တည်ငြိမ်ခြင်းဆိုတာဟာလည်း ကျွန်တော်တို့ ဘဝတွေအတွက် တကယ့်ကို အခရာကျတဲ့အချက် ဖြစ်ပါတယ် ။
ကျွန်တော့်ရဲ့အပျော်ရွှင်ဆုံးနဲ့ အလုပ်ဖြစ်ဆုံးအခိုက်အတန့်တွေဟာလည်း အဲဒီတည်ငြိမ်ခြင်းနဲ့ လက်ရှိအခိုက်အတန့် တွေမှာ တည်ရှိခြင်းကနေသာ လာတာဖြစ်လို့ပါပဲ ။
တည်ငြိမ်ခြင်းဆိုတဲ့နေရာမှာ အလျင်စလိုဖြစ်ခြင်း ၊ အာရုံပျက်ပြားခြင်းတို့လို အရာတွေမပါဘူး ။ တည်ငြိမ်ခြင်းဆိုတာဟာ ကျွန်တော့်ကိုယ်ကျွန်တော် ၊ ကျွန်တော့် ပတ်ဝန်းကျင် ၊ ချစ်ရသူ ၊ သူငယ်ချင်းမိတ်ဆွေ ၊ မိသားစုစတာတွေနဲ့လည်း ချိတ်ဆက်ပေးနိုင်စွမ်းရှိတယ် ။
ဒီနေ့ခေတ်ကမ္ဘာကြီးဟာ ဆူညံသံတွေ အရမ်းများလာပါတယ် ။ မောပန်းစရာတွေ ပေါလာတယ် ။ အတွေးလွန်မှုတွေ ခေတ်စားလာတယ် ။ ဒါကြောင့် မိတ်ဆွေတို့အနေနဲ့ ခဏလေးရပ်သင့်ရင် ရပ်ဖို့ ၊ အခိုက်အတန့်ကို ခံစားဖို့ ၊ ချစ်ရသူတွေကို ပြန်ကြည့်ပေးဖို့ ၊ ငါဘယ်လောက်ရောက်ခဲ့ပြီးလဲ ငါ ဘယ်လောက်ဆက်သွားရဦးမှာလဲဆိုတာတွေကို တွက်ချက်ကြည့်ဖို့ ၊ တည်ငြိမ်ဖို့ ပစ္စုပ္ပန်မှာ အတတ်နိုင်ဆုံးနေထိုင်နိုင်ဖို့ စတာတွေကို ကြိုးစားကြဖို့ လိုပါတယ်။
နိုင်ဦး - ၁၁၉
