ပါလက်စတိုင်းနိုင်ငံအဖြစ် ဗြိတိန်နဲ့ ပြင်သစ်နည်းတူ ကနေဒါကလည်း အသိအမှတ်ပြုမယ်
တိုရွန်တို၊ ဇူလိုင်-၃၁-၂၀၂၅
ရတီ(VOM)
ကနေဒါဝန်ကြီးချုပ် မာ့ခ်ကာနီကပါလက်စတိုင်းနယ်မြေကို နိုင်ငံအဖြစ် စီစဉ်နေတယ်လို့ အသိအမှတ်ပြုဖို့စီစဉ်နေတယ်လို့ ကနေဒါဝန်ကြီးချုပ် မာ့ခ်ကာနေးကပြောပါတယ်။ ကနေဒါဟာ လာမယ့်ကုလသမဂ္ဂအထွေထွေညီလာခံမှာ ပါလက်စတိုင်းနိုင်ငံကိုတရားဝင် အသိအမှတ်ပြုမယ်လို့ ဆိုပါတယ်။
လက်စတိုင်းအာဏာပိုင်တွေရဲ့အုပ်ချုပ်ရေးပြုပြင်ပြောင်းလဲမှုတွေနဲ့ ဒေသကိုစစ်မဖြစ်အောင်ထိ န်းသိမ်းနိုင်မှုအပေါ်လည်း မူတည်နေတယ်လို့ ဝန်ကြီးချုပ်က ဆိုပါတယ်.။ ကနေဒါဟာ ရှည်လျားတဲ့ငြိမ်းချမ်းရေးလုပ်ငန်းစဉ်ရဲ့ အစိတ်အပိုင်းအနေနဲ့ ဒီပြဿနာကို ဖြေရှင်းဖို့ ကတိကဝတ်ပြုထားတယ်လို့ ဆိုပါတယ်။
ဒီကိစ္စနဲ့ပတ်သက်ပြီး ပါလက်စတိုင်းအာဏာပိုင်အဖွဲ့ အကြီးအကဲ မာမွတ်အဘားစ်နဲ့ ဆွေးနွေးခဲ့တယ်လို့ ဆိုပါတယ်။ ဗြိတိန်ကလည်း ပါလက်စတိုင်းနိုင်ငံကို စက်တင်ဘာလမှာ အသိအမှတ်ပြုမယ်လို့ကြေညာထားပြီး ပြင်သစ်ကလည်းအလားတူအစီအစဉ်ကိုထုတ်ဖော်ပြေားကြားထားပါတယ်။
အစ္စရေးနိုင်ငံခြားရေးဝန်ကြီးဌာနကတော့ ကနေဒါရဲ့ကြေညာချက်ကို ဒါဟာ ဟားမတ်စ်တို့ကို ထောက်ခံအားပေးတယ်လို့ ဝေဖန်ပါတယ်။ ကုလသမဂ္ဂအဖွဲ့ဝင်၁၉၃နိုင်ငံထဲက ၁၄၇နိုင်ငံဟာ ပါလက်စတိုင်းနိုင်ငံကို တရားဝင်အသိအမှတ်ပြုထားပါတယ်။
အနောက်ဘက်ကမ်းမှာ အစ္စရေးရဲ့နယ်ချဲ့မှုတွေ၊ ဂါဇာမှာ ပိုဆိုးလာတဲ့ လူသားချင်းစာနာထောက်ထားမှု အခြေအနေနဲ့ ၂၀၂၃ခုနှစ်အောက်တိုဘာ၇ရက်နေ့မှာ ဟားမတ်စ်ကအစ္စရေးကိုတိုက်ခိုက်မှုတွေက ကနေဒါရဲ့နိုင်ငံခြားရေးမူဝါဒ အပြောင်းအလဲကြီးနောက်ကွယ်က အကြောင်းရင်းတွေလို့ ကနေဒါဝန်ကြီးချုပ်က ပြောပါတယ်။
လတ်တလောမှာတော့ ဂါဇာအတွက် အမေရိကန်နဲ့ အစ္စရေးတို့ရဲ့ စားနပ်ရိက္ခာဖြန့်ဖြူးမှုနဲ့ မလုံမလောက်မှုတွေကြောင့် အာဟာရချို့တဲ့သေဆုံးသူအရေအတွက် မြင့်တက်လာကြောင်း အကူအညီပေးရေးအဖွဲ့တွေက သတိပေးထားပါတယ်။
Ref:BBC