုတ်ပြန်ထားသည်။
အဆိုပါ ပြုလုပ်မည့် အပိုင်း ၁ တွင် မည်သည့်မဲဆန္ဒနယ်များပါဝင်သည်ကိုမူ ကြေညာထားခြင်းမရှိသေးပေ။
သတင်း - စံတော်ချိန်ဒစ်ဂျစ်တယ်
#ပြည်တွင်းသတင်း
