#မရမ်းသီးငပိထောင်းချဉ်ငံစပ်
==================
==================
ပါ၀င်ပစ္စည်းများ
---
မရမ်းသီးအစိမ်း
ငြုတ်စိမ်းတောင့်
ကြက်သွန်ဖြူ
ကြက်သွန်နီ
ငပိစိမ်းစား အကောင်းစား
ပုဇွန်ခြောက်မှုန့်
ငြူတ်ပုကျက်မှုန့်
---
ပြင်ဆင်ပြုလုပ်နည်း
---
မရမ်းသီးကို ထက်ခြမ်းခွဲ အစေ့ထုတ် ၊ ရေစိမ်ထားပါ ။
ငြုတ်စိမ်းတောင့်များကို အညှာခြွေ ၊ ရေဆေးပြီး ဒယ်အိုးလေးနဲ့ လှော်ထားပါ ။ ကြက်သွန်ဖြူ ကို ထက်ခြမ်းခွဲပြီး လှော်ထားပါ ။ ကြက်သွန်နီ ၃ ဥ လောက် မပြတ်အောင် စိတ်ပြီး ကျက်အောင် မီးကင်ထားပါ ။ ချောင်းသာ ငပိစိမ်းစားအကောင်းစား ယောင်းမမှာ ကပ်ပြီး ကျက်အောင်မီးကင်ထားပါ ။
စထောင်းပါမယ် - ငြုတ်ဆုံထဲကို ငြုတ်သီးစိမ်းလှော်ထားတာ အရင်ထည့်ပါ ။ ညက်ရင် ကြက်သွန်ဖြူ လှော်တာထည့်ထောင်းပါ ။ ညက်ရင် ကြက်သွန်နီမီးကင်ထားတာ ထည့်ထောင်းပါ ။ ညက်ရင် ပုဇွန်ခြောက်မူန့်ထည့့် ။ အချိုမူန့် အနည်းငယ်ထည့်ထောင်းပြီး ငပိစိမ်ိးစားမီးကင်ထည့်ထောင်းပါ ။ အားလုံးသမအောင် ဇွန်းတချောင်းနဲ့ မွှေလိုက်ထောင်းလိုက် လုပ်ပါ ။ ငြုတ်ကျက်မူန့် ထည့်ထောင်းပါ ။ နောက်ဆုံးမှ မရမ်းသီးခွဲခြမ်းတွေ ထည့်ထောင်းပါ ။ အရမ်းညက်အောင် မထောင်းရပါ ။ အရည်တွေထွက်တတ်လို့ မညက်တညက်လောက်ထောင်းပြီးရင် မရမ်းသီးစိမ်းငပိထောင်း ချဉ်ငန်စပ်ရပါပြီ ။ ကြက်သွန်နီနဲ့ မရမ်းသီးပါလို့ အပြင်မှာကြာကြာ ထားစားလို့မခံပါ ။ ရေခဲသေတ္တာထဲ ထည့်ပြီး နည်းနည်းချင်း ထုတ်စားရင် ကြာကြီးထားစားလို့ရပါတယ် ။
