#ငါးဥမဆလာချက်
=============
ပါဝင်ပစ္စည်းများ
- ငါးဥ (နှစ်သက်ရာ) - ၄၀ သား
- ကြက်သွန်နီ ကြီးကြီး
- ၄ လုံး
- ခရမ်းချဉ်သီး - ၁ လုံး
- ငရုတ်သီး (အာဝါးသီး) - ၂ တောင့်
- နံနံပင် - ၁ စည်း
- ရှမ်းနံနံ - ၁ စည်း
- မဆလာ - ၁ ဇွန်း (လက်ဖက်ရည် ဇွန်း)
- ဆား/နနွင်း/အရောင်တင်မှုန့်/ရေ - အနည်းငယ်
- ချင်း - ၁ တက်
- ဆီ - ၁၀ သား
- ကြက်သွန်ဖြူ - ၅ မွှာ
Ok ...စမယ်။ လွယ်လွယ်လေးပါ။ အရင်ဆုံးလုပ်ရမှာက အိုး တစ်လုံးထဲမှာ ငါးဥတွေကို အတုံးလိုက် အရင်ပြုတ်ရပါမယ်။ အဲဒါမှ အကြောတင်းသွားမှာမို့ဗျ။ ပြုတ်တဲ့အခါ ချင်းကို ထုထောင်းပြီး ထည့်ရပါမယ်။ ပြီး ဆား နည်းနည်း နဲ့ နနွင်း လက်ဖက်ရည် ဇွန်း ၁ ဇွန်း ထည့်ပြုတ်ရမယ်ခင်ဗျ။ ပြီး ၁၅ မိနစ်လောက်ပြုတ်ပြီးရင် ဓားပါးပါးလေးနဲ့ ထိုးကြည့်။ အကြောမာပြီး ကျက်သွားပြီဆိုရင် အိုးထဲကနေ ဆယ်ပြီး အနေတော် အတုံးလေးတွေ လှီးထားလိုက်ဗျို့။
ပြီးရင် ဆီ ထဲကို ပါးပါးလှီးထားတဲ့ ကြက်သွန်ဖြူ/နီ ထည့်ပြီး ဆီသတ်ပါ။ ပြီးရင် ပါးပါးလှီးထားတဲ့ ခရမ်းချဉ်သီး ကိုထည့်ပါ။ ဆား/နနွင်း/အရောင်တင်မှုန့် လိုသလိုထည့်ပါ။ အနံ့လေးမွှေးပြီး အရောင်လေးလှလာပြီဆို ပြုတ်ထားတဲ့ ငါးဥတွေကို ထည့်ချက်ပါ။ ရေ နို့ဆီဗူး ၁ ဗူးလောက်ထည့်ပြီး နှံ့အောင်မွှေ လို့ ဆက်ချက်ဗျ။ ဆီပြန်ခါနီးပြီဆိုမှ နုပ်နုပ်လေးတွေ လှီးထားတဲ့ နံနံပင်၊ ငရုတ်သီး၊ ရှမ်းနံနံ တွေထည့်ပြီး နှံ့အောင်မွှေ။ နှံ့သွားပြီဆိုမှ မဆလာ လေးဖြူးလိုက်။
ငါးဥ မဆလာ ချဉ်ချဉ်စပ်စပ် မွှေးမွှေးလေးကို ခံတွင်းတွေ့ပါလိမ့်မယ်လေ။ ဝါးလိုက်တိုင်း အိကျိ..အိကျိ လေးက ဖြစ်နေလိုက်သေး 😉 ။
